Dagur - 30.05.2000, Blaðsíða 11
I’RIDJUDAGUR 30. MAÍ 2000 - 11
ERLENDAR FRÉTTIR
L. A
David Trimble, leiðtoga Sambandsfíokks Ulsters, tókst að fá fíokksfélaga sína til þess að slá til og reyna á ný.
*
Heimastjóm N-Mands
starfliæf á ný
Fyrsti áfangiim í af-
vopmm IRA gæti haf-
ist á alira næstu dög-
um, ef marka má yfir-
lýsinguna frá þeim
fyrir nokkram vikum.
Heimastjórn Norður-Irlands tek-
ur til starfa á ný í dag el’tir nærri
fjögurra mánaða hlé. Sambands-
flokkur Ulsters samþvkkti með
naumum meirihluta nú um helg-
ina að taka að nýju þátt í stjórn-
arsamstarfinu eftir að Irski lýð-
veldisherinn (IRA) hefur lofað að
afvopnast.
Úrslit atkvæðagreiðslunnar á
flokksþinginu eru sigur fyrir Dav-
id Trimble, leiðtoga flokksins, en
hann hefði væntanlega þurft að
segja af sér formennskunni ef til-
laga hans um framhald stjórnar-
samstarfsins hefði ekki hlotið
samþykki.
Bresk og írsk stjórnvöld fögn-
uðu niðurstöðu atkvæðagreiðsl-
unnar og segja það mikinn létti
að friðarsamkomulagið komi nú
aftur til framkvæmdar.
Bretar afhentu heimastjórn-
inni formlega völdin nú í nótt, en
Norður-írlandi hefur verið
stjórnað beint frá London frá því
í febrúar. Heimastjórnin og þing-
ið höfðu þá aðeins starfað í 72
daga, en Sambandsflokkur UI-
sters treysti sér þá ekki til þess að
starfa lengur með Sinn Fein
meðan ekki hafði fengist ótvíræð
yfirlýsing frá IRA um afvopnun.
Slík yfirlýsing kom loks frá IRA
fyrir fáeinum vikum, þar sem þ\á
var heitið að láta vopnabrigðir af
hendi í áföngum til óháðra eftir-
litsmanna og með þeim hætti að
þau verði ekki notuð á ný. IRA
sagði afvopnunina geta hafist
jafnskjótt og heimastjórnin tæki
til starfa á ný, þannig að nú verð-
ur þess beðið að IRA standi við
þau loforð strax á næstu dögum.
Standi IRA ekki við yfirlýsingar
sínar þannig að öðru sinni slitni
upp úr heimastjórninni gæti orð-
ið afar erfitt að koma ferlinu af
stað á ný. Heimastjórnin á Norð-
ur-Irlandi starfar samkvæmt frið-
arsamkomulaginu sem gert var á
páskum árið 1998. Hún fer með
stjórn fjölmargra málaflokka á
Norður-írlandi, en breska stjórn-
in fer þó áfram með skattamál,
utanríkismál og varnarmál.
Afar mjótt var á mununum í at-
kvæðagreiðslunni á flold\sþingi
Sambandsflokks Ulsters nú á
laugardaginn. Aðeins 53% voru
fylgjandi því að taka þátt í
heimastjóninni á ný, en 47% voru
á móti. David Trimble hefur lagt
mikla áherslu á að reynt verði á
ný.
Vangaveltur voru um það í
Bandaríkjunum og á Bretlandi að
Bill Clinton, forseti Bandaríkj-
anna, ætli að bregða sér í heim-
sókn til Norður-Irlands nú þegar
bjartara er yfir málefnum þar en
verið hefur, hugsanlega strax í
næsta mánuði en þó e.t.v. ekki
fyrr en í haust.
Lögreglan á írlandi hefur á síð-
ustu dögum handtekið fjölmarga
sem grunaðir eru um að tilheyra
klofningshópi úr IRA, sem nefnir
sig „Hið sanna 1RA“, og er and-
vfgur friðarsamkomulaginu.
Þessi klofningshópur hefur lýst
sig ábyrgan á voðaverkum sem
framin voru til þess að koma í veg
fyrir framkvæmd samkomulags-
ins, þar á meðal sprengjuárás á
markaðstorginu í Omagh árið
1998 sem varð 29 manns að
bana.
Suharto í stofufangelsi
INDÓNESÍA - Suharto, fyrrverandi for-
seti Indónesíu, var settur í stofufangelsi í
gær og á að koma fyrir dómstól innan
tveggja mánaða vegna ásakana um að hafa
sankað að sér stórfé með ólöglegum hætti
meðan hann var við völd. Vaxandi þrýst-
ingur hefur verið á stjórnvöld um að setja
Suharto í stofufangelsi, og hafa m.a. stúd-
entar fylkt liði til stuðnings þeim kröfum.
Suharto neyddist til þess að láta af völdum
vorið 1998.
Fujimori áfram forseti
PERU - Alberto Fujimori verður forseti Perú næsta kjörtímabil, en
kosningar voru haldnar í landinu á sunnudag þrátt fyrir hörð mót-
mæli og kröfur um að fresta þeim til þess að tryggja að framkvæmd
þeirra yrði með réttum hætti. Fujimori hlaut 75,62% atkvæða, en
andstæðingur hans, Alejandro Toledo, hlaut 25% atkvæða þrátt fyrir
að hann hafi verið hættur við framboð. Um það bil 32% atkvæða voru
dæmd ógild, en í Perú ber íbúum skylda til þess að mæta á kjörstað
og greiða atkvæði. Toledo sagði kosningarnar engan veginn geta tal-
ist gildar.
Herstjóm á Fídjí-eyjum
FÍDJÍ-EYJAR - Herinn hefur tekið völdin á Fídjí-eyjum, herstjórn er
tekin til starfa og herlög hafa verið sett. Forseti landsins hefur sagt
af sér. Ekki var í gær ljóst hvernig uppreisnarmaðurinn George
Speight, sem ásamt stuðningsmönnum sínum hefur haft hinn ind-
verska forsætisráðherra landsins og 33 aðra gísla í haldi í þinghúsinu
frá því 18. maí. Speight vill að frumbyggjum eyjanna verði tryggð
völd, jafnvcl þótt þeir séu innan við helmingur íbúanna. Indverjar
eru sömuleiðis tæplega helmingur íbúanna, og náðu meirihluta í síð-
ustu þingkosningum. Herinn segir markmiðið með valdatökunni vera
að koma ástandinu aftur í stöðugt horf.
Gíslamir í Sierra Leone frjálsir
SIERRA LEONE - Uppreisnarmennirnir í Sierra Leone hafa gefið
öllum friðargæsluliðum Sameinuðu þjóðanna, sem þeir höfðu hald-
ið í gíslingu, frelsi. Fjórir friðargæsluliðar eru þó taldir Iátnir. Upp-
reisnarmennirnir tóku um það bil 500 friðargæsluliða í gíslingu, en
hafa smátt og smátt verið að láta þá lausa. Leiðtogi þeirra, Foday
Sankoh, var handtekinn í síðustu viku og verður væntanlega fluttur
úr landi.
Vatnsskortnr í Kína
KÍNA - Þurrkarnir í norðurhluta Kína breiðast sífellt út, og nú er svo
komið að meira en 21 milljón manns skortir vatn og nærri 2000 skip
komast ekki leiðar sinnar um ána Huaihe vegna þess hve vatnsmagn-
ið í henni er lítið.
Síamstvíbura minnst
ÍTALIA - Þúsundir manna söfnuðust saman í Palermo á Italíu í gær
þar sem þriggja mánaða gamalla síamstvíbura, sem létust um helg-
ina, var minnst. Reyna átti að skilja tvíburana að á sjúkrahúsi í Pal-
ermo um helgina, og var vonast til þess að annar þeirra lifði af að-
gerðina, en svo fór að þeir létust báðir.
■ FRÁ DEGI
ÞRIÐJUDAGURINN 30. MAÍ
151. dagur ársins, 215 dagar eftir.
Sólris kl. 3.27, sólarlag Id. 23.26.
Þau fæddust 30. maí
• 1908 - Mel Blanc, sem léði mörgum hel-
stu persónum teiknimyndanna rödd sína.
• 1909 - Benny Goodman, konungur sveifl-
unnar.
• 1926 - Christine Jorgensen, bandarískur
hermaður sem varð fyrstur til þess að
gangast undir kynskiptiaðgerð árið 1952.
Hét upphaflega George.
• 1928 - Agnes Varda, kvikmyndaleikstjóri.
• 1936 - Keir Dullea, bandarískur leikari.
• 1944 - Jónas Ingimundarson píanóleik-
ari.
• 1955 - Nicky „Topper“ Headon, trommu-
Ieikari Clash.
Þetta gerðist 30. maí
• 1431 var Jóhanna af Örk brennd á báli í
Rúðuborg aðeins 19 ára gömul.
• 1498 hélt Kristófer Kólumbus af stað í
þriðju ferð sína til Nýja heimsins.
TIL DflGS
• 1768 sigldi Eggert Ólafsson skáld í sína
hinstu för frá Skor og drukknaði á Breiða-
firði við áttunda mann, 42 ára að aldri.
• 1851 var Jón Sigurðsson kosinn forseti
Kaupmannahafnardeildar Hins íslenska
bókmenntafélags, og var jafnan nefndur
forseti upp frá því.
• 1922 réðst lögreglan í Chicago á verka-
menn stálverksmiðju sem voru í verkfalli
og létust 10 manns.
• 1971 þurftu á fjórða tug aðdáenda hljóm-
sveitarinnar Greatful Dead að leita sér
læknishjálpar eftir að hafa drukkið epla-
drykk blandaðan ofskynjunarlyfinu LSD,
sem boðið var upp á á tónleikum hljóm-
sveitarinnar í San Francisco.
• 1981 var forseti Bangladesh, Ziaur Ra-
hman, myrtur.
• 1982 fékk Spánn aðild að Nató.
Vísa dagsins
Nú er ég genginn í bindindi bróðir,
Bakkus er dúinn, það helvítis svin.
Augun, scm voru sem eldrauðar glóðir,
eru nú fögur og snör eins og þín.
Páll Ólafsson
Afmælisbam dagsins
Þorsteinn Antonsson rithöfundur er
fæddur sunnudaginn 30. maí árið
1943. Fyrsta skáldsaga hans, Vetrar-
bros, kom út árið 1967, en skáldsögurn-
ar Sálumessa 77 (1978) og Fína hverfið
(1980) vöktu athygli á sínum tíma.
Skrif hans eru mörg hver ævisöguleg í
aðra röndina, og hann hefur skrifað
mikið um utangarðsfólk og ýmsar teg-
undir af sérvisku og afbrigðum í mann-
lífinu. Fyrir nokkru gaf hann út afar
persónulega frásögn um einhverfu, sem
hann segist sjálfur vera haldinn.
Sá sem byrjar á of miklu, kemur litlu í verk.
Þýskt spakmæli
Heilabrot
Sá sem þarf á þeim að halda, veit það ekki.
Sá sem kaupir þær, notar þær ekki.
Sá sem býr þær til, gerir það til þess eins
að selja þær.
Hverjar eru þær?
Lausn á síðustu gátu: Hann ráðlagði þeim
að skipta um hesta. Þá myndu báðir reyna
að fara sem hraðast, því sá fengi arfinn sem
væri eigandi hestsins sem tapaði.
Veffang dagsins
Héraðsfréttanlaðið Bæjarins besta á ísa-
firði er eitt þeirra öflugustu á landinu, og
vefútgáfan er ekki síður athyglisverð.
Sjáið bara sjálf, á www.bb.is