Akureyrí, fimmtudagur 3. september 1987 Stéttarsamband bænda: Haukur formaður Á aðalfundi Stéttarsambands bænda á Eiðum í gærkvöld var Haukur Halldórsson í Svein- bjarnargerði kjörinn formaður sambandsins. Aðrir í hinni nýju stjórn eru Böðvar Pálsson, Pórarinn Þor- valdsson, Guðmundur Jónsson, Þórólfur Sveinsson, Birkir Frið- bertsson og Ari Teitsson. Sjá viðtal við Inga Tryggvason, fráfarandiformann, ábls2. JHB Útgerðarfélag N.-Þingeyinga: Kaupir skip frá Siglufirði „Þetta kom fyrst til tals snemma í ágústmánuði og við- ræðunum lauk þannig að við gengum frá kaupum á skipinu um helgina," sagði Grétar Friðriksson, framkvæmda- stjóri Útgerðarfélags N.-Þing- eyinga, en félagið keypti bát- inn Skjöld af ísafold hf. á Siglufirði. Skjöldur er 230 tonn að stærð, smíðaður árið 1964 en algjörlega endurnýjaður 1984 á Siglufirði. Skjöldur er nú á rækjuveiðum fyrir ísafold en verður afhentur nýjum eigendum 25. september. Kaupverðið er 125 milljónir króna en trygginga- ¦mat skipsins er 95 milljónir. „Skjöldur er eiginlega lítíll skuttogari, 35 m langur og IVi m á breidd. Hann verður notaður til ísfiskveiða og hugsanlega einnig til rækjuveiða en skipið hentar vel til þeirra. Á síðasta ári var Skjöldur með 1300 tonna kvóta þar af voru 950 tonn þorskur. Pegar lokið var við að breyta Stakfellinu í frystiskip lá fyrir að fiskvinnslan í landi þurfti á auknu hráefni að halda og við ætlum að reka þessi tvö skip saman þótt Skjöldur standi ekki einn sér undir kaupverðinu. Við erum þó vongóðir um framhaldið og vænt- um þess að skipin beri sig sameig- inlega," sagði Grétar Friðriks- son, framkvæmdastjóri. EHB flö PIONEER BÍLTÆKI0G HÁTALARAR HUÓMDEILD í gærmorgun var hafíst handa við að rífa Snorrahúsið við Strandgötu. Það er Möl og sandur seni annast verkið sem tekur nokkra daga. Mynd: tlv. Ráðstefna um iðnað: „Iðnnámið þykir ekki nógu fínt" - segir Haraldur Sumarliðason Á ráðstefnu um iðnað kom Haraldur Sumarliðason forseti Landssambands iðnaðar- manna inn á iðnnámið. Hann sagði að ávallt hefði skort vel menntað starfsfólk í iðnaði og þessi skortur hefði verið eitt af stærstu vandamálum iðnaðar- ins. „Iðnnámið þykir ekki nógu fínt í samanburði við annað nám," sagði Haraldur. Vatnsskarðsvegur: Verktakinn gafst upp „Þeir eru farnir frá óloknu verki. Verktakinn gafst upp vegna ýmissa örðugleika og staðan hefur sjálfsagt verið orðin þannig að hann gat ekki haldið ufrain með verkið," sagði Einar Gíslason hjá Vega- gerð ríkisins á Sauðárkróki, en framkvæmdir við veginn í Vatnsskarði liggja niðri eftir að verktakinn hvarf á braut. Verktakinn, Örnólfur Guð- mundsson úr Bolungarvík, rak fyrirtæki í eigin nafni og hafði tekið að sér að gera sex kíló- metra langan vegarkafla frá Valadalsá að Gilsflóa fyrir neðan bæinn Vatnshlíð meðfram Vatns- hlíðarvatni. Bilanir voru tíðar í tækjum og ýmis skakkaföll töfðu verkið mikið. Örnólfur Guðmundsson byggði vegþekjuna í Óshlíð í fyrra og var vegurinn í Vatnsskarði annað verk hans fyrir Vegagerðina. „Verkið í Vatnsskarði gekk mjög illa og þegar verktakinn yfirgaf staðinn hafði hann lokið við 30- 40 prósent af verkinu. Við erum að vísu ekki búnir að taka þetta út og eigum eftir að fara yfir það hvernig staðan er," sagði Einar Gíslason. EHB „Það hlýtur að vera i verka- hring samtaka iðnaðarins að leið- rétta þá ímynd sem almenningur og ekki síst ungt fólk hefur á iðn- námi. En það þurfa fleiri að taka þátt í því leiðréttingarstarfi, ekki síst skólakerfið," sagði Haraldur ennfremur. Hann lýsti ánægju sinni með verkmenntaskólann og iðn- rekstrarbraut á háskólastigi á Akureyri. Sigfús Jónsson tók undir orð Haraldar en sagði einn- 'g- „Mér finnst vanta inn í þessa umræðu að iðnmenntun í landinu tengist allt of mikið byggingar- iðnaði. Það vantar formlegt menntakerfi hér í framleiðsluiðn- aði. Ég vil nefna tvær stórar iðn- greinar í þessu landi sem hafa nánast ekkert formlegt mennta- kerfi fyrir sig, það er ullariðnað- urinn og plastiðnaðurinn." Sigfús sagði að rætt hefði verið um það hvort verkmenntaskól- inn gæti ekki tekið upp kennslu í þessum greinum í framtíðinni. Enda væri fyrir hendi á Akureyri mikil fagþekking í ullariðnaði. „Ég vil beina þessari hugmynd til þeirra forsvarsmanna í iðnaði sem hér eru," sagði Sigfús að lokum. SS Sigfús Jóiisson bæjarstjóri segir að við einblínum of á byggingariðnað er rætt er um iðnnám. Mynd: þá Skyldu- vinna á slátur- húsum? - Róðurinn þyngist segir Oli Valdimarsson sláturhússtjóri en talsvert vantar af fólki til starfa Talsvert vantar af starfsfólki til starfa við sláturhúsið á Akur- eyri. „Ég veit ekki nákvæm- lega hversu marga vantar, við cruin að hringja þessa dagana í okkar föstu menn og reyna að pína þá til að koma," sagði ÓIi Valdimarsson sljturhússtjóri. „Það fer að verða spurning hvort ekki verði að skylda fólk til að skila ákveðnum dagsverkum líkt og gert er í göngunum." Óli sagði að alltaf væri erfiðara og erfiðara að fá fólk til starfa á slát- urhúsunum, en það er einkum fólk úr sveitunum sem þar starfar. „Og þar fækkar fólkinu heldur svo róðurinn þyngist nokkuð," sagði Óli. Fólk úr bæj- um sækist ekki mikið eftir slátur- húsavinnu, „það er farinn af þessu mesti ljóminn." Við þetta bætist svo að ekki er enn búið að semja um laun starfs- fólks í sláturhúsum. Sagði Óli að semja þyrfti miklu fyrr en gert er. „Það virðist alltaf vera dregið fram á síðustu stundu að semja," sagði Óli og taldi skynsamlegra að semja einungis fyrir sláturhús- ið hér, en ekki vera í samfloti með öllum sláturhúsum landsins. Sagði Óli að aðstæður í slátur- húsunum væru misjafnar og á sláturhúsi KEA væru nokkur þrengsli sem háðu starfseminni óneitanlega. Við svokallaða slát- urlínu þurfa minnst að starfa 42 menn, en um 100 manns hafa unnið í húsinu yfir sláturtíð. „Ég veit ekki í dag hversu marga ég er búinn að fá," sagði Óli. mþþ Hofsós: Skotiðásalt- fiskverkun Aðfaranótt sunnudagsins síð- asta var skotið með riffli í hurð saltfiskverkunarhúss Hrað- frystihússins á Hofsósi. Fyrir innan dyrnar var rafmagnslyft- ari í hleðslu og er hætt við að illa hefði farið ef skotið hefði lent í honum. „Þetta hefur verið gert ein- hvern tímann á tímanum frá klukkan 10 kvöldið áður til 3 aðfaranótt sunnudags, en á þeim tíma var enginn í húsinu og sá sem skaut hefur greinilega staðið alveg upp við dyrnar. Þetta er bara eins og maður sé staddur við Persaflóann," sagði Hólmgeir Einarsson verkstjóri Hraðfrysti- hússins á Hofsósi, vegna þessa máls, en það hefur verið afhent lögreglu. -þá
Beinir tenglar
