Skólablaðið - 01.06.1915, Blaðsíða 11
SKÓLABLAÐIÐ
91
inguna um að þegja aö minsta kosti í kenslustundunum um
stjórnmálaþref og flokkadeilur, — en skaðabætur fékk hann
engar.
Til þess eru vond dæmi að varast þau.
Barnaskóli Reykjavíknr.
Honum var sagt upp 14. d. maímán. 1063 höfðu börnin orð-
ið flest á skólaárinu, 859 skólaskyld, en 204 yngri. Alls er skól-
inn 8 bekkir, en 39 deildir. Vorpróf tóku 986 börn og hlutu
129 aðaleinkunn 7—8; 353 eink. 6; 372 eink. 5; hin flest4.
Verðlaun (bækur í skrautbandi) af sjóði H. Th. A. Thomsens
sál. kaupmanns fyrir „iðni, siðprýði og góðar framfarir" hlutu
6 börn í 7. og 8. bekk.
Inn hefur komið í aurasjóð skólans síðan hann var stofn-
aður kr. 11001,90. — Viðbótin á skólaárinu var kr. 1264.82. —
Ungfrú Ingibjörg Sigurðardóttir, kennari, hafði haft aðalum-
sjón sjóðsins í vetur. —
Annan sjóð „H e i 1 s u h æ 1 i s s j ó ð s k ó 1 a b a r n a“
stofnuðu börnin fyrir fáum árum, og er hann nú kr. 789.79.
Handavinnusýning var eins og venja er til 2—3 daga
eftir að prófi í bókfræðum var lokið, saumar og prjón stúlkna
og smíðar (trévinna) drengja, svo og teikningar, var sýnt.
Fremur stuttur tími er greinum þessum ætlaður (um 2 stund-
ir á viku), svo að m i k i ð má ekki heimta. Þeir sem vit hafa á,
segja handavinnu stúlknanna mjög góða, og verk-
efni vel valin; en um það sýnist reyndar oft sitt hverjum. í
h a n d a v i n n u k e ns 1 u d r e n g j a er, eins og áður, fylgt
kensluaðferðinni sænsku, þeirri er við Nes er kend. Smiðar
koma, eins og kunnugt er, mjög undir meðfæddum hæfileik-
um, og er því ekki furða, þó að hér sé misjöfn uppskeran, þó
að kenslan hafi verið hin sama fyrir alla. Enginn efi er á því,
að nemendum lærist handlægni af æfingum þessum. Þó að
margt kæmi þar manna, er það ekki fleira en vænta má. Þarna
er sýnilegur vottur skólavinnunnar, sem margur kann að meta.
Annars má furðu gegna, hve lítinn áhuga foreldrar og að-
standendur barnanna sýnast hafa k því að kynna sér kensluna.