}óhanna og Julie í samræðum um rannsóknina. Pertti má ekki taka þátt í umræðunum en hlustar grannt. hafa lofað upp á æru og trú að skila þeim aftur fullum við fyrsta tækifæri - hvað ég og gerði. Eg sé mig enn í anda þar sem ég rogaðist með brúsana út á bílastæði, töluvert langa leið, og hellti eldsneytinu á tank bílsins. Eg angaði auðvitað öll af bensíni en heim komumst við heilu og höldnu. Og Pertti fékk aldrei að vita um bensínævintýrið. Til þess að ljúka doktorsprófi í Tampere þurfti ég að skila 160 einingum (320 ECTS) og þar af 40 ein- ingum í námskeiðum. Námið var skipulagt þannig að ég þurfti að skila námsáætlun á hálfs árs fresti til Pertti og hann þurfti að samþykkja námskeiðin sem ég sótti. Fimm námskeið tók ég hér heima, tvö í eig- indlegum rannsóknaraðferðum og eitt í megindlegum rannsóknaraðferðum í félagsvísindadeild, námskeið í iðnaðartölfræði og gæðastjórnun í verkfræðideild og loks námskeið í stjórnun þekkingar og mannauðs í viðskipta- og hagfræðideild. ÖU voru námskeiðin á framhaldsstigi. Þetta var mjög hentugt og mögulegt af því að Háskóli Islands er samþykktur sem fullgildur háskóli í NORSLIS. Eg fékk einnig einingar fyrir að birta tvær greinar í annars vegar Libri og hins vegar International Journal oflnformation Management. Bæði þessi rit eru ritrýnd og lykluð í ISI Web of Knowledge. Ég skrifaði líka greinar á íslensku í tengslum við efnið þótt ég fengi það ekki metið. Eg sótti námskeið við Danmarks Biblioteksskole og á hinum Norðurlöndunum og flutti erindi á ARMA-ráðstefnu. Fékk ég fyrir þetta 40 einingar og meira til. A hverju vori fékk ég svo sent nákvæmt yfirlit yfir þann einingafjölda sem ég hafði lokið. Ég lauk náminu að mestu leyti árið 2003 og gagna- söfnun fyrir rannsóknina fór að mestu fram á árunum 2002-2004. Þá hóf ég að vinna að gagnagreiningu og skrifum. Eins og kemur fram í yfirlitinu fjallar rann- sóknin um innleiðingu og notkun rafrænna skjala- stjórnarkerfa í skipulagsheildum á Islandi. Eg hafði séð að oft virtist innleiðing slíkra kerfa ekki skila því sem til var ætlast og vildi athuga af hverju það væri. Ég tók viðtöl við 44 aðila sem voru skjalastjórar, stjórnendur, tölvufræðíngar, sérfræðingar og almennir starfsmenn og gerði einnig þátttökuathuganir. Komst ég fljótt að því að stuðningur stjórnenda og skilvirk fræðsla virtust lykilatriði um hvort ferlið heppnaðist vel eða illa. En aðalvandamálið til að byrja með var að engar rannsóknir voru til á þessu sviði þannig að mig vant- aði samanburð. Þetta var því mikil áskorun en það hvarflaði aldrei að mér að skipta um efni. En ég þurfti að styðjast við rannsóknir á annars konar upplýsinga- kerfum, eins og hópvinnukerfum og stjórnunar- og fjárhagsupplýsingakerfum. Verkefnið var afar þverfaglegt. Það byggist á ýmsum fræðigreinum; upplýsingafræði, upplýsinga- tækni, þekkingarstjórnun, mannauðsstjórnun og ekki síst stjómun breytinga. Og ég hélt ótrauð áfram og skrifaði fyrst hluta af aðferðafræðiköflunum. Mér fannst það raunar svo gaman að ég þurfti síðar að stytta þá. Eg skrifaði síðan fyrsta heillega kaflann, fræðilegan kafla, á vormisseri 2005. Ég þurfti líka að skera hann mikið niður en þekkingin sem ég aflaði nýttist mér vel í rannsókninni, einkum í greiningar- vínnunni. Pertti var kröfuharður en gagnrýni hans var uppbyggjandi og ég var afar ánægð með handleiðslu hans. - Hvað fannst þér erfiðast og hvað skemmtilegast í þessuferli? Mér fannst námið mjög skemmtilegt, ég hafði svo mikinn áhuga á efninu. Auðvitað komu erfið tímabil BÓKASAFNIÐ 31. ÁRG. 2007
Beinir tenglar