verkefnisstjórn um aðgang að gagnasöfnum, stjórn Bókasambands íslands, tækninefnd Fagráðs í upp- lýsingatækni, áhugahóp um menntunarmál ófaglærðra bókavarða og áhugahóp um menntun í bókasafn- stækni, verkefnisstjórn um námsefnisgerð í sér- áföngum bókasafnstækni og matsnefnd vegna starfs- nám í bókasafnstækni, Starfsgreinaráð upplýsinga- og fjölmiðlagreina, samstarfshóp um höfundarréttarmál, faghóp um millisafnalán, undirbúningsnefnd fyrir árlega barnabókaráðstefnu í Gerðubergi, Samtök um barnamenningarstofnun, Þöll. Samstarfshóp um barna og unglingamenningu á bókasöfnum, Norrænt net um barnabókasöfn og -menningu, norrænan samstarfshóp um tónlistarsöfn, stjórn NVBF, dómnefnd vegna vef- orðu NVBF, undirbúningshóp Nord I&D, fulltrúaráð EBLIDA, Nordisk bibliotekforeningsmote, IFLA fast- anefnd um skólasöfn, IFLA fastanefnd um fiokkun og lyklun og húsfélagið Ásbrú sf. Innan vébanda Upplýsingar fer þannig fram öflugt starf í ýmsum nefndum og stjórnum sem fulltrúar fél- agsins taka þátt í og er sú vinna eðlilega drjúgur hluti hins faglega starfs félagsmanna. Yfirlit umþá starfsemi er flutt á aðalfundum og skýrslur um starfsemina birtar í júníblaði Fregna sem áður segir. Ennfremur er yfirlit yfir nefndir, fulltrúa og samstarfsaðila Upplýsingar birt í júniblaði Fregna ár hvert. Erlent samstarf Upplýsing á aðild að Nordisk bibliotekforeningsmote, EBLIDA (European Bureau of Library, Information and Documentation Associations), IFLA (International Federation of Library Associations and Institutions), NVBF (Nordiske videnskabelige biblioteksforen- ingers forbund), IASL (International Association for School Librarianship), Nord I&D (Nordic Conference on Information and Documentation), Nordisk netværk for bornebiblioteker og -kultur og norrænum sam- starfshóp um tónlistarsöfn. Fulltrúar Upplýsingar sækja árlega fundi Nordisk bibliotekforeningsmote, samstarfsfundi formanna og framkvæmdastjóra norrænna bókavarðafélaga, fundurinn var haldinn í Reykjavík í maí árið 2000, árlega ráðstefnu IFLA og á ráðstefnunni í Berlín var röðin komin að Upplýsingu að sjá um svæðisfund Norðurlandanna, árlega fulltrúaráðsfundi EBLIDA. Upplýsing á tvo fulltrúa í stjórn NVBF, fulltrúa í Nord I&D, tvo fulltrúa í Norrænu neti um barnabókasöfn og -menningu og aðra tvo fulltrúa í norrænum samstarfs- hóp um tónlistarsöfn. Reglulega er sagt frá erlendu samstarfi félagsins í Fregnum og um nánari upplýsingar vísast þangað. Lókaorð í lokakafla bókarinnar Á leið til upplýsingar segir að Upplýsing - Félag bókasafns- og upplýsingafræða sé ungt félag. Síðan segir áfram: „Það hefur þó ótvírætt náð góðri fótfestu í samfélaginu og sannað tilverurétt sinn. Jafnframt hefur félagið sýnt að það er verðugur arftaki fyrri félaga bókavarða og bókasafnsfræðinga sem heyra nú sögunni til og sagt hefur verið frá í þessu riti. Starfsemi félagsins er öflug og fulltrúar þess eiga sæti í fjölmörgum nefndum, ráðum og samtökum, bæði hér á landi og erlendis. Á stjórn félagsins mæðir mest í daglegu starfi en í náinni samvinnu við hana starfa fjölmargar nefndir sem skipaðar eru hæfu fólki sem vinnur að framgangi allra þeirra mála sem skipta félagsmenn miklu og varða hagsmuni bókasafns- og upplýsingamála á íslandi."9 Segja má að nú eftir fyrstu fimm starfsárin standi félagið á nokkrum tímamótum því á aðalfundi 9. maí 2005 ganga, í samræmi við lög félagsins, tveir stjórnar- menn úr stjórn, sem verið hafa í stjórn frá stofnun þess, formaður og gjaldkeri, undirrituð og Lilja Ólafsdóttir. Auk þess að hafa báðar verið í stjórninni frá upphafi og brúuðu bilið milli Upplýsingar og fyrri félaga því þær voru báðar áður í stjórn Bókavarðafélags íslands. Undirrituð óskar Upplýsingu ásamt félögum far- sældar í framtíðinni. Megi félagið eflast og dafna en framtíð þess er vissulega undir félagsmönnum sjálfum komin og byggist á að sem fiestir starfsmenn bóka- safna- og upplýsingamiðstöðva og ennfremur bóka- söfn og upplýsingamiðstöðvar sjái sér fært að vera í félaginu. Sterkt fagfélag eflir tvímælalaust starfsemi bókasafna landsins og því ættu öll bókasöfn og upp- lýsingamiðstöðvar að líta á það sem sjálfsagða skyldu sína að styrkja félagið með aðild. Eitt af brýnustu verkefhum félagsins í náinni framtíð, auk þess að leiða húsnæðismálin til lykta, er að ráða starfsmann til að sjá um daglegan rekstur félagsins og skila áleiðis stefnu- málum þess í þágu bókasafna- og upplýsingamála. Heimildir Friðrik G. Olgeirsson. 2004. Á leið til upplýsing- ar. Saga Bókavarðafélags Islands, að-ildarfélaga þess og Félags bókasafnsfræðinga. Reykjavík, Upplýsing. Greinargerð [með lögum Upplýsingar]. http://bokis. is/umfel/greinarg.htm Sótt 1. mars 2005 Lilja Ólafsdóttir. 2001-2004. „Ársreikningar Upp- lýsingar." Fregnir. Fréttablað Upplýsingar. Sjá júníblað Fregna öll árin. „Stofnfélagar Upplýsingar - Félags bókasafns- og upp- lýsingafræða." 2000. Bókasafnið 24, bls. 63-66. 9 Friðrik G. Olgeirsson, 2004, bls. 256. 64 BÓKASAFNIÐ 29. ÁRG. 2005
Beinir tenglar