Bókasafnið

						langmestu leiti skrifuð að frumkvæði einstaklinga,

útgefenda eða óháðra félagasamtaka.

I bókfræðikaflanum ræðir Einar m.a. um

bókfræðiráðstefnuna á Akureyri árið 1990 og

Rannsóknarmiðstöð í bókasafns- og upplýsingafræði

heitina sem gaf út tvö hefti í ritröðinni Lykill. Hvort

tveggja fyrirbæri sem þyrfti að endurvekja.

Athygli vekur hve mikið hefur verið skrifað um

prentsögu á tímabilinu og hve ítarlega hefur verið

skrifað um fjölmiðla, sérstaklega um dagblöð og

tímarit og stórvirki verið unnin til að koma eldri

árgöngum þeirra á stafrænt form.

Um handrit, bókagerð og útgáfusögu hafa líka

verið skrifaðar merkar bækur og greinar sem Einar

gerir mjög góð skil. Saga bókasafna og félagasamtaka

bókavarða fær líka ítarlega umfjöllun.

I lok greinar sinnar vekur Einar athygli á hve

tungumálið hafi breyst tiltölulega lítið og að fornbók-

menntirnar séu enn lifandi með þjóðinni. Lestrarvenjur

barna og unglinga hafi þó breyst á síðustu árum og

fari nú í auknum mæli fram við tölvuskjáinn. Lítið

hafi verið skrifað um bókagerð sem slíka á síðustu

árum enda þótt á hverju ári komi út bókverk sem eru

framúrskarandi að allri gerð.

Greinin er öll hin fróðlegasta og mikill fengur

að því að fá yfirlit um íslenska bóksögu á síðustu

áratugum. Einar hefur lag á að skrifa í kringum hvern

efnisþátt og tengja við fortíðina og gera efnið þann-

ig bæði lifandi og fróðlegt. Það kemur á óvart hve

mikið hefur þrátt fyrir allt verið skrifað um bóksögu

á tímabilinu en vekur líka til umhugsunar um hversu

margt er ógert og að bóksagan er óþrjótandi brunnur

spennandi rannókna og hefur verið vannýtt sem slík

af stétt bókasafns- og upplýsingafræðinga.

Ólöf Benediktsdóttir

Eldur

Af eldi ertu kominn, að eldi skaltu aftur verða.

Að lokum sameinumst við, fjandvinirnir.

Þú sem bjóst milli þilja.

Þú sem lýstir upp nóttina.

Þú sem fylgdir mér hvert skref.

Beiðst mín í skraufþurru grasinu.

Dansaðir á sumardegi á hafinu, lagðir hendur á bátinn.

Þú fórst fingrum um hár mitt í heitum júlívindinum.

Féll í faðm þinn, féll í eldhafið.

Þórhallur Þórhallsson

BOKASAFNIÐ 31. ARG. 2007

77