Skólablaðið - 01.04.1921, Blaðsíða 2

38
SKÓLABLAÐIÐ
Aprll 1921
kennararnir leita til eftirlitsmannsins
með öll sín vandamál, og hann hefir
sjerstakt eftirlit með þeim. Eftirlits-
manni ber sjerstök skylda til að fylgj-
ast með nýjungum í skólamálum og
halda áhuga undirmanna sinna vakandi.
Hann heldur með þeim fræðslumála-
fundi að minsta kosti einu sinni á ári.
Hann sendir þeim umburðarbrjef o. s.
frv. Hann er nokkurs konar skólastjóri
í sínu hjeraði, sem ber ábyrgð á skóla-
starfinu gagnvart þeim, sem halda uppi
starfseminni. Höfuðstarf eftirlits-
manns er að hafa eftirlit með kensl-
unni. Hann heldur próf yfir börnunum
eins oft og honum þykir með þurfa,
hlýðir á kensluna og leiðbeinir kennar-
anum. Hann gefur öllu gaum: kenslu-
greinum, lesskrá, stundatöflu, flokkun,
nemendum, kennurum, aga, reglu,
kensluáhöldum, skólahúsi o. s. frv. Til
hans leita kennarar með alt sem aflaga
fer, og hans er skyldan að hjálpa þeim
að fá því kipt í lag.
Vegna strjálbýlis og samgönguvand-
ræða kemur það ekki til, eins og áður
hefir verið bent á, að hjer á landi verði
hafðir kenslueftirlitsmenn, sem hafi
eftirlitið að aðalstarfi, nema kannske
hjer í Reykjavík og nágrenninu.
Fræðslumálastjóri á að verða yfirmað-
ur alls skólakerfisins. Verulegt eftirlit
að vetrarlagi út um land getur hann
ekki haft, eins og erlendum eftirlits-
mönnum er ætlað. Við verðum því að
grípa til þess ráðs, sem víða tíðkast enn,
að hafa eftirlitsmenn með lágum laun-
um, sem hafa annað aðalstarf. Landinu
á að skifta í skólaumdæmi. Sje svo álit-
legasti kennarinn í umdæminu valinn
sem eftirlitsmaður um vissan tíma.
Kenslustarfi sínu heldur hann eftir sem
áður, enda sinni samkennarar störfum
hans meðan hann er í eftirlitsferðum.
Launin þurfa ekki mikið að fara fram
úr því, sem nú er varið til prófdómenda.
Væri slíkt kenslueftirlit stórt spor í
rjetta átt. Yrði eftirlitsmaður nokkurs
konar skólastjóri í sínu umdæmi, eða
skólaprófastur, og er það harla nauð-
synlegt hjer, þar sem víðast er ekki
nema 1—2 kennarar við hvern skóla.
Hjer í Reykjavík er öðru máli að
gegna. Reykjavík er orðinn svo stór
bær, að ekki veitir af eftirlitsmanni,
sem hefði eftirlitið að aðalstarfi. Gæti
hann og haft eftirlit í næstu kaupstöð-
um og þorpum. Væri þessu best komið
í kring þannig, að skift væri skóla-
stjóraembættinu við barnaskóla Reykja-
víkur. Hefði annar skólastjórinn alla
hina ytri stjóm skólans og nokkra
kenslu, en hinn alt kenslueftirlitið, próf
o. s. frv., og væri það ærinn starfi.
Slík breyting mundi að vísu ekki spara
þúsundir, sem hægt væri svo að leggja
í annað, en hún myndi valda því, að
miklu fyllri not yrðu að því f j e, sem lagt
er til bamafræðslunnar. Og það er
hinn sanni spamaður. Á. Á.
---o----
Nokkur athugaefni
eftir
Sigurð Guðmundsson.
II. Mennogstöður.
Sífelt fjölga starfsmenn vors unga
ríkis. Fátt virðist vísara um hag þess
og hlutskifti, en að svo verði um lang-
an aldur haldið fram stefnunni. Af
hvaða sjónarhól sem vér horfum um
ókominn tíma, blasa við ný embætti,
nýjar stöður, launaðar úr ríkissjóði,
eins langt og skammsýnt augað eygir
og sljóskygn spádómsandi fær greint
viðburði og vegamót í sögu næstu kyn-
slóða.
Hjer rjettir tíminn að oss mikilsvarð-
andi íhugunarefni, sem á í því sam-
merkt við mörg önnur mikilsvarðandi
íhugunarefni, að það er lítt íhugað.