Bókasafnið - 01.06.1983, Blaðsíða 23
BÓKASÖFN í NÝJU HÚSNÆDI
„Þar á öllum að geta liðið vel”
Héraðsbókasafhið á Djúpavogi flytur
Útlánssalur
Hér á Djúpavogi var mikill hátiðis-
dagur þann 20. nóvember sl., en þá var
nýtt hús undir skóla- og héraðsbókasafn
tekið í notkun. Byggingin er í tengslum
við Grunnskóla Djúpavogs og er 160 m2
að stærð. Byggingarframkvæmdir hóf-
ust árið 1978.
Við opnunina setti Már Karlsson,
varaoddviti, samkomuna og rakti bygg-
ingarsögu hússins. í ræðu sinni sagði
hann m.a. að margt glepti fólk í nú-
tímaþjóðfélagi. Það væri og yrði hlut-
verk sveitarstjórna að vinna gegn hvers
konar ómenningu, en hlúa að menningu
og menntun íbúanna. Hann sagðist vilja
hvetja fólk á þjónustusvæði safnsins til
að koma sem oftast í safnið sem væri
vistlegt og aðlaðandi — „þar á öllum að
geta liðið vel“. Þá bað hann formann
bókasafnsstjómar, Valgeir G. Vil-
hjálmsson, að taka við lyklinum að
safninu. Formaður þakkaði hrepps-
nefnd Búlandshrepps fyrir góðan skiln-
ing á þessu mikla menningarmáji, og
öllum öðrum, sem lagt hefðu hönd á
plóginn við að hrinda því í framkvæmd.
Síðan rakti hann sögu bókasafna á
Djúpavogi. í máli hans kom fram að um
aldamótin 1800 hefði verið starfandi
lestrarfélag, sem stofnað var af Jóni
Stefánssyni, verslunarstjóra hjá J.L.
Busch. Frá þessu er sagt í Ferðabók
Ebenezer Hendersons. Valgeir Ias
nokkrar glefsur úr fundargerðabók
bókasafnsstjórnar, en sú bók er merkileg
fyrir margra hluta sakir og full af kímni
og vakti lesturinn mikla kátínu.
Lesin voru skeyti og gestir fluttu
ávörp og færðu safninu góðar gjafir.
Formaður þakkaði fyrir hönd safnsins
og bauð mönnum að ganga í safnið.
Á þessari hátíð voru um 90 manns, en
á Djúpavogi eru íbúar um 400.
Húsakynni safnsins eru björt og vist-
leg. Á gólfi er ljós viður, í barnadeild eru
rauðar hillur og rauðir og gulir svarnp-
púðar, annars staðar í safninu eru gular
hillur. Hillubúnaður var keyptur frá
Þjónustumiðstöð bókasafna, einnig
spjaldskrárskápur. Lesborð og stólar,
svo og afgreiðsluborð verða keypt síðar.
Innangengt er úr skóla í safn, en sér-
stakur inngangur, fatahengi og snyrting,
er ætlaður almenningi. Inn af vinnuher-
bergi bókavarðar er lítil geymsla. Safnið
var áður í u.þ.b. 20 fermetra herbergi í
skólanum. Allar bækur safnsins hafa
verið endurflokkaðar og komið hefur
verið upp spjaldskrá yfir þær. Notuð er
miðskráning og voru spjöldin keypt frá
Þjónustumiðstöð bókasafna.
Með hinunt nýju húsakynnum opnast
möguleikar til nýrra þjónustuþátta. í
safninu er örfilmulesari og er stefnt að
því að fá kirkjjjbækur umdæmisins á
örfilmum, svo og dagblöð og lands-
málablöð. Keypt hafa verið lingua-
phone málanámskeið og eru þau lánuð
út.
Útlán eru til erlends farandverkafólks
og hefur safnið fengið bækur í milli-
safnalánum til aðannast þessa þjónustu.
Aðsókn að safninu mánuðina desem-
ber og janúar sl. hefur aukist um rúm-
lega 55% frá sama tímabili árið áður.
Kristín H. Pétursdóttir, bókafulltrúi
ríkisins, var á Austurlandi 7.—19. nóv.
og stjórnaði flutningi safnsins og upp-
setningu. Hún fór einnig til Fáskrúðs-
fjarðar til að leggja á ráðin um endur-
flokkun og skráningu safnkosts þar, svo
og innréttingu nýs húsnæðis fyrir safnið.
Hún var jafnframt tvo daga á Breið-
dalsvík og stóð fyrir endurskipulagningu
hreppsbókasafnsins. Á meðan heimsókn
hennar stóð, var haldinn fundur í hér-
aðsbókasafninu með fulltrúum Geit-
hellnahrepps um framtíð hreppsbóka-
safnsins þar og samvinnu við safnið á
Djúpavogi.
Ólöf Óskarsdóttir,
héraðsbókavörður
Bamadcild
23