Tķmarit.is
Leita | Titlar | Greinar | Um vefinn | Algengar spurningar |
skrį inn | Íslenska | Føroyskt | Kalaallisut | Dansk | English |

Vķsir

og  
S M Þ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 . . . .
PDF  | HQ_PDF  | JPG  | TXT  |
Skoša ķ nżjum glugga:
PDF  | HQ_PDF  | JPG  | TXT  |



Ašlaga hęš


Vafrinn žinn styšur ekki PDF skjöl
Smelltu hér til aš skoša blašsķšuna sem JPG
Vķsir

						tm
VÍSIR . Þriðjudagur 10. maí 1966.
V l 2fc Jl JKl
Utgefanai: Blaðaútgátan VISIK
Ritstjöri: Gunnar G. Schram
Aðstoðarritstjóri: Axel Thorsteínson
Fréttastjörar: Jönas Kristjánsson
Þorsteinn Ö Thorarensei»
Auglýsingastj.: Halldór Jðnsson
Rltstjórn: Laugavegi 178. Slmt  11660 (5 linur)
Auglýsingar og afgreiðsla Túngötu 7
Askriftargjald: kr. 90.00 & mánuSi fnnanlands
( lausasölu kr. 7.00 eintakið
Prentsmiðja Vlsis - Edda h.f
Næstu fjögur ár
Eftir tæpan hálfan mánuð ganga Reykvíkingar til
borgarstjórnarkosninga. Á kjördag verður út um það
gert hverjir fara með stjórn Reykjavíkurborgar næstu
fjögur árin. Verður það samhent sveit Sjálfstæðis-
manna undir forystu þess manns, sem Reykvíkingar
þegar þekkja og meta, Geirs Hallgrímssonar Eða
verður það riðluð fylking minnihlutaflokkanna, með
huldumann sem borgarstjóraefni? Það er ekki óeðli-
legt að reykvískir kjósendur geri sér nokkra grein
fyrir því upp á hvað minnihlutaflokkarnir bjóða við
þessar kosningar. Hverjar horfur eru á því að þeir
muni veita samhenta og farsæla forystu í hagsmuna-
málum borgarbúa? Eru hinir litlu flokkar líklegri til
stórræðanna, en sú stjórn er borgin hefur haft á und-
anförnum árum?
Lítum fyrst á Framsóknarflokkinn. Sá flokkur biðl-
ar nú til Reykvíkinga og kveðst geta veitt borginni
samhenta forystu. En hvernig er ástandið innan þessa
flokks, sem ætíð vill láta kenna sig við dreifbýlið?
Sjálfur er hann sundurklofinn og þar veður óeining-"'
in uppi. Það kom í ljós á síðustu dögum þingsins þegar
flokkurinn klofnaði rækilega tvisvar sinnum í mestu
stórmálunum sem þingið afgreiddi. Hver höndin var
þar upp á móti annarri og djúpstæð misklíð um stefn-
una. Síðan ætlast Framsóknarflokkurinn til þess að
Reykvíkingar sýni flokknum þann trúnað að kjósa
hirðsveina Eysteins Jónssonar til f orystu í borgarmál-
um. Er þá skörin sannarlega farin að færast upp í
bekkinn. Stefna Eysteins Jónssonar hefur hingað til
verið stefnan gegn Reykjavfk, gegn höfuðborginni.
Það vita allir sem í Reykjavík búa og taka því varlega
sendimönnum forystu Framsóknarflokksins, er svo
ógn blíðlega mæla í eyru Reykvíkinga þessa dag-
ana.
Og þá er það Alþýðubandalagið. Foringjar þess biðja
Reykvíkinga að kjósa sig vegna þess að þeir muni
veita borginni samhenta og farsæla stjórn. Halda þeir
að Reykvíkingar hafi gleymt öllum deilunum og
hjaðningavígunum milli kommúnista, þjððvarnar-
manna og Hannibalsmanna, sem staðið hafa leynt og
ljóst undanfarin ár? Öll þessi mörgu flokksbrot hafa
logað í illdeilum árum saman og ekkert nema óttinn
við kosningar varð til þess að þeir gátu barið saman
listann. Eiga Reykvíkingar að treysta þessu deilugeri
fyrir málum sínum næstu fjögur árin? Er líklegt að
þar náist samstaða um framfaramálin? Svari hver
fyrir sig.
þessir tveir sundruðu flokkar mynda andstöðuna
með Alþýðuf lokknum, sem vitanlega má hvorki heyra
þá né sjá af ótta við fylgistap. Þetta er liðið sem býðst
til þess að taka að sér forsjá Reykvíkinga forystuna í
borgarmálum. Það lið á bæði metnaðinn og viljann.
En það á ekki það sem mest er um vert, traust fbúa
Reykjavíkur.
Nefnd Alþjóðaflugmálastofnunarinnar. Myndin er tekin í Flugturninum á Reykjavfkurflugvelli f.v.:
Nannei Vaz frá Santa Marfa á Asoreyjum, Valdimar Olafsson fulltrúl fsl. Fiugumferðarstjórnarinnar,
Wilson Cornlck frá Gander, Nýfundalandi, Willíam Bain, Prestwick f Skotlandi, Milton Schwartz
frá Ncw York.
iSamræma f lugumf erðar-
stjórn á Atlantshafi
Nefnd Alþjóðaflugmálastofnunarinnar
flaug héðan í morgun
Nefnd sú sem hér hefur dval-
izt undanfama daga á vegum
ICAÖ, alþjóðaflugmálástbfniinar
innar hélt utan í morgun. Nefnd
þesi var skipuö af ICAÓ og eiga
í henni sæti fulltruar frá 5 flug
umferðarmiöstööum kringum
Atlantshaf: New York, Prest-
wick, Cander, Reykjavík og
Santa María á Asoreyjum.
Verkefni nefndarinnar er að
ferðast á milli þessara stððva og
fylgjast með flugumferðarstjórn
tryggja það að allar stöðvarnar
starfi eins og gera tillögur til
úrbóta, ef einhverju er ábóta-
vant.
Nefndin dvaldist hér 4 daga
og fylgdist hér með flugumferð-
arstjórn, þeir skoðuðu einnig
stöðina í Gufunesi, sem annast
fjarskiptaþjónustuna.
Sagði Leifur Magnússon fram-
kvæmdastjóri Flugöryggisþjón-
ustunnar að nefndarmenn hefðu
verið mjög ánægðir með dvöl
sína hér. Erlendu gestirnir hefðu
undrazt það hve Flugumferðar
stjðrnin hér væri vel búin tækj-
um.
Héðan fór nefndin til London,
þar situr hún fund með fulltrú-
um IATA á morgun en fulltrúar
flugfélaganna eru skiljanlega
fullir forvitni um störf nefndar-
innar og þeim breytingum, sem
hún kann að koma til leiðar, sér
í lagi þegar haft er í huga.að
mesti annatími flugfélaganna
fer í hðnd.
Frá London fer nefndm til
Santa María á Asoreyjum og er
það síðasti áfangi þeirra i 1.
hringferð sinni milli áður-
nefndra stöðva. Ráðgert er að
nefndin fari slíkar ferðir einu
sinni á ári.
Aðalfundur Húseigendafé-
lags Reykjavíkur
Aðalfundur Húseigendafélags
Reykjavfkur var haldinn í Þjðð-
leikhúskjallaranum 29. apríl s.l.
Fundarstjóri var Páll S. Pálsson
hrl., formaður félagsins.
Framkvæmdastjóri félagsins,
Þórður F. Ólafsson, flutti
skýrslu um starfsemina á s.l.
ári. Aðalstarfsemi félagsins var
íólgin i rekstri skrifstofunnar
að Grundarstíg 24, og hefir
þeim fjölgað mikið, sem til
skrifstofunnar leita, til að fá
ýmsar upplýsingar og lögfræði-
legar leiðbeiningar. Flestar eru
fyrirspurnirnar varðandi leigu-
htfsnæði og sambýli í fjölbýlis-
húsum. Mest er leitað til skrif-
stofunnar fyrst eftir áramót og
í kringum fardaga. Eyðublöð
fyrir húsaleigusamninga fást á
skrifstofu félagsins og enn-
fremur i Bókabúð Lárusar
Blöndal á Skólavörðustíg.
Auglýsingar vegna bruna-
varna birti félagið í dagblöðun-
um um jólaleytið, eins og áður.
Stjórn félagsins sendi frá sér
mótmæli vegna hækkaðra fast-
eignaskatta, bæði i apríl og f
október, þegar frumvörp lágu
fyrir Alþingi um þreföldun og
siðar sexfðldun fasteignamats
til skattálagningar.
Stjórn félagsins fór á fund
félagsmálaráðherra og ræddi við
hann um sexföldun fasteigna-
matsins, lögin um hámark húsa-
leigu, ennfremur um ny húsa-
leigulög og fleira, sem þá var
verið að ræða á Alþingi. Þá fór
og nefnd á vegum stjórnar fé-
lagsins á fund fjármálaráðherra
í janúar s.l. þeirra erinda aö fá
fyrningu af húsum hækkaða,
þannig að hún yrði reiknuð af
fasteignamati sexföldu, miðað
við 4% fyrningu af steinhúsum
en 6% fyrningu af timburhús-
um. Var þetta hugsað til að vega
eitthvað upp á móti sexföldun-
inni til eignarskatts.
Um mörg undanfarin ár hefir
stjórn Húseigendafélags Reykja-
víkur beitt sér fyrir afnámi lag-
anna um hámark húsaleigu, nr.
30 frá 1952. Lög þessi voru loks
afnumin f desember s.l., og má
þá segja, að merkum áfanga
hafi verið náð.
í janúar s.l. festi félagið kaup
á skrifstofuhúsnæði fyrir félags
starfsemina á 1 .hæð í nýju húsi
að Bergstaðastræti 11A, og
verður skrifstofan flutt þangað
í vor.
Nokkrar umræður urðu um
skýrslu stjórnarinnar og. voru
menn sammála um nauðsyn
þess að efla félagið, og láta það
ná til sem flestra húseigenda í
borginni.
Stjórn          Húseigendafélags
Reykjavíkur er nú þannig skip-
uð: Páll S. Pálsson, formaður,
Leifur Sveinsson, ,Jðn Guð-
mundsson, Friðrik Þorsteinsson
og Alfreð Guðmundsson. Vara-
stjórn: Jens Guðbjörnsson, Ól-
afur Jóhannesson og Óli M. Isaks
son. Endurskoðendur voru
kosnir Jónas Jósteinsson og
Sigurður Hólmsteinn Jónsson,
en til vara Guðmundur R. ÓJ-
afsson.
					
Fela smįmyndir
Blašsķša 1
Blašsķša 1
Blašsķša 2
Blašsķša 2
Blašsķša 3
Blašsķša 3
Blašsķša 4
Blašsķša 4
Blašsķša 5
Blašsķša 5
Blašsķša 6
Blašsķša 6
Blašsķša 7
Blašsķša 7
Blašsķša 8
Blašsķša 8
Blašsķša 9
Blašsķša 9
Blašsķša 10
Blašsķša 10
Blašsķša 11
Blašsķša 11
Blašsķša 12
Blašsķša 12
Blašsķša 13
Blašsķša 13
Blašsķša 14
Blašsķša 14
Blašsķša 15
Blašsķša 15
Blašsķša 16
Blašsķša 16