BFÖ-blaðið - 01.12.1988, Blaðsíða 3
Árni Gunnarsson:
Bjórinn og bíllinn
í mars á næsta ári ganga í gildi hér á landi
ný lög um sölu á sterkum bjór. Þessi áfengis-
tegund mun að líkindum breyta mjög
drykkjuvenjum og drykkjusiðum íslendinga.
í byrjun mun áfengisneysla aukast til muna,
og til lengri tíma litið eykst heildarneysla
áfengis.
Flestir fræðimenn telja bjór „lúmskustu“
tegund áfengis, sem neytt er. Ástæðurnar eru
margvíslegar. Margir telja eðlismun á því, að
fá sér einn bjór fremur en blöndu af sterku
áfengi. Neyslutíðnin eykst svo og sídrykkja.
Þá er sú barnalega kenning landlæg, að bjór
sé ekki áfengi, miklu heldur svaladrykkur.
Bjórdrykkjan mun koma víða fram í dag-
legu lífi einstaklinganna. Því má slá föstu, að
ölvunarakstur aukist til muna. Þar ræður
mestu sú skoðun, að einn eða tveir bjórar
skaði ekki og dragi ekki úr aksturshæfni
manna. Þessi bábilja og sjálfsblekking er
þekkt fyrirbæri frá bjórdrykkjulöndum, þar
sem ölvunarakstur er margfalt meiri en hér.
Löggjafarvaldið verður þegar í stað að
bregðast við þessari hættu með því að herða
ákvæði umferðarlaga um vínandamagn í
blóði. Þá verður framkvæmdavaldið að leggja
upp í fræðsluherferð til að gera almenningi
grein fyrir áhrifum og hættum bjórneyslu.
Ástæða aðgerða er því meiri, þegar þess er
gætt, að óvíða í heiminum er „þílismi“ meiri
en á íslandi.
Nauðsynlegt er að setja lög, sem taka af all-
an vafa um það hvenær menn mega aka bif-
reið eftir að hafa neytt áfengis, hvort sem það
er bjór, létt vín eða sterkir drykkir. Eðlilegast
Forsíðumyndin var tekin á Lækjartorgi í Reykjavík 12. nóvem-
ber s.l. þegar þúsundir borgarbúa mættu á útifund eftir hóp-
göngu frá Hlemmi í þeim tilgangi að berjast gegn slysum í
umferðinni. Nemendur í skólum borgarinnar höfðu teiknað
kröfuspjöld sem mörg voru mjög frumleg. Nokkur dæmi skulu
hér nefnd: Bíllinn er betri bensínlaus. Ökum hægar - lifum
lengur. Umferðin er stundum óð, en ætti alltaf að vera góð.
Gangandi og akandi, verum vakandi. Minni hraði, enginn skaði.
Við viljum lifa. En einlægasta kröfuspjaldið bar ungur drengur. Á
því stóð: „Ekki keira hart“.
væri að breyta 45. grein umferðarlaganna,
sem íjallar um ölvunarakstur, í þá veru, að
vínandamagn í blóði megi ekkert vera, eða
nánast ekkert. Með slík lög í huga, þyrfti eng-
inn að fara í grafgötur með það hvenær hann
eða hún megi aka bíl og hvenær ekki.
Ætla má, að margir myndu fagna slíkri
löggjöf. Hún er afdráttarlaus, og myndi koma
í veg fyrir slys, tjón og harmleiki. Nóg er samt.
Árni Gunnarsson er alþingis-
maðurfyrir Alþýðuflokkinn í
Norðurlandskjördæmi eystra.
BFÖ-blaðið • 4/1988
Útgefandi: Bindindisfélag ökumanna,
Lágmúla 5,108 Reykjavík, sími 83533.
Ritnefnd: Sigurður Rúnar Jónmundsson (ritsj. og áb.m.),
Halldór Árnason og Jónas Ragnarsson.
Myndir: Átak gegn áfengi (bls. 14), Jónas Ragnarsson (bls.
1, 3, 7, 9, 13), Norska áfengisvarnaráðið (bls. 11)
og Portúgalska heilbrigðisráðuneytið (bls. 4).
Prentun: GuðjónÓ hf.
Upplag: 3.500 eintök DcSOubcr 1988