Tölvumál - 01.02.1989, Blaðsíða 6

ÁVARP FORMANNS
BREYTINGAR Á STJÓRN FÉLAGSINS
Á síðasta aðalfundi varð nokkur
breyting á stjórn Skýrslutækni-
félagsins. Dugmiklir félagar sem
hafa, að öðrum ólöstuðum, verið
lykilmenn í starfi félagsins á
undanförnum árum, gáfu ekki
kost á sér til áframhaldandi
starfa í stjórn. Þau eru Páll
Jensson, Lilja Ólafsdóttir og
Stefán Ingólfsson. Þeim kunnum
við bestu þakkir og óskum alls
hins besta, vitandi það að við
getum alltaf leitað til þeirra til
góðra verka.
Inn í stjórn komu Bjarni Júlíusson, ritari, sem sat sem varamaður
síðasta tímabil, Guðbjörg Sigurðardóttir, meðstjórnandi, sem ekki
hefur setið í stjórn áður, Jón Gunnar Bergs, varamaður og Kjartan
Ólafsson, féhirðir, en hvorugur þeirra hefur áður setið í stjórn. Vænti
ég mér góðs af samstarfinu við þau.
HVAÐ ER FRAMUNDAN?
Þegar tekið er við stjórn í jafn öflugu félagi og Skýrslutæknifélaginu
er erfitt að gera betur en áður hefur verið gert. Það er markmið
þessarar stjórnar að halda áfram því starfi sem byggt hefur verið upp
á undaförnum árum og leggja áherslu á þau mál sem eru efst á baugi
hverju sinni.
Við hefjum vetrarstarfið með félagsfundi um ólöglega afritun og
dreifingu á hugbúnaði sem er vaxandi vandamál hér á landi. Honum
verður fylgt eftir með ráðstefnu um rafeindaflutning viðskiptaupp-
lýsinga og þau not sem við getum haft af tölvum við samskipti. Er
það í samræmi við þá stefnu að leggja megináherslu á fundi og
ráðstefnur en minni áherslu á námskeiðahald, enda er framboð
námskeiða nú svo mikið, að erfitt er að finna geira til að stinga niður
fæti á.
6 / TOLVUMAL