Dagblaðið Vísir - DV - 24.05.2002, Blaðsíða 16

16
FÖSTUDAGUR 24. MAÍ 2002
FÖSTUDAGUR 24. MAÍ 2002
Úigáfufélag: Úlgáfufélagið DV ehf.
Framkvæmdastjóri: Hjalti Jónsson
Aðalritstjóri: Óli Björn Kárason
Ritstjóri: Sigmundur Ernir Rúnarsson
Aðstoðarritstjóri: Jónas Haraldsson
Ritstjórn, skrifstofur, auglýsingar, smáauglýsingar, blaöaafgreiösla, áskrift:
Skaftahlíð 24,105 Rvík, sími: 550 5000
Fax: Auglýsingar: 550 5727 - Ritstjórn: 550 5020 - Aörar deildir: 550 5999
Ritstjórn: ritstjorn@dv.is - Auglýsingar: auglysingar@dv.is. - Dreifing: dreifing@dv.is
Akureyri: Kaupvangsstræti 1, sími: 462 5000, fax: 462 5001
Setning og umbrot: Útgáfufélagiö DV ehf.
Plötugerð og prentun: Árvakur hf.
DV áskilur sér rétt til aö birta aösent efni blaösins í stafrænu formi og í gagnabönkum án endurgjalds.
DV greiðir ekki viömælendum fyrir viötöl viö þá eöa fyrir myndbirtingar af þeim.
Frambjóðendur og vald
Það er ekki sjálfgefið að bjóða sig fram til sveitarstjórn-
ar. Að baki því liggur einatt erfið ákvörðun sem varðar
innstu þætti í hverjum manni. Frambjóðendur tefla í tví-
sýnu í einkalífi og fjármálum. í reynd leggja þeir æru sina
að veði. Þeir opna hverjum manni aðgang að lífsskoðun-
um sinum og einkahögum og eru oft á tíðum varnarlaus-
ir gagnvart hvers konar umtali sem getur tekið á sig ógeð-
felldar myndir. Það þarf hörku og eindregni til að stand-
ast þessa naflaskoðun.
Það er sjaldgæft að frambjóðendum sé þökkuð þessi
virka þátttaka í lýðræðislegu samfélagi. Miklu fremur er
til siðs að segja breytni þeirra likjast framapoti og firna-
trú á eigið ágæti. Plagsiður íslendinga hefur verið að tala
illa um stjórnmálamenn. Þeir eru sagðir atvinnumenn í
orðsins brandi og eigi skilið að fá yfir sig háðsglósur og
hélaða fyndni. Og engir samfélagsþegnar eru undir
sterkara kastljósi þegar kemur að kjörum og starfsað-
stöðu. Þar gildir að halda sig á mátulegri mottu.
Það er ánægjulegt að afburðafólk fáist til þátttöku í
stjórnmálum, fólk sem lætur hugsjónir fremur en eigin
hag ráða gjörðum sínum. Á siðustu dögum hafa lands-
menn kynnst fjöldamörgum frambjóðendum sem komið
hafa fram af krafti og kynnt sín málefni, trúir á stefnu
sina og sannfærðir um ágæti hennar. Þessu fólki ber að
þakka. Ákvörðun þess að leita eftir umboði almennings i
borg og bæjum er í reyndinni lykillinn og forsenda að því
að hér á landi þrífst lýðræði.
Frambjóðendur hafa á síðustu dögum staðið berskjald-
aðir frammi fyrir alþjóð. Það er kúnst sem er ekki gefin
hverjum manni. Pólitískur sjarmi skiptir þar miklu máli.
Og ræður oft úrslitum. Frambjóðandi biður ekki um litið.
Hann leitar eftir umboði samborgara sinna. Hann leitar
eftir að fara með vald þeirra og að setja þeim reglur. Hann
er að biðja um meira traust en gengur og gerist í sam-
skiptum manna. Hann er að óska eftir því að fá að ráða.
Og fara með vald sem varðar alla landsmenn.
Mesta kúnst hvers stjórnmálamanns er að fara með
vald. Og njóta trausts. Valdhroki og yfirgangur er ekki að-
eins leiðinlegur þáttur í fari stjórnmálamanns heldur get-
ur hann leitt menn út í verstu ógöngur. Valddreifmg get-
ur líka farið út i öfgar og dregið úr nauðsynlegum áhrifa-
mætti þeirra sem eiga að ráða. Best er að fara varlega með
vald og viturlega. Og þar af leiðandi er alltaf best fyrir
kjósendur að greiða þeim einum atkvæði sem þeir telja að
fari með valdið af viti.
Metaðsókn að Listahátíð
Aðsókn að Listahátíð í Reykjavík sem nú stendur yfir
hefur verið framar vonum. Það er vel. Viðtökurnar sýna
sívaxandi áhuga fólks á metnaðarfullum listviðburðum.
Þær sýna að stjórnendur Listahátiðar hafa staðið sig i
starfi. Þeim hefur tekist að laða til landsins áhugaverða
listamenn, en umfram allt tekist að færa hátíðinni fjöl-
breytilegt yfirbragð. Listahátíðin í ár sýnir litróf þeirra
menningar sem nú er að gerjast i heiminum. Hún er ætl-
uð almenningi, en ekki þröngum hópi fólks.
Listahátið í Reykjavík rekur sögu sína til 1974. Hún er
orðin þáttur í menningarsögu íslendinga. Saga hennar
sýnir að ísland er í leiðinni. Fjöldi afburða listamanna
sem lagt hafa leið sína til íslands á siðustu áratugum hef-
ur haft á orði að hér á landi þrífist listalíf sem milljóna-
þjóðir geti verið hreyknar af. Þeir nefna gjarna þrótt og
virkni. í þessum efnum sem öðrum er gamla gests augað
glöggt. Það segir okkur að landsmenn eiga að vera stoltir
af listalifinu - og hæfum stjórnendum þess.
Sigmundur Ernir
DV
Skoðun
Reddingar rétt fyrir lokun
skýringin er að stærstum hluta sú,
að foreldrar bamanna fengu bréf um
að síðar á þessu ári kæmist bamið
þeirra að. Um leið og bréfið var sent
hurfu bömin af biðlistanum. En þau
hurfu ekki af heimilum okkar for-
eldranna. Nei nei, bömin bíða þar
enn eftir leikskólaplássi. Hókus-pók-
us lausn R-listans felst í að færa
börnin af biðlistanum yfir á bréf sem
hangir á ísskápum bamafólks. Ein-
hvem tíma var talað um pappalögg-
ur, en þessi bréf má kannski kalla
pappa-fóstrur, því ekki gagnast bréf-
ið neitt í kennslu bamanna.
Barbabrella
Annað dæmi er Lína.Net. Reynt
var að sýna borgarbúum hvað fyrir-
tækið væri gott og eftirsótt með því
að telja þeim trú um að erlend stór-
fyrirtæki biðu í röðum eftir að geta
keypt þetta gæluverkefni Alfreðs
Þorsteinssonar. Þegar fulltrúar er-
lenda fyrirtækisins tjáðu sig um mál-
ið kom í ljós að enginn fótur reynd-
ist fyrir þessum staðhæftngum. Þar
með rann út í sandinn þessi tilraun
R-listans til að fegra myndina af
Línu.Neti, nokkram dögum fyrir
kosningar.
Enn eitt málið er Geldinganes. R-
listinn hatði orðið var við vaxandi
stuðning við hugmyndir sjáifstæðis-
manna um glæsilega íbúðabyggð á
svæðinu og fullyrtu í kjölfarið í aug-
lýsingu, að ekki stæði til að hafa iðn-
aðarsvæði í Geldinganesi. Þar með
héldu þessir ágætu mótherjar okkar
líklega að málið væri úr sögunni. En
hvað kemur í ljós? Þegar nýtt aðal-
skipulag Reykjavikur er skoðað
stendur skýrum stöfum að á Geld-
inganesi skuli vera iðnaðarsvæði.
Þessi tilraun R-listans til að koma
óvinsælu máli undir teppið mis-
heppnaðist líka, rétt eins og hinar
tvær.
Allt í plati
Enn einn málaflokkurinn, þar sem
R-listinn ætlar að slá ryki í augun á
kjósendum, rétt fyrir kosningar, era
hjúkrunarrými fyrir aldraða.
Aðsetur fyrirtœkisins Línu.Nets. - „Þegar fulltrúar erlenda fyrirtœkisins tjáðu sig
um málið kom í Ijós að enginn fótur reyndist fyrir þessum staðhæfingum. Þar með
rann út í sandinn þessi tilraun R-listans til að fegra myndina af Línu.Neti,
nokkrum dögum fyrir kosningar.“
Frammistaða R-listans í þeim efnum
hefur þvi miður verið til háborinnar
skammar. Mörg hundruð eldri borg-
arar eru á biðlista eftir hjúkrunar-
rýmum og síðan R-listinn tók við hef-
ur hann ekki reist eitt einasta nýtt
hjúkrunarheimili í borginni.
Á öllu þessu kjörtímabili hefur R-
listinn varið 102 milljónum í fjárfest-
ingar í þágu aldraðra en á síðasta
kjörtímabili D-listans vörðu sjálf-
stæðismenn rúmum 2 milljörðum í
þennan málaflokk. D-listinn varði
með öðrum orðum meiri fjármunum
í fjárfestingar í þágu aldraðra í
hverjum einasta mánuði en R-listinn
á heilu ári.
Eftir þessa dapurlegu frammistöðu
er dreginn fram heiðursmaðurinn
Jón Kristjánsson og hann látinn
skrifa undir viljayfirlýsingu um ný
hjúkrunarrými, sem síðan er auglýst
sem samkomulag i blöðunum.
Þannig að heiðursmaðurinn Jón
Kristjánsson þarf að fara i þessi
sömu blöð og draga allt í land, segja
að það eigi alveg eftir að samþykkja
þetta og fá peningana, sem er betra
að hafa þegar maður ætlar að ráðast
í svona verkefni.
Alveg að loka
Hér áður fyrr voru til menn sem
kallaðir voru korter-í-þrjú-gæjar.
Þeir birtust rétt fyrir lokun skemmti-
staða, gerðu hosur sínar grænar fyr-
ir öllum konum sem þeir sáu og
spöruðu þá hvorki fögur orð né
hæpnar fullyrðingar. Það sem þessir
mætu menn buðu í raun entist þó
sjaldnast nóttina alla.
Nú er skammt þangað til kjörstöð-
um verður lokað. Þeir stjómmála-
menn sem birtast okkur nú með fogr-
um fyrirheitum og linnulitlu sjálfs-
hóli eftir að hafa látið allt reka á
reiðanum í fjögur ár em litlu skárri
en korter-í-þrjú-gæi, sem hringir
ekki einu sinni daginn eftir.
Gísli Marteinn
Baldursson
frambjóöandi
í 7. sæti
D-listans í Reykjavík
Það er nauðsynlegt fyrir lýðræðið
í borginni að við sem erum í minni-
hluta gagnrýnum af krafti, en það er
jafn nauðsynlegt að menn geti unnið
saman að góðum málum og það vona
ég að verði eftir kosningar, sama
hvernig fer.
Eitt af því sem við gagnrýnum af
mikilli hörku í D-listanum er að í
málaflokkum sem R-listinn hefur
bragðist hefur hann reynt að breiða
yfir frammistöðu sína nú rétt fyrir
kosningar - eða korteri fyrir kosn-
ingar, eins og stjómmálamenn þreyt-
ast ekki á að segja.
Hókus-pókus
Um áramótin voru 1883 böm á
biðlista eftir leikskólaplássi. Á síð-
ustu dögum hafa hins vegar birst
auglýsingar frá R-listanum um að
400 böm séu á biðlistanum. Hvað
gerðist? Sprattu skyndilega upp nýir
leikskólar? Hurfu þessi börn með
einhverjum dularfullum hætti? Nei,
Kosningabaráttan er nú
brátt á enda og skammt
þangað til kjörstöðum
verður lokað í borgar-
stjórnarkosningunum hér
í Reykjavík. Það hefur
verið gaman að mæta
andstæðingum okkar og
ræða við þá um málefnin
sem eiga að ráða úrslit-
um í þessari baráttu.
Sandkom
Flug og bíll
Eins og DV hefur greint frá gætir mikillar óánægju
hjá forsvarsmönnum sumra bílaumboða vegna leigu
ríkisins á 30 BMW glæsibifreiðum í tengslum við utan-
ríkisráðherrafund NATO á dögunum. Utanríkisráðu-
neytið gekk til samninga við B&L án útboðs og fyrir-
tækið fékk bílaleiguleyfi á undraskömmum tíma að
margra mati. Gera má ráð fyrir að B&L hafi fengið bíl-
ana á ágætum kjörum, auglýsingagildið er umtalsvert,
leigutekjumar sömuleiðis og væntanlega ágæt hagnað-
arvon í sölu bílanna á almennum markaði.
Þeir sem hvað mest hafa klórað sér í kollinum yfir
þessum framgangi mála þykjast nú hafa komið auga á
hugsanlega skýringu: stjómarformaöur og aðaleigandi
B&L er jafnframt stjómarformaður Flugstöðvar Leifs
Eiríkssonar. Utanríkisráðherra fer með eina hlutabréf-
ið í Flugstöðinni og skipar þar með stjómina ...
S tjómmálaskólinn
DV berast oft áhugaverð fréttaskot sem ekki eiga
endilega erindi í fréttir. Eitt þeirra, sem reyndist við
eftirgrennslan vera talsvert orðum aukið, er hins vegar
kostulegur vitnisburður um kosningaskjálftann undan-
fama daga:
„Handavinnukennarinn á [...] fær bömin til að saga
niður spjöld eða eitthvað í þeim dúr til stuðnings [...]-
listanum, en téður kennari er einmitt í framboði þar.“
Pylsur og te
Það stefhir í mann-
þröng mikla á Ráðhús-
torginu á Akureyri í
dag enda efna framboð-
in þar til hátíðar daginn
fyrir kjördag. Fram-
sóknarmenn höfðu fyrir
nokkru tryggt sér hljóð-
kerfi bæjarins og
sviðsvagninn - töldu sig
þess vegna eiga sviðið.
Hins vegar þótti þeim sem
köttur , væri kominn í ból
bjarnar þegar spurðist að á
sama stað og stund ætluðu sjálf-
stæðismenn að halda hátíð, bara á
hinum enda torgsins. Samfylkingin mun einnig ætla að
blanda sér í leikinn á torginu, þannig að segja má að
þríheilagt verði þar. Mun samkeppni flokkanna þá
væntanlega snúast helst um hver þeirra bjóði börnun-
um bestu pylsumar. Vinstri grænir verða hins vegar i
göngugötunni og bíða gárangar spenntir eftir að þiggja
hjá þeim fjallagrasate ...
Hetjur um héruð
Forystumenn Framsóknarflokksins hafa verið iðnir
við að styðja sitt fólk fyrir austan fjall í verðandi
Rangárþingi-eystra. Mörgum andstæðingnum er órótt
vegna þessa, enda mun m.a. einn ráðherra flokksins
hafa „varað við“ óháðum framboðum í dreifiriti. í gær
fóru Halldór Ásgrímsson og ísólfur Gylfi Pálmason á
milli vinnustaða með frambjóðendum flokksins. Starfs-
maður á einum stað settist niður eftir fundinn og orti:
Maddaman fer vitt um völl
og vinnustaöi spænir.
í halarófu hiröin öll
hrifin á þaö mœnir.
Ummæii
Ameríska módelið
„Fjármunina sem eytt er í auglýs-
ingamar fær Sjálfstæðisflokkurinn
meðal annars frá stórfyrirtækjum
og þarf hvergi að gera grein fyrir
hagsmunatengslum sínum við gef-
endur. Á hvaða leið era íslensk
stjórnmál? í Bandaríkjunum eiga
þeir mesta möguleika á sigri í kosn-
ingum sem eyða mestu i auglýsing-
ar. Við íslendingar þurfum að hug-
leiða vel hvort við viljum taka am-
eríska módelið upp hrátt einsog
Sjálfstæðisflokkurinn hefur gert í
þessum kosningum. Við þurfum að
gera eftirfarandi upp við okkur:
Eiga íslenskir stjómmálaflokkar að
komast upp með að afla hárra upp-
hæða hjá stórfyrirtækjum til að
eyða í kosningabaráttu, án þess að
það komi nokkurs staðar fýrir al-
menningssjónir? Er það æskilegt...“
Össur Skarphéðinsson á Samfylking.is
Eins og hreppstjóri
við niðursetninga
„Á öllu þessu kjörtímabili hefur
R-listinn varið 102 milljónum króna
í fjárfestingar í þágu aldraðra. Á
síðasta kjörtímabili undir stjóm D-
listans vörðu sjálfstæðismenn rúm-
um tveimur milljörðum í þennan
málaflokk. Þeir vörðu með öðrum
orðum meiri fjármunum í fjárfest-
ingar í þágu aldraðra á hverjum
einasta mánuði en R-listinn gerði á
heilu ári, það árið sem þeir þó settu
mestan pening i málaflokkinn! Geir
H. Haarde er ekki að níðast á veik-
um og gömlum en það hefur Ingi-
björg Sólrún gert og hagar sér raun-
ar eins og hreppstjóri við niðursetn-
inga hér áður fyrr á öldum.“
Andrés Magnússon á Frelsi.is

Lýðræðið og ábyrgðin
„Stundum er sagt að lýðræðið sé
dýrt. Ég myndi segja að það sé
miklu dýrara að kunna ekki að
nýta sér það. Lýðræðið leggur þá
ábyrgð á herðar sjálfstæðra ein-
staklinga að þeir kynni sér málin
frá öllum hliðum. Myndi sér sjálf-
stæða skoðun. Kjósi ekki bara það
sem pabbi og mamma segja, eða
flokkurinn. Veri ekki eins og vilja-
lausar skepnur sem láta segja sér
að standa eða sitja. Þegar kemur að
því að greiða atkvæði um helgina
snýst málið um það að hafa sjálfs-
virðingu. Menn þurfa að doka að-
eins við og spyrja sig hvað þeir
sjálfir raunverulega vilja. Menn
þurfa sem sagt að eiga við sína eig-
in samvisku ... Atkvæði greidd út í
loftið eru glötuð atkvæði i mínum
huga.“
Kristján Þorvaldsson I Séð og heyrt
Kærleikurinn og
lífsgleðin
„Ég veit bara að með því að
brosa, kyssa og knúsa oft þá sem
manni þykir vænt um, gefa sér tíma
til að sinna fjölskyldu sinni, um-
hverfi sínu og vinum, ræða við ná-
granna (hvað er ömurlegra en að
búa við hliðina á fólki í langan tíma
og vita ekki hvemig það lítur út?),
taka þátt i líftnu með brosi og um-
hyggju - þá líður manni afar vel.
Brosið færir manni vellíðan - vellíð-
an færir manni kærleika og kær-
leikurinn færir manni lífsgleði.
Guörún S. Jakobsdóttir á vef Bústaða-
kirkju.
Réttindi í hœttu
Jóhanna K.
Eyjólfsdóttir
form. íslandsdeildar
Amnesty International
Frá því aö Mannréttinda-
yfirlýsing Sameinuðu
þjóðanna var samþykkt
árið 1948 hafa mannrétt-
indi verið miðlæg í alþjóð-
legri orðræðu. Með Mann-
réttindayfiriýsingunni
bundust aðildarrfki Sam-
einuðu þjóðanna samtök-
um um að efia almenna
virðingu fyrir mannréttind-
um. Yfiriýsingin er notuð
sem mælistika á fram-
ferði ríkisstjórna og jafn-
vel á réttmæti þeirra.
Engin ríkisstjóm getur nú orðið
horft fram hjá þeim viðmiðum sem
sett era fram i yfirlýsingunni og
allar ríkisstjómir sem brjóta mann-
réttindi geta átt von á andstöðu
bæði heima og heiman.
„Stríðið gegn hryðjuverk-
um“
Hið mikilvæga starf, sem unnið
hefur verið á undanfomum fimm-
tíu árum í þágu mannréttinda, er i
dag í nokkurri hættu. Eftir árásim-
ar á New York hinn 11. september á
síðasta ári hafa margar ríkisstjóm-
ir vanvirt ýmsar grundvallarreglur
mannréttinda í nafni „stríðs gegn
hryðjuverkum". Mannréttindasam-
tök, þ.á m. Amnesty Intemational,
hafa á síðustu mánuðum beitt sér
til að hindra lagasetningar sem
brjóta í bága við mannréttindi.
Einnig hafa samtökin gagnrýnt
handahófskenndar handtökur, með-
ferð fanga, og heftan aðgang flótta-
fólks að umsóknum um hæli. í kjöl-
far árásanna hafa fjölmörg ríki sett
ný lög um öryggi og nýjar reglur
fyrir lögreglu.
í þau rúmu 40 ár sem mannrétt-
indasamtökin Amnesty
Intemational hafa starfað hefur eitt
af meginviðfangsefnum samtak-
anna verið að fylgjast með öryggis-
löggjöf og aðferðum yfirvalda til að
tryggja öryggi. í mörgum tilfellum
hefur verið um „stríð" gegn póli-
tiskum andstæðingum yfirvalda að
ræða, og oft hafa mannréttindi ver-
ið vanvirt við slikar aðstæður. Fólk
hefur sætt pyntingum, verið sett í
fangelsi án dóms og laga, eða hrein-
lega tekið af lífi. Þeir sem orðið
hafa fyrir barðinu á slíkri löggjöf
eru oftar en ekki einstaklingar sem
ekki hafa gerst sekir um neina
glæpsamlega starfsemi.
Dæmi um víðtæka misbeitingu
eru t.d. frá löndum eins og Chile og
Argentínu á sjöunda og áttunda
áratug siðustu aldar, Suður-Afriku
á tímum aðskilnaðarstefnunnar, og
gott dæmi um misnotkun öryggis-
laga í dag er ísrael þar sem mann-
réttindi eru gróflega brotin á fólki
af palestinskum uppruna. Það ber
að viðurkenna skyldur ríkja sam-
kvæmt alþjóðlegum mannréttinda-
lögum til að vemda þegna sína
gegn ofbeldisglæpum. Þó verða all-
ar slíkar ráðstafanir að vera innan
þess ramma sem mannréttindi
setja. Mannréttindi eru nauðsynleg
lágmarksviðmið til að vernda ör-
yggi einstaklinga og koma í veg fyr-
ir misnotkun valds.
„Oryggi“ á kostnað mann-
réttinda
Sú áskorun sem ríki standa
frammi fyrir í dag er að tryggja að
allir njóti mannréttinda, ekki að
auka svokallað „öryggi" á kostnað
mannréttinda. Það er mjög alvar-
legt þegar því er haldið fram að
mannréttindi standi í vegi fyrir
skilvirkum aðgerðum gegn
„hryðjuverkum“. í nóvember á síð-
asta ári birtist grein í vikuritinu
Newsweek, sem hét „Time to think
about torture" þar sem rætt er um
að pyndingar geti verið réttlætan-
legar í „stríðinu gegn hryðjuverk-
um“. Álíka skoðanir hafa birst í
fleiri bandarískum fiölmiðlum. En
bannið við pyndingum er grund-
vallaratriði í alþjóðlegum mann-
réttindalögum. í kjölfar árásanna á
New York hefur fólk víða um heim
verið handtekið, granað um aðild
að „hryðjuverkum". Nægir þar að
nefna lönd á borð við Bandaríkin,
Egyptaland, Kína, Zambíu,
Malasíu, Rússland, ísrael og
Simbabve. í öllum þessum löndum
hefur fólk verið handtekið í nafni
„stríðs gegn hryðjuverkum“. Þessar
handtökur vekja upp spumingar
um réttláta málsmeðferð við slíkar
kringumstæður.
Hættan á mannréttindabrotum í
því andrúmslofti sem nú ríkir hef-
ur aukist. Hugtakið „hryðjuverka-
maður“ er illa skilgreint og engin
alþjóðlega samþykkt skilgreining á
hugtakinu er til. - í þeim öryggis-
lögum sem sett hafa verið er skil-
greiningin bæði óskýr og víð. Þar
sem enn er deilt um hvemig skil-
greina skuli hugtakið „terroristi"
eða „hryöjuverkamaður" er mikil
hætta á að friðsamlegar aðgerðir
fólks verði skilgreindar sem
„hryðjuverk". Slíkar lagasetningar
geta alvarlega skert tjáningar- og
fundarrétt fólks. Jafnræðisreglan
er grundvallarviðmið í öllum
mannréttindasáttmálum og í flest-
um stjómarskrám. Hún kveður á
um bann við mismunun. Þessi
regla hefur verið brotin í setningu
nýlegra laga, t.d. í Bandaríkjunum.
Hinn 13. nóvember á síðasta ári
skrifaði Bush forseti Bandaríkj-
anna undir lög sem heimila að rétt-
að sé yfir erlendum rikisborgurum
í sérstökum herdómstól, en þessi
dómstóll uppfyflir ekki alþjóðlegar
kröfur um réttláta málsmeðferð.
Hann heimilar ekki að hægt sé að
áfrýja dómum til hærra dómstigs
og hefur auk þess umboð til að fella
dauðadóma.
Mannréttindi varða alla
Starf Amnesty International
grandvallast á þeirri einföldu hug-
mynd að mannréttindi varði okkur
öll. Samtökin telja mikilvægt að
tryggja að mannréttindi verði ekki
fyrir borð borin í nafni „stríðs gegn
hryðjuverkum". Samtökin hafa for-
dæmt árásimar á New York en
mótmæla öllum lagasetningum sem
grafa undan mannréttindum.
Það mikla starf sem unnið hefur
verið í þágu mannréttinda er í
hættu. Engin ríkisstjóm má kom-
ast upp með að setja lög sem ekki
samrýmast alþjóðlegum mannrétt-
indaskuldbindingum. Hlutverk
mannréttindasamtaka er í dag eins
og áöur, að þrýsta á yfirvöld að
hvika hvergi frá grandvallarregl-
um mannréttinda, því aðeins
þannig verður komið í veg fyrir
hermdaraðgerðir og endi bundinn á
mannréttindabrot. Það er hlutverk
okkar aflra að sameinast í þeirri
baráttu.
Einungis aukin virðing fyrir
mannréttindum tryggir betra
mannlíf og kemur í veg fyrir átök
og ofbeldi.
*
„Starf Amnesty Intemational grundvallast á þeirri einföldu hugmynd að mann-
réttindi varði okkur öll. Samtökin telja mikilvœgt að tryggja að mannréttindi
verði ekki fyrir borð borin í nafni „stríðs gegn hryðjuverkum“. Samtökin hafa
fordœmt árásimar á New York en mótmæla öllum lagasetningum sem grafa und-
an mannréttindum.“
mtmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmSi'