Bókasafnið

						Vefsíðurýni

www.tregawott.net

Tíuþúsund tregawött

tregawott.net

Bókrýnir hefur skipað fastan sess í þessu tímariti en

þar sem internetið og upplýsingar á rafrænu formi

eru notaðar í sívaxandi mæli þótti nú tímabært að

fylgja þróuninni eftir og meta vefsíðu. Við val á síðu

var haft að leiðarljósi að síðan væri á íslensku og að

efni hennar tengdist bókasafnaheiminum. Síðan sem

metin er nú þótti spennandi viðfangsefni þar sem

hún hefur nokkra sérstöðu í íslenska netheiminum;

er bæði vettvangur fyrir ljóðskáld til að koma verkum

á framfæri sem og vettvangur umræðna um ljóð og

ljóðatengt efni. Áður en síðan var metin tókum við

saman nokkur almenn atriði um mat á vefsíðum (sjá

bls. 79). Listinn er ætlaður sem hjálpartæki, nokkurs

konar viðmið um hvaða atriði er mikilvægt að skoða

og meta.

Segja má að vefsíðan Tíuþúsund tregawött sé

nokkurs konar bloggsíða um ljóð og ljóðatengt efni,

en að síðunni standa ung íslensk ljóðskáld. I þessari

grein er rýnt í vefsíðuna og fjallað um kosti hennar

og galla.

Á vefsíðunni, sem hefur sitt eigið lén, kemur fram

hverjir standa að henni, en þó vantar upplýsingar

um bakgrunn þeirra, til dæmis hvort um sé að ræða

fræði- eða áhugamenn. Fram kemur að hægt er að

hafa samband við aðstandendur síðunnar í gegnum

tölvupóst en engar upplýsingar er að finna um það

hvort þeir kosta hana sjálfir eða hvort aðrir aðilar

gera það.

Textinn á síðunni er vandaður, málfar gott og

stafsetning góð og orðfæri hæfir vel efni síðunnar.

Tilgangurinn með vefsíðunni er augljós - að koma

á framfæri ljóðum og ljóðatengdu efni af ýmsu tagi.

Heiti síðunnar og lénið gefa hins vegar enga hugmynd

um hvaða efni er þar að finna. A síðunni er leitarvél

sem nýtist meðal annars til að leita að höfundum, yrk-

isefnum og öðru því tengdu. Það væri kostur ef hægt

væri að flokka efni síðunnar eftir höfundum ljóða því

skilvirkara er að skoða einstaka höfunda þannig.

Á forsíðu sést ágætlega hvernig vefurinn er skipu-

lagður og hvaða möguleika notandinn hefur þegar

hann skoðar síðuna. Forsíða og undirsíður hafa sama

útlit og er það ágætlega hannað. Hvítur bakgrunnur

gerir síðuna skýra og bjarta en letrið mætti skerpa.

Helst vantar möguleikann á því að breyta stærð og

lit leturs og bakgrunnslit. Efni er ágætlega flokkað

og krækjur á undirsíður skýrar; einnig er krækja á

forsíðu af öllum undirsíðum. Á síðunni eru einnig

fjölmargar krækjur í aðrar vefsíður og eru þær lang-

flestar virkar. Þegar myndefni er birt með texta teng-

ist það innihaldi hans yfirleitt vel. I sumum tilvikum

bæta myndirnar upplýsingum við textann en í öðrum

eru þær aðallega til skrauts. Myndefni á síðunni er

það lítið að það hægir ekki á henni og truflar ekki

lestur. Innskráningarhnappur á forsíðu gefur notend-

um til kynna að þeir geti skráð sig inn á lokað svæði

síðunnar en í raun er sá hnappur aðeins ætlaður rit-

stjórum. Þessi hnappur mætti vera minna áberandi til

að rugla ekki notendur í ríminu.

I desember 2006 flutti vefsíðan frá eldra svæði,

10000tw.blogspot.com. Síðan er nokkuð breytt frá

fyrra útliti, er nú öllu bjartari og skemmtilegri þótt

uppsetning efnis haldi sér að mestu. Dagsetning

er við hverja færslu sem sett er inn á síðuna og af

dagsetningu nýjustu færslu má ráða hvenær vefurinn

var síðast uppfærður. Nýtt efni birtist reglulega á síð-

unni. Vefslóðin er nokkuð einföld og síðan er fljót

að hlaðast niður. Ekki þarf annan búnað en vefskoð-

arann til að skoða eða nota síðuna og er hún öllum

opin án endurgjalds.

Vefsíðan ber með sér að vandað er til vinnu við

hana. Færslurnar eru hnitmiðaðar og hæfilega lang-

ar þannig að notendur gefast ekki upp á lestrinum.

Þegar á heildina er litið er óhætt að segja að síðan

sé skýr, aðlaðandi og góð afþreying fyrir ljóðaunn-

endur.

Martha Ricart

Svanur Már Snorrason

78

BÓKASAFNIÐ 31. ÁRG. 2007