Tķmarit.is
Leita | Titlar | Greinar | Um vefinn | Algengar spurningar |
skrį inn | Íslenska | Føroyskt | Kalaallisut | Dansk | English |

Dagblašiš Vķsir - DV

og  
S M Þ M F F L
. . . 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 .
PDF  | HQ_PDF  | JPG  | TXT  |
Skoša ķ nżjum glugga:
PDF  | HQ_PDF  | JPG  | TXT  |


Ašlaga hęš


Vafrinn žinn styšur ekki PDF skjöl
Smelltu hér til aš skoša blašsķšuna sem JPG
Dagblašiš Vķsir - DV

						FÖSTUDAGUR 17. MAÍ 2002
27
r>v
Sport
1. deild karla hefst annan í hvítasunnu:
Mörg lið eru líkleg
1. deild karla í knattspymu hefst á mánu-
daginn og má búast viö æsispennandi keppni
í sumar. Það er áberandi hversu mörg lið
hafa hugað að heimavinnunni og byggja nú
ið sín upp á uppöldum leikmönnum. Þetta er
jákvæð þróun en hún skapar um leið mikla
óvissu og kyndir upp spennu fyrir því hvaða
lið koma til með að standa sig best og komast
í hóp tiu bestu liða landsins á næsta ári.
Undanfarin ár hefur Lengjan staðið fyrir
spá þjálfara liðanna sem leika í deildinni og
var niðurstaðan gefin út i gær. DV-Sport
kannaði stöðuna á hverju liði og eru viðtölin
í þeirri röð sem liðum þeirra er spáð.
1. Þróttur R. 75 stiq
Þrótturum er spáð efsta sætinu af þjálfur-
um deildarinnar en þeir enduðu tímabilið í
fyrra með glæsibrag, fóru taplausir í gegnum
seinni umferðina og byrjuðu síðan árið í ár
með sínum fyrsta Reykjavíkurtitli í 36 ár.
„Liðið er búið að líta ágætlega út í vor og
við höfum verið að spila vel og það er ekkert
annað á dagskránni hjá okkur en að halda
áfram frá því i fyrra og stefna á það að spila
í efstu deild á næsta ári. Það verður erfitt því
það eru mörg ágætis lið og þetta verður til-
tölulega jafnt mót," sagði Ásgeir Eliasson,
þjálfari Þróttar.
2. Valur 73 stia
Valsmenn fóru strax af stað í haust með þá
stefnu að fá aftur til baka uppalda Valsmenn
sem voru að spila með öðrum liðum. Valsslið-
ið hefur fengið mikið af þessum strákum til
baka og er til alls líklegt i að endurnýja sæt-
ið sitt og stoppa stutt í 1. deildinni.
„Ég er nokkuð bjartsýnn. Það hefur gengið
mjög vel upp á síðkastið og þó svo að ég sé
með mjög ungt lið er ég líka að mínu mati
með gott lið. Liðið er byggt upp af Valsmönn-
num og elsti leikmaðurinn er 26 ára á þessu
ári sem sýnir hversu ungt lið þetta er. Svona
er hópurinn sem við veðjum á og svo verður
bara að koma í ljós hvort það verður í sumar
sem við springum út eða næsta sumar," sagði
Þorlákur Már Árnason, þjálfari Vals.
3. Breiðablik 69 stig
Blikar hafa farið þá leið að treysta á efni-
við félagsins en margir leikmenn félagsins
hafa yfirgefið Smárann síðan liðið féll síðasta
haust. Jörundur Áki Sveinsson tók við liðinu
og Blikar hafa verið að gera ágætis hluti í
vormótunum.
„Það hafa verið ágætis leikir hjá okkur inn
á milli í vor en það vantar stöðugleika í liðið.
Við erum í ákveðnu uppbyggingarferli, höf-
um misst tíu leikmenn en það eru leikmenn í
Breiðabliki sem lofa virkilega góðu fyrir
framtíðina. Þar fyrir utan erum við með góða
og reynslumikla menn sem vonandi hjálpa
ungu strákunum. Ég tel að ég hafi nokkuð
góða blönda af leikmönnum og ef allt gengur
upp ættum við að geta gert góða hluti. Við
ætlum okkur upp en það verður mjög erfitt
því það er hægara sagt en gert að komast upp
úr svona jafnri deild," sagði Jörundur Áki
Sveinsson, þjálfari Breiðabliks.
4. Víkinaur 57 stig
Lúkas Kostic er kominn aftur i Víkina en
síðast þegar hann var þar fór hann með Vík-
ingsliðið strax upp í úrvalsdeild. Lúkas hefur
meðal annars fengið Ólaf Adolfsson i liðið til
að auka reynsluna innan þess en líkt og áður
byggir hann liðið upp á ungum Víkingsstrák-
um.
„Ég er fyrst og fremst að reyna ná upp
meiri reynslu í liðinu því flestir leikmennirn-
ir eru ungir og reynslulitlir. Við höfum verið
aö fá nokkra reynda leikmenn til liðs við okk-
ur sem gætu hjálpað til við að ná jafnvægi í
liðið. í Víkinni er til nóg af efnilegum
strákum og þeir þurfa aðeins tima til að
þroskast. Þetta hefur samt verið erfiður vetur
og það gekk illa í deildabikarnum en aö
undanförnu hefur þó farið að ganga betur.
Við bindum í raun engar vonir við það að
fara upp í úrvalsdeildinni en ætlum bara að
skemmta okkur í sumar og reyna að standa
okkur sem best," sagði Lúkas Kostic, þjálfari
Víkings.
5. Stjarnan 50 stig
Stjarnan var að margra mati með nægilega
sterkt lið til að fara upp í fyrra en liöið komst
aldrei almennilega á skrið og missti af
sætinu á lokasprettinum. Síðan þá hefur lið-
ið gjörbreyst og margir reynslumiklir leik-
menn hafa horfið á braut.
„Okkur hefur gengið alveg þolanlega í vor
en það hafa orðið miklar breytingar á liðinu
frá því í fyrra, ellefu leikmenn eru farnir og
aðeins fjórir leikmenn eftir sem voru fasta-
menn í byrjunarliði síðasta sumar. Við erum
samt búnir að styrkja aðeins hópinn og ætl-
um okkur að blanda okkur i toppbaráttuna.
Þetta verður mjög fróðlegt og spennandi sum-
ar fyrir okkur hér i Garðabænum. Við erum
að skera niður eins og flest önnur lið og ætl-
um að gefa ungum strákum i Stjörnunni
tækifæri til þess að sanna sig," sagði Valdi-
mar Kristófersson, þjálfari Srjörnunnar.
6. Afturelding 34 stig
Afturelding fékk óvænt sæti í deildinni ,
þökk sé sameiningu Dalvíkur og Leifturs, og
samkvæmt góðu gengi liðsins i deildabikarn-
um gætu Mosfellingar gert ágæta hluti.
„Það er mikil lyftistöng fyrir allt bæjarfé-
lagið og yngri flokkana að liðið sé komið upp
í 1. deildina. Okkur gekk vel í deildabikarn-
um og unnum þar alla okkar sjö leiki. Við
komumst í raun upp í byrjun mars og það er
mikil stemning í hópnum og við hlökkum til
að byrja að spila. Markmið okkar eru mjög
skýr og það er að halda okkur i deildinni.
Beinagrindin er sú sama og var í fyrra og
þeir menn sem hafa bæst við hafa smellpass-
að inn í liðsandann og liðið ," sagði Sigurður
Þórir Þorsteinsson, þjálfari Aftureldingar.
7. Haukar 33 stiq
Haukar hafa þotið upp um tvær deildir á
tveimur árum og eru nú komnir upp í 1. deild
i fyrsta sinn síðan 1991.
„Okkur líst vel á sumarið. Liðið hefur tek-
ið stórt stökk á stuttum tíma og stefnan er
tekin á að ná stöðugleikanum í 1. deildinni
áður en við förum að stefna hærra. Við höf-
um fengið til okkar leikmenn sem koma til
með hjálpa okkur að ná því markmiði en
deildin verður líklega tvískipt," sagði Þor-
steinn Halldórsson, þjálfari Hauka.
8. ÍR 32 stia
ÍR-ingar lentu í miklum vandræðum í
fyrra og rétt sluppu á lokasprettinum, eink-
um fyrir mikinn karaktersigur á KA-mönn-
um. Líkt og fyrir timabilið í fyrra hefur liðið
breyst mikið og erfitt er að sjá nákvæmlega
hver staða þess er.
„Það er ómöglegt að segja hvar við verðum
í sumar þvi erum enn i uppbyggingarferli.
Það er alltaf stefnan að gera betur en síðasta
ár. Þaö hafa orðið miklar breytingar á félag-
inu og liðinu síðustu árin, margir leikmenn
eru farnir og aðrir komnir til baka. Mótið
vinnst samt ekki á einhverjum spám heldur
á vellinum sjálfum og við hlustum ekkert á
þá spá sem setur okkur í áttunda sætið,"
sagði Guðmundur Torfason, þjálfari ÍR.
9. Dalvík/Leiftur 16stia
Sameiginlegt lið Dalvíkur og Leifturs hefur
gengið í gegnum erfiðan vetur og það var
ekki ljóst fyrr en seinni hluta vetrar að liðin
myndu sameinast. Margir leikmenn hafa yfir-
gefið herbúöir liðanna og ólíkt því sem áður
var hjá Leiftri mun enginn erlendur leikmað-
ur spila með liðinu í sumar.
„Það hefur orðið algjör viðhorfsbreyting
hér á svæðinu og liðin hafa stigið það skref
að sameinast og við byggjum þetta núna upp
á strákum frá Dalvík og Ólafsfirði. Þetta er
mikið af ungum strákum sem hafa ekki feng-
ið mikið af tækifærum síðustu árin og við
gerum okkur grein fyrir því að það verður á
brattann að sækja hjá okkur. Til lengri tíma
litið tel ég hins vegar þetta vera það eina
rétta fyrir þessi tvö félög," sagði Gunnar Guð-
mundsson, þjálfari liðs Dalvíkur og Leifturs.
10. Sindri 11 stig
Sindri er komið á ný upp í 1. deildina en
Hornfirðingar stóðu sig vel í deildinni fyrir
tveimur árum en urðu að sætta sig við fall á
lokasprettinum.
„Við höfum verið í vandræðum i vor og
menn eru að sþá okkur slæmu gengi í kjölfar
þess en ég tel að þessi spá komi okkur ekkert
illa. Við byrjum mótið í tíunda sæti en ætlum
okkur að vinna okkur upp um sæti í sumar
og ætlum að koma á óvart. Það er stefnan að
standa sig betur en fyrir tveimur árum, við
erum með mikið baráttulið og höfum trúna
og baráttuna til þess að halda okkur í deild-
inni," sagði Hajrudin Cardaklija, þjálfari
Sindra.                                              -ÓÓJ
Jens Elvar Sævarsson, fyrirlioi Þróttar, með Reykjavíkurmeistarabikarinn sem Þróttur vann í fyrsta sinn
í 36 ár á dögunum er liöiö lagoi KR-inga aö velli, 1-0, í úrslitaleik.                                         DV-mynd KÖ
Norska úrvalsdeildin í knattspyrnu í gær:
Á skotskónum
- Andri, Marel og Tryggvi skoruðu fyrir sin lið
Heil umferð fór fram í
norsku úrvalsdeildinni i
knattspyrnu í gærkvöld.
Lyn, íið Helga Sigurðssonar
og Jóhanns B. Guðmundsson-
ar, er komið með sjö stiga for-
ystu í deildinni eftir sigur á
næstefsta liðinu, Bode/Glimt,
3-1. Jóhann B. Guðmundsson
fór af velli á 62. mínútu og
fékk fjóra í einkunn á
Nettavisen. Helgi Sigurðsson
sat á bekknum hjá Lyn allan
leikinn.
Andri skoraði tvö
Andri Sigþðrsson skoraði
tvö mörk fyrir Molde sem rúll-
aði yfir Bryne, 5-1, fyrir fram-
an tæplega flmm þúsund
áhorfendur en það voru fæstir
áhorfendur á Molde leikvang-
inum af öllum leikjunum sjö.
Ólafur Stígsson átti einnig
góðan leik og lagði upp tvö
mörk fyrir Molde. Ólafur spil-
aði allan leikinn fyrir Molde
og fékk fimm í einkunn hjá
Nettavisen. Andri Sigþórsson
fékk sjö í einkunn og var með
betri mönnum vallarins.
Hann hefur nú skorað fjögur
mörk í norsku deildinni.
Bjarni Þorsteinsson kom inn á
sem varamaður á 65. mínútu.
Árni Gautur Arason stóð í
marki Rosenborg sem vann
Start, 4-2, í Þrándheimi. Árni
Gautur fékk fimm í einkunn
hjá Nettavisen.
Lillestrem gerði jafhtefli,
1-1, gegn Válerenga á heima-
velli fyrir framan tæplega
fjórtán þúsund áhorfendur.
Indriði Sigurðsson lék allan
leikinn fyrir Lillestrem og
fékk fimm í einkunn hjá
Nettavisen. Gylfi Einarsson og
Davið Þór Viðarsson sátu á
bekknum hjá Lilleström og
komu ekki við sögu í leiknum.
Tryggvi skorar enn
Viking og Stabæk gerði
jafhtefli, 3-3, í miklum svipt-
ingaleik í Stavangri. Viking
komst í 2-0 en Stabæk tókst
meö mikilli baráttu að komast
yfir 3-2. Marel Baldvinsson
skoraði fyrsta mark Stabæk
eftir undirbúning frá Tryggva
Guömundssyni. Tryggvi skor-
aði síðan annað markið og var
það fjórða mark í síðustu
fimm leikjum Stabæk í deild-
inni. Tryggvi spilaði allan
leikinn og fékk sex í einkunn
hjá Nettavisen. Marel Bald-
vinsson var skipt út af á 81.
mínútu og fékk hann fimm í
einkunn. Hafhfirðingurinn
ungi Hannes Sigurðsson lék
síðustu 19 mínúturnar í liði
Viking.
Lyn er í efsta sætinu með 21
stig þegar átta umferðum er
lokið í norsku úrvalsdeild-
inni, Bod0/Glimt og Molde
eru með 14 stig, Rosenborg og
Odd Grenland eru með 13 stig,
Válerenga, Viking og Stabæk
eru með 12 stig, Lillestrem og
Brann eru með 10 stig, Bryne
er með 7 stig, Moss er með 6
stig, Start er meö 4 stig og á
botninum situr Sogndal með 2
stig.                                -ósk
					
Fela smįmyndir
Blašsķša 1
Blašsķša 1
Blašsķša 2
Blašsķša 2
Blašsķša 3
Blašsķša 3
Blašsķša 4
Blašsķša 4
Blašsķša 5
Blašsķša 5
Blašsķša 6
Blašsķša 6
Blašsķša 7
Blašsķša 7
Blašsķša 8
Blašsķša 8
Blašsķša 9
Blašsķša 9
Blašsķša 10
Blašsķša 10
Blašsķša 11
Blašsķša 11
Blašsķša 12
Blašsķša 12
Blašsķša 13
Blašsķša 13
Blašsķša 14
Blašsķša 14
Blašsķša 15
Blašsķša 15
Blašsķša 16
Blašsķša 16
Blašsķša 17
Blašsķša 17
Blašsķša 18
Blašsķša 18
Blašsķša 19
Blašsķša 19
Blašsķša 20
Blašsķša 20
Blašsķša 21
Blašsķša 21
Blašsķša 22
Blašsķša 22
Blašsķša 23
Blašsķša 23
Blašsķša 24
Blašsķša 24
Blašsķša 25
Blašsķša 25
Blašsķša 26
Blašsķša 26
Blašsķša 27
Blašsķša 27
Blašsķša 28
Blašsķša 28
Blašsķša 29
Blašsķša 29
Blašsķša 30
Blašsķša 30
Blašsķša 31
Blašsķša 31
Blašsķša 32
Blašsķša 32