Dagur - 06.01.2001, Blaðsíða 6

VI - LAUGA RDAGUR 6. JANÚAR 2001

MINNINGA R GREINA R
Dúi Bjömsson
Kveðja frá
St. Georgsgildiiiu Kvisti
Við skátar á Akureyri sem
fæddir erum í kringum miðja
síðustu öld minnumst Dúa
Björnssonar sem glæsilegs
skátaforingja.
Við mínnumst Dúa frá fjöl-
mörgum skátamótum þar
sem hann mætti í fullum
skrúða, léttur og hress, með
alla fjölskylduna.
Við minnumst Dúa sem
samnefnara fyrir skátastarf á
Akureyri.
Þegar stjórna þurfti skrúð-
göngu á Sumardaginn fyrsta
eða i7. júní, þá gerði Dúi
það. Ósjaldan þurfti að laga
útileguskála eða byggja nýjan
þá mætti hann fýrstur manna
með tæki sfn og tól og lét ekki
deigan síga fyrr en lokið var.
Öli störf sin í þágu skáta
vann hann með sínu létta
skopskyni, sem ógleymanlegt
er öllum sent kynntust,og
hreif með sér unga jafnt sem
aldna. Víst er að öll verk
ganga betur ef lundin er
létt.Margar eru þær skáta-
sveitir og þeir skátaflokkar
stórir og smáir sem Dúi reisti
úr kaldakoli og blés í lífsanda
svo dugði.
Meðan Hjálparsveit skáta
hér í bæ sleit barnsskónum
var Dúi þeim ungu mönnum
sem þar störfuðu innan
handar, þvældist með þeim á
æfingum og í leitum og var
þeim andlegur lciðtogi. Hann
gerði sér fulla grein fyrir því
að ef virkja á þann ógnarkraft
sem í ungu fólki býr til góðra
verka þarf fulltingi þeirra
fullorðnu.
Jafnframt var hann ólatur
að halda til haga skátaminj-
um sem til féllu og vann að
því að koma þeim á viðeig-
andi söfn, enda varð hann
svo gamail í starfi að hann
gerði sér fulla grein fyrir gildi
sögunnar fyrir þróttmikið
æskulýðsstarf.
Dúi Björnsson var ekki
„toppfígúra" í skátastarfi
heklur hlúði hann að grasrót-
inni og gætti þess að þau
störf sem vinna þurfti til við-
gangs hreyfingunni væru
unnin.
Við vottum eiginkonu,
börnum og barnabörnum
samúð okkar og kveðjum okk-
ar góða vin með skátakveðju,
St. Georgsgtldið Kvistur.
Bjom Fr. Bjömsson
Ég á góðar minningar um marga
samferðamenn. En fáir hafa orð-
ið mér kærari og minnisstæðari
en Björn Fr. Björnsson sýslu-
maður Rangæinga í 40 ár, flokks-
hróðir minn og samþingsmaður í
nærri hálfan annan áratug,
öðlingsmaður og höfðingi.
Það tók okkur Björn varla
meira en fimm mínútur að verða
góðir málvinir vorið 1960 á kaffi-
stofu Alþingis og úr því trúnaðar-
vinir í 40 ár. Nú er þessi góði
samferðamaður fallinn í valinn,
enda aldraður og hlaut að búast
við ævilokunum fyrr en síðar.
Björn sýslumaður var með
sanni vel á sig kominn um það
sem mann má prýða. Hann var
atorkusamur, skarpur til skiln-
ings og skynjunar, ungur í anda
þótt kominn væri á tíræðisaldur
þegar lífsleiðin var á enda. Eins
og hann fæddist á fyrsta tug 20.
aldar lifði hann til aldarloka má
segja, sannur 20. aldar íslend-
ingur, sem lá ekki á liði sínu að
gera þá öld að blómaskeiði ís-
Ienskrar þjóðarsögu, hvað sem
líður sögu mannkynsins að öðru
leyti með ógnþrungnum heims-
styrjöldum, fótum troðnum
mannréttindum og útrýmingar-
herferðum.
Björn Friðgeir Björnsson var
ekki borinn til frama og forustu
fyrir ætt og uppruna. En hann
naut þeirrar aðstöðu, sem fylgt
hefur 19. og 20. aldar mönnum
að geta brotið af sér hlekki stétt-
bundinna réttinda, komast til
áhrífa, ryðja brautir til jafnaðar
og jafnréttis. Upplag hans hneig
í þessa átt. Hvað það snertir lét
hann til sín taka með athöfnum
og eftirdæmi sem sýslumaður, al-
þingismaður og lögfræðingur.
Mannréttindamál, réttarfars- og
dómsmál voru Birni hugstæð.
Vert væri að rekja nánar viðhorf
hans og tillögur í þeim efnum, en
ég get þeirra aðeins Iauslega í
þessari stuttu vinarkveðju.
Vinátta okkar Björns var ekki
einungis bundin við það sem
saman fór um skoðanir okkar á
samfélagsmálum hvers konar,
virðingu fyrir siðmannlegum
samskiptareglum og tillitssemi
við náungann. Við létum ekki
standa upp á okkur urn siðfágun.
En við höfðum líka rúm fyrir ým-
islegt sem var utan og ofan við
(eða neðan við) virðuleika og al-
vöru. Slíkt framferði (reyndar
sakleysið uppmálað) er að sjálf-
sögðu aðeins fyrir innvígða. I
slíkum vinahópi var Björn
manna glaðastur, lét ýmis snjall-
yrði fjúka, þ. á m. beinskeyttar
athugasemdir um menn og mál-
efni. Björn kunni vel að meta
„slæman kveðskap" eins og um-
vöndunarsamir menn fyrrum
kölluðu skringilegar vísur og
samdi sjálfur ágætar „búrleskur"
eins og þessa:
Ó, að ég væri úti í Pest
með eina flösku af víni,
skoskan hatt og skjóttan hest,
skyldi ég deyja úr gríni.
Eins og Björn var reglusamur
og réttsýnn embættismaður, sem
tók alvarlega hvert það hlutverk
sem honum var falið, var hann
glaður á góðri stund og ekki
djúpt á græskulausum æringjan-
um. Og nú eru leiðarlok.
Frú Ragnheiði Jónsdóttur, eft-
irlifandi eiginkonu Björns sýslu-
manns, sendi ég hugheila sam-
úðarkveðju okkar Ólafar Auðar,
svo og börnuin og barnabörnum.
Sem vandamenn syrgja góðan
heimilisföður og forsjármann
söknum við vinar í stað.
Ingvar Gíslason

Viltu velja þér
_ _ _SDeni

pennandi
■ *
Viltu læra að gera tónlistarmyndbönd, auglýsingar, heimildarmyndir,
sjónvarpsþætti og margmiðlunarefni.
Ert þú með allar góðu hugmyndirnar
Einfaldasta og ódýrasta leiðin er að fara í Grunnnám í kvikmyndagerð
hjá Kvikmyndaskóla íslands.
Námið hefst í lok janúar. Boðið er upp á morgun- dag- og kvöldtíma.
Áfjórða hundrað nemenda hafa stundað nám við Kvikmyndaskóla íslands. Tugir
þeirra hafa starfað um lengri eða skemmri tíma í íslenskum kvikmyndaiðnaði.
Kvikmyndaskóli íslands
Skúlagata 51
Sími: 5882720