Tķmarit.is
Leita | Titlar | Greinar | Um vefinn | Algengar spurningar |
skrį inn | Íslenska | Føroyskt | Kalaallisut | Dansk | English |

Dagblašiš Vķsir - DV

og  
S M Þ M F F L
. . . 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 .
PDF  | HQ_PDF  | JPG  | TXT  |
Skoša ķ nżjum glugga:
PDF  | HQ_PDF  | JPG  | TXT  |


Ašlaga hęš


Vafrinn žinn styšur ekki PDF skjöl
Smelltu hér til aš skoša blašsķšuna sem JPG
Dagblašiš Vķsir - DV

						+
16
FÖSTUDAGUR 3. MAÍ 2002
FÖSTUDAGUR 3. MAÍ 2002
17    **
Útgáfufélag: Útgáfufélagiö DV ehf.
Framkvæmdastjóri: Hjaiti Jónsson
Aoalrltstjóri: Óli Björn Kárason
Ritstjóri: Sigmundur Ernir Rúnarsson
Aöstoðarritstjóri: Jónas Haraldsson
Fróttastjóri: Birgir Guðmundsson
Ritstjórn, skrifstofur, auglýsingar, smáauglýsingar, blaðaafgreiðsla, áskrift:
Skaftahlíð 24,105 Rvik, simi: 550 5000
Fax: Auglýsingar: 550 5727 - Ritstjórn: 550 5020 - Aðrar deildir: 550 5999
Grsn númor: Auglýsingar: 800 5550. Áskrift: 800 5777
Ritstjórn: ritstjom@dv.is - Auglýsingar: auglysingar@dv.is. - Dreifing: dreifing@dv.is
''   Akureyri: Kaupvangsstræti 1, simi: 462 5000, fax: 462 5001
Setning og umbrot: Útgáfufélagið DV ehf.
Plötugero og prentun: Árvakur hf.
DV áskilur sér rétt til að birta aðsent efni blaðsins í stafrænu fomni og í gagnabönkum án endurgjalds.
DV greiðir ekki viðmælendum fyrir viðtöl við þá eða fyrir myndbirtingar af þeim.
Virkjað afvarúð
í nýrri matsskýrslu Landsvirkjunar um Norðlingaöldu-
veitu kemur fram aö veitan er hagkvæmasti kostur til orku-
öflunar sem Landsvirkjun getur byggt með skömmum fyrir-
vara. Forstjóri Landsvirkjunar hefur greint frá þvi að vilji
sé til þess að fara í þessar framkvæmdir þar sem orka sé
nauðsynleg vegna framkvæmda við álverksmiðju Norðuráls
á Grundartanga. Fyrirtækið hefur hug á stækkun verk-
smiðjunnar úr 90 þúsund tonna framleiðslu á ári í 150 þús-
und tonn.
í skýrslunni segir að með Norðlingaölduveitu sé á hag-
kvæman hátt mögulegt að auka orkuframleiðslu í virkjun-
um á Þjórsár- og Tungnaársvæðinu verulega og eigi það
bæði við um þær virkjanir sem þegar eru reknar og þær
sem eru til athugunar í Neðri-Þjórsá. Rekstrarhagkvæmni
eykst vegna samlegðaráhrifa margra veitna og virkjana á
sama svæði. Þessi áform Landsvirkjunar um virkjun Efri-
Þjórsár fela í sér stíflun árinnar austan við Norðlingaöldu.
Með því myndast 29 ferkílómetra lón með vatnsyfirborði í
575 metra hæð yfír sjávarmáli.
Áhugi Landsvirkjunar á þessum framkvæmdum er skilj-
anlegur enda mat stofnunarinnar að þær séu hagkvæmar.
íslensk stjórnvöld standa frammi fyrir ósk Norðuráls um
stækkun álverksmiðjunnar en sú stækkun skýtur styrkari
stoðum undir efnahag þjóðarinnar. Því verður að kanna
með hvaða hætti hægt sé að útvega þá orku.
Böggull fylgir hins vegar skammrifi í þessu máli eins og
öðrum sambærilegum. Umhverfisáhrif Norðlingaölduveitu
eru nokkur. Því verður að taka afstöðu til þess hvort vegur
þyngra sú efnahagsbót sem fæst með framkvæmdunum eða
það tjón sem óhjákvæmilega verður á ósnortnu landi og við-
kvæmu fuglalífi. Lón með 575 metra vatnsborðshæð yfír sjó
hefur helst áhrif á heiðargæs og freðmýrarrústir. Lónið
teygir sig inn í Þjórsárver en þau eru stærsta heiðargæsa-
byggð í heimi. Þar er ábyrgð okkar íslendinga ótvíræð enda
eru verin mikilvæg fyrir viðgang tegundarinnar. í fyrr-
greindri matsskýrslu er talið að alls færu um 8 prósent af
hreiðurstæðum heiðargæsar í Þjórsárverum og nágrenni
undir vatn. Það samsvarar allt að 550 af 6800 hreiðrum á
öllu svæðinu. Fyrir utan skerðingu á búsvæði fugla eru
önnur helstu umhverfisáhrif þau að 7,2 ferkílómetrar gróins
lands fara undir vatn, þar af 1,5 ferkílómetrar innan Þjórs-
árvera.
Þessa stöðu, kosti og galla, verður að meta yfirvegað og
byggja þar á vísindalegum rannsóknum. Hin efnahagslegu
rök vega þungt en það gera umhverfisáhrifin líka. Þegar
Þjórsárver voru friðlýst fylgdi undanþáguákvæði um heim-
ild Landsvirkjunar til að gera uppistöðulón við Norðlinga-
öldu, með þeim fyrirvara að rannsóknir sýndu að fram-
kvæmdin rýrði ekki náttúrverndargildi óhæfilega að mati
Náttúruverndarráðs ríkisins. Það gildir enn. Skipulags-
stofnun mun fjalla um matsskýrsluna og kveða upp úrskurð
í sumar. Hún getur samþykkt framkvæmdina án skilyrða,
með skilyrðum eða lagst gegn framkvæmd. Þá gefst almenn-
ingi kostur á að koma athugasemdum á framfæri.
Auðlindir landsins eigum við að nýta samfélagi okkar til
hagsbóta. Nokkurt rask á umhverfi kann að vera óhjá-
kvæmilegt og réttlætanlegt en skaði verður að vera innan
bærilegra og skynsamlegra marka. Vatnsyfirborð Norð-
lingaölduveitu hefur verið lækkað um marga metra frá
fyrstu áætlunum og áhrifasvæði framkvæmdanna minnkað
sem því nemur. Veitan hefur því breyst i grundvallaratrið-
um frá upphaflegum áætlunum. í úrskurði Skipulagsstofn-
unar má vænta mats á því hvort nógu langt hafi verið geng-
ið eða hvort lækka megi vatnsborð lónsins frekar án þess að
það komi verulega niður á hagkvæmni.
Jónas Haraldsson
ty%t
Skoðun
Flugið er öllum frjálst
Jóhannes Björn rithöfundur
sakaði Flugleiðir um margs
konar svik og pretti, gott ef
ekki kynþáttamismunun og
lögbrot, vegna fjölbreytileika í
verði flugfarseðla í DV-grein
fyrir helgi. Flugleiðir bjóða
líkt og öD flugfélög mismun-
andi verð milli mismunandi
staða á mismunandi árstíma.
Nú eru t.d. frábær fargjöld til
nokkurra Evrópuborga á sér-
stöku maítilboði hér á landi.
Jóhannes benti á að stund-
um væri ekki beint samræmi
milli verðs og vegalengdanna sem flog-
ið er og lét að þvl liggja að Islendingar
biðu þar skarðan hlut frá borði. En
einkum fannst honum ósanngjarnt að
íslendingar erlendis sem ætla að heim-
sækja vini og vandamenn hér þurii að
lúta sömu ferðaskilmálum og útlenskir
ferðamenn. Því er að svara, að sjálf-
sögðu gera Flugleiðir ekki upp á milli
þjóðerna, þótt svo íslendingar erlendis
séu mikilvægir og góðir viðskiptavinir
félagsins.
Þarfir þriggja markaöa
Jóhannes gefur annars tilefni til að
upplýsa hvernig í ósköpunum standi á
Guðjón
Arngrímsson
upplýsinga- og kynning-
arfulltrúi Flugleiba hf.
þvi, að hér á landi skuli rekið
flug- og ferðaþjónustufyrir-
tæki af þeirri stærð sem Flug-
leiðir eru - fyrirtæki sem
veitir um 2500 manns atvinnu
og hefur á undanförnum ára-
tug aukið ferðamannastraum
til og frá landinu tvöfalt
meira en gerst hefur í öðrum
Evrópulöndum.
Allir vita að SAS er stórt
fyrirtæki í Skandinavíu og
KLM er risafiugfélag í
Hollandi. En ef miðað er við
höfðatólu heimaþjóðarinnar
eru Flugleiðir mun stærri en þessi flugfé-
lög. Þetta stafar af því að Flugleiðum hef-
ur tekist að flétta saman í eina fiugáætl-
un þarfir þriggja ólíkra markaða: 1. Frá
íslandi - ferðir íslendinga til útlanda 2.
Til Islands - ferðir útlendinga til Islands
3. Um ísland - ferðir almennra ferða-
manna milli Evrópu og Bandaríkjanna.
Ákveöin undirstaða
I dæmigerðri Flugleiðavél, t.d. á leið
frá New York til Keflavíkur, er því far-
þegahópurinn marglitur. Ef til vill
mætti flokka hann gróflega í fernt: 1.
íslendingar á leið heim eftir Banda-
ríkjadvöl. 2. Bandaríkjamenn á leið til
„I dœmigerðri Flugleiðavél,
t.d. á leið frá New York til
Keflavíkur, er því farþegahóp-
urinn marglitur. - Verðstefna
Flugleiða miðast við að hafa
verð svo lágt að sem flestir
vilji fljúga með félaginu en
eigi þó fyrir útgjöldum."
íslands. 3. Bandaríkjamenn á leið til
Kaupmannahafnar, Óslóar, Stokk-
hólms, London, Glasgow, Amsterdam,
Parísar eða Frankfurt. 4. Evrópumenn
á leið heim frá Bandarikjunum, t.d.
Bretar á leið heim til London eða Glas-
gow, Norðurlandabúar á leið heim til
Kaupmannahafnar, Óslóar eða Stokk-
hólms, Mið-Evrópumenn á leið heim til
Amsterdam, Frankfurt eða Parísar.
Hópar 3 og 4 eiga ekki erindi til Is-
lands, þeir stansa einvörðungu á Kefla-
víkurflugvelli i hálftíma til að skipta
um flugvél. Þeir eru hluti af því sem
kallað er Norður-Atlantshafsmarkað-
urinn en á hverjum degi fljúga tugþús-
undir farþega milli meginlandanna.
Flugleiðir hafa nýtt legu íslands milli
Ameríku og Evrópu til þess að krækja
i brot af þessum markaði og láta fólkið
millilenda í Keflavik í stað þess að
fljúga beint yfir. Þessir farþegar eru
ákveðin undirstaða, þeir eru skýringin
á ferðatíðni og áfangastaðafjölda Flug-
leiða sem er langt umfram það sem
íbúafjöldi íslands stendur undir.
Sérstök íslandstilboð
Þótt svo allir farþegarnir sitji i sömu
vélinni hafa þeir keypt farseðla sína i
mórgum löndum og á mismunandi tím-
um og þeir greiða mismunandi fargjöld.
Sumir ferðast reglulega og vilja tölu-
vert greiða fyrir góða þjónustu en aðrir
eru líklega í flugvélinni eingöngu
vegna sérstakra tilboða. Einstaklingur
i New York getur hafa valið Flugleiðir
Fallaxarlýðræði á fastalandinu
Viðbrögð Frakka við Jean Marie
Le Pen hafa afhjúpað franska lýð-
veldið og staðfesta að Frakkland er
ekki jata lýðræðis á fastalandinu
heldur jarðsetning. - Fréttamyndir
sýndu vinstrisinnað öfgafólk á öllum
stigum og aðra kommúnista æðandi
hamslausa um götur Frakklands
eins og þeir vildu kveða úrslit kosn-
inganna í kútinn með formælingum.
Enda er Frakkland hlutfallslega ungt
og óreynt lýðveldi og stofnað í krafti
aftökusveita eins og Sovétríkin. Fall-
öxin stendur Frókkum nær en fóst-
urjörðin og lýðræðið fellur ekki
lengra frá fallöxinni en eplið frá eik-
inni. Monsieur Robespierre nær út
yfir bæði gröf og dauða.
Athygli vakti líka að þeir öfga-
fyllstu kröfumenn sem helst rifu í
hár sér á torgum úti voru af fram-
andi bergi brotnir og því gestkom-
andi í landinu. Aðkomufólk þetta lét
eins og nýtekið herfang þess í gisti-
landinu væri að ganga því úr greip-
um. íslendingar vita því hvað til
„Athygli vakti lika að þeir öfgafyllstu kröfumenn sem
helst rifu í hár sér á torgum úti voru af framandi bergi
brotnir og því gestkomandi í landinu. Aðkomufólk
þetta lét eins og nýtekið herfang þess í gistilandinu
væri að ganga því úr greipum." - Mótmœli í París
gegn Le Pen. Verða úrslitin kveðin í kútinn?
þeirra friðar heyrir nái einhver
maður kjöri hér á landi sem þetta
vinstriöfgalið hefur vanþóknun
á. - Og ekki nóg með það:
Moggi rís upp við dogg
Sælt og blessað Morgunblaðið
er lagst í skotgrafirnar með öfga-
genginu á fastalandinu og súp-
andi hveljur dregur blaðið þá
ályktun, að „ákveðin þróun eigi
sér nú stað í Evrópu sem þarf aö
bregðast harkalega við". Ekki er
seinna vænna fyrir Mogga sem
jafnframt telur að „það þurfi
fleiri að vakna en Frakkar", og er
ekki ljóst hvort blaðið á við Velvak-
anda eða Heimdall. En Moggi er ekki
af baki dottinn og kemst að raun um
að „hyldýpi" sé á milli „öfgamanna á
hægri kantinum" og „ihaldsstefn-
unnar", sem blaðið skortir þó orða-
forða til að vegsama, en bætir við að
íhaldsstefnan sé „orð, sem aldrei hef-
ur náð að lýsa þeirri stjórnmála-
stefnu, sem þar er um að ræða".
Þá vitum við það. Moggi á vissu-
lega hrós skilið fyrir að hleypa
skólakrökkum í starfskynningu í
leiðaraskrif blaðsins, en ekki bara í
vinarbrauðin á kaffistofunni. Hér
vegur Moggi hins vegar ómaklega að
þeim látnu Þórshömrum sem sett
hafa svip á þingflokk íhaldsmanna
og blaðið sjálft síðan islenska þjóð-
ernishreyfingin gekk í Sjálfstæðis-
flokkinn eftir stríð. Hvorki Sjallinn
né Mogginn væru samir í dag hefðu
þessir gömlu fánaberar ekki staðið
sína plikt í áratugi. Kannski meira
um berserksgang Mogga síðar.
Höndin og Höggstokkurinn.
Á sínum tima var Morgunblaðið
eins konar stjórnvaldsboð formanns
Asgeir Hannes
Eiriksson
verslunarmaöur
Spurt og svaraö
Hafa stjórnvbíd ogfíarmálaöfl á Islandi búu
œœwm
Sjálfstæðisflokksins
og framhald af upp-
handlegg hans. Fyrir
nokkrum misserum
virtist sem Moggi
væri að öðlast sitt eig-
ið líf í skrifum blaðs-
ins, en skamma stund
verður hönd höggi
fegin og Moggi er aft-
ur genginn í hamar-
inn. í dag hamast
blaðið á félaga Le Pen
og Moggi veit að verði
boöið fram hægra
megin við Sjallann er höndin sem
skaffar korhin á höggstokkinn.
Viðskiptablaðið heldur hins vegar
bæði vatni og vindum út af Le Pen
og bendir á gamlan sannleika, að
boðaföll kjósenda i kosningum ganga
jafnóðum yfir flokkana sjálfa og
skekkja öft kompásinn. Dæmi:
Kvennalistinn er mesta öfgahreyfing
vinstrimanna í Evrópu og þótt víðar
væri leitað og forðaðist lýðræðið
eins og Frakkar. Eftir Kvennafram-
boð til borgarstjórnar árið 1982 fóru
hins vegar önnur framboð að svipast
um eftir kvenfólki sem kyntáknum
til að skreyta með framboðslistana.
Til hægri snú?
Sjaldan er ein báran stök og hægri
bylgjan frá Evrópu skellur væntan-
lega á brimgarði landsins fyrir
næstu alþingiskosningar. íslenskir
vinstrimenn hafa elt uppi alla helstu
öfgahópa i Evrópu og lagt öfgum al-
heimsins til Kvennalistann. íslenska
fallaxargenginu verður þvi bráðhollt
af íslensku viðnámi. Lýðræðið þarf
að ná aftur jafhvægi eins og á þjóð-
veldisöld.
Ásgeir Hannes Eiríksson
Finnur Geirsson,
formadur Samtaka atvinnulífsins:
Staða lágtekjufólks
hefur verið bœtt
„Þegar ríkissrjórnin kynnti breyt-
ingar þær á skattalögum sem tóku
gildi um sl. áramót kom jafnframt
fram að í krónum talið kæmi meira í hlut launþega en fyr-
irtækja. Þessar breytingar fólu það til dæmis í sér að trygg-
ingagjald var hækkað þannig að gagnvart þeim fyrirtækj-
um sem ekki skila hagnaði er um nettóskattahækkun að
ræða. Hins vegar er hvort tveggja, lækkun tekjuskatts á
fyrirtæki og lækkun eignaskatts, almennt séð afar.jákvætt
skref í þá átt að gera íslensk fyrirtæki samkeppnishæfaíi
og mun, þegar upp er staðið, ekki síst nýtast þeim sem
lægst hafa launin. Síðan er rétt að vekja athygli á því að
staða lágtekjufólks hefur verið bætt meira í kjarasamning-
um á undanfórnum árum en nokkru sinni fyrr, eins og
sýnt var fram á í aðdraganda samnings SA og ASÍ."
Guðrún Ebba Ólafsdóttir,
í 3. sœti á lista Sjálfstfl. í Rvík:
Hverjir mega
sín meira?
„Hverjir eru það sem mega
sín meira í þjóðfélaginu? Al-
mennar launahækkanir hafa
komið almenningi til góös og ég minni á grunn-
kaupshækkun kennara i þessu sambandi.
Ég verð sem frambjóðandi til borgarstjórnar-
kosninga að benda á að R-listinn hefur brugðist
eldri borgurum og þeim sem minna mega sín.
Lóðaskortur hefur hækkað húsaleiguna um allt
að 100% og afleiðingin er aukin fátækt í borg-
inni.
Ég bendi líka á að biðlistar eftir hjúkrunar-
rýmum fyrir aldraða og félagslegu leiguhúsnæði
lengjast stöðugt. Þar býr fjöldi manns við hræði-
legt ófremdarástand."
Björn Snœbjörnsson,
formaður Einingar-Iðju á Akureyri:
Beitum styrknum
til jafnaðar
„Mér fmnst stefnan svolítið
hafa verið í þá átt að undan-
fbrnu. Það er verið að aðvelda
þeim sem eiga peninga að komast áfram í lífs-
baráttunni, jafnframt því sem verið er að auka
til dæmis álögur í heilbrigðisþjónustunni. Það
kemur verst við það fólk sem minnstar hefur
tekjurnar og þannig eykst bilið milli fólks efna-
lega. Fjármálaheimurinn í landinu hefur greini-
lega orðið alltof mikil völd. Verkalýðshreyfmgin
hefur á síðustu mánuðum sýnt í aðgerðum sín-
um gegn verðbólgu hver hennar styrkur er og
nú ættum við að beita okkur fyrir því að ná
meiri jöfnuði milli fólksins í landinu en sýni-
lega er í dag."
vegna sérstaks tilboðs til London (sem
meira að segja getur verið lægra en flug
til Keflavíkur á sama tima!), likt og
Þjóðverji gerði í Frankfurt, á meðan
Norðmaður ferðast á kjörum sem boðin
voru frá Ósló timabundið. Þetta þekkja
íslendingar eins og aðrar þjóðir og nýta
sér margs konar ferðatilboð sem eink-
um eru áberandi utan háannatímans. I
Bandaríkjunum hafa notið mikilla vin-
sælda sérstök íslandstilboð sem gilda
eingöngu ef dvalið er á íslandi í miðri
viku þegar verri nýting er á hótelum en
um helgar. Svona mætti lengi telja. Öll
taka þessi tilboð mið af markaðsað-
stæðum á hverjum stað.
Verðstefna Flugleiða miðast við að
hafa verð svo lágt að sem flestir vilji
fljúga með félaginu en eigi þó fyrir út-
gjöldum. Flugleiðir starfa á frjálsum
samkeppnismarkaði og hefur gengið vel
að ná til viðskiptavina sinna með því að
bjóða vöru sem þeir vilja kaupa. íslend-
ingar ferðast meira og meira og íslend-
ingar erlendis koma oftar og oftar heim.
Það bendir ekki til þess að verðið sé of
hátt. Flug til og frá landinu er fiugfélög-
um frjálst. Aðeins Flugleiðir sjá ástæðu
til að bjóða landsmönnum hagkvæmt
áætlunarfiug allt árið um kring.
Guðjón Arngrímsson
Ummæli
Umræðan skiptir máli
„Þjóðfélagsumræðan
er síbreytileg í sam-
ræmi við þau viðfangs-
efni sem fyrir hendi
eru og lýtur eigin lög-
málum að verulegu
leyti. Gildi sjálfstæðis
fjölmiðla og fréttaumfjöllunar verður
ekki vanmetið í því sambandi. Um-
ræðan getur aldrei stjórnast af til-
teknum þjóðfélagshagsmunum. Þess
vegna skiptir fátt meira máli í þess-
um efnum en vökulir, áhugasamir og
sjálfsgagnrýnir blaðamenn sem eru
stöðugt á vaktinni og alltaf tilbúnir
að spyrja óþægilegra og gagnrýnna
spurninga um hvað eina sem skiptir
máli. Og það er engin ástæða til að
hafa áhyggjur af því þótt menn
kveinki sér stundum, svo framarlega
sem mikilsverðir þjóðfélagshagsmunir
eru í húfi. Það er einungis til marks
um það að umræðan skiptir máli."
Hjálmar Jónsson í Blaöamanninum.
Tannlaust tígrisdýr
„Le Pen er, eins og
flestir ný-fasistanna,
tannlaust tígrisdýr sem
litlar líkur eru á að
komist til valda, en það
að milTjónir Evrópubúa
skuli greiða jafn fyrir-
litlegum skoðunum öfgakenndrar
frjálshyggju og mannhaturs atkvæði
sitt segir okkur að eitfhvað er að. Við
nánari skoðun virðist margt spila inn
í gott gengi öfganna. Lýðræðisþreyta,
útlendingahatur, atvinnuleysi og al-
menn vantrú á stjórnmálamönnum,
sem oft virðast allir syngja sama
sönginn um óbreytt ástand, eru lík-
legustu ástæðurnar. Fasistarnir höfða
til lægstu hvata kjósenda."
Björgvin G. Sigurösson í Málinu
á Skjá einum, sl. þriöjudag.
..^¦ít. s,~.„;
Össur Skarphéðinsson,
formaður Samfylkingar:
Misskipting er
að aukast
„Já. Ég held að hagur þeirra
betur stöddu hafi batnað tölu-
vert meira en hinna. Þeir sem
framfleyta sér á bótum, aldraðir og öryrkjar,
þurfa í dag að greiða fast að mánaðarbótum í ár-
legan skatt af því stjórnvöld hafa árum saman
neitað að hækka skattleysismórk í takt við þró-
unina. Á sama tíma er búið að stórlækka skatta
á fyrirtækjum.
Ýmsir hópar, einkum einstæðir foreldrar, ég
tala nú ekki um ungar, ómenntaðar mæður,
eiga nú mjög erfitt uppdráttar. Fyrir þá er ekk-
ert gert. Og það er sorglegt að sjá í góðærinu
miðju að fátæktin er meiri en áður. Já, mis-
skipting er að aukast."
Sjóleiðin til Evrópu
Margir íslendingar muna þá tíð
þegar siglt var með farþegaskipi til
Evrópu, einkum með Gullfossi eða
Heklu, þar sem slappað var af í þægi-
legu umhverfi og þar sem farþegar
gátu viðrað sig á sóldekki í hreinu
sjávarloftinu, notið veitinga og góðr-
ar þjónustu um borð og sofið í þægi-
legum klefum meðan skipin liðu
áfram á öldum hafsins. Hvern
dreymir ekki um að þetta gæti orðið
að veruleika á ný?
Það var því afar ánægjulegt að
vita til þess að Katrín Fjeldsted
alþm. skyldi vekja þetta mál upp á
Alþingi. Furðulegt þó, að þetta fékk
engar undirtektir af hálfu annarra
þingmanna.
íslenskt farþega- og ferjuskip
Um langt árabil hefur eingöngu er-
lent skipafélag siglt með farþega og
bíla frá Færeyjum til Austfjarða yfir
hásumarið, og eru allar ákvarðanir
um siglingar teknar erlendis. Þar
hafa íslensk yflrvöld ekkert að segja,
hvorki um tilhögun né ferðatíðni, en
íslendingar kosta móttöku aðstöðu.
Þessar siglingar eru sem sé alfarið í
höndum Færeyinga, og byggjast á
þeirra áætlunum.
Auðvitað ættum við íslendingar
að eiga okkar ferju- og farþegaskip,
sem siglt gæti allan ársins hring,
milli íslands og Evrópuhafna, með
breytilegu rekstrarplani. Yfir sumar-
ið yrði siglt frá Reykjavík vikulega
til austurstrandar Bretlands, þaðan
til Hollands eða Norður-Þýskalands.
Þar geri ég ráð fyrir ekjuskipi með
farþegarými og sölum sem gerði
ferðirnar áhugaverðar, skip sem
hefði siglingahraöa um 20 sjómílur á
klst. - Þannig sparaðist mikill akstur
innanlands til Austfjarða, og lang-
ur akstur frá Hirtshals eða Bergen.
Fjöinýting með fólk og fragt
Miðað við að fjölskylda fari með
bíl sinn með skipi frá Reykjavik til
Mið-Evrópu, í þriggja vikna fríi til
að eyða frídögum í Suður-Evrópu,
tæki ferðin til Evrópu fjóra daga
hvora leið og hefði hún því u.þ.b.13
daga til ráðstöfunar um kyrrt. En
með ferju frá Austfjörðum til Dan-
merkur, aö meðtöldum akstri frá
Rvík til Austfjarða, tæki þessi ferð
6 daga hvora leið. Þá hefði þessi -
sama fjölskylda eingöngu 9 daga til
ráðstöfunar á áfangastað.
Með aukinni nýtingu gæti þetta
skip siglt með flutningabíla og gáma
fram og til baka. Þar gætu útflutn-
ingsfyrirtæki og fiskvinnslustöðvar
sent afurðir sinar á markað með eig-
in bílum, og nýtt þá í bakaleið til
innflutnings á vörum til eigin nota
eða annarra. Þarna eru miklir mögu-
leikar á lækkun flutningskostnaðar
með kældar vörur, s.s. ferskan fisk
og fiskafurðir, svo og ferskt græn-
meti og ávexti í bílum með hita-
og/eða kælibúnað.
Þá er möguleiki á svokölluðum
innkaupaferðum til fleiri en einnar
borgar. Þar yrði hver ferð með lengri
viðveru í hverri höfn fyrir sig, jafnvel
í 10 eða 14 daga ferðum. Ég nefni
borgir eins og Edinborg, Newcastle.
Amsterdam, Rotterdam og Hamborg.
- Innkaupa- og afslöppunarferðir á
haustmánuðum. Ekki má gleyma því
óryggi sem þessu fylgir, s.s ef flug
legðist af tímabundið af einhverjum
ástæðum sem getur hugsanlega gerst
í líkingu við það sem gerðist í New
York og Washington 11. sept sl. og
Guðjón iónsson
fyrrverandi
skipstjómarmaöur
ótta manna við flug á
þessum tímum.
í dag hvílir allur
okkar farþegaflutn-
ingur frá Islandi á
einum þræði eins og
Katrín nefndi rétti-
lega, sem er Flugleið-
ir. Hvað ef þrengist
um þar á bæ eða þær
legðust niður. Eim-
skip er með farþega-
rými fyrir fjóra far-
þega á tveggja vikna
fresti!
Ferja ca 120 til 150 metra lóng
kostar sitt en nýtist allt árið þar sem
íslendingar sjálfir tækju ákvörðun
um alla tilhögun. Nýja ferjubryggjan
á Seyðisfirði kostaði mikið en nýtist
aðeins nokkra mánuði á ári. Það
hlýtur að verða forgangsverkefni
stjórnvalda að tryggja að ferju- og
farþegasiglingar verði hafnar á ný
frá Reykjavík til Evrópu í samvinnu
við Eimskip, Samskip eða einhverja
þá aðila sem hefðu burði og áhuga,
enda verði verkefnið styrkt fyrstu
árin til þess að tryggja framgang
þess.
Með þessu er ég ekki að kasta rýrð
á ferjusiglingar Færeyinga til Aust-
fjarða. Eingöngu til að auka mögu-
leika, og að tryggja siglingar allt
árið, og þar með þá möguleika sem
felast í sjóleiðinni til Evrópu.
Ég hvet alla alþingismenn til þess
að veita þessu framtaki Katrínar
Fjeldsted brautargengi. Katrín Fjeld-
sted reifaði þetta svo vel í grein sem
birtist í DV 27. nóv. sl. - Hún á þakk-
ir skildar fyrir.
Guðjón Jónsson
nr
rtfírT-       '
«•"" ihib»o»» •
¦ »¦¦¦¦¦»¦¦¦ ¦  ..
|SI1J»  •  •»¦¦¦¦¦'
Þetta segir meðal annars í 1. maí-ályktun fulltrúaráðs verkalýðsfélaganna í Reykjavík.
„Auðvitað œttum við Islendingar að eiga okkar ferju- og farþegaskip sem siglt gæti all-
an ársins hring milli íslands og Evrópuhafna, með breytilegu rekstrarplani. Yfir sum-
arið yrði siglt frá Reykjavík vikulega til austurstrandar Bretlands, þaðan til Hollands
eða Norður-Þýskalands." - Danskt lúxusskip siglir út úr Reykjavíkurhöfn.
#
					
Fela smįmyndir
Blašsķša 1
Blašsķša 1
Blašsķša 2
Blašsķša 2
Blašsķša 3
Blašsķša 3
Blašsķša 4
Blašsķša 4
Blašsķša 5
Blašsķša 5
Blašsķša 6
Blašsķša 6
Blašsķša 7
Blašsķša 7
Blašsķša 8
Blašsķša 8
Blašsķša 9
Blašsķša 9
Blašsķša 10
Blašsķša 10
Blašsķša 11
Blašsķša 11
Blašsķša 12
Blašsķša 12
Blašsķša 13
Blašsķša 13
Blašsķša 14
Blašsķša 14
Blašsķša 15
Blašsķša 15
16-17
16-17
Blašsķša 18
Blašsķša 18
Blašsķša 19
Blašsķša 19
Blašsķša 20
Blašsķša 20
Blašsķša 21
Blašsķša 21
Blašsķša 22
Blašsķša 22
Blašsķša 23
Blašsķša 23
Blašsķša 24
Blašsķša 24
Blašsķša 25
Blašsķša 25
Blašsķša 26
Blašsķša 26
Blašsķša 27
Blašsķša 27
Blašsķša 28
Blašsķša 28
Blašsķša 29
Blašsķša 29
Blašsķša 30
Blašsķša 30
Blašsķša 31
Blašsķša 31
Blašsķša 32
Blašsķša 32