Dagblaðið Vísir - DV - 29.06.2000, Blaðsíða 4
22
FIMMTUDAGUR 29. JÚNÍ 2000
Sá fótbrotni valinn fyrstur
Kenyon Martin, 2,05 metra
kraftframheiji, var í nótt valinn fyrstur i
nýliðavali NBA-deildarinnar í körfubolta.
Það var New Jersey Nets sem fékk fyrsta
valrétt að þessu sinni.
Martin, sem er enn að ná sér eftir
fótbrot f vetur, er ætlað að fylla skarð
Jayson Williams sem fyrr um daginn lagði
skóna á hilluna vegna þráðlátra meiðsla.
Nets vonast eftir því að Martin færi þeim
aftur styrk í fráköstum og vamarleik þar
sem Willams var svo sterkur.
Fyrstu fimm nýliðarnir voru
framherjar. Vancouver Grizzlies valdi
Stromile Swift frá LSU en aðeins Shaq
hefur varið fleiri skot í sögu skólans þrátt
fyrir að Swift hafi aðeins leikið i tvö ár.
Swift er 2,05 metrar á hæð en Darius
Miles, sem er aðeins 18 ára, varð aftur á
móti fyrsti leikmaðurinns sem kemur inn
beint úr framhaldsskóla til að vera valinn
svo snemma þegar L.A. Clippers völdu
hann með þriðja valrétt. Sögusagnir
herma að Miles verði ekki lengi í Los
Angeles heldur verð skipt til Orlando sem
vilja ólmir fá hann en Miles var með 22,1
stig, 12,4 fráköst, 7,4 varin skot og 3,4
stoðsendingar hjá framhaldsskólanum
sínum í vetur.
Chicago Bulls átti tvo valrétti af fyrstu
sjö og valdi framherjann Marcus Frazer
númer fjögur og bakvörðinn Jamal
Crawford númer sjö. -ÓÓJ
Pétur Guðmundsson hlakkar til að takast á við nýtt verkefni:
Ætla að standa
Pétur Guðmundsson bregður á leik með körfuboltann f íþróttamiöstöðinni í Grafarvogi f gær. DV-mynd Teitur
Pétur Guðmundsson, einn kunn-
asti körfuboltamaður landsins, er
kominn heim eftir langa útivist í
Bandaríkjunum. Pétur hefur verið í
Bandaríkjunum í um 25 ár. Að vísu
dvaldist hann hér á landi árin
1990-93 og lék þá m.a. með Tinda-
stóli og Breiðabliki. Pétur hélt aftur
vestur um haf en nú segist hann
vera alkominn og skrifaði í síðustu
viku undir þjálfarasamning hjá
Val/Fjölni og stýrir þeim í úrvals-
deildinni á næsta tímabili. Pétur
hefur náð lengst allra körfubolta-
manna hér á landi en það vakti gíf-
urlega athygli á sínum tíma þegar
hann gekk til Portland Trailblazers
í NBA-deildinni en síðan lék hann
með Los Angeles Lakers og San Ant-
onio Spurs.
Var kominn meö mikla heim-
þrá
- Hvernig líst Pétri á að vera
kominn heim og hvað olli þeirri
ákvörðun?
„Mér líst vel á það. Það var ein-
faldlega kominn í mig mikil heim-
þrá enda útilegan búin að vera löng.
Ég var farinn að fylgjast vel með
körfuboltanum hér heima á Netinu
fyrir tveimur árum. Ég hef verið i
góðu sambandi við þjálfara og
kunningja mina hér og reyndi eins
og hægt var að fylgjast með körfu-
boltanum. Mér fannst einnig vera
komið tækifæri til að miðla af
reynslunni og þá ekki síst með
meistaraflokk en það verður einnig
spennandi að starfa með yngri kyn-
slóðinni. Það eru í dag ein 25 ár síð-
an ég fór til Bandaríkjanna og sá
tími hefur verið mikil reynsla fyrir
mig. Ég er bara svo mikill íslend-
ingur í mér og stefnan var alltaf að
koma og núna er ég kominn."
- Hvemig heldur þú að íslenskur
körfubolti standi í dag?
„Ég held að körfuboltinn hér
standi vel. Það er mikið til af ung-
um og góðum einstaklingum. Mér
sýnist að ungum leikmönnum hafi
farið mikið fram tæknilega séð en
það em autvitað hlutir sem má
bæta. Þar á ég sérstaklega við lík-
amlega þáttinn en leggja þarf meiri
rækt viö lyftingar en gert hefur ver-
ið til þessa. Menn verða að horfast í
augu við það að nýta betur sumarið
og hugarfarinu gagnvart því verður
að breyta. Það er gaman að sjá hvað
menn hafa lært og ég er viss að
menn hafa lært mikið af NBA-deild-
inni í sjónvarpi.“
Ómetanleg reynsla hjá
Lakers
- Heldur þú að reynslan sem þú
býrð yfir frá NBA komi til með að
nýtast þér í þjálfuninni hér heima?
„Ég er ekki í nokkrum vafa um
það. Ég lék með toppleikmönnum í
Bandaríkjunum undir stjórn frá-
bærra þjálfara og þetta var besti
skóli sem hugsast gat. Pat Riley hjá
LA Lakers og Jack Ramsey eru
mjög færir á sínu sviði og þangað
getur maður sótt hafsjó af fróðleik.
Þegar ég lít til baka öðlaðist ég
ómetanlega reynslu hjá LA Lakers.
Það að vera bæði leikmaður og í ná-
lægð í kringum fyrirtækið og leik-
menn á borð við Magic er í raun
einstakt. Magic var meðvitaður um
það hversu gífurlega mikilvægt það
var að æfa vel enda sagði hann oft
að það þýddi ekki bara að mæta í
leiki. Hann sagði enn fremur oft að
til að verða betri yrði að gefa sér
tíma til æfinga, þær skiptu öllu máli
í uppbyggingu allra körfubolta-
manna.“
- Hvaða væntingar gerir þú til
starfsins hjá Val/Fjölni?
„Þetta er fyrst og fremst uppbygg-
ingarstarf. Ég er með ungt lið í
höndunum en meistaraflokkurinn
verður að mestu byggður upp af
Valsliðinu. Ég veit það hins vegar
að bama- og unglingastarfið hjá
Fjölni í Grafarvoginum hefur verið
í góðum höndum. Þar er mikið af
góðum efnum að koma upp svo
óhætt er að segja að framtíðin sé
björt í Grafarvoginum. Markmið
mitt er þó fyrst og fremst að standa
mig og láta gott af mér leiða.“
Mikilvægur þáttur í uppeldi
barna
- Hvað er hægt að gera til að
styrkja körfuboltann svo hann verði
betri og öflugri?
„Það þarf að fræða almenning
betur um körfuboltann. í haust fer
KKl með átak af stað um allt land að
kenna krökkum og samhliða því er
meiningin að fara enn fremur beint
til foreldra. Það er ekki síst mikil-
vægt að auka skilning þeirra á því
hvað íþróttir almennt eru mikilvæg-
ur þáttur í uppeldi bama. íþróttir
kenna bömum aga sem þau svo
nýta í skóla og þegar út í lífið er
komið. Iþróttir gera börnin að
sterkari einstaklingi og betri þjóðfé-
lagsþegn. Iþróttir eru engin
barnapössun heldur hluti af því að
alast upp. Með fræðslu og áfram-
haldandi framförum leikmanna er
hægt aö gera góða hluti en um fram
allt verður að sýna þessu þolin-
mæði. Þetta gerist ekki á einni
nóttu. Ég held að strákar héðan hafi
lært mikið af því að fara til Banda-
ríkjanna og til baka koma þeir
reynslunni ríkari. Mitt hlutverk
verður m.a. að finna stóru strákana
og koma þeim út á gólfið."
Samkeppnin mun meiri en
áöur
- Eins og allir vita komst þú að í
NBA. Er erfiðara fyrir leikmenn að
gera samninga við liðin þar en
áður?
„Já, samkeppnin er mun meiri en
fyrir 10-15 árum. Liðin í NBA sækja
í miklu meira mæli en áður á Evr-
ópumarkaðinn. Liðin leita ekki ein-
göngu bara i háskólunum enda er
stöðugur straumur evrópskra leik-
manna inn i deildina. Framboðið er
mikið og því geysilega erfitt að kom-
ast að. Ef leikmenn á annað borð
vilja sækja í atvinnumennsku er
Evrópa alls ekki slæmur kostur. Þar
hefur átt sér stað mikil framþróun,
boltinn er betri og launin hafa batn-
að mikið. Fyrir íslendinga er snið-
ugt að fara í skóla í Bandaríkjun-
um, læra körfuboltann og reyna síð-
an að komast að hjá liðum í Evrópu.
Við eigum að styðja vel við bakið á
efnilegum leikmönnum og reyna að
koma þeim í skóla vestra. Þegar
þeir snúa til baka enn sterkari mun
landsliðið um leið njóta þess og gera
það sterkara," sagði Pétur Guð-
mundsson.
-JKS