Tölvumál - 01.05.1987, Blaðsíða 22

ATHUGASEMD
við grein Halldórs Kristjánssonar, verkfæðings
í síðasta hefti Tölvumála
1 greininni "UNIX - framtíðarlausn?" i 4. tölublaði
1987, vitnar Halldór Kristjánsson til stefnu
Háskóla Islands varðandi stýrikerfi á tölvum, og
segir:
"Háskóli Islands hefur ákveðið að UNIX verði
það stýrikerfi, sem þar verður (prentvilla
leiðrétt af JG) notað í framtíðinni."
Hér er helst til ákveðið tekið til orða. Dkunnugir
gætu skilið orð Halldórs svo að háskólinn hafi
tekið um það formlega ákvörðun að varpa öllum öðrum
stýrikerfum fyrir róða. Enda þótt nokkrar tölvur
með UNIX eða UNIX-líkum stýrikerfum hafi verið
keyptar til háskólans á síðustu mánuðum, liggur
ekki fyrir nein samþykkt um einstefnu í þá átt.
Einna helst væri það sennilega í verkahring
Háskólaráðs að marka slíka stefnu. Ekki er vitað
til að þetta mál hafi komið til umræðu hvað þá
samþykktar i ráðinu.
Að líkindum er Halldór að tala um ályktun, sem
stjórn Reiknistofnunar Háskólans gerði á fundi 20.
febrúar sl., þar sem rekstur UNIX-stýrikerfis var
tekinn á stefnuskrá stofnunarinnar ásamt áframhald-
andi rekstri VMS-kerfis auk einkatölvukerfa.
Fastara var ekki að kveðið í þeirri ályktun. Af
henni leiðir hinsvegar að fyrst um sinn verður
stofnunin að taka hraustlega til hendinni við
menntun starfsmanna, útvegun hugbúnaðar og ýmsan
viðbúnað annan varðandi UNIX-útgerðina, enda væru
yfirlýsingar um stuðning við bæði stýrikerfin ella
orðin tóm. Ekki er því óeðlilegt að mikið beri á
umræðum um UNIX og skyld efni í fréttabréfi Reikni-
stofnunar og í máli starfsmanna hennar þessa
dagana.
Ég veit að bæði Halldór og Tölvumál vilja hafa það
sem sannara reynist. Þökk fyrir birtinguna.
Jóhann Gunnarsson.
22