Dagur - 10.08.1977, Blaðsíða 4
Útgcfandi: ÚTGÁFUFÉLAG DAGS
Skrifstofur Ffafnarstracti 90, Akureyri
Simar: Ritstjóm 11100, Augl. og afgrciðsla 11167
Ritstj. og ábyrgðann.: ERLINGUR DAVÍÐSSON
Augl. og afgr.: JÓFIANN KARL SIGURÐSSON
Prcntun: Prcntvcrk Odds Bjömssonar hf.
Vinna og tómstundir
Merkur eyfirskur bóndi sagði fyrir
nokkru, að hann tímdi ekki að eiga
fleiri kýr í fjósi. Hann skýrði það
svo, að hann vildi ekki fækka frí-
stundum sínum, sem hann hefði með
hóflegri bústærð. Þetta sjónarmið
hefur lítið verið rætt, en framleiðslu-
magn og sala búvaranna því meira.
En þá er illa komið, ef eingöngu er
litið á sveitirnar sem verksmiðjur
mjólkur og kjöts, en fólkið líf þess,
starf og hamingja hverfur í skugga
framleiðsluhagfræðinnar.
í framhaldi af þessu má geta um
það einstaka fyrirbæri á íslandi, að
fólk vann um skeið á þessu ári að-
eins átta klukkustundir á dag, í stað
tíu klukkustunda eða jafnvel miklu
fleiri. Yfirvinnubannið, sem notað
var til aðhalds í samningum um
kaup og kjör á milli launþega og at-
vinnurekenda, færði mönnum upp
í hendurnar sómasamlegan vinnu-
tíma og viðbrögð hins þreytta fólks
var að þetta væri allt annað og betra
líf. Sumir atvinnurekendur létu það
Jjá einnig í ljósi, að óþreytt verka-
fólk skilaði litlu minna dagsverki
eða alls ekki á átta klukkustundum,
en þreytt fólk á lengri vinnutíma. En
allt er nú komið í sama farið. Mikill
þorri láglaunafólks hér á landi vinn-
ur óhóflega langan vinnutíma og er
þrælkað af vinnu. Orsakir þessa er
mikil eftirspum eftir vinnuaflinu og
sú þörf f jöldans að greiða lán og lög-
boðin gjöld, auk þess að hafa eitt-
hvað til hnífs og skeiðar. Allir stjóm-
málaflokkar ættu að sjá sóma sinn í
því, svo og aðilar vinnumarkaðarins,
að aflétta vinnuþrælkuninni.
ByggÖastefna eða hvaö?
Borgarstjórinn í Reykjavík kom ný-
lega fram í sjónvarpi og svaraði
spurningum um skýrslu eina, sem
hann eða . borgarstjómarmeirihlut-
inn hefur látið semja um atvinnumál
borgarinnar. í skýrslu þessari kemur
óbeint fram hörð gagnrýni á borgar-
stjórn fyrir það að hafa ekki sem
skyldi gætt hagsmuna borgarinnar í
atvinnulegu tilliti. Hinsvegar taldi
borgarstjórinn, að hér væri öflug
byggðastefna að verki er rýrði hlut
borgarinnar. I skýrslunni kemur
fram, að æ fleiri stunda þjónustu-
störfin en þeim fækkar, sem fram-
leiðslustörf stunda. Reykjavík er
fyrst og fremst þjónustumiðstöð
landsins og hefur um langa tíð fleytt
rjómann af þjóðartekjunum með
margvíslegum hætti. Þetta varð svo
augljóst mál, að loksins tóku allir
stjórnmálaflokkar byggðastefnuna
svokölluðu upp á arma sína.
Að sjálfsögðu vilja landsmenn allir
veg höfuðborgarinnar góðan. En
það væri mjög ósanngjarnt, að ætlast
til þess að byggðastefnan sé brotin á
bak aftur vegna umdeildrar íhalds-
stjómar Reykjavíkurborgar.
Laxárdalur í Suður-
Þingeyjarsýslu
Gunnlaugur Tr, Gunnarsson segir frá
Laxá kemur úr Mývatni, renn-
ur um Laxárdal, síðan um Að-
aldal og fellur þar til sjávar.
Laxárdalur, frá Laxárvirkjun
að Mývatni, er um 20 kílómetr-
ar, og þar eru nú aðeins fimm
bæir byggðir. Dalurinn er frem
ur þröngur á milli lágra, vel
gróinna og viða kjarri vaxinna
heiða. Hraun hefur fyrrum
runnið um Laxárdal. Það, og
Laxá, sem þar liðast milli bakka
og fagurra hólma, setja öðru
fremur svip sinn á dalinn og
gera hann sérstæðan og einkar
fagran. Allt frá þeim tíma er
ég fyrst kom ungur maður í
Laxárdal i stutta heimsókn, er
hann í huga mínum bæði fagur
og sérkennilegur.
Frá þeim tíma minnist ég sér-
staklega, auk jafnaldra minna,
Hallgríms Þorbergssonar og
Bergþóru Magnúsdóttur og
söngkonunnar dáðu, frú Lissy-
ar, konu Páls bónda, sem öll
bjuggu á Halldórsstöðum, auk
Torfa og Kolfinnu, sem ég
kynntist minna. En það var ein
mitt á þennan bæ, sem leið mín
lá fyrst. Þá var vor og veður
blítt, gróðurinn angaði og fjöldi
fugla synti á lygnri ánni. Fáir
staðir eða engir hafa fangað
huga minn með slíkum hætti
við fyrstu kynni. í minningunni
um þessa heimsókn blandast fag-
ur söngur Lissýar og svo kraft-
mikill hressileiki Hallgríms
bónda, að hann hefði getað
hrakið burt ólund úr heilum
landshluta.
Blómstóð hinna mörgu eyja í
Laxá í Laxárdalnum, hraunið,
gróðurinn í því, kjarrið og
margbreytt fuglalíf, stendur
mér ætíð fyrir hugskotssjónum,
þegar minnst er á þennan sér-
kennilega dal. Þá rifjast það
einnig upp, að eitt sinn er við
Pétur heitinn í Árhvammi vor-
um að veiðum í ánni, tók hann
mig ofurlítið afsíðis og benti
mér á svolítið afmarkaðan reit
í helluhrauninu, ekki langt frá
bænum. í fyrstu sýndist þetta
ekkert sérstakt. En svo opnuð-
ust augu mín smám saman. Á
þessu gamla helluhrauni uxu
skófir, mosar og fléttur og lit-
irnir voru allt frá dökkbrún-
um til mjög ljósra, næstum
hvítra lita og litbrigðin nánast
óendanleg. Mjög smávaxnar
blómplöntur höfðu fest rætur á
þessum bletti, sem ég ekki kann
nafn á. En samanlagt var þetta
sá reitur, sem ég í þessari för
naut lengst og nýt enn. Hjá
honum kraup ég niður og drakk
í mig þessa látlausu og undur-
samlegu fergurð langa stund. —
Það þarf ekki alltaf stóra ver-
öld til þess að hrífa og gleðja.
Búendur í Laxárdal nú eru
þessir: í Kasthvammi búa
Gunnlaugur Tr. Gunnarsson og
Þóra systir hans félagsbúi á
móti Bergsteini Gunnarssyni og
Aðalbjörgu Jónasdóttur. í Ár-
hvammi búa Jón Pétursson og
Hildur Jónasdóttir, í Árhólum
Hallur Hallgrímsson og Guðrún
Pétursdóttir og á Auðnum Jón
Benediktsson og María Krist-
jánsdóttir. Á Þverá búa bræð-
urnir Jón og Áskell Jónassynir
með móður sinni, Höllu Jóns-
dóttur, og á Halldórsstöðum á
William Franz Pálsson heima.
Eyðijarðirnar eru: Hamar,
Brettingsstaðir, Ljótsstaðir og
svo Halldórsstaðir, að því leyti,
að þar er enginn búskapur rek-
inn, en eyðijarðirnar eru nytj-
aðar. Byggðar jarðir eru vel hús
aðar og allir bændurnir hafa
súgþurrkun í hlöðum sínum,
sem kemur sér vel í sumar. Á
Auðnum er sauðfjárbú, en
blandaður búskapur á hinum
jörðunum.
Um Laxárdal fyrr og nú rædd
um við Gunnlaugur Tr. Gunn-
arsson í Kasthvammi fyrir fá-
um dögum, en hann er frétta-
ritari Dags í dalnum, er fæddur
þar og upp alinn og er marg-
fróður maður og minnugur.
Hann gaf mér þessar upplýsing-
ar og heldur nú áfram frásögn
sinni.
Fyrrum var margt fólk í Lax
árdal, svo það er ósambærilegt
við það, sem nú er. Ég held,
að flestir hafi íbúarnir orðið
128, en það var um 1880.
Ekið er í Laxárdal að norðan
og liggja vegir beggja vegna
ár fram í Ljótsstaði. Þaðan er
ekki bílfært um miðju dalsins
og þar eru eyðijarðirnar nema
Birningsstaðir.
Laxárdalur á sína sögu, svo
sem aðrar sveitir. Nú er hann
helst kunnur vegna veiðiskap-
ar í ánni. En upphaf stangveið-
anna má rekja til Englendinga,
sem dvöldu á Þverá og veiddu
á stöng. Þá var samvinnumað-
urinn góðkunni, Benedikt á
Auðnum, ungur að árum og var
fljótur að tileinka sér þessa
nýju veiðiaðferð í ánni. Mun
þetta hafa verið rétt eftir 1870.
Þeir ensku mokveiddu og það
gerði Benedikt einnig og heyrði
ég hann segja það, að þá hefði
silungurinn í Brettingsstaða-
landi verið eins og í potti, svo
mikið hefði verið af honum.
Helgi og Sigurbjörn í Hólum
tileinkuðu sér stangaveiðina
einnig mjög fljótt. Nokkru síð-
ar, en þó fyrir aldamótin, tóku
Englendingar ána á leigu,
bjuggu á Halldórsstöðum og
veiddu mikið. Til munu veiði-
skýrslur frá þeim tíma. Eng-
lendingarnir voru fínir menn,
sem kallað var og veiðitækin
þeirra voru einnig fín, að því
er sagt var og vöktu ungum
mönnum forvitni, svo sem nærri
má geta. Og enn er veitt { Laxá
á þessum gömlu veiðislóðum.
Þar veiðist mjög feitur urriði,
en fossar neðst í Laxárgljúfr-
um var laxinum hindrun og því
hefur hann ekki gengið upp í
dalinn. — Nú er hins vegar
laxastigi í smíðum og þegar
smíðinni er lokið verður þess-
um fiski greið leið allt til Mý-
vatns og lengra þó.
Veiðihús var byggt á einum
fegursta stað í dalnum og hef-
ur verið notað síðan 1974 og er
einkar vinsæll staður. Þar hef-
ur öll árin verið veiðivörður,
veiðimönnum til leiðbeiningar
og fyrirgreiðslu.
Árið 1884 tóku til starfa á
Halldórsstöðum í Laxárdal hin
Gunnl. Tr. Gunnarsson.
ar sögufrægu tóvinnuvélar
Magnúsar Þórarinssonar bónda
þar, sem hann sjálfur kom upp
og rak til 1923, er bruni batt
enda á þann rekstur. í velum
þessum var unninn lopi og band
og síðar var þangað keypt spuna
vél, en hún reyndist þurfa
meiri orku, en fyrir hendi var.
En vélar þessar gengu fyrir
vatnsafli. Skurður var grafinn
úr Þverá og vatnið leitt eftir
honum til vélanna, líklega um
þriggja km veg. Páll nokkur
Jóakimsson mældi fyrir skurð-
inum og var verkstjóri við gerð
hans .búfræðingur að mennt.
Á Halldórsstöðum var þríbýli
frá 1890 til 1960 eða þar um bil.
— Nú á þar heima Willi-
am Frans Pálsson, 81 árs, mik-
ill náttúruskoðari, safnari og
hefur fengist við margháttaða
verslun. En þess má þá geta í
leiðinni, að Páll á Halldórsstöð-
um verslaði mörg ár með ensk
föt, hafði fataverslun og voru
fötin hans mjög ódýr og hin
sæmilegustu. Áttu margir föt
frá honum, svo sem þannig var
frá sagt: Páll þurfti að inn-
heirrtta fataverð hjá öllum á
Hraunsrétt. Faðir minn átti góð
föt frá Páli og það átti ég einn-
ig-
Árið 1882 var fyrsta kaupfé-
lag landsins stofnað að Þverá
í Laxárdal. í dalnum var þá
strax stofnuð félagsdeild og hér
er hún enn. Þótt mér sé málið
skylt, álít ég Laxdælinga ein-
hverja allra traustustu sam-
vinnumennina í þessu héraði,
bæði fyrr og síðar_ kannski
meira ihugsjónasamvinnumenn
en hagsmunasamvinnumenn.
En saga Kaupfélags Þingeyinga
verður ekki sögð hér.
Nú er Laxárdalur úr alfarar-
leið, þótt við höfum oftast
marga sumargesti og fögnum
þeim. En í fyrri daga voru það
tóvinnuvélarnar á Halldórsstöð
um, sem juku gestakomurnar
í dalinn. Menn komu með ull
til vinnslu úr öllum sveitum í
Suður-Þingeyjarsýslu, allt frá
Ljósavatnsskarði og svo úr
tveimur vestustu hreppum
Norður-Þingeyjarsýslu, Öxar-
fjarðarhreppi og Fjallahreppi.
Fjöldi af þessum mönnum gisti
hér í dalnum á ýmsum bæjum.
Okkur bárust þá fréttir ur öllu
héraðinu og þá var Laxárdalur-
inn eins konar miðstöð. Þá lá
póstleiðin frá Akureyri að
Grenjaðarstað og svo frá Grenj
aðarstað í Grímsstaði. Jóhannes
Jónatansson á Birningsstöðum
í Laxárdal var orðinn póstur
fyrir 1880. Hann dó í póstferð
í sæluhúsinu við’ Jökulsá á
Fjöllum. Veit ég ekki betur en
við starfi hans hafi tekið sonur
hans, Kristján, síðar bóndi á
Jódísarstöðum í Eyjafirði og
hann var póstur til 1916, að
Guðlaugur Sigmundsson tók
við. Og Guðlaugur fór síðustu
póstferðina þessa leið, frá Ak-
ureyri til Grímsstaða á Fjöll-
um 1927.
Lengi lá póstleiðin frá Grenj
aðarstað til Grímsstaða um Lax
árdalinn að vestan, upp í Skútu
staði og lágu þá raunar tvær
póstleiðir um dalinn. Það var
ótrúlega mikil umferð um Lax-
árdalinn allt árið og sakna ég
hennar raunar alla tíð síðan og
hinna mörgu næturgesta.
Eitt með öðru var sérkenni-
legt við Laxárdal á fyrri árum,
þótt nú sé af lagt, en það var
veiðiskapurinn í Kringluvatni,
sem er hér uppi á heiðarbrún-
inni, austan við Kasthvamm.
Um stærð vatnsins veit ég ekki,
Veiðimannahúsið í Laxárdal. (Ljósm. E. D.)
4•DAGUR
en liklega er um klukkustund-
ar gangur í kringum það. Það
hafði tíðkast lengi, að þarna
var dregið, sem kallað er, og
margir bændur komu jafnvel
nokkuð langt að til að draga.
Landeigendur áttu bátinn og
netin og fengu helminginn af
aflanum, en veiðimenn hinn
helminginn og reiddu hann
heim með sér. Mesta veiði hjá
einu dráttarúthaldi var 480
pund, svo til eingöngu bleikja,
fremur smá, en hinn besti mat-
ur. En ekki var farið að leggja
net í vatnið fyrr en 1914 og
veiddist mikið í vatninu um ára
bil og oft síðan.
Við megum draga eins og við
viljum, því nauðsynlegt er að
fækka silungnum í vatninu, en
veiðiskapurinn er nú lítið stund
aður. Góð reynsla er af þvi, að
í fyrra var dregið í Langavatni
og nú í sumar hefur veiðst
stærri silungur og feitari en áð-
ur.
En nú er svo komið í Kringlu-
vatni, að mikið er þar orðið
af urriða, í stað bleikjunnar áð-
ur. Fyrrum var það ráð tekið
til að halda urriðastofninum
niðri, að stífla á þá sem úr
Kringluvatni rennur og Kringlu
gerðisá heitir, en taka síðan
urriðann, sem í ánni var, hið
næsta vatninu. Var það oft gott
búsílag og var þetta gert á
haustin, en þá gengur urriðinn
gjarnan niður í ár ef úr vatni
renna, gagnstætt bleikjunni. Þá
er þess að geta, að tvisvar voru
bleikjuseiði flutt í Kringluvatn
úr Mývatni og þótti bleikjuveið
in batna nokkuð við það.
Einn 13 punda urriða hef ég
veitt í vatninu og annan jafn
þungan veiddi Akureyringur
þar. Eflaust hafa þessir risar
haft líf margra bleikjuseiða á
samviskunni, en sjálfir voru
þeir mikið búsílag.
Sagt er, að yfir Laxá í Suður-
Þingeyj arsýslu hafi verið
byggðar fleiri brýr en aðrar ár,
7 talsins. Eitt sinn á Alþingi
var Karl Kristjánsson að vinna
að framgangi brúarsmíði á
Laxá. Einhver þingmanna hafði
orð á því í spurnartón, hvort
Þingeyingar vildu ekki helst
byggja yfir alla ána. Karl svar-
aði af sinni kunnu rósemi á
þessa leið: „Nei, til þess þykir
okkur hún of fögur.“ En ein
þessara brúa er óbílfær en þó
traustleg og vel byggð, góð fyr-
ir gangandi menn og búfé og
er hjá Brettingsstöðum í Lax-
árdal. Félagsskapur einn í Lax-
árdal, sem hafði safnað nokk-
urri fjárhæð til samkomuhúss-
byggingar, lagði það fé í brúna
og að öðru leyti var brú þessi
smíðuð fyrir giafafé og samskot
fólks í Reykdælahreppi og
Skútustaðahreppi, þótt engar
séu um þetta skráðar heimildir.
Brú þessi var byggð 1902, en
síðan endurbyggð 1932. En brú
þessi var byggð eftir að tveir
menn höfðu drukknað í ánni
og voru þeir á báti. Var annar
Guðjón Sigurgeirsson frá Belg
í Mývatnssveit en hinn var Stef
án Sigurðsson, þá orðinn bóndi
á Brettingsstöðum.
Brúarstöplarnir voru hlaðnir
og sementsbundnir strax haust
ið 1901. Um forgöngumenn,
einn eða fleiri, veit ég ekki. En
hitt veit ég, að brúarstöplana
hlóð Steinþór Björnsson á Litlu
strönd, sem var faðir Stein-
gríms forsætisráðherra. Brú
þessi var vígð vorið 1902
Steingrími Jónssyni sýslumanni
og var þetta fjölmennur atburð
ur og mikið sungið. Frú Elísa-
bet var þá með söngflokk í
Reykjadal og er líklegt að söng
flokkurinn hafi verið fenginn
til að syngja við brúarvígsluna.
En Elísabet var kona séra Helga
Hjálmarssonar á Helgastöðum,
Helgasonar Ásmundssonar,
Helgasonar Halldórssonar Leifs
sonar.
Brúin var mikil samgöngu-
bót, ekki aðeins fyrir Laxdæl-
inga, heldur miklu fremur fyrir
svo marga aðra, svo sem Mý-
vetninga norðan vatns og yfir-
leitt fjölmarga ferðamenn, eins
og leiðirnar lágu þá, og fjöldi
bænda þurfti að nota brúna á
rekstrarleið austur og vestur,
svo sem kunnugir þekkja.
Dagur þakkar frásögnina.
SAMBANDSFRÉTTIR
Mestur hluti dilkakjötsins
til Noregs.
Samkvæmt upplýsingum Gunn-
laugs Björnssonar aðstoðar-
framkvæmdastjóra Búvöru-
deildar er nú búið að flytja út
2.841 lest af dilkakjöti frá ára-
mótum. Af þessu magni hafa
1.564 lestir farið til Noregs, en
það er um 400 lestum meira en
gert hafði verið ráð fyrir. f
Noregi er nú langbesti mark-
aðurinn fyrir íslenskt dilkakjöt,
og af haustframleiðslu ársins
1976 af dilkakjöti hafa í heild
verið seldar þangað 2.900 lestir.
Samtals nemur útflutningur á
dilkakjöti frá sl. hausti nú um
4.700 lestum. Er ekki gert ráð
fyrir öllu meiri útflutningi,
nema hvað sendir verða að
venju einn til tveir bílfarmar
af kjöti til Færeyja með hverri
ferð Smyrils fram á haustið.
Fækkar kaupfélögunum
um tvö?
Eins og kunnugt er hefur sú
þróun verið nokkuð áberandi
innan samvinnuhreyfingarinn-
ar síðustu árin, að smærri kaup-
félög í fámennum byggðarlög-
um legðu niður sjálfstæða starf-
semi og sameinuðust öðrum
stærri nágrannakaupfélögum.
Af þeim sökum hefur kaupfé-
lögunum innan Sambandsins
fækkað nokkuð frá því sem var
um skeið.
Við skýrðum frá því fyrir
nokkru, að Kaupfélag Ólafs-
fjarðar hefði óskað eftir sam-
einingu við Kaupfélag Eyfirð-
inga á Akureyri. Þetta mál var
til umfjöllunar á aðalfundi
KEA fyrir skömmu, sem sam-
þykkti sameininguna.
Þá hefur annað félag, Sam-
vinnufélag Fljótamanna í Haga-
nesvík, óskað eftir sameiningu
við Kaupfélag Skagfirðinga á
Sauðárkróki. Þetta mál var
sömuleiðis til umræðu á aðal-
fundi Kf. Skagfirðinga í byrjun
júní, sem samþykkti fyrir sitt
leyti, að sameining félaganna
færi fram þegar stjórnir þeirra
ákvæðu. Samvinnufélag Fljóta-
manna hefur átt í nokkrum
rekstrarerfiðleikum undanfar-
ið. Stafa þeir fyrst og fremst af
því, að þjóðvegurinn um Haga-
nesvík, sem verslunarhús félags-
ins stóð við, hefur verið fluttur
til, svo að verslunarhúsið er nú
talsvert úrleiðis.
Nær fjórðungs aukning
á framleiðslu
frystra afurða.
Ólafur Jónsson aðstoðarfram-
kvæmdastjóri Sjávarafurða-
deildar sagði okkur, að á fyrri
helmingi þessa árs hefði orðið
23,7% aukning á heildarfram-
leiðslu þeirra frystihúsa, sem
deildin selur fyrir. Varð fram-
leiðslan samtals 13.056 lestir á
móti 10.552 lestum sama tima
í fyrra.
skoraði þrennu
r
Armann
KA og Þróttur frá Neskaup-
stað léku sinn seinni leik í
annarri deildinni s.l. laugar-
dag. Fyrri leik þessara aðila
lauk með jafntefli og máttu
KA-menn þá hrósa happi að
ná í það stig. Þróttarar hafa
mjög komið á óvart í deild-
inni og hafa nú hlotið 9 stig,
unnið þrjá leiki og gert þrjú
jafntefli.
Leikurinn var ekki nema
nokkurra mínútna gamall þeg
ar Ármann Sverrisson skoraði
fyrsta mark KA eftir góða fyr
irgjöf frá Magnúsi Vestmann,
en KA-menn léku undan nokk
urri golu í fyrri hálfleik. KA-
menn sóttu heldur meira
næstu mínútur og um miðjan
fyrri hálfleik átti t. d. Eyjólf-
ur gullfallegan skallabolta að
marki Þróttar í bláhornið
uppi en markmaður varði í
horn. Nokkru síðar stöðvar
Guðbergur markmaður góða
sókn Þróttara með úthlaupi.
Aukaspyrna var dæmd á Þrótt
rétt utan vítateigs fyrir miðju
marki, og Eyjólfur skaut falleg
um bolta fram hjá varnarvegg
Þróttara en boltinn hafnaði í
markstönginni og fyrir mark-
ið, en Þróttarar ná að bjarga
í horn. Skömmu fyrir lok hálf
leiksins er gefinn langur bolti
á Óskar fram á kantinn og
hann gefur strax fyrir markið
og þar kom Ármann aðvífandi
og skallaði örugglega í markið
og þannig lauk fyrri hálfleik,
tvö mörk gegn engu fvrir KA.
Þróttarar hófu seinni hálf-
Næstu leikir
N. k. laugardag leikur KA við
Selfoss hér á Akureyri og ætti
það að vera auðveldur sigur
fyrir KA, en boltinn er hnött-
óttur og allt getur því skeð í
þeim leik. Þá leika einnig
Þróttur R. og Reynir Árskógs-
strönd, ÍBÍ og Reynir Sand-
gerði, Þróttur Neskaupstað og
Ármann, og - Völsungar og
Haukar.
N. k. föstudagskvöld leika á
Akureyrarvelli Þór og KR og
þá verður eflaust um mjög
skemmtilegan leik að ræða í
botnbaráttunni. Bæði liðin
eiga fræðilega möguleika á til
veru sinni í deildinni fyrir
þennan leik, en það sem tapar
fellur örugglega í aðra deild.
Á laugardag leika ÍA og ÍBK,
og á sunnudag FH og Valur,
Fram og UBK, og á mánudag
klárast þessi umferð með leik
Vals og Fram.
Staðan að loknum 12 umferð-
um í annarri deild:
KA 12 9 1 2 31-17 19
ÞrótturR. 12 8 2 2 26-13 18
Haukar 12 5 7 0 18-7 17
Ármann 12 6 3 3 21-13 15
Reynir S. 12 5 3 4 19-20 13
ísafjörður 12 4 4 4 14-16 12
Þpóttur N. 12 3 3 6 15-21 9
Völsungur 12 2 3 7 11-21 7
Selfoss 12 2 2 8 9-21 6
Reynir Á. 12 1 2 9 12-27 4
leik af miklum krafti, og
skömmu síðar sendu þeir
knöttinn í netið hjá KA mönn
um, og minnkuðu muninn í
tvö gegn einu. Um miðjan
seinni hálfleik einlék Ármann
upp vinstri kantinn og upp að
endamörkum, lék á varnar-
mann og skoraði fallegt mark,
og jafnframt sitt þriðja í þess-
um leik. Næst skora Þróttarar
eftir slæm varnarmistök hjá
KA. Skömmu fyrir leikslok er
Gunnari Blöndal illa brugðið
Þórsarar máttu þola tap fyrir
Val í Reykjavík s.l. laugardag,
en Valsmenn skoruðu fjögur
mörk gegn tveimur hjá Þór.
Valsarar voru fyrirfram
taldir sigurstranglegri í þess-
ari viðureign en þeir tróna nú
einir á toppi fyrstu deildar, en
Þórsarar reka lestina í deild-
inni ásamt KR.
Valsmenn skoruðu þrjú
fyrstu mörk leiksins í fyrri
hálfleik, en Sigþór kom Þórs-
Reynir vann
Reynir Árskógsströnd og Sel-
fyssingar mættust á Árskógs-
velli á laugardaginn. Bæði lið-
in berjast í fallbaráttunni og
var því sigur í leiknum mjög
kærkominn hvoru liðinu sem
var.
Selfyssingar skoruðu fyrsta
mark leiksins en Magnús Jóna
tansson jafnar úr víti. Þannig
var staðan í hálfleik.
Fyrsta mark síðari hálfleiks
skorar svo Magnús aftur beint
úr aukaspyrnu skammt utan
vítateigs. Enn var Magnús á
ferðinni þegar markmaður Sel
fyssinga ætlaði að henda út,
Það er nú ákveðið að Gústaf
Agnarsson lyfingamaður verði
hér á Akureyri um mánaðar-
tíma síðast í september. Gústaf
mun þjálfa þá Akureýringa
sem valdir hafa verið til
keppni fyrir íslands hönd á
NM í lyftingum fyrir unglinga.
Þá mun hann einnig æfa aðra
akureyrska keppnismenn, svo
innan vítateigslínu Þróttara
og dæmdi dómarinn umsvifa-
laust vítaspyrnu. Eyjólfur
Ágústsson skoraði úr vítinu,
og þá var staðan fjögur gegn
tveimur og lauk þannig leikn-
um.
Með þessum sigri færði KA
sig á topp deildarinnar því
Þróttur Reykjavík tapaði
óvænt fyrir Reyni frá Sand-
gerði, og þá gerðu bæði Hauk
ar og Ármann jafntefli í síð-
ustu leikjum sínum.
urum á blað í seinni hálfleik
með góðu marki. Valsmenn
juku nú muninn í fjögur gegn
einu, og skömmu síðar gerir
Jón Lárusson annað mark
Þórs. Skömmu fyrir leikslok
gerir Sævar þriðja mark Þórs
með hörkuskoti af löngu færi,
en dómarinn taldi Jón Lárus-
son hafa verið rangstæðan og
dæmdi því markið af. Þannig
lauk leiknum með sigri Vals,
fjórum mörkum gegn tveimur.
sinn leik 3-2
en tókst ekki betur til en það
að hann henti til Magnúar sem
skaut viðstöðulaust í markið.
Var nú staðan orðin þrjú gegn
einu fyrir Reyni. Selfyssingar
gerðu sitt annað mark nokkru
síðar en síðasta orðið átti
Björgvin Gunnlaugsson er
hann skoraði fjórða mark
Reynis og þannig lauk leikn-
um, fjögur gegn tveimur fyrir
Reyni.
Var þessi fyrsti sigur Reynis
mjög kærkominn, og eygja nú
Reynismenn smá von um að
halda sér í deildinni.
og halda námskeið fyrir byrj-
endur. Þá mun það nýmæli að
Gústaf mun halda námskeið
fyrir Old boys lyftingamenn,
en það mun vera mjög heilsu-
samlegt fyrir þá sem komnir
eru af léttasta skeiði að reyna
sig við lóðin. Námskeið þessi
verða nánar auglýst síðar svo
og innritun á þau.
Gústaf Agnarsson lyftingamaður.
Enn tapar Þór, nú 4-2
Gústaf þjálfar á Akureyri
DAGUR* 5