BFÖ-blaðið - 01.11.1989, Blaðsíða 6

Fleygar setningar
ur tjonaskyrslum
• Ég rakst á kyrrstæðan vörubíl sem
var að koma úr hinni áttinni.
• Ég hélt að bílglugginn væri opinn,
þangað til ég hafði stungið höfðinu
út um hann.
• Ég sagði lögreglunni að ég væri
ómeiddur, en þegar ég tók ofan hatt-
inn komst ég að því að ég var höfuð-
kúpubrotinn.
• Það kom bara ósýnilegur bíll, rakst á
mig og hvarf.
• Ég sá að gamli maðurinn mundi
aldrei hafa það yfir götuna og keyrði
því á hann.
• Ég var búinn að keyra í 40 ár þegar
ég sofnaði við stýrið og lenti í slys-
inu.
• Sá fótgangandi stóð og vissi ekkert í
hvora áttina hann átti að fara svo ég
keyrði yfir hann.
• Ég var á leiðinni til læknis þegar púst-
rörið datt aftur úr mér.
• Ég var að reyna að drepa flugu og
keyrði á símastaurinn.
• Hinn bíllinn keyrði beint á mig, án
þess að gefa neitt merki um hvað
hann ætlaði að gera.
• Það bakkaði trukkur í gegnum rúð-
una á mér og beint í andlitið á kon-
unni.
• Maðurinn var alls staðar á veginum,
ég varð að taka heilmargar beygjur
áður en ég rakst á hann.
• Ég beygði frá vegbrúninni, rétt leit á
tengdamömmu og hentist út á veg-
inn hinum megin.
Púlsinn, fréttablað Ríkisspítalanna, júlt 1989.
Árni Einarsson:
Agi og ábyrgð
Á hverju ári eru u.þ.b. 2.500 ökumenn
sviptir ökuréttindum vegna ölvunar við
akstur. Af þeim er meira en helmingur með
vínandamagn yfir 1,2 prómill í blóði og algjör-
lega ófærir um að stjórna bíl.
Um þá hættu sem þessir ökumenn búa sér
og öðrum vegfarendum þarf ekki að fjölyrða.
Öllum má vera ljóst hvað í húfi er og hver
nauðsyn er á að koma í veg fyrir ölvunarakst-
ur og auka þannig öryggi í umferðinni.
Líklega á það ábyrgðarleysi að stofna sjálf-
um sér og öðrum í lífshættu á þennan hátt sér
fáa formælendur og erfitt er að ætla þessum
ökumönnum að þeir setjist ölvaðir undir stýri
með þann ásetning að hætta eigin og/eða ann-
arra lífi og limum. En hvað veldur? Hvernig
stendur á þessari háu tölu þrátt fyrir umtals-
verðan áróður gegn ölvunarakstri? Væntan-
lega er einnig eitthvað fjallað um áhrif áfeng-
is á ökuhæfni í ökunáminu og verður því að
gera ráð fyrir að öllum sem hafa ökupróf sé
ljóst hvað um er að ræða.
Til að geta svarað spurningunum hér á und-