Dagblaðið Vísir - DV - 25.01.1988, Blaðsíða 29

MÁNUDAGUR 25. JANÚAR 1988.
41
Fólk í fréttum
DV
Guðmundur Vignir Jósefsson
Guömundur Vignir Jósefsson,
gjaldheimtustjóri í Rvík, hefur ver-
ið í fréttum DV vegna umræöna
um staðgreiðslukerfl skatta. Guð-
mundur fæddist 24. febrúar 1921 í
Reykjavík og lauk lögfræðiprófi frá
HÍ 1947. Hann las stjórnarfarsrétt
við Parísarháskóla 1949-1950, varð
hdl. 1948 og hrl. 1957. Guðmundur
var fulltrúi á skrifstofu borgar-
stjórans í Rvík 1947-1951 og skrif-
stofustjóri bæjarverkfræðings í
Rvík 1951-1962. Hann hefur verið
gjaldheimtustjóri í Reykjavík frá
1962 og var formaður bamavernd-
arnefndar Reykjavíkur 1950-1962.
Guðmundur var formaður stjórnar
Innheimtustofnunar sveitarfélaga
frá stofnun 1971-1987 og varasátta-
semjari ríkisins frá 1980. Hann var
formaður Lögfræðifélags íslands
1981-1982 og formaður íslands-
deildar Norræna embættismanna-
sambandsins 1982-1985. Kona
Guðmundar er Jóhanna Sólveig
Guðlaugsdóttir, f. 21. mars 1932,
tækniteiknari. Foreldrar hennar
voru Guðlaugur Jónsson, rann-
sóknarlögreglumaður í Rvík, og
kona hans, Helga Ingibjörg Kristj-
ánsdóttir, systir Kristjáns, fóður
Agnars, forstjóra Kassagerðarinn-
ar, og Sigurðar Pálssonar vígslu-
biskups, föður Siguröar, prests á
Selfossi. Börn Guðmundar og Jó-
hönnu eru: Guðríður, f. 11. júlí 1953,
lögfræðingur. Sambýhsmaður
hennar er Magnús Jóhannesson,
viðskiptafræðingur á Skattstof-
unni í Rvík; Helga Ingibjörg, f. 9.
ágúst 1954, sjúkraþjálfari, gift
Tryggva Þórðarsyni heilbrigöis-
fulltrúa, og Ásta Valgerður, f. 7.
desember 1962, nemi í sjúkraþjálf-
un í HÍ. Systkini Guðmundar eru:
Magnús, f. 28. desember 1911, iðn-
verkamaður í Rvík, kvæntur
Ingibjörgu Vilhjálmsdóttur; Jakob-
ína, f. 1. ágúst 1912, d. 28. febrúar
1964, gjaldkeri í Rvik; Elín, f. 30.
júní 1915, fyrrv. bæjarfulltrúi í
Hafnarfirði, gift Óskari Mugasyni,
skipstjóra í Hafnarfirði, og Gott-
freð, f. 1918, d. sama ár.
Foreldrar Guðmundar voru Jósef
Gottfred Blöndal Magnússon, tré-
smiður í Rvík, og kona hans,
Guðríður Guðmundsdóttir. Meðal
fóðursystkina Guðmundar var
Anna, amma Gísla Alfreðssonar
þjóðleikhússtjóra. Faöir Jósefs var
Magnús, snikkari í Rvík, bróðir
Sæmundar, langafa Björgvins, föð-
ur Sighvats alþingismanns. Systir
Magnúsar var Margrét, amma El-
inborgar Lárusdóttur rithöfundar.
Magnús var sonur Árna, b. og ljós-'
fóður í Stokkhólma, Sigurðssonar
og konu hans, Margrétár Magnús-
dóttur, systur Pálma, langafa Helga
Hálfdánarsonar skálds og Péturs,
fóður Hannesar skálds. Pálmi var
einnig langafi Jóns, fööur Pálma í
Hagkaupi. Móðir Jósefs var Vigdís
Ólafsdóttir, prests í Viðvík, bróður
Þuríðar, langömmu Vigdísar Finn-
bogadóttur. Systir Ólafs var
Rannveig, langamma Þórunnar,
móður Gylfa Þ. Gíslasonar. Ólafur
var sonur Þorvaldar, prófasts í
Holti, Böðvarssonar og konu hans,
Kristínar Björnsdóttur, prests í
Bólstaðarhlíð, Jónssonar, fóður El-
ísabetar, langömmu Sveins Björns-
sonar forseta. Móðir Vigdísar var
Sigríður Magnúsdóttir, b. á Leir-
um, Sigurðssonar. Móðir Magnús-
ar var Oddný Jónsdóttir, systir
ísleifs, langafa Jóns, afa Karls
Steinars Guðnasonar alþingis-
manns. Móðir Sigríðar var Anna
Magnúsdóttir, systir Þorsteins,
langafa Benediktu, móður Eggerts
Haukdals alþingismanns.
Meðal móðursystkina Guðmund-
ar voru Loftur ljósmyndari, Gísh
gerlafræðingur og Guðbjörg Kolka,
móðir Perlu, konu Stefáns Sörens-
sonar háskólaritara og Halldóru,
konu Ara ísbergs lögfræðings.
Guðríður er dóttir Guðmundar, b.
í Hvammsvík í Kjós, Guðmunds-
sonar, bróöur Agöthu, langömmu
Helgu, móöur Vésteins Lúðvíks-
sonar rithöfundar. Systir Guð-
mundar var Kristrún, langamma
Jóns Tómassonar borgarlög-
manns. Móðir Guðríðar var
Jakobína, systir Katrínar, ömmu
Birgis Þorgilssonar ferðamála-
stjóra, Sigrúnar, móður Þorgils
Óttars Mathiesens handknattleik-
manns, og ömmu Þorkels Þorkels-
sonar, framkvæmdastjóra
Bæjarleiða. Systir Jakobínu var
Ingibjörg, amma Sigutjóns Rists
Guðmundur Vignir Jósefsson.
vatnamælingamanns. Bróðir Jak-
obínu var Bjarni, afi Sveins Bjöms-
sonar stórkaupmanns. Jakobína
var dóttir Jakobs, b. á Valdastöðum
í Kjós, Guðlaugssonar, bróður
Björns, langafa Jórunnar, móður
Birgis ísleifs Gunnarssonar ráð-
herra.
Afmæli
Sigurjón Kristjánsson
Sigurjón Kristjánsson, smiður,
hugvitsmaður og b. að Forsæti I,
Villingaholtshreppi, er áttræður í
dag. Sigurjón fæddist að Minna-
Mosfelli í Mosfellssveit en flutti
ellefu ára með fjöldskyldu sinni til
Hafnaríjarðar, þar sem hún bjó í
þrjú ár, og síðan að Forsæti þar
sem Sigurjón hefur búið síðan. Sig-
urjón stundaði öll almenn sveita-
störf á unglingsárunum en hugur
hans hneigðist snemma til smíða
og 1936 fór hann til Eyrarbakka á
teikninámskeið sem var fyrsti vísir
að iðnskólanámi á Suðurlandi. Sig-
uijón lauk sveinsprófi 1937 en hann
er þjóðkunnur hagleikssmiður,
jafnvígur á járn og tré. Árið 1941
hannaði hann og smíðaði nýja gerð
af rokkum sem voru sjálfvirkar
spunavélar en hann mun hafa
smíðað og selt um hundrað og sjö-
tíu slíkar vélar á árunum 1941-54.
Synir hans hafa greinilega erft
smíðagáfuna. Yngsti sonur hans
smíðar pípuorgel um þessar mund-
ir og sá næstyngsti hefur unnið að
hönnun og smíði vindmylla. Sigur-
jón hefur búið að Forsæti í tvíbýli
á móti bróður sínum, Gesti, en auk
þess búa tveir synir Sigurjóns að
Forsæti.
Kona Sigurjóns var Kristín
Ágústa Ketilsdóttir, f. 6. ágúst 1914,
d. í febrúar 1985, systir Olafs, bíl-
stjóra og sérleyfishafa. Eoreldrar
Kristínar voru Ketill Helgason, b.
á Álfsstöðum á Skeiðum, og kona
hans, Kristín Hafliðadóttur. Sigur-
jón og Kristín eignuðust fjóra syni:
Ólafur, f. 19. janúar 1945, er smið-
ur, kvæntur Bergþóru Guöbjarts-
dóttur, matráðskonu við Vilhnga-
holtsskóla, og eiga þau fimm börn;
Kristján Már, f. 18. júlí 1946, er
verkfræðingur hjá Verkfræðistofu
Sigurðar Thoroddsen, kvæntur
Kristínu Einarsdóttur alþingis-
manni, og eiga þau tvo syni; Albert,
f. 4. nóvember 1949, smiður á For-
sæti, er kvæntur Guðrúnu Jóns-
dóttur, starfskonu við Saumastof-
una á Selfossi, og eiga þau tvö börn;
Ketill, f. 20. júní 1954, er smiður á
Forsæti. Systkini Siguijóns eru
Oddný, f. 20. júní 1897, d. 9. júlí 1907;
Margrét, f. 12. febrúar 1899, d. 15.
október 1968, gift Jakobi Sigurðs-
syni, íshússtjóra í Keflavík; Einar,
f. 25. ágúst 1901, b. í Vatnsholti í
Villingaholtshreppi; Kristín, f. 10.
apríl 1904, gift Öskari Steinssyni,
gjaldkera i Hafnarfirði; Oddný, f.
3. september 1911, gift Ámunda Ei-
ríkssyni, b. í Feijunesi; Vigdís, f.
23. júní 1913, gift Þórði Jónssyni,
húsasmíðameistara á Selfossi;
Gestur Mosdal, f. 27. ágúst 1919, b.
í Forsæti.
Foreldrar Sigurjóns voru Kristj-
án Jónsson, f. 6. ágúst 1866, d. 9.
nóvember 1949, b. í Forsæti í Vill-
iilgaholtshreppi, og kona hans,
María Einarsdóttir, f. 13. ágúst
1872, d. 13. júní 1964. Faðir Kristjáns
var Jón, b. í Unnarholti í Hruna-
mannahreppi, Oddsson í Austur-
hlíð í Eystrihreppi, Jónssonar.
Móðir Kristjáns var Margrét, systir
Ingveldar, langömmu Steinþórs
Sigurjón Kristjánsson.
Gestssonar alþingismanns, fóður
Gests skattstjóra. Ingveldur var
einnig langamma Helgu, móður
Benedikts Sveinssonar hrl. Margr-
ét var dóttir Einars, b. í Laxárdal
í Eystrihreppi, Jónssonar, forfóður
Laxárdalsættarinnar. María var
dóttir Einars, b. í Hellisholtum í
Hrunamannahreppi, Jóhannsson-
ar, b. í Efra-Langholti. Móðir Maríu
var Vigdís Einarsdóttir, b. á Helga-
stööum í Biskupstungum, Hafliöa-
sonar. Móðir Vigdísar var
Kristbjörg Gottsveinsdóttir, systir
Jóns, langafa Valdimars, langafa
Þrastar Árnasonar skákmeistara.
Systir Kristbjargar var Solveig,
langamma Sigurgeirs, afa Þorkels
Sigurlaugssonar, íjármálastjóra
Eimskipafélagsins.
Til hamingju með daginn!
80 ára_____________________
Tryggvi Ólafsson, Vogi, Búlands-
hreppi, er áttræður í dag.
75 ára
Pálína Stefánsdóttir, Þykkvabæ II,
Kirkjubæjarklaustri, er sjötíu og
fimm ára í dag.
70 ára_____________________
Guðmundur Óskar Jónsson,
Neðstaleiti 13, Reykjavík, er sjötug-
ur í dag. Hann verður að heiman á
afmælisdaginn.
Sigurbjörn Ólafsson, Foldahrauni
37G, Vestmannaeyjum, er sjötugur
í dag.
60 ára
Baldvin Haraldsson, Heiðarási 24,
Reykjavík, er sextugur í dag.
Ragna G. Pálsdóttir, Gnoðarvogi
86, Reykjavík, er sextug í dag.
Gunda Cecelie Jóhannsdóttir,
Furulundi 8N, Akureyri, er sextug
í dag.
50 ára
Lára Angantýsdóttir, Víðihlíö 1,
Sauðárkróki, er fimmtug í dag.
40 ára
Alan Rettedal, Skaftahlíð 38,
Reykjavík, er fertugur í dag.
Hermann Hermannsson, Grófar-
seli 30, Reykjavík, er fertugur í dag.
Guðrún Brynjólfsdóttir, Daltúni 2,
Kópavogi, er fertug í dag.
Jóhanna Sigurðardóttir, Neðri-.
braut 3, Mosfellsbæ, er fertug í dag.
Sveinn S. Pétursson, Fagrahjalla
16, Vopnafirði, er fertugur í dag.
Sigríður Einarsdóttir, Brekkum I,
Mýrdalshreppi, er fertug í dag.
Sigursteinn Þorsteinsson
Sigursteinn Þorsteinsson, fyrrv.
b. á Búrfelli í Hálsasveit, til heimil-
is að Brimnesvegi 18, Flateyri, lést
5. janúar sl. Sigursteinn f. að Úlfs-
stöðum í Hálsasveit 9. október 1901
og ólst upp í foreldrahúsum en
missti móður sína þegar hann var
tíu ára. Sigursteinn var einn vetur
á Hvítárbakkaskóla og á unglings-
árunum starfaði hann mikið í
ungmennahreyfingunni og keppti
þá á héraðsmótum en hann þótti
mikill sundgarpur. Hann var um
skeið vinnumaður í Borgarfirði og
vann að jarðarbótum en var svo í
Reykjavík um tíma og átti þar
vörubíl sem hann ók sjálfur. Árið
1934 hóf hann búskap og tók þá á
leigu jöröina Búrfell sem hann svo
keypti 1950 en þar bjó hann til árs-
ins 1970. Þá fluttu þau hjónin til
Flateyrar þar sem Sigursteinn bjó
til dauðadags. Sigursteinn starfaði
síðustu starfsárin hjá Hjálmi hf.
meðan heilsan leyfði.
Eftirlifandi kona Sigursteins er
Jakobína Guðríður Jakobsdóttir, f.
8. ágúst 1910. Foreldrar hennar
voru Jakob Björnsson, trésmiöur í
Vík í Mýrdal, og kona hans, Guð-
ríður Pjetursdóttur.
Sigursteinn og Jakobína Guðríð-
ur eignuðust þrjú börn: Sigríöur,
f. 3. mars 1936, umboðsmaður Arn-
arflugs og DV á Flateyri, er ekkja
eftir Jón Trausta Siguijónsson, sjó-
mann og verslunarstjóra, en þau
eignuðust fimm syni og eru fjórir
'þeirra á lífi; Ólöf Guðríður, f. 29.
mars 1939, er gift Sigurði Magnús-
syni, verkamanni á Akranesi, og
eiga þau þijá syni; Þorsteinn, f. 18.
september 1950, b. á Búrfelli, er
kvæntur Kolfinnu Þórarinsdóttur
Sigursteinn Þorsteinsson.
og eiga þau fimm böm.
Bræður Sigursteins em: Frey-
móður, f. 13. nóvember 1903, fyrrv.
bæjarfógeti í Vestmannaeyjum,
kvæntur Ragnheiöi Henriettu El-
ísabetu Hansen, og Kristinn, f. 31.
desember 1906, d. 30. nóvember
1926.
Foreldrar Sigursteins voru Þor-
steinn Jónsson, f. 15. október 1868,
d. 29. september 1948, b. í Höfða í
Þverárhlíð, og kona hans, Sigríður
Jónsdóttir, f. 16. febrúar 1878, d. 4.
desember 1911. Faðir Þorsteins var
Jón, b. á Úlfsstöðum í Hálsasveit,
Þorvaldsson og kona hans, Helga
Jónsdóttir, en þau voru börn þeirra
bræðra Þorvaldar, b. á Vilmundar-
stöðum í Reykholtsdal, og Jóns, b.
í Deildartungu, Jónssona, b. og
dbrm. í Deildartungu, Þorvalds-
sonar, forfööur Deildartunguætt-
arinnar. Sigríöur var dóttir Jóns,
b. á Steindyrum á Látraströnd,
Einarssonar og Ingibjargar Bene-
diktsdóttir, b. í Hringsdal í Suður-
Þingeyjarsýslu.
Tilmæli til afmælisbarna
Blaðið hvetur afmælisbörn og aðstandendur
þeirra til að senda því myndir og upplýsing-
ar um frændgarð og starfssögu þeirra.
Þessar upplýsingar þurfa að berast I siðasta
lagi tveimur dögum fyrir afmælið.
Munið að senda okkur myndir