BFÖ-blaðið - 01.03.1991, Blaðsíða 14

Ábendingar frá lögreglunni
Óhöpp og
tjónstilkynningar
Lögreglan beinir þeim tilmælum til fólks að
það kalli lögreglu á vettvang í þeim tilvikum
er mikið eignatjón verður og óökufær ökutæki
teppa umferð um veg eða götu, þar sem um
gróf umferðarlagabrot er að ræða, s.s. akstur
gegn rauðu ljósi, brot á stöðvunarskyldu,
vegna langra hemlafara, þegar útlendingar
eiga hlut að máli, þegar ökumaður á vett-
vangi getur ekki sýnt fram á með ökuskírteini
að hann hafi ökuréttindi og þegar grunur er
um að ökumaður sé undir áhrifum áfengis.
í öðrum tilvikum á að vera nægilegt að fólk,
sem lent hefur í óhöppum, fylli út tjónstil-
kynningareyðublöð tryggingarfélaganna, án
afskipta lögreglu. Eyðublöðin eru einföld og
aðgengileg. Ökumennirnir fylla í sameiningu
út framhliðina, gera afstöðumynd og votta
síðan hvor (eðá hver) um sig með undirskrift
að upplýsingarnar, sem þar koma fram, séu
réttar. Ökumennirnir taka síðan hvor sitt ein-
tak. Að því búnu fyllir hvor út bakhliðina og
kemur þar að þeim upplýsingum, sem hann
telur að máli skipti varðandi aðdraganda
óhappsins. Eyðublöðunum er síðan komið til
viðkomandi tryggingafélaga.
Nokkuð hefur borið á að fólk hafi ekki eyðu-
blöðin í ökutækjum sínum, treysti sér ein-
hverra hluta vegna ekki til að nota þau eða
telji sig þurfa utanaðkomandi aðila, lögreglu,
til þess að rita skýrslu um málavexti.
Lögreglan ritar niður upplýsingar eftir frá-
sögnum ökumanna til þess að geta gert
skýrslu um málavexti. Þá dregur hún upp
afstöðu ökutækjanna eins og þau eru eftir
óhappið. Þetta ætti flest fólk að geta gert sjálft
á eyðublað tryggingafélaganna. Lögreglan
skorast ekki undan aðstoð við fólk, sem telur
sínum málum betur komið með tilhlutan lög-
reglu. Hins vegar er rétt að hvetja fólk til þess
að kynna sér vel notkunarmöguleika eyðu-
blaðanna og gera sér grein fyrir tilgangi
þeirra. Ákjósanlegast er að enginn þurfi að
nota eyðublöðin, en það geta þeir einir, sem
komast hjá óhöppum.
Átta ástæður fyrir því að
unglingar drekka
og gildi fordæmisins
Eftirfarandi ástæður m. a. leiða til misnotk-
unar unglinga á víni.
1. Líffræðileg áhætta: Hugmynd manna
um erfðafræðilega ástæðu fyrir áfengis-
neyslu hefur styrkst undanfarið, þar sem
margar niðurstöður rannsókna benda til
slíks. Unglingar í líffræðilegum áhættu-
flokki verða mun íljótar áhangendur
vínsins.
2. Lélegt aðhald: Foreldrar, sem eru sjaldan
með börnum sínum, eiga á hættu, að lítil
tengsl við unglingana leiði til þess að ung-
lingarnir verði um of sjálfala, og lendi þess
vegna í slæmum félagsskap, sem leiði til
misnotkunar á vímugjöfum.
3. Hegðun foreldra: Börn, sem sjá foreldra
sína ekki öðruvísi en með vín, þegar þeir
skemmta sér, tileinka sér þá hegðun, og
telja, að það sé hluti af skemmtuninni að
hafa vín alltaf um hönd.
4. Erfiðleikar í lífinu: Dauðsfall, skilnaður,
flutningur eða fjölskylduvandamál hafa
lík áhrif á unga sem aldna. Að drekka sig
frá erfiðleikunum er hættuleg hækja.
5. Þrýstingur frá félögum: Unglingi, sem
er í félagsskap, þar sem áfengi er haft um
hönd, er fimm sinnum hættara við að verða
því að bráð, heldur en þeim, sem er í félags-
skap, þar sem áfengi er ekki notað.
6. Drykkja, sem hefst snemma: Þetta er ein
af helstu ástæðunum fyrir því, að ungling-
ar verða háðir áfengisneyslu, ef þeir byrja
snemma á að drekka til að komast yfir
margs konar vandamál og ótta, sem fylgir
uppvextinum.
7. Léleg fjölskyldubönd: Unglingar, sem
eru ekki bundnir sterkum tengslum við
Qölskyldur sínar, góðan félagsskap, svo
sem íþróttafélög eða æskulýðsfélag, eru
líklegri til að neyta áfengis.