Dagur - 12.05.1986, Blaðsíða 5

lesendahorniá
12. maí 1986 - DAGUR - 5
„Ein tafla þrisv-
ar á dag“
Mig langar að koma á framfæri
nokkrum orðum, eftir að hafa
lesið grein í Degi þann 6. maí sl.
um fund þann um vímuefnalausa
æsku, er haldinn var í Alþýðu-
húsinu fyrir stuttu.
Þar er spurt hvort deyfilyfja-
neysla vegna veikinda geti leitt til
ávana og Ólafur Oddsson héraðs-
læknir svarar því neitandi: „Það
er að segja ef skammturinn mið-
ast við að losa sjúkling við sárs-
auka, en er ekki gefinn til að
komast í vímu,“ tilvitnun lýkur.
Ég tel Ólaf vera ábyrgan lækni
og heiðarlegan og því skil ég að
hann skyldi svara þessu til, en því
miður eru til innan læknastéttar-
innar ekki síður en í öðrum stétt-
um fólk, sem hefur tilhneigingu
til að leysa mál á einfaldan hátt
án þess að hugsa um daginn á
morgun.
Ég var svo ólánsöm, að lenda
undir umsjá slíks læknis og í stað-
inn fyrir að fjarlægja orsökina
fyrir þjáningum mínum, þá gaf
hann mér lyf, sem ég varð háð.
Verkjalyf, bólgueyðandi lyf,
vöðvaslakandi lyf og ef ég var
með eitthvert nöldur um hægan
bata og að ég vildi láta gera
eitthvað, þá fékk ég róandi.
Manneskja sem tekur þessi lyf í
einhvern tíma, verður smátt og
smátt biluð og gerir sér ekki grein
fyrir því sem er að gerast. Líkam-
inn dofnar, heilinn dofnar, dóm-
greindin minnkar, sjálfsvirðingin
minnkar, manneskjan verður fyr-
ir rest lifandi maskína sem tekur
sínar pillur af því læknirinn segir
að hún þarfnist þeirra, og ef hún
ekki tekur þær þá verður hún svo
veik.
Mitt lán varð það, að aðrir en
ég sáu hvert stefndi með mig og
ég komst í meðferð hjá SÁÁ.
Afengi notaði ég ekki og það er
líka eins gott, því mér fannst
alveg feikinógu erfitt að losna
við pilluátið, þó ekki hefði vín
bæst við.
Það var heilt helvíti að ganga í
gegnum þessa afvötnun og sú
staðreynd, að mér var haldið á
Vogi í þrjár vikur segir mér, að
þessi sakleysislega formúla ein
tafla þrisvar á dag, sé ekki eins
saklaus og hún hljómar. Líf mitt
án þessara sterku lyfja er svo
sannarlega þeirra þjáninga virði,
sem ég varð að þola til að losna
við þau og í dag nota ég lyf sem
ekki eru ávanabindandi. Það er
nefnilega svo undarlegt, að þau
eru til og mér er ómögulegt að
skilja, hvers vegna læknar gefa
lyf sem eru ávanabindandi, þegar
þess er ekki þörf.
Ég vil bara benda fólki á að
tala við lækninn sinn ef til þess
kemur að það þurfi á slíkum lyfj-
um að halda og vera á varðbergi
gagnvart þeim, því þau eru svo
fljót að taka af manni ráðin og
það er engin ástæða til þess að
taka lyf án þess að vita allt um
þau. Óg eins vil ég beina þeirri
ósk minni til lækna, að þeir sýni
sjúklingum þolinmæði og upplýsi
þá um lyfið sem þeir ávísa, því ég
held að margir séu hræddir við lyf
eftir alla þessa umræðu sem nú er
í gangi um þessi mál og það er
kannski bara eins gott.
Unnur.
^iögni._____________
Úti er ævintýri
Ævintýri hafa fylgt mönnunum í
aldaraðir. Oftast eru ævintýri
skemmtileg. Þau hafa t.d. þann
mikla kost, sem virðist vera á
hröðu undanhaldi, að enda vel,
- svona oftast. Nýlega urðum
viö þó vitni að einu litlu ævintýri,
sem endaði ekki alveg nógu
vel. Ekki veit ég hvað þetta
ævintýri heitir, ef það heitir þá
nokkuð, en við getum kallað
það: Þegar við töpuðum Júró-
visjón.
Einhver spakur lét svo um
mælt í þessu sambandi, að
þetta hafi verið mesti tilvonandi
stórsigur, sem við hefðum
nokkru sinni misst af.
Ég man eftir því hérna um
árið, að erkifjendurnir Danir,
unnu okkur í fótbolta. Þeir eigin-
lega rótburstuðu okkur og þjóð-
in, eins og hún lagði sig, fékk
móðursýkiskast. Og margar
kenningar voru uppi: Dómara-
kenningin, línuvarðakenningin,
matarkenningin, veðurkenning-
in og áhorfendakenningin svo
eitthvað sé nefnt. Mér er nær
að halda að það hafi verið skip-
uö nefnd, til að rannsaka þessi
ósköp. Og nefndin komst að
þeirri gáfulegu niðurstöðu, að
íslendingar hefðu ekki beinlínis
verið svona lélegir, heldur
hefðu Danir barasta verið
svona afskaplega góðir.
Og svo kom annað tap. Við
vorum rótburstaðir í söngva-
keppni. Auðvitað fékk liðið sitt
fasta móðursýkiskast. Og aftur
voru margar kenningar* uppi:
Hljómsveitin norska var að
sjálfsögðu hlutdræg og gerði I
því að spila falskt og allt of
veikt. Föt sönghópsins voru
hreint og beint púkaleg og
sviðsframkoman misheppnað-
ist. Óneitanlega minnir nú fata-
kenningin á gamalt ævintýri um
keisara í nýjum fötum. Æsí
sönghópurinn var ekki í fötum
og þess vegna er tómt mál að
deila um föt. Þau voru f tuskum
og það var meinið. En að sjálf-
sögðu verður að skipa nefnd til
að rannsaka allt þetta mál. Og
svona til að flýta fyrir niðurstöðu
væntanlegrar rannsóknar-
nefndar, leyfi ég mér hér með
að stinga upp á því hvort ekki
komi til greina, að ástæðan fyrir
hinu hroðalega tapi í Björgvin á
dögunum hafi ekki einfaldlega
orsakast af því, að íslenska
lagið var ekki nógu gott? Eða
eigum við að orða þetta svolítið
kurteisislega og segja að lagið
hafi verið frábært, en hin lögin
hafi barasta verið ennþá frá-
bærari? Eða eins og skáldið
sagði: En munið börn, að oftast
endar illa, það ævintýri, sem
byrjar vel. Högni.
Lejon 42.195 st. 35-9'Á
bporthú^id
HAFNARSTRÆTI 94
SIMI 24350
Miinchen st. 31á-11
Universalst. 7-11
Flip st. 25-35
Panther st.33-51Á
Skrifstofuhúsnæði tíl leigu
í miðbænum. Uppl. í síma 21792 eftir kl. 19.
Farmanna- og
fiskimannasamband íslands
Stjórnunarfélag íslands
Endurmenntun
Farmanna- og fiskimannasamband fslands og
Stjórnunarfélag íslands hafa ákveðið að efna til 7
vikna endurmenntunarnámskeiðs fyrir þá félags-
menn F.F.S.Í. sem hafa allt að 10-15 ára starfs-
reynslu og hyggjast hefja störf við verslun og við-
skipti í landi.
Kennslan skiptist á 4 svið:
1. Sölu- og markaössvið
a. Sölutækni
b. Markaðssókn -
útflutningsverslun
c. Innflutnings- og
útflutningsskjöl
d. Flutningatækni
3. Tölvusvið
a. Grunnnámskeið á tölvur
b. Ritvinnsla
c. Gagnagrunnur
d. Áætlanagerð
2. Stjórnunarsvið
a. Stjórnun og samskipti
við starfsmenn
b. Stjórnun fyrir nýja
stjórnendur
c. Viðtalstækni
d. Verðútreikningar og
tilboðsgerð
e. Bókhald
4. Málasvið
a. Ensk verslunarbréf
b. Enska í viðskiptum og
verslun
Megináherslan verður lögð á tvö fyrstu
sviðin.
Kennslan hefst 20. maí 1986 og stendur fram til 4.
júií, alls 7 vikur. Kennt verður alla virka daga frá kl.
08:00 til 15:00.
Umsóknir um nám þetta verða að berast í síðasta
lagi 14. maí.
Allar nánari upplýsingar veitir Farmanna- og fiskimannasamband
íslands í sfma 91-29933 og Stjórnunarfélag íslands í síma
91-621066.
A
Stjómunarfélag islands
Farmanna og
fiskimannasamband islands
Undanrenna
er fitulítil og
frískandi
Mjólkursamlag