Dagur - 31.07.1980, Blaðsíða 6

Á hlíðviðrisdögum eins og var hér á Akurcyri í gær, fyllast menn gjaman skáld-
legum grillum, eins og Ijósmyndari Dags sem rölti niður að smábátahöfn. /F.tl-
unin var að í hugann kæmu undurfagrar Ijóðlínur um „bátinn sem bíður mín“ og
„hið spcglandi haf“, en einhvern vcginn æxlaðist það svo að stemmningin náðist
betur á filmu.
Hinsta kveðja til vinar míns
Gísla J.
Guðmanns
Þú ert horfinn frá oss farinn
fyrr en varir lífið þrýtur,
Kólgan hinzta bátinn brýtur,
brestur gjálp við feigðar skarir.
Þú varst trúr og tryggur vinur,
tryggðin þín mig œtíð gladdi,
er því sárar er þú k vaddir
œttar þinnar sterki hlynur.
Listamaður Ijúfur varstu
löngum var þar öll þín hyggja.
Af Guði hlaustu það að þiggja,
þess í verki merki barstu.
Friður Guðs þig fái að geyma
fagur séþinn hvíldarstaður,
þú varst sjálfur sannur maður
sem nú skoðar œðri heima.
Jónas S. Jakobsson

Innilegar þakkir til ættingja og vina fyrir auðsýnda samúð og
hlýhug við andlát og útför
GARÐARS SIGURGEIRSSONAR,
Staðarhóli.
Sérstakar þakkir færum við læknum og hjúkrunarfólki á Fjórð-
ungssjúkrahúsinu á Akureyri og Kristneshæli, sem veittu honum
aðhlynningu í veikindum hans.
Eiginkona,
böm, tengdabörn, barnabörn og barnabarnabörn.
Séra Guðmundur Örn Ragnarsson:
Um Raufarhafnarkirkju
Hér á Raufarhöfn er steinkirkja
sem reist var 1927 eftir teikningu
Guðjóns Samúelssonar. Hún var
vígð 1. janúar 1928. Haustið 1978.
tók ég við prestsembætti hér en þá
hafði staðið umræða um framtíð
kirkjuhússins í nokkur ár, eða síðan
1975. En á því ári var kirkjan orðin
svo illa farin af veðri og vindum að
hún þarfnaðist enduruppbyggingar
eða hún varð að víkja fyrir nýrri
kirkju. Ýmsir vildu nýtt kirkjuhús
þar sem hið gamla var svo illa farið.
Kirkjan hafði verið óeinangruð frá
upphafi enda tíðkaðist ekki að ein-
angra kirkjur. Ofnar voru notaðir
til upphitunar en aðeins fyrir at-
hafnir. Við notkun kirkjunnar
höfðu því tíðar og miklar hita-
sveiflur talsverða rakamyndun í för
með sér sem aftur olli fúa í tré. Svo
var hitt að 1928 stóð kirkjan í miðri
húsaþyrpingunni á staðnum. En nú
hafði sú gamla byggð verið að
mestu lögð undir síldarplön og
síldarbragga sem reyndar ryð og fúi
eyða nú. En íbúðarhúsabyggð færst
mjög til suðurs. Stóð nú kirkjan ut-
an við byggðakjarnann. En fleiri,
og það mikill meirihluti íbúa hér,
eins og kom í ljós þegar gerð var
markviss skoðanakönnun, vildu
endurbyggja kirkjuna sem er sér-
staklega fallegt hús. Enda teiknuð
af einum besta arkitekt sem ís-
lendingar hafa átt.
Þá stendur kirkjan á mjög fögr-
um stað. Síldarbraggar sem von-
andi hverfa hið fyrsta afskræma þó
fagurt umhverfi. Síðan en ekki síst
má geta þess að þegar siglt er inn í
höfnina hér, þessa stórkostlegu
höfn náttúrunnar, þá blasir kirkjan
við beint fram undan stefni skips-
ins. Um áratugaskeið var rautt
innsiglingarljós í kirkjuturninum.
Kirkjan hefur því löngum boðið
sjómenn velkomna hingað.
Haustið 1978 var því ákveðið að
endurreisa kirkjuna ög var hafist
handa þegar í stað. Smiðir frá Tré-
smiðjunni Borg á Húsavík komu
hér í byrjun október og skiptu um
þak á kirkjuhúsinu og múrarinn,
Óskar Stefánsson á Raufarhöfn,
tók til við múrverkið. Síðan var
unnið stöðugt í kirkjunni um vet-
urinn og var svo langt komið um
vorið að hægt var að taka hana í
notkun á ný. Raufarhafnarkirkja
varafturtekin í notkun 3. júní 1979
á hvítasunnudag og sýndi biskup
Islands okkur þann heiður að vera
hér við athöfnina og predika.
Einnig þjónaði biskup fyrir altari
ásamt prófasti Þingeyjarprófasts-
dæmis séra Sigurði Guðmunds-
syni, sóknarprestinum á Skinna-
stað, séra Sigurvini Elíassyni og
mér sjálfum.
Á afskekktum stöðum ganga all-
ar stórar framkvæmdir hægt og eru
mjög dýrar og erfiðar vegna slæmra
samgangna. Nú brá svo við að
endurbygging Raufarhafnarkirkju
gekk eins og í sögu. Állt lagðist á
eitt um að framkvæmdin gengi vel.
Það skal tekið fram að sóknar-
nefndin hér er líklega ein sú besta á
landinu. Og þau rösklega eitt
hundrað heimili sem hér eru í sókn
gáfu hvert og eitt fé og vinnu fyrir
tugi þúsunda króna. Áður en til
viðgerðarinnar kom hafði ekki
verið messað í kirkjunni um þriggja
ára skeið. En messur fóru fram í
skólanum. Þó fóru útfarir fram í
kirkjunni vegna þeirrar sérstöðu
sem slíkar athafnir hafa. En á
meðan hin vetrarlanga viðgerð stóð
yfir höfðu menn áhyggjur af þeirri
stöðu sem kynni að koma upp ef
dauðsfall yrði. En enginn dó þenn-
an vetur og ekki fyrr en nokkrum
dögum áður en kirkjan var tekin
formlega aftur í notkun og var þá
hægt að jarða frá kirkjunni og strax
á eftir urðu hér nokkrar útfarir.
Erum við Raufarhafnarbúar ekki í
vafa um að Drottinn byggði húsið
— þar vorum við ekki ein að verki.
Kristilegt mót við Astjörn
Dagana 16. til 19. ágúst, að
báðum dögum meðtöldum,
hcldur Sjónarhæðarsöfnuðurinn
kristilegt mót að Ástjörn í
Kelduhverfi. Mótið verður sett
laugardaginn 16. ágúst og er
sérstaklega ætlað trúuðu fólki á
öllum aldri. Ákveðið hefur verið
að mæta kostnaðinum við mótið
með frjálsum framlögum þátt-
takenda en ekki hafa ákveðið
mótsgjald.
Aðstaðan við Ástjörn er mjög
góð hvað húsnæði og annan að-
búnað varðar. Mótsgestir þurfa að
hafa með sér svefnpoka eða teppi
og allur matur er þar til reiðu. Tvö
síðastliðin sumur hafa verið haldin
lík mót og þetta er hugsað. Þá hefur
fólk frá ýmsum trúfélögum átt
góðar og uppbyggilegar stundir um
Guðs orð í fögru og friðsælu um-
hverfi. Þeir sem hafa hug á að taka
þátt í þessu móti, tilkynni það eigi
síðar en 10. ágúst, í símum 22733
eða 22510 og geta þeir fengið þar
allar nánari upplýsingar. Allir eru
hjartanlega velkomnir. (Úr frétta-
tilkynningu).
Ekki farið að
tína ber ennþá
Grenivík, 29. júlí.
Hér eru menn eitthvað farnir að
taka upp kartöflur í matinn handa
sér og allt útlit er fyrir góða kart-
öfluuppskeru. Að öllu óbreyttu um
tíðarfarið verður farið að taka upp
af öllum krafti um mánaðamótin
ágúst-september. En það má
örugglega taka eitthvað upp á
sumarmarkað núna á næstunni.
Berjalyng kom mjög skemmt
undan vorinu í hlíðunum hér i
Höfðahverfi. Berjalönd hafa verið
mjög góð hér, svo vonandi rætist
eitthvað úr. En ég veit ekki til þess
að neitt sé farið að tína ennþá.
P. A.
Sigurpáll Sigurðsson
Sjötugur
Laugardaginn 2. ágúst n.k. verður
sjötugur Sigurpáll Sigurðsson, út-
gerðarmaður, Hauganesi Árskógs-
strönd við Eyjafjörð. Hann er
fæddur á Hauganesi, en á yngri ár-
um bjó hann víðar í sveitinni. Ár-
skógsstrendingur hefir hann alla tíð
verið og stundað lengst af sjósókn
frá Hauganesi, eða nánar tilgreint:
síðastliðin 33 ár, af mikilli farsæld.
Kvæntur er Sigurpáll öðlings-
konunni Halldóru Guðmundsdótt-
ur, ættaðri frá Sæbóli, Ingjalds-
sandi, vestur. Þau eignuðust 9 börn,
sem öll hafa komist til heilbrigðs
manndóms.
Vinsæll maður og vinamargur er
Sigurpáll Sigurðsson, og hefi ég fá-
um mönnum kynnst jafn áreiðan-
legum til orðs og athafna.
Margir verða þeir, sem með hlý-
hug munu hugsa til hans á þessum
tímamótum lífsins.
Hann verður að heiman þennan
afmælisdag. Tengdasonur.
Dagur hjolsins
Í næsta mánuði ætlar Hjálp-
arsveit skáta hér á Akureyri
að gangast fyrirdegi hjólsins,
en meö því móti vilja þeir
hvetja menn til hjólreiða-
iðkunnar sem þeir telja mjög
holla.
Meiningin er að háð verði
mikil hjólreiðakeppni, og þar
verði hjólaður hringur hér í bæ
og í nágrenni allt að 20 km
langur. Þá mun einnig verða
hóphjólreið bæjarbúa. Mein-
ingin er að glæsileg verðlaun
verði í keppninni og keppt í
mismunandi styrktarflokkum.
Þá munu keppendur einnig
bera auglýsingar hinna ýmsu
fyrirtækja í bænum, og hyggjast
skátarnir reyna að gera þetta
sem veglegast. Dagur þessi mun
kallast Dagur hjólsins 1980, og
ef vel tekst mun þetta verða ár-
legur viðburður í bæjarlífinu.
Nánar verður sagt frá þessari
keppni síðar, en hjólreiðamenn
geta strax farið að æfa sig.
Gerist áskrifendur. sími: 94167
SSi norðanlands DAGUR
6.DAGUR