Bókasafnið

						Minningarorð

Herborg Gestsdóttir

1913-2005

í febrúar s.l. lést Herborg Gestsdóttir starfsmaður

Borgarbókasafns Reykjavíkur. Útför hennar fór

fram í kyrrþey.

Herborg fæddist 20. apríl 1913 að Björnólfs-

stöðum í Langadal í Austur - Húnavatnssýslu.

Hún fluttist ásamt móður sinni til Reykjavíkur að

loknu barnaskólanámi.

Herborg hóf störf við Borgarbókasafn Reykja-

víkur (þá Bæjarbókasafn Reykjavíkur) 1. október

1938 og lét af störfum 31. ágúst 1981. Var safnið

því starfsvettvangur hennar í nær 43 ár. Þegar hún

hóf störf var safnið í Ingólfsstræti 12. Safnið hafði

Herborg notað frá því hún fluttist til Reykjavíkur

enda las hún mikið strax í barnæsku.

Lengst af vann Herborg sem skrifstofustjóri og

var í raun hægri hönd borgarbókavarða frá opnun

safnsins í Esjubergi við Þingholtsstræti árið 1954.

Hún sá um daglegan rekstur, þ.m.t. starfsmanna-

hald og innkaup safnkosts.

Þegar skrifstofa safnsins fluttist í nýtt húsnæði

1981 ákvað Herborg að vera ekkert að færa sig um

set úr Esjubergi og sagði starfi sínu lausu. Kvaðst

hún ekki geta hugsað sér að flytja í þetta nýja hús-

næði enda í raun komin á eftirlaunaaldur.

Herborg var stórfróð og víðlesin. Hún las

óhemjumikið og fjölbreytt efni á ýmsum tungu-

málum og fékkst hún lítils háttar við þýðingar

t.d. á norrænum smásögum. Var hún óspör á að

benda starfsmönnum og gestum safnsins á góða

höfunda og bækur, sem hún hafði lesið, hvort

sem um var að ræða glæpasögur á erlendum

málum eða bækur úr „jólabókaflóði" íslenskra

bóka. Hún hafði ákveðnar skoðanir á því hvað

væri þess virði að lesa; jafnvel oftar en einu sinni.

íslendingasögurnar hafði hún vel á valdi sínu.

Hún var því fengin til að taka þátt í spurninga-

keppni í útvarpi og stóð hún sig afbragðs vel en

hún valdi sér Sturlungu sem viðfangsefni.

Eftir að hún hætti að vinna sótti hún sér bækur

sjálf í Borgarbókasafn en seinustu árin naut hún

þjónustu „Bókarinnar heim" því áhugi á að fylgj-

ast með bókaútgáfu, innlendri sem erlendri, var

alltaf til staðar. Hún fylgdist einnig alla tíð mjög

vel með þjóðmálum og lá ekki á skoðunum sínum

um það sem hún taldi að betur mætti fara.

Herborg var fyrsti formaður Bókavarðafélags

íslands 1960 og gegndi því starfi í 3 ár. Herborg

var gerð að heiðursfélaga Bókavarðafélagsins árið

1980.

Anna Torfadóttir