Dagur - 01.12.1990, Blaðsíða 23
Laugardagur 1. desember 1990 - DAGUR - 23
Kammerhljómsveit Akureyrar:
„Dagskrá sem höfðar til sem flestra"
- segir Örn Óskarsson, stjórnandi hljómsveitarinnar
Kammerhljómsveit Akureyrar
heldur tónleika í Akureyrar-
kirkju í dag kl. 17 og á morgun
kl. 16 mun hljómsveitin
skemmta Skagfírðingum á tón-
léikum í Miðgarði. Stjórnandi
á þessum tónleikum verður
Örn Óskarsson og er þetta í
fyrsta sinn sem hann stjórnar
Kammerhljómsveit Akureyr-
ar. Við fengum Örn í stutt
spjall til að leyfa Norðlending-
um að kynnast honum aðeins
og einnig til að kynna efnisskrá
tónleikanna.
Örn Óskarsson er Norðfirðing-
ur en hann hefur ferðast víða og
verið búsettur erlendis. Nú er
hann kominn heim aftur og gripu
forsvarsmenn Kammerhljóm-
sveitarinnar tækifærið og fengu
hann til að stjórna hljómsveit-
inni.
- Hvernig kom það til að þú
varst fenginn til að stjórna
Kammerhljómsveit Akureyrar?
„Við Jón Hlöðver höfum
þekkst í mörg ár. Ég starfaði sem
skólastjóri í 10 ár, fyrst í Austur-
Húnavatnssýslu í tvö ár og síðan
í átta ár í Njarðvík. Á þeim tíma
hafði ég mikil samskipti við Jón
Hlöðver. Eftir þetta skólastjóra-
tímabil fór ég út í sex ára nám og
lauk því á síðasta ári. Ég var
búsettur í Seattle í Bandaríkjun-
um en fluttist heim í ágúst og
stofnsetti hljómsveitina Kamm-
erata. Þá frétti Jón af mér og
hafði samband við mig.“
Líst vel á
Kammerhljómsveitina
- Hvernig líst þér svo á Kamm-
erhljómsveit Akureyrar? Þetta er
ekki ýkja gömul hljómsveit.
„Mér skilst að hljómsveitin sé
fimm ára gömul og mér líst mjög
vel á hana. Það er mikið af ungu
fólki í henni og ég tel að Kammer-
hljómsveitin eigi bjarta framtíð
fyrir sér. Þarna eru líka mjög
hæfir kennarar sem spila með
henni og miðað við margar
hljómsveitir sem starfa á sama
grunni má segja að Kammer-
hljómsveitin sé óvenjuleg að því
leyti að þar starfa kennarar og
nemendur hlið við hlið.
Ég tel líka að Kammerhljóm-
sveit Akureyrar hafi mikilvægu
hlutverki að gegna í bænum,
menningarlegu hlutverki fyrir
Akureyri og raunar alla lands-
byggðina, og tilvist hennar skap-
ar mótvægi við höfuðborgarsvæð-
ið. Fyrir utan tónleika hjá hljóm-
sveitinni sjálfri er það mikilvægt
fyrir alla menningarstarfsemi að
hafa slíka hljómsveit starfandi,
svo sem ef settir eru upp söng-
leikir eða óperur. Þá er hægt að
leita til tónlistarmanna í bænum í
stað þess fá þá eingöngu að
sunnan. Þetta eykur heimamönn-
um sjálfstraust og gleði.“
- Mig langar að koma aðeins
inn á dvöl þína erlendis. Mér
skilst að þú hafi stjórnað Fíl-
harmoníusveit í Mexíkó á fjöl-
mörgum tónleikum á síðasta ári.
Örn Óskarsson.
„Meðan ég var í námi í Banda-
ríkjunum stjórnaði ég nokkrum
hljómsveitum í Seattle, hálf-
atvinnuhljómsveitum: Ég komst
inn á tónlistarhátíð í Aspen sum-
arið 1988 og kynntist þar Mexíkó-
manni. Um haustið skrapp ég
í kurteisisheimsókn til Mexíkó og
sá þá auglýsta stöðu stjórnanda
Fílharmoníuhljómsveitar Bajio.
Ég sótti um og fór í prufu ásamt
fjölmörgum öðrum stjórnendum
og við vorum tveir ráðnir til að
stjórna á fimm tónleikum. Eftir
það var ég ráðinn til starfa."
Stundum heitt í kolunum
Örn stjórnaði Fílharmoníusveit-
inni á um 60 tónleikum víðs veg-
ar í Mexíkó á síðasta ári og þessu
ári einnig. Hann stjórnaði að
jafnaði 12 tónleikum á mánuði og
er því kominn með mikla reynslu
á þessu sviði.
„Þetta var hljómsveit að svip-
aðri stærð og Sinfóníuhljómsveit
fslands og hún hélt eitthvað á
annað hundrað tónleika á ári. í
henni voru Bandaríkjamenn,
Pólverjar, Ungverjar og Mexí-
kómenn. Þetta var skemmtileg
reynsla en gífurlega mikil vinna.
Skipulagsleysið var óskaplegt
þarna í Mexíkó og það var ekki
óalgengt að ég fengi verk með
nokkurra daga fyrirvara, enda
var stundum heitt í kolunum."
- Víkjum að öðru. Nú kemur
þú fyrir sjónir sem ósköp venju-
legur maður, en eru stjórnendur
ekki oft settir á stall sem hálf
guðlegar verur?
„Ég held að stjórnendur séu
eins og annað fólk og þeim er
hollt að hafa önnur áhugamál en
starfið. Hitt er rétt að þeir hafa
löngum verið settir á stall og það
er skiljanlegt að sumu leyti. Starf
hljómsveitarstjóra er tiltölulega
einangrað. Hann vinnur mikið
einn og hefur aðeins fagleg sam-
skipti við hljómsveitina. Hann
kemur með hugmyndir og mótar
hljómsveitina eins og leir og virk-
ar því oft éins og einræðisherra.
En það er líka auðvelt að skjóta
hann í kaf ef hann er ekki ineð
skýrar hugmyndir.“
Mynd: EHB
Fjölbreytt dagskrá
Að lokum bað ég Örn að lýsa
efnisskrá tónleika Kammer-
hljómsveitar Akureyrar:
„Þetta er fjölbreytt dagskrá
sem ætti að höfða til sem flestra.
Við byrjum á verki eftir Respighi
sem heitir Þrjár myndir Bottic-
elli. Það er samið 1927 fyrir
kammerhljómsveit og hefur
tónskáldið til fyrirmyndar
þrjár myndir eftir endurreisnar-
málarann Botticelli. Fyrsta
myndin heitir Vor og við getum
heyrt það í tónverkinu. Þessi
kafli er mjög fjörlegur. Önnur
myndin sýnir vitringana þrjá er
þeir koma að vöggu barnsins í
Betlehem og er annar þátturinn
því alvarlegur nokkuð og tónlist-
in trúarlegs eðlis. Síðasta myndin
sýnir fæðingu Venusar þar sem
hún stendur í skel úti á hafi. Við
heyrum öldugang og Respighi
notar tvo rytma sitt á hvað,
þunga undiröldu og yfirborðs-
öldu sem takast á.
Annað verkið er Konsert fyrir
klarinett eftir Johann Stamitz.
Hann var fiðluleikari og hljóm-
sveitarstjóri í Mannheim, kom
þangað 1741. Undir hans stjórn
var hljómsveitin sú albesta í
Evrópu. Þetta er einn fyrsti
konsert sem skrifaður er fyrir
klarinett og hann er mjög falleg-
ur. Akureyringurinn Sigurjón
Halldórsson leikur einleik á
klarinett.
Eftir hlé byrjum við á Pavane
pour une infante défunte eftir
Ravel. Verkið var upphaflega
samið fyrir píanó 1899 en síðan
útsetti Ravel það fyrir hljóm-
sveit.
Síðan ljúkum við tónleikunum
með því að spila nokkra þætti úr
Vatnasvítu Hándels. Þetta er
mjög vinsæl og skemmtileg
tónlist, líklega samin í kringum
1717. Sagt er að tónlistin hafi ver-
ið samin í bátsferð niður ána
Thames, a.m.k. er öruggt að hún
var spiluð í slíkri ferð.
Við bjóðum upp á tónlist sem á
að geta höfðað til allra og viljum
bara hvetja sem flesta til að
mæta,“ sagði Örn að lokum. SS
Jólafúndur
Styrktarfélags vangefinna
verður haldinn að Hótel KEA miðvikudaginn 5. des-
ember kl. 20.30.
Stjórnin.
Leiðalýsing
St. Georgsgildið stendur fyrir leiðalýsingu í kirkju-
garðinum eins og undanfarin ár. Tekið á móti pöntun-
um í síma 22517 og 21093 fram til föstudagsins 5.
desember. Verð á krossi er kr. 1.000.
Þeir sem vilja hætta tilkynni það í sömu símum.
Óskum eftir að
ráða starfsmann
á verkstæði okkar
Helst vanan viðgerðum á bílarafmagni.
Uppl. á staðnum eða í síma 22411.
Nýtt Norðurljós hf.
Akureyri.
7 tímar hjá okkur k
aðeins 1.400
í desember.
Sólstofan
Glerárgötu 20, II. hæð, sími 25099.
ENGINN A AÐ SITJA
ÓVARINN í BÍL,
ALLRA SÍST BÖRN.
yUMFERÐAR
RÁÐ
Opið laugardaginn
1. des. frá kl. 10-16
10%
iíSlUafálktti ir Ui eyfjorb
I | Cw L Wa HJALTEYRARG0TU 4 S,MI 96-22275