Þjóðviljinn - 25.02.1983, Blaðsíða 1
Föstudagur 25. febrúar 1983 ÞJ(>ÐVILjlNN - SÍÐA 9
Leiklist
Myndlist
Tónlist
Kvikmyndir
Skemmtanir
Félagslíf o.fi.
Fyrsta sýning á myndum
listamannsins utan Frakklands
Ljósmyndarinn
Emile Zola
Jean Diezuaide einn frægasti nú-
lifandi Ijósmyndari Frakka hefur
útbúið stórmerka sýningu á áður
óbirtum ljósmyndum rithöfundar-
ins heimskunna Emil Zola, sem
hann tók síðustu æviár sín, um og
eftir síðustu aldamót.
Myndir Zola voru fyrst sýndar í
ljósmyndasafninu í Toulouse á síð-
asta ári og vöktu mikla athygli, og
nú hefur Ljósmyndasafnið á ís-
landi og menningardeild franska
sendiráðsins staðið fyrir komu
þessarar sýningar hingað til lands
og verður hún opnuð á Kjarvals-
stöðum á morgun og mun standa
fram til 8. mars n.k.
Sýndar verða 135 stórar myndir
eftir meistara Zola, en hér er um að
ræða úrval bestu myndmótanna af
þeim 7000 myndum sem Zola tók
síðustu æviár sín.
Dieuzaide fékk leyfi hjá sonar-
syni Zola til að kanna ljósmynda-
safn rithöfundarins og búa til nýjar
pantanir eftir glerplötunum.
í safni Zola getur að líta myndir
frá blóma og skemmtigörðum Par-
ísarborgar, götulífsmyndir og
friðsælar sveitalífsmyndir. Um 800
myndir eru frá Heimssýningunni í
París árið 1900 og fjöldi mynda frá
Englandi, frá þeim tíma er Zola
dvaldi þar í útlegð skömmu fyrir
aldamótin, vegna Dreyfus-
málsins.
Athyglisverðastar eru þó myndir
úr einkalífi Zola, myndir af hjá-
konu hans Rozerot og börnum
þeirra og af eiginkonu Zola Alex-
andrine og börnum þeirra. Zola
situr fyrir á fjölda mynda fyrir til-
stuðlan sjálfvirks búnaðar sem
hann útbjó fyrir sjálfsmyndir.
„Pað er ljósmyndin sem teiknar,
um leið og hún litar, hún er lífið
sjálft“, sagði Zola sjálfur, þessi
mikilsvirki ljósmyndari semhefur
nú verið opinberaður almenningi
tæpum 80 árum eftir andlát sitt.
-Ig-
Þessa mynd tók Zola af hjákonu sinni Jeanne Rozerot ásamt börnum
þeirra Denise og Jacques.
Bubba og Bubbi Kóngur, Kristín Gestsdóttir og Jón Sigurðsson í hlutverkum sínum í uppfærslu
Leikfélags Hafnarfjarðar á Bubba Kóng.
„Bubhi kóngur”
r
Abyrgðarlaus kómedía
„Þett er algjörlega ábyrgðar-
laus kómedía og við eigum von á
metaðsókn. Það er búið að núa
Hafnfirðingum svo um nasir að
þeir fari ekkert, kunni ckkert og
geti ekkert, heldur þurfí á allri
stoð að halda innan úr Kcykja-
vík. Þetta er tilraun hjá okkur
til að afsanna þessa kenningu“,
sagði Árni Ibsen leiklistarfröm-
uður í samtali við Þjóðviljann,
en hann stýrir uppsetningu á
leikritinu víðfræga „Bubba
Kóng“ sem frumsýnt verður hjá
nýendurreistu Leikfélagi Hafn-
arfjarðar í Bæjarbíó næstkom-
andi þriðjudagskvöld.
Alfred Jarry skrifaði „Bubba
Kóng“ í lok síðustu aldar og
vakti verkið gífurlega athygli,
umfjöllun og jafnframt
hneykslun margra þegar það
var frumsýnt árið 1896. Síðan
hefur það verið sýnt víða um
heint og er ávallt jafn umdeilt.
„Bubbi Kóngur" hefur einu
sinni áður verið settur á svið
hérlendis en það var á Herra-
nótt MR árið 1969.
Leikfélag
HafnarJjarðar
endurreist
eftir
áratugasvefn
Hafnfirðingurinn Steingrím-
ur Gautur Kristjánsson hér-
aðsdómari þýddi leikritið á ís-
lensku, en tónlist er eftir Atla
Heirni Sveinsson og Þórarin
Eldjárn.
Eins og áður sagði er Arni
Ibsen leikstjóri, en með stjórn-
tónlistar fer Jóhann Morawek
og dansatriðum stjórnar Helga
Guðmundsdóttir.
Með sýningum á „Bubba
Kóng“ hefur Leikfélag Hafn-
arfjarðar starfsemi sína að nýju
eftir að hafa legið niðri í áratug.
Frumsýning er á þriðjudags-
kvöld kl. 20. 30 en næstu sýn-
ingar eru á fimmtudags- og
sunnudagskvöld á sama tíma.
-Ig
Sýning á Kjarvalsstöðum
Fréttaljósmyndir ,83
Fréttaljósmyndarar á íslenskum fjölmiðlum opna
viðamikla sýningu á Kjarvalsstöðum í dag kl. 16.
Á sýningunni eru um 200 myndir eftir 21 ljósmynd-
ara. Aðallega er um að ræða fréttamyndir frá liðnu ári,
mannlífsmyndir, viðtalsmyndir og ýmiss konar útfærsl-
' ur á myndefni.
í tengslum við sýninguna verða
haldin fræðsluerindi um ljósmynd-
un og fjölmiðlun auk þess sem
nemendur úr Tónskóla Sigursveins
D. Kristinssonar munu halda tón-
leika í sýningarsalnum nk. þriðju-
dagskvöld 1. mars kl. 20.30.
Á sunnudaginn kemur, ætlar
Ómar Ragnarsson fréttamaður að
flytja erindi um öflun frétta í máli
og myndum og hefst framsaga hans
kl. 20.30.
Fimmtudagskvöldið 3. mars kl.
20.30, kemur Sigurjón Jóhannsson
fyrrum kennari við norska blaða-
mannaháskólann og flytur. erindi
unt fréttaljósmyndun.
Indriði G. Þorsteinsson rithöf-
undur flytur síðan erindi um róun
blaðamennsku sunnudaginn 6.
mars kl. 16.00.
Sýning fréttaljósmyndara stend-
ur að Kjarvalsstöðum til 8. mars
n.k. ogeropin daglegafrá 16-22 og
um helgar frá 14-22.
ÞaS er fjölbreytt myndaval á fréttaljósmyndasýningunni. Hérna eru þeir Emil Þór Sigurðsson og Friðþjófur
Helgason með sýnishorn af myndum sínum. - Mynd - eik.