Dagur - 10.03.1988, Blaðsíða 15
Síðbúin afmæliskveðja:
Ingólfur Sigurgeirsson
- bóndi og bókbandsmeistari á Vallholti
í Reykjadal 80 ára hinn 16. desember 1987
10. mars 1988 - DAGUR - 15
Aðalfundur KA
verður haldinn föstud. 18. mars nk.
kl. 20.30 í KA-heimilinu.
Fundarefni: Venjuleg aöalfundarstörf.
Stjórnin.
LETTIH
Jhj Ismót I.D.L.
Fyrirhugað er að halda ískappreiðar nk. laugardag
þ. 12. mars á Leirutjörn við Drottningarbraut.
Keppnin hefst kl. 14.00 og keppt veröur í: Tölti unglingaog
tölti fullorðinna, 150 og 200 m skeiði og 300 m brokki.
Tekiö verður á móti skráningum í Hestasporti viö Helga-
magrastræti fram aö hádegi á laugardag. 200 kr. þátttöku-
gjald greiðist viö skráningu.
Nefndin.
Ungt fólk
Við leitum að ungu fólki:
★ Með verslunarmenntun
★ Og sjálfstæði í vinnubrögðum til starfa m.a.
hjá heildverslun, hjá umboðssala og fleira.
★ Góð kunnátta í bókhaldi skilyrði.
★ Laun í samræmi við hæfni.
Upplýsingar aðeins á skrifstofunni.
FELLhf. Tryggvabraut 22, II. hæö. Sími 25455.
Atvinna
Viljum ráða mann í ryðvörn og hjólbarðaviðgerðir nú
þegar.
Bílasalan hf.
Skála v/Laufásgötu, sími 26300.
Óskum að ráða duglega
menn til starfa nú þegar
Upplýsingar á skrifstofunni, ekki í síma.
ISPAN HF.
Norðurgötu 55.
Úrvalnotaðra bíla
Texti minn er valinn úr ársriti
Laugaskóla úr skólaslitaræðu
Arnórs Sigurjónssonar skóla-
stjóra föstudaginn 22. apríl 1927.
„Vara vil ég ykkur við því að
leggja fyrst og fremst prófkvarð-
ann til grundvallar þegar þið
reynið að meta ykkur og eigin
gildi eða hvers annars. Með hon-
um verður það naumast mælt
sem þið eigið dýrast og best.
Afrekin, störfin sem við skilum
er það eina sem nokkru
varðar . . . Og þegar á allt er
litið, hafði ég þá ekki verið meira
í ykkar skjóli en þið í mínu?“
Við vorum að kveðja skólann
okkar þennan dag 26 nemendur.
Höfðum dvalið þar um tveggja
vetra skeið frá því að skólinn var
settur í fyrsta sinn 24. október
1925, einnig af Arnóri sem telja
mátti höfund og stofnanda þessa
skóla.
Meðal okkar 26 nemenda hinn
vorbjarta dag 22. apríl 1927 var
nemandi sá er nálgaðist tvítugs
aldurinn en er nú orðinn áttræður
og texti dagsins ómar fyrir eyr-
um: „Afrekin, störfin sem við
skilum er það eina sem nokkru
varðar." Þannig var Laugaskóli
og megininntak ungmennafélag-
anna á þeim tíma.
Ingólfur Sigurgeirsson bóndi
og bókbandsmeistari á Vallholti í
Reykjadal í Suður-Þingeyjar-
sýslu var fæddur hinn 16. des-
ember 1907 svo segja má að hann
ætti einnig 60 ára afmæli með
texta Laugaskóla á síðastliðnu
vori.
Hann hét reyndar og var Ing-
ólfur í Stafni þá vetur sem við
vorum stofufélagar í Laugaskóla
og bjuggum þar sem hét Akur-
eyri, vona ég að haldi nafni, og
minningu þess góða manns Jóns
Jónatanssonar smiðs á Akureyri
sem byggði það að innanverðu,
slíkt gerðu ýmsir á því bygginga-
ári Laugaskóla þegar peningar
urðu að framkvæmd hugsjóna án
þess að vera til, og sfst prentaðir
út á skuldir sem ekki eru greidd-
ar, sem nú sýnist geta gerst.
Parna mátti finna undir súð stór-
býlin nafnkenndu: Einarsstaði,
Reykjahlíð, Fjall á háalofti, sem
bændurnir höfðu innréttað þar,
engum datt í hug að orða hús-
mæður við slíkt enda ekki áratug-
ir kvenna komnir inn í dagatöl,
hvað þá réttur þeirra.
Ingólfur var atgervismaður til
allra mannlegra dyggða þegar
hann kom að Laugum og við hitt-
umst þar fyrst að kvöldi hins 23.
október 1925 daginn fyrir skóla-
setninguna. Hann varð strax
framarlega meðal jafningja í
systkinahópnum, til orðs og æðis,
gagnhagur við smíðarnar á loft-
inu eins og hlaut að verða kom-
inn frá Stafni en þess má reyndar
geta strax að sá þráður lá að
Stafni frá mínu ættarbóli Mýri í
Bárðardal að tvíburabróðir minn
Páll H. Jónsson var þar í fóstri
svo ekki var nema skilrúm milli
heimila þar.
En það dró snemma svartan
skugga fyrir sólskinið í skólanum
þegar við Ingólfur gengum saman
frá samkomunni á Breiðumýri
aðfaranótt hins tíunda janúar að
hann er orðinn fárveikur af
lungnabólgu. Þvílíkt var litið
mjög alvarlegum augum þá, og
reynslufólk sagði oft í mín eyru
að enginn lifði af lungnabólgu
sem fengi hana þrisvar sem urðu
margir, en þá voru tímar allsleys-
is um meðalaval og naumast
meðal nema ópíum, jafnvel
handa vorlömbunum. Ekki man
ég hvað lengi var tvísýnt um líf
félaga míns þar til læknar opnuðu
inn í brjóst hans þar sem ólyfjan-
in var, gleymi ég aldrei þvílíku
kvöldi hvar við nemendur stóð-
um eins konar vörð frammi á
ganginum og biðum þess sem
verða vildi.
Ingólfur komst til okkar í sól-
skinið aftur en minna varð um
námið þann vetur en haldbetri á
Laugum hinn næsti vetur. Að
slepptum góðum námsferli og
fenginni heilsu þótt ekki yrði hún
söm, hreppti hann hæsta vinning
í Laugaskóla sem vitað var um
þann vetur en það var Bjargey
Arngrímsdóttir fædd 3. júlí 1909
sem var þar í námi í yngri deild
skólans en upp frá því eiginkona
Ingólfs og stendur svo enn.
Bjargey hafði glæsileik til að bera
umfram margar skólasystur mín-
ar en söngrödd hafði hún svo
fagra að fágætt var og Ingólfur
eignaðist snemma stofuorgelið
sitt til að leika undir söng hennar.
Hann hefur einng .spilað við
messur í Einarsstaðakirkju þótt
aldrei yrði hann fastur þar í starfi
en ekki mun hafa borið út af með
handverk hans þar fremur en
annað sem Stafnsmenn hafa tek-
ið sér fyrir hendur, það var ein-
kennandi fyrir þá mörgu bræður
Ingólfs en nú eru aðeins eftir þeir
tveir Ingólfur og Helgi sem ef til
vill er Ingólfs jafni í snillihand-
bragði á sínu sviði, skógerð á
fyrri tíð en söðlasmíði enn í dag
þá á níræðisaldri.
Ingólfur og Bjargey reistu
nýbýli sitt Vallholt á 3/16 af
Stafni 1934 og lögðu þá göngu-
braut sem síðar hefur verið geng-
in af bræðrum hans hverjum af
öðrum svo fyrr en varði risu þar
bæir og stórbúskapur hófst. Með
nokkrum ólíkindum á mörkum
Fljótsheiðar og Reykjadals og
mun þó um skeið hafa verið
búandi fimm bræður samtímis,
þó að ekki væri kannski jafnræði
í öllum greinum voru þeir allir
frábærir afkastamenn sem engum
kom á óvart sem þekkti frændalið
þeirra og sér í lagi foreldrana
Kristínu og Sigurgeir sem ég
einnig fékk að kynnast.
Drengir þeirra Bjargeyjar og
Ingólfs urðu þrír: Garðar, Pétur
og Ingólfur hver með sinni fjöl-
skyldu um langa tíð en Pétur var
sá sem hækkaði Vallholt að
umsvifum og byggði Fellshlíð
með konu sinni Þóreyju Aðal-
steinsdóttur þar á sólskinshjalla
suðaustan í Narfastaðafellinu,
snertispöl frá bæ foreldra sinna,
hefur reyndar fengið bæði jörð
og búskaparaðstöðu þaðan, und-
ir sinn myndarlega búrekstur.
Óvíst er að frændgarður sem
mest hefur kveðið að þarna, auki
stórum við vöxt þar um skeið,
enda liggur nú frægð staðarins í
öðru túni en fóðurjurta.
Parna er hin mikla túnrækt
mennta, lista og fróðleiks sem
Ingólfur ávaxtar undir sínu vall-
gróna bæjarþaki og fer um nær-
færnum höndum ásamt konu
sinni, sem hlaut góða einkunn
fyrir hannyrðir um það leyti sem
hún flutti fram að Stafni. Það er
með nokkrum hætti ævintýrahöll
sá bær sem þau byggðu „og
aðlöguðu teiknigarnar að efna-
hag sínum“, eins og hann orðaði
það.
Stundum láta menn sér fátt um
finnast söfnunarhneigð manna og
má vera að stundum sé orðið
mönnum árátta og nálgist að
verða háðir löngun sem aldrei
ber mönnum fullnægju, fremur
en vanabundin lyf á öðrum
stöðum. Hjá Ingólfi er það öðr-
um þræði að njóta mennta og
menningar, íklæða sjálfur fágæta
dýrgripi í viðhafnarbúning unn-
inn af honum sjálfum í líkingu
við handarverk föður hans sem
bjó mönnum í hendur vinnuverk-
færin eða veitti umbúnað sem
hæfði hverri gerð sem að bar. Að
hinu leytinu er þetta björgunar-
starf, slysavarnar og viðnámshvöt
manns að ekki glatist ófáanlegt
og það sem er vonlaust í endur-
heimtu. Þarna má sjá hina fágæt-
ustu gripi, bæði safnrit og staka
einstaklinga sem ekki eru víða á
veggjum og reglusemin svo að
kalla mætti nostur þar sem ekki
misferst blað eða tölustafur og í
tilvitnuð viðtöl sem Víkurblaðið
lagði mér nokkuð til segir Ingólf-
ur: „Það vill reyndar svo til að ég
hef skrifað niður hverja einustu
bók sem ég hef bundið. Ég veit
ekki hvers konar óttaleg reglu-
semi þetta er að hafa ekki týnt
þessu en um síðustu áramótin
taldi ég þetta saman og reyndust
vera 20339 bækur, þá hef ég gyllt
nokkur hundruð kili fyrir hina
aðra, á þessu ári bundið líklega
150 bækur. Ég fór að reikna það
út mér til gamans hvað allar þess-
ar bækur tækju mikið pláss í
bókahillu og niðurstaðan var 700
metrar. Síðustu árin er þetta orð-
ið nokkuð þokkalegt band hjá
mér, mér hefur alltaf verið að
fara fram,“ segir Ingólfur. Aðrir
sem séð hafa telja vægilega orðað
að tala um þokkalegt svo er
handbragð hans fallegt. Hvað
mættu þeir segja sem varla nokk-
urn tíma fór fram; nema rétt
fyrstu árin og eru svo komnir á
hilluna á geymsluloftinu.
Það var veturinn 1928 sem Ing-
ólfur smíðaði sér bókbands-
áhöldin en Jón Þorláksson þá
bóndi í Hrappstaðaseli hafði veitt
honum slíka undirstöðu að hann
stundaði óáreittur iðn sína að
viðbættu því að horfa á Þórarin
Stefánsson hreppstjóra á Húsa-
vík gylla bækur í tvo daga, þessi
var hans lærdómur. Það var ekki
fyrr en 1982 sem sýslumaður
Sigurður Gizurarson seildist upp
á hillu og náði í meistarabréfs-
form sem hann útfyllti, þannig
bar það að.
Það var ekki ætlun mín að
skrifa bók um Ingólf enda síst
löngun að valda honum angri á
okkar síðustu samfylgdarárum.
En besta sagnfræði um slíka
menn er auðvitað óðal þeirra og
heimili, hvað þá bærinn vallgró-
inn með öllum sínum minjum og
minningarsjóði. Ekki spillir sá
vorþytur sem berst og berast mun
frá Stafnsskóginum sem þar er í
ræktun í 18 hektara brekkunni
meðfram árgilinu og Ingólfur
segir plönturnar þar vera 84335,
ekki vantaldar eða umfram.
Hann er nú á þessum vorhlýju
vetrardögum í forystusveit skóg-
ræktarmanna.
Ekki met ég hvað Bjargey í
Vallholti á mikinn hlut í lífsbúi
Ingólfs, en Laugamenn fyrir 60
árum héldu hann verða mikinn,
I nú vita þeir að hann varð það. Ég
bið þeim heilla og hamingju.
Jón Jónsson
Fremstafelli.
Toyota Corolla GTi LB .......
Toyota Tercel 4WD ...........
Toyota Corolla Twin Cam .....
Toyota Landcruiser Turbo D ..
Toyota Camry GL .............
Toyota Celica GTi 2000 ......
Subaru ST 4WD ...............
Subaru ST 4WD ...............
Subaru ST 4WD ...............
MMC Galant GLS 2000 .........
MMC Lancer 4WD DE LUXE ....
MMC LancerGLX 1500 ..........
MMC Lancer GLX 1500 .........
MMC Colt GL 1500 ............
Mazda 626 GTi 2000 ..........
Mazda 626 LX 2000 ...........
Honda Civic 4WD .............
Ford Bronco Ranger XLT ......
1987 ek. 7 þús. 890.000 sk. ód.
1987 ek. 19 þús. 650.000 bein s.
1987 ek. 26 þús. 720.000 sk. ód.
1987 ek. 30 þús. 1200.000 sk. ód.
1986 ek. 20 þús. 675.000 bein s.
1986 ek. 9 þús. 940.000 sk.
1987 ek. 20 þús. 730.000 bein s.
1986 ek. 44 þús. 650.000 bein s.
1985 ek. 40 þús. 580.000 sk. ód.
1986 ek. 27 þús. 650.000 sk. ód.
1987 ek. 12 þús. 770.000 sk. ód.
1988 ek. 5 þús. 600.000 bein s.
1986 ek. 44 þús. 450.000 beins.
1987 ek. 19 þús. 420.000 beins.
1987 ek. 35 þús. 780.000 sk. ód.
1985 ek. 30 þús. 490.000 bein s.
1986 ek. 18 þús. 550.000 bein s.
1979 ek. 18 þús. 600.000 sk.
Eigum einnig nýja Toyota bila á lager.
Bílasalan StórhoH
- TOYOTA SÖLUUMBOÐ -
Hjalteyrargötu 2, Akureyri, símar 23300 - 25484