Dagblaðið Vísir - DV - 17.11.1990, Blaðsíða 28

Dagblaðið Vísir - DV - 17.11.1990, Blaðsíða 28
40_____________________________________________________________ LAUGARDAGUR 17. NÖVEMBER 199Q. Óvenjuleg bókaverslun í Köln: Hann rokselur íslenskar bækur í Þýskalandi Ekkert bendir til þess að innan veggja þessarar verslunar sé starfrækt myndarleg „islensk deild“. Sú er þó raunin og þar fer fram talsverð verslun með íslenskar og íslandstengdar bækur. íslandsvinurinn Friedrich hefur gert talsvert að þvi að taka myndir i Reykja- vik. Hér skoðar hann eina slika sem hann náði af norðurljósunum yfir Sjó- mannaskólanum. Raunar er þetta eftirlætismyndin hans. Jóharma S. Sigþórsdóttir, DV, Þýskalandi: Það var ekkert sem benti til þess að blaðamaður væri á réttum stað þegar hann gekk inn í bókaverslun C. Roemke viö Apostelnstrasse eða Postulastræti 7 í Köln í Þýskalandi á dögunum. Þarna átti að vera tii sölu urmull íslenskra og íslandstengdra bóka, raunar heil deild slíkra bók- mennta. En það var ekki hvertutlu að sjá við fyrstu yfirsýn. Verslunin var svo sem nógu stór og rúmgóð, ekki vantaði það. Og þar ægði saman bókmenntum frá öllum löndum, nema íslandi. Þarna var eitthvað öðruvísi en það átti að vera. Ekki þótti þó rétt að gefast upp úr því að á staðinn var komið. Blaða- maður vék sér því að einni af- greiðslustúlkunni og spurði eftir eig- andanum. Konan brá snarlega við, hallaði undir flatt og kallaði upp í loftið: „Pabbi!“ Kallinu var svarað að ofan og kom þá í lj.ós að bókaversl- unin var á tveim hæðum. Upp á efri hæðina lá lítill hringstigi sem kúrði í einu horni verslunarinnar og lét lítið fyrir sér fara. Niður þennan stiga kom nú gamall maður, líklega kominn yfir áttrætt. Ekki bar hann það með sér að hann ræki umfangsmikla bókaverslun eri þó reyndist svo vera. Það kom sumsé upp úr dúrnum að þessi maður hefur farið ótroðnar slóðir í viðskiptum sínum og gert það sem aðrir myndu hika við að leggja út í, sumsé að selja íslenskar bækur í verslun.sinni. Þarna var kominn eigandi bóka- verslunarinnar C. Roemke og Cie, Friedrich Tacke að nafni. Hann tók blaðamanni ljúflega og bauð honum að ganga með sér upp á efri hæð verslunarinnar. Og sjá - þar voru hlaðnar bókahillur frá gólfi til lofts. Þarna var líka skrifborð Friedrichs og bar það vott um mikil umsvif eig- andans. „Æ, ég ætla aö biðja ykkur um að vera ekkert að mynda skrif- borðið mitt,“ sagði hann. „Það er svo óttalegt drasl á því, að fólk gæti hald- ið að allt væri í megnustu óreiðu hérna hjá mér.“ Við skrifborðið var svo sjálfur helgidómurinn, rúmgott horn hlaðið íslenskum bókum og ýmsum ritum, þýskum, sem fjalla um ísland eða íslensku þjóðina. Þarna voru um 250 titlar af ýmsum toga. Má nefna fjölda íslenskra skáldsagna, ferðabóka, námsbóka, bóka um íslenska hestinn ög svo mætti lengi telja. En hvað skyldi hafa orðið til þess að sett var á stofn svo umfangsmikil verslun á íslenskum og íslandstengd- um bókum í Þýskalandi? „Tildrögin voru þau að ég var beð- inn um að útvega íslenskar bækur til að stilla upp vegna fyrirlestrar, sem halda átti hér í Köln, um ísland og íslenska menningu," segir Fri- edrich. „Þetta gerði ég aö vísu með töluverðri fyrirhöfn og þá vaknaði áhuginn. Ég hef nú rekið þessa „ís- lensku deild" í verslunínni hjá mér um þrjátíu ára skeið og það er ekk- ert lát á þessu. íslenska bókin virðist heldur vera aö vaxa í vinsældum í Þýskalandi, ef eitthvað er. Ég reyni aö vera með bækur sem fjalla um íslensku þjóðina, bókmenntir og ís- lenska tungu. Að sjálfsögðu eru hér einnig ýmis bókmenntavdrk á boð- stólum." Ágömlum merg Bókaverslunin C. Roemke stendur á gömlum merg. Hún var stofnuð 1865 og hefur verið rekin undir sama nafni æ síðan. Friedrich Tacke tók við rekstrinum af föður sínum og hefur heldur veriö aö færa út kvíarn- ar. Þaö er ekki nóg með að hann selji íslenskar bækur heldur pantar hann einnig ef viðskiptavinirnir koma með einhverjar sérstakar óskir. „Það er talsvert um að fólk notfæri sér þessa þjónustu, þvi ég hef náttúrulega ekki tök á því að vera með allt þaö sem hugurinn girnist í hillunum hjá mér. Það eru ótrúlegustu bækur sem ég er beðinn um að panta og það er allt- af gaman þegar nýir titlar skjóta upp kollinum. Svo koma hingað á hverjum degi í verslunina til mín viðskiptavinir sem iangar til að kíkja í „íslensku deildina". Sumir þeirra eru á leiðinni til íslands og vilja kynna sér land og þjóð sem best áður en þeir leggja i’ann. Aðrir hafa þegar verið þar og vilja nú afia sér hvers kyns fróðleiks um land og þjóö, af því að það hefur hrifið þá svo rnjög. Enn aðrir hafa mikinn áhuga á íslenskum forn- bókmenntum og því hef ég hér á boö- stólum bæði verlrin sjálf svo og um- fjöllun um þau, ýmist á íslensku eða þýsku. Ég hef sjálfur lesið allar ís- lendingasögurnar og haföi afskap- lega gaman af.“ Sex sinnum til íslands Sjálfur er Friedrich Tacke mikill íslandsvinur, eins og nærri má geta. Hann hefur komið sex sinnum til íslands, síöast nú i haust. Þá brá hann sér á afmælishátíö Þýsk- íslenska félagsins Germaníu og skemmti sér konunglega. Hann notar þessar ferðir gjarnan tii að líta inn í bókaverslanir í Reykjavík. Þar eru fornbókaverslan- ir efstar á blaði. Hann segist eyöa talsverðum tíma í þeim og þar hefði hann fengið margan góðan gripinn sem ella hefði tekið langan tíma aö útvega einhverjum viðskiptavinin- um úti í Þýskalandi. En Friedrich eyðir ekki öllum sín- um tíma í bókaverslunum. „Ég geri svolítið að því að taka myndir," segir hann hæversklega. „Ykkur myndi kannski langa til að líta á nokkrar þeirra?“ Að þessum orðum sögðum seilist hann á bak viö skrifboröið sitt og dregur fram heljarmikinn vöndul. Hann flettir honum í sundur og koma þá í ljós gullfallegar myndir sem teknar hafa verið á íslandi. Sumar sýna bragandi norðurljós á kvöld- himninum yfir Sjómannaskólanum í Reykjavík. „Þetta er eiginlega uppá- haldsmyndin mín,“ segir gamli mað- urinn með lítillæti en þó leynir hreyknin sér ekki í röddinni. - Og hvað ætlaröu að gera við allar þessar myndir? Spyr blaðamaður sem býst við að viðskiptajöfurinn ætli aö koma þeim í verð með tíð og tíma. „Ég skemmti mér við að skoða þær af og tU,“ var svariö. Og þar með þurfti ekki að ræða það mál frekar. Friedrich á orðiö allmarga vini og kunningja á íslandi. „Ég hef kynnst mjög mörgu fólki, bæði íslendingum og Þjóðverjum, vegna áhugá míns á íslenskum bókum og starfs míns í sambandi við sölu á þeim,“ segir hann. „Þar á meðal eru nokkrir höf- undar ferðabóka um ísland sem hafa viðaö að sér geysilegum fróðleik, bæði um land og þjóö. Þessir menn eru í raun orðnir sérfræðingar á sínu sviði. Þaö er alltaf gaman aö hitta þessa kunningja og spjalla við þá,“ segir gamli maðurinn brosandi og það er greinilegt að íslandsbækurnar og stússiö í kringum þær gefa honum talsverða lífsfyllingu. Bókaskrá á hverju ári Þessa dagana er talsvert umleikis hjá Friedrich Tacke vegna „íslensku deildarinnar" hans. Þann 1. desemb- er ár hvert er haldin eins konar námsstefna í Köln. Það er þýsk- íslenska félagið sem hefur veg og vanda af henni. Þarna eru haldnir fyrirlestrar á ýmsum mismunandi sviðum og vitaskuld skipa bók- menntir þar stóran sess. Að þessu sinni verða kynnt verk Guðbergs Bergssonar og Thors Vilhjálmsson- ar. Geta má þess í framhjáhlaupi að Grámosinn hans Thors er að koma út í þýskri þýðingu þessa dagana og gleður það vafalaust margan bó- kaunnandann. En aftur til námsstefnunnar. í tengslum viö hana setur Friedrich saman skrá um alla þá titla sem frnna má í bókaversluninni hans. Það er heilmikil vinna, eins og geta má nærri, því skráin þarf að vera tæm- andi og skipulega sett saman. Allt er þetta nú gott og blessað og greinilegt að íslensku bókinni er haldið mjög á lofti í Þýskalandi þessa dagana. En hvernig skyldi vera hægt að versla með bækur sem kaupa þarf á íslandi og selja í Þýskalandi. Þetta þýöir nefnilega að þær eru allt aö helmingi dýrari þar sem þær eru keyptar heldur en þar sem þær eru seldar og svoleiðis viðskipti geta tæp- ast veriö ábatasöm. „Nei, það er alveg rétt aö bækurnar eru allt að helmingi dýrari á íslandi heldur en hér. Gróðinn er auövitaö enginn og í mörgum tilfellum veldur þetta erfiöleikum á sölu íslensku bókanna. Það er nefnilega ekki alltaf sem viðskiptavinirnir gera sér grein fyri þessum mikla mun á verðlagi hér og á íslandi. En mér finnst nauð- synlegt aö bjóða upp á íslenskar bækur hér í Þýskalandi, þar sem áhuginn fyrir landi og þjóð er svo mikill sem raun ber vitni, og ég von- ast til að svo veröi einnig eftir minn dag,“ segir gamli maðurinn, einbeitt- ur á svip.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.