Þjóðviljinn - 18.10.1987, Blaðsíða 11

Þjóðviljinn - 18.10.1987, Blaðsíða 11
í Guðný Magnúsdóttir leirlistarmaður á sýningu sinni í Gallerí Hallgerði. (Mynd: einar ól). Leitað f leir Guðný Magnúsdóttir hefur opnað sýningu á verkum unn- um í leir í Gallerí Hallgerði, á horni Bókhlöðustígs og Laufásvegar. Verkin á sýn- ingunni eru skálar og vasar að meginuppistöðu, mótuð í Ijós- an leir á þessu ári, auk eldri verka. Notagildi hlutanna, form og skreyting eru þau atriði sem leitast er við að samræma í þeim verkum sem nú eru til sýnis. Guðný hefur áður haldið einka- sýningar og tekið þátt í samsýn- ingum. Full ástæða er til að vekja athygli á sýningu Guðnýjar sem er opin til 25. okt. Alla daga kl. 14-18. Af sýnlngu Kjartans í Gallerí Borg. Llstamaðurlnn aftók að vera með á myndinni. (Mynd: einaról) Mðlari sem fékk hugljómun Kjartan Guðjónsson sýnir í Gallerí Borg Kjartan Guðjónsson hefur opnað sýningu í Gallerí Borg viðAusturvöll. Framanafferli sínum málaði Kjartan ab- strakt, en segist hafafengið hugljómun um 1978 og breytti þá um stíl og fór að sinna grafíkjafnframt málverkinu. Kjartan hefur einnig mynds- kreytt bækur. Á sýningunni eru vatnslitamyndir, teikning- ar og olíumyndir. Kjartan fæddist árið 1921. Hann stundaði nám við Art In- stitute of Chicago og við akadem- íuna í Flórens. Hann hefur haldið fjölmargar einkasýningar og einnig tekið þátt í fjölda samsýn- inga hér á landi og erlendis, á Norðurlöndum, Þýskalandi, Belgíu og Ítalíu. Kjartan hefur kennt við Myndlista- og handíða- skóla íslands og fleiri skóla í fjölda ára. Sýningin er opin kl. 10-18 á virkum dögum en 14-18 um helgar. Lýkur 27. okt. NUTIMAIÆKNI blönduð fomeskju Kristján Steingrímur opnarsýningu á Kjarvalsstöðum: Lítámig sem vísindamann sem er að skapa myndrœn vandrœði Kristján Steingrímur á Kjarvalsstöðum. (Mynd Sig.). „ Þegar ég kom fyrst út lenti ég í vissum erfiðleikum. Hér heima hafði nýja málverkið verið á fullu, eins konar nýexpressjónismi, en í Þýskalandi voru menn búnir að vera að mála í tíu ár og að miklu leyti búnir að afgreiða þá mögu- leika sem fólust í nýexpressjón- ismanum. Það þýddi þess vegna lítið fyrir mig að halda áfram í sama dúr og hér heima; það hefði bara haft hægan dauðdaga í för með sér. Ég varð að finna mína persónulegu leið." Kristján Steingrímur opnar sýningu á Kjarvalsstöðum í dag kl. 14, þar sem hann sýnir olíu- málverk máluð á þremur árum og grafík. KriStján stundaði nám við Myndlista- og handíðaskóla ís- lands árin 77-81 og hélt utan til Þýskalands til náms eftir það, nam þá hjá prófessor Bernd Kö- berling í Hamborg. Kristján Steingrímur hefur tekið þátt í og haldið nokkrar sýningar hér á landi ogíÞýskalandi. Ofangreind klausa er tekin úr grein sem Illugi Jökulsson skrifar í handbók um sýninguna og segir svo áfram um Kristján: íslenskar rúmfjalir „Landslagið er horfið aftur - í bili að minnsta kosti, því hann segist áreiðanlega eiga eftir að taka upp þann þráð seinna. Fyrir tveimur árum fóru allt í einu að koma úr pensli hans fígúratífar myndir, byggðar á myndmáli sem hlýtur að kallast þjóðlegt þótt sjálfsagt hefði það komið Ás- grími og Jóni Stefánssyni spánskt fyrir sjónir. Minni úr sjávarútvegi eru algeng; önglar, fiskar, bátar og bein svamla innan um alls kon- ar geometrísk form og línur sem sumar ku vera úr línuritum yfir efnahagsástand einhverra Suður- Ameríkuríkja! Hann er líka far- inn að þrykkja inn á myndir sínar með dúkristu minni myndum sem sumar eru svo þjóðlegar að sýna menn ýta bát úr nausti; aðrar eru þjóðsögulegar og enn aðrar eftir- prentanir af dönskum kórónum eða skreytingum af íslenskum rúmfjölum.” „Hér og hvar - einkum í „eldri” myndum af þessu tagi, má sjá vélabúnað ýmiss konar og innyfli úr tækjum. „Það er kannski stutt í realismann hjá mér,” segir Krist- ján hugsandi, þegar hann sýndi mér nokkrar myndir af þessu tagi. „En ég er ekki að segja neinar sögur í myndunum mín- um; þetta eru fremur endurminn- ingabrot í bland við nýjan tíma. Nútímatækni blönduð forneskju og öfugt. Það er ennþá expres- sjónismi í þessum myndum mín- um en líka geometría og kon- strúktívismi og alls konar kon- krethlutir, enda lít ég svo á að ég sé vísindamaður að skapa mynd- ræn vandræði fyrir áhorfandann að glíma við. Einhver þóttist sjá í verkum mínum vott af súrreal- isma en það finnst mér dularfullt. Súrrealisminn á uppruna sinn í draumi eða einhvers konar draumkenndu ástandi en hjá mér er þetta afskaplega vísindalega unnið þótt oft komi ég sjálfum mér á óvart. Það kann að vera að eitthvað minni á súrrealisma í myndum mínum - það er þá for- mræn samlíking. Annars er nátt- úrlega erfitt fyrir mann, sem er nýútskriðinn úr skóla að vera að tjá sig í löngu máli um það sem er að gerast í myndunum. Ég geri mér grein fyrir því að ég er enn undir áhrifum úr ýmsum áttum. Ég tel mig hafa náð fótfestu og þroska til að byggja á en á von- andi eftir að þróast mikið enn og finna mér minn eigin stað. Að vísu er ekkert nýtt undir sólinni en það er þó mismunandi skýjaf- ar og alltaf má skoða það gamla í nýju Ijósi.” Sýning Kristjáns Steingríms er opin alla daga kl. 14-22. Og stendur til 2. nóvember. * 1 MAfilADEKKIUM NAGLARNIR EVÐA GÖTUM BORGARINNAR l|í Gatnamálastjórí VISPBSQ

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.