Dr. Sigrún Klara Hannesdóttir Þekkingarveita á norðurslóð Landsbokasafn á breyttum tímum Landsbókasafn íslands - Háskólabókasafn á merkisafmæli á þessu ári. Árið 1994 var loksins lokið mikilvægum áfanga í langri sögu þegar Þjóðarbókhlöðuhúsið var vígt og söfnin tvö sameinuð. Þetta var mikið átak þar sem Lands- bókasafnið og Háskólabókasafnið, sem bæði höfðu lifað við þröngan kost, fengu nú allt í einu rými í fallega hönnuðu húsi sem búið var bestu fáanlegu tækjum og búnaði. Háskóli íslands lagði sinn bóka- kost inn í þetta nýja safn enda hafði það mikil áhersla verið á þaö lögð allt frá því fyrir miöja síðustu öld að íslenska þjóðin hefði ekki efni á að reka tvö rann- sóknarbókasöfn. Þar að auki var ekki öðrum háskól- um á að skipa í landinu á þeim tíma og því ekki óeðlilegt að þetta yrði sameiginlegt bókasafn Háskól- ans og þjóðarinnar. Með flutningi hófst vinna við að bræða saman tvær stofnanir sem hvor hafði sína menningu og vinnulag. Ný lög voru sett um nýja safnið þar sem meðal annars var kveðið á um hlutverk hennar í 18 liðum og í lögum var jafnframt ákveði um að deilda- skipting og skipulag allt skyldi sett í reglugerð. Nýr landbókavörður, Einar Sigurðsson, var skipaður til fímm ára með möguleika á endurskipan til annarra fimm ára. Hann hafði áður verið háskólabókavörður. Á honum og hans næstu samstarfsmönnum hvíldi því vinnan við sameininguna. Stjórn var skipuð fyrir safnið til fjögurra ára og var formaður hennar Jóhannes Nordal en auk hans voru í stjórn fulltrúar frá Háskóla íslands, frá vísindasamfélaginu og frá bókavarða- stéttinni. Sama stjórn sat í tvö fjögurra ára tímabil með litlum breytingum. Árið 1999 var gerð stefna fyrir safnið og síðan úrdráttur úr henni sem kom í litlum bæklingi undir heitinu Þefefeing, uísindi oq menning uið aldasfeil. Framtíðarsýn og framkvæmdaáætlun þar er mjög í takt við lög og hlutverk safnsins. í stærra skjalinu er einnig framkvæmdaáætlun til þriggja ára. Framkvæmdaáætlunin snýr að sjö sviðum sem eru: a. aðföng (auka verulega innkaup á safnefni), b. háskólaþjónusta (safnfræðsla nái til meira en helmings nemenda Háskóla íslands), c. bókfræðileg stjórn (skráning og útgáfa á íslenskri bókaskrá, útgáfa á flokkunarkerfi o.fl.), d. varðveisla (varaeintakasafn og geymslusafn), e. upplýsingatækni (nýtt bókasafnskerfi og ýmis þróunarverkefni), f. skipulags- og starfsmannamál (fjölgun starfsfólks og endurmenntun) og g. húsnæðismál (undirbúningur að viðbyggingu). í framhaldi af þessu var síðan gerður árangurs- stjórnarsamningur við menntamálaráðuneytið um þau forgangsmál sem safnið vildi sinna. Skipulagsbreytingar í Landsbókasafni Islands - Háskólabókasafni Ný stefnumótun Árið 2002 urðu miklar breytingar í safninu. Við tók undirrituð sem landsbókavörður 1. apríl 2002 og ný stjórn tók við í nóvember sama ár. Strax í upphafi var hafist handa við nýja stefnumörkun og hófst hún með málþingi með Háskólanum sem haldið var 3. maí 2002. Þar var öllum deildarforsetum boðið að setja fram sínar óskir um nýjungar og þjónustu sem þeir sæju fram á að þeir þyrftu á að halda fyrir sínar deildir. Fékkst þarna mjög gott yfirlit yfir þær marg- breytilegu óskir og kröfur sem ólíkar deildir gera til safnsins. Sumir lögðu aðaláherslu á að fá útibú eða handbækur sem næst skrifstofunni sinni en aðrir sáu fyrir sér stórfengleg tækifæri við landssamninga og aðgengi að rafrænum gögnum og þar með að prent- aðar áskriftir yrðu óþarfar. Allar hugmyndir og tillögur sem frá Háskólanum komu voru settar í hug- myndabanka til frekari úrvinnslu. Næsta skref var að fara í stefnumótunarvinnu sem kölluð hefur verið „stefnumótun í stórum hópi". Sérfræðingur í því ferli er Davíð Lúðvíksson hjá Samtökum iðnaðarins og stýrði hann þessari vinnu. Hún er þannig í framkvæmd að um 35 manna hópur fór saman í Borgarnes og vann þar í rúman sólarhring við hugmyndasköpun. Samsetning hópsins var mikilvæg til að fá fram mismunandi sjónarmið. Einn þriðji hópsins var frá Háskóla íslands, einn þriðji frá safninu og einn þriðji voru aðrir notendur, fulltrúar frá öðrum háskólum og rannsóknarstofnunum og BÓKASAFNIÐ 28. ÁRG. 29
Beinir tenglar