Tķmarit.is
Leita | Titlar | Greinar | Um vefinn | Algengar spurningar |
skrį inn | Íslenska | Føroyskt | Kalaallisut | Dansk | English |

Dagblašiš Vķsir - DV

og  
S M Þ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 . . . .
Smelltu hér til aš fį meiri upplżsingar um 295. tölublaš 
PDF  | HQ_PDF  | JPG  | TXT  |
Skoša ķ nżjum glugga:
PDF  | HQ_PDF  | JPG  | TXT  |


Ašlaga hęš


Vafrinn žinn styšur ekki PDF skjöl
Smelltu hér til aš skoša blašsķšuna sem JPG
Dagblašiš Vķsir - DV

						16
MÁNUDAGUR 23. DESEMBER 2002
Skoðun
DV
Spurning dagsins
Hvað langar þig í jólagjöf?
Eysteinn Slguröarson, 12 ára:
Mig langar i sokka.
Pétur Kaii Hemmingsen, 12 ára:
Trivial Pursuit.
Guömundur Sverrisson, 12 ára:
Einhverja góOa bók.
Sæþór Kristjánsson, 12 ára:
Nýja tölvu.
Margrét Lilja Guðmundsdóttlr, 12 ára:
Playstation 2.
Kolbrún María Guömundsdóttir, 12 ára:
Náttföt.
Fjárlögin og sala Landsbankans
Ragnar
skrifar:
Áreiðanleikamat er eitt þeirra hug-
taka nútímans sem getur sett allt upp
í loft þegar kauphallarundrin eru í
þann veginn að sjá dagsins ljós. Nú er
lokið við að gera áreiðanleikamat
(sumir nefna þetta „könnun", sem er
mun óljósara hugtak - aðeins rann-
sókn) vegna sölu ríkisins á um 46%
hlut í Landsbanka íslands. Þar kemur
í ljós að mat KPMG-endurskoðunar er
ekki í samræmi við mat bankans á
eigin verðmæti sem lagt var til grund-
vallar í samningaviðræðum einkavæð-
ingarnefndar og Samsona ehf.
Þegar þetta er skrifað (sl. föstudag)
hefur væntanlegur kaupandi ekki
fengið mat KPMG afhent og ekki hefur
heldur náðst í formann einkavæðing-
arnefndar til að fá skoðun hans á mál-
inu. Eini aðilinn sem hefur tjáð sig um
málið er bankastjóri Landsbankans,
og hann þvær sínar hendur og segir
bankastjórn banka sins ekki eiga
neina beina aðild að þeim viðræðum
sem fram fóru. Engin gagnrýni hafi
komið fram á reikningsskil Lands-
banka íslands hf. - Málið er því líklega
að verða „heitasta" málið í fréttum
þessa dagana, ef frá er talið upphlaup
borgarstjórans í Reykjavík.
Fyrir marga er Ingibjörg Sólrún
borgarstjóri og staðfest löngun hennar
til landsmála hrein himnasending þeg-
ar sala Landsbankans er sett í sam-
hengi við fjárlögin sem nýbúið er að
samþykkja á Alþingi - ekki síst ef
krafa kaupenda um tveggja milljarða
króna afslátt verður sett sem skDyrði
og stendur óhagganleg. Þar með yrðu
fjárlögin í uppnámi. En eins og kunn-
ugt er var óeigingirni alþingismanna í
Landsbankinn og KMPG
Tengjast áreiöanleikaböndum með ólíkum formerkjum.
„Fyrir marga er Ingibjörg
Sólrún borgarstjóri og stað-
fest löngun hennar til
landsmála hrein himna-
sending þegar sala Lands-
bankans er sett í samhengi
við fjárlögin sem nýbúið er
að samþykkja á Alþingi."
fyrirrúmi þegar þeir útbýttu fé til ým-
issa ríkisframkvæmda. í fjáraukalóg-
um - allt vegna þess að treyst var á ör-
læti þeirra Samsona ehf.
Verði hins vegar mismunur KPMG-
matsins og reikningsskila Landsbank-
ans mestmegnis rakinn til óreiðu-
skulda við bankann, sem aftur má
rekja til ábyrgðarleysis fyrrverandi
bankastjóra Landsbankans, er ekki
ólíklegt að málið færist á topp tíu lista
innlendra frétta. Enda varðar það
þjóðarheill og efnahagsmál okkar í
nánustu framtíð - og raunar miklu
fremur en það hvort Ingibjörg Sólrún
verður innan eða utan Ráðhúss
Reykjavíkur.
En nú hækka líka laun ráðamanna
um 7%. Það er bót í máli fyrir alla: mig,
þig og alla sem búa við sýndarveru-
leika í fréttamati íslenskra fjölmiðla.
Viktoríanskur hugsunarháttur
Orn Blævarr Magnússon
skrifar:_____________________________
Fyrir tólf mánuðum ákváðu tveir
ungir menn að gefa út blað er tileink-
að yrði framhaldsskólanemum. Blað
þetta átti að fjármagna með auglýs-
ingasölu en dreifa frítt til nema. Af-
urðin leit dagsins ljós núna tólfta
desember. Eintak var borið út til
allra er keyptu auglýsingu í títt-
nefndu blaði (Filter).
Og þá byrjaði fjörið. Hringt var til
ritstjómar Filters frá versluninni
Top Shop er var með baksíðuauglýs-
ingu í blaðinu. Sá sem hringdi var
framkvæmdastjóri og tilkynnti, að ef
blaðið færi í dreifingu færi Top Shop
í mál. Ástæðan? Jú, þetta væri sóða-
rit og skaðaði ímynd fyrirtækisins.
Nú er ég sjálfur liðlega fimmtugur og
alveg þokkalega þröngsýnn. Ég er bú-
inn að sjá þetta blað. Það er ekkert í
þessu blaði sem hægt er að kalla
klám. Reyndar er þarna grein um
hjálpartæki kynlífsins.
Fyrir nokkru síðan kveikti ég á
morgunsjónvarpinu og viti menn -
fjörlegur kynlífsfræðingur að tíunda
Ég veit ékki til þess að
nokkur maður hafi kvartað
undan þessum þætti.
hina ýmsu möguleika í notkun því-
líkra tóla. Ég veit ekki til þess að
nokkur maður hafi kvartað undan
þessum þætti. Enda hefur almennt
veriö talið að viktoríanskur hugsun-
arháttur hafi liðið undir lok fyrir
löngu. Sé það hins vegar rétt að það
sé forsíðumyndin sem fer svo fyrir
brjóstið á framkvæmdastjóranum að
hann getur réttlætt þaö fyrir sjálfum
sér að ekki bara láta banna blaðið á
sínum forsendum heldur hafa einnig
samband við alla aðra sem auglýstu
og fá þá lið með sér í þessari kross-
ferð gegn klámi, þá er illa komið.
Og í hverju er svo þetta klám fólg-
ið? Jú, á forsíðunni er mynd af ber-
um karlmanni og hefur hann falið
stubbinn sinn á milli læranna þannig
að mögulegt er með ofurmannlegu
ímyndunarafli að teh'a sér trú um að
þarna sé mjög loðinn og afburða
kraftalega vaxinn flatbrjósta kven-
maður. Og undir þessari mynd stend-
ur „karlremba er sjálfsvörn".
Ég verð að viðurkenna, að í allri
minni þröngsýni fannst mér þetta
myndaspil bara þrælskondið. Mest
undrandi varð ég þegar eitt stærsta
tölvufyrirtæki landsins tók undir
með þessari manneskju. Nú var þetta
blað ætlað framhaldsskólanemum á
aldrinum sextán til tuttugu og fimm
ára til skoðanaskipta og sem vett-
vangur hugmynda þessa aldurs-
flokks. Þar sem markaðsstjórinn leyf-
ir sér að nota þau vinnubrögð að
hringja í aðra auglýsendur og hvetja
þá til að standa með sér í að fá dreif-
ingu Filter bannaða gæti ég á sömu
forsendum hvatt fyrrgreindan ald-
urshóp til að versla ekki við Top
Shop. En ég geri það ekki. Ég vona að
fólk eigi viðskipti þar eftir sem áður
þó setja megi stórt „?" við hugmynda-
fræði eins stjórnanda verslunarinn-
ar. - Ég tek fram, að ég skrifa þetta
án vitundar þessara drengja sem að
blaðinu standa.
Að rugga sér í lendunum
Þessa dagana er Garri í góðmennskukasti.
Enda þótt oftast sé hann rótarlegur og hálf-
gerð ótuki er sá gállinn ekki á honum þessa
dagana. Nu kappkostar hann að láta hvár-
vetna gottaf sér leiða. Enda að koma jól. Af
órlæti sínu gaf Garri vænar flísar af feitum
sauð til Mæðrastyrksnefndar þannig að soltnir
mættu mettast. Leikföng gaf hann til harna
foreldra sem eiga ekki fyrir jólagjöfum. Með
tárin í augunum gekk Garri niður Laugaveg-
inn þar sem hann mætti pöplinum að kaupa
inn til jólanna. Hann fann sárt til með þeim
mörgu sem ekki geta gert sér dagamun á heil-
agri hátíð.
Engar kartöflur
Þeir sem við aumasta hlutskiptið hafa búið
eru væntanlega forystumenn þjóðarinnar. En
nú hefur þeirra hagur vænkast.
Jólasveinar kjaranefndar mættu til byggða i
vikunni og gáfu þeim í skóinn og rökstuddu
órlæti sitt og sögðu að ófært væri að þessir
menn drægjust aftur úr öðrum í kjórum. Eða
með öðrum orðum að ófært væri að gefa þeim
kartöflur í skóinn. Meðal þeirra sem fengu
þennan búhnykk var forsetinn sem fyrir helg-
ina mætti til mæðrastyrksnefndar og tók þar
tali hina umkomulausu. Garri efar ekki að
hann eigi þjáningabróður í forsetanum en sá
var lengi í stjórnmálaflokki sem barðist fyrir
bættum kjörum óreiga allra landa.
Biskupinn var líka meðal þeirra sem fengu
launahækkun. Sá vill öllum gefa kærleik i
jólagjöf. Ráðherrar ríkisstjórnarinnar fengu
líka launabætur og þeir gefa auðvitað góðæri
og árgæsku til lands og sjávar í alla jólapakka.
Enda er slíkt á færi þeirra, þessa góða fólks
sem hefur bæði vald tíða og þjóðar.
Kátína yfir kjarabótum
Á jólunum eiga allir að yera góðir hver við
annan. Því ætlar Garri að láta hina mildu tóna
í sálarlífi sínu lita óma í þessu jólaguðspjalli
sínu. Hann minnir á að i dag er glatt í döprum
hjörtum hinnar snauðu alþýðu sem nú getur í
sinni sínu fundið bæði frið og fögnuð. í dag er
líka glatt í döprum hjörtum alls efsta lags
stjórnkerfisins: kátína yfir kjarabótum. Og
brátt fara haltir að ganga, daufir að heyra og
blindir fá sýn.
Við lifum á ótrúlegum tímum. Dásemd í des-
ember.
Með þeim orðum óskar Garri lesendum sín-
um gleðilegra jóla um leið og hann fer að
dæmi Adams sem átti syni sjö; stappar niður
fótunum, ruggar sér í lendunum og snýr sér
svo í hring.
Ossur Skarp-
héðinsson
formaður
Samfylkingar
Sannsögulli
en svilkonan?
Össur sagði satt
H!!í!ur Guðjónsdóttir hringdM:
Ég verð að segja
að hann Össur
Skarphéðinsson
naut samúðar minn-
ar eftir sjónvarps-
viðtalið 18. des. sl.
Ég hélt að hann
væri að fara með
rangt mál þegar
hann sagði að Ingi-
björg Sólrún gæfi
kost á sér til þings,
þar sem hún hafði
fyllilega gefið í skyn að svo væri ekki,
hún ætlaði bara að hugsa málið. Allt í
einu snerist frúin í hring og viður-
kenndi að hún gæfi kost á sér en svar-
aði því aldrei hvort hún hefði rætt við
formenn VG eða Framsóknar. Það var
nú lóðið! Ekki er ráðahagurinn burð-
ugur. Samfylkingin mun svo þurrka
út Framsóknarflokkinn í Reykjavík
en þangað sótti Kvennalistinn mjög
fylgi sitt. Hvað gera Vinstri-grænir
nú? Og hvað skyldi frúnni finnast ef
samstarfsflokkarnir söðluðu nú um í
borgarstjórn og styddu íhaldið? Þar
með hefði allur R-listinn sagt „Allt í
plati!" Það þyngist því verulega undir
fæti hjá borgarstjóra, fylgið minnkaði
í síðustu kosningum og nú þarf að
berjast við sterkan stjórnmálamann í
forystu minnihlutans.
Þetta er ekki ham-
borgarahryggur
Halldór (heimavinnandi) skrifar:
Ég get ekki látið kyrrt liggja am-
böguna þrálátu sem fram kemur hjá
langflestum þeim sem tala um
jólasteikina og segjast ætla að elda
„hamborgarahrygg"! Þetta er ekki
nokkur matur, svona „hryggur" því
hann er ekki til. Nema ef hakkað kjöt
væri uppistaða í einhverjum dýra-
hrygg, sem ég hygg að sé ekki af þess-
um heimi. En svo er til gæðamatur, á
jólum og við önnur tækifæri, og það
er „hamborgarhryggur" - þessi sem
við sjóðum fyrst og er síðan gljáður í
ofni, í svo sem 15 mínútur á 180 gráð-
um (360 í amerískum ofni), með Drjon-
sinnepi og púðursykri.
Horft til allra átta
Allt án skuldbindingar.
Ég hef sagt það áður
Skúli Jónsson skrifar:
Það er upplausnarástand í borgar-
stjórn Reykjavíkur. Borgarstjórinn,
Ingibjörg Sólrún Gísladóttir, virðist
hafa orðið friðlaus þegar að því var
ýjað að hún myndi sóma sér vel í for-
ystusveit Samfylkingarinnar í næstu
kosningum. Nú hefur hún játað því að
verða í framboði, allt án þess að
svíkja sína kjósendur, eða eins og hún
segir oft sjálf: „Ég hef sagt það áður..."
Auðvitað sæktist Ingibjörg Sólrún eft-
ir ráðherrastóli, yrði hann í boði eftir
kosningar. Þar með rýrna möguleikar
hinna sem lentu ofarlega á lista Sam-
fylkingarinnar í Reykjavík því varla
yrðu allir ráðherrarnir úr Reykjavík.
Hér er komin upp ný staða fyrir Sam-
fylkinguna og alls ekki góð. Með þátt-
töku Ingibjargar Sólrúnar á þinglista
er rekinn fleygur í forystu Samfylk-
ingarinnar á þeim vettvangi. En ekki
síður í borgarstjórnarmeirihlutann
sem í raun riðar nú til falls eftir
margháttuð svik og hringlandahátt í
stjórn borgarinnar, sbr. lokun þjón-
ustumiðstöðva eldri borgara (sem R-
listinn varð svo að draga til baka,
sumarlanga leikskólalokun og fjár-
málaóstjórn.
DVI Lesendur
Lesendur geta hringt allan sólarhring-
inn í síma: 550 5035.
Eða sent tölvupóst á netfangið:
gra@dv.ls
Eða sent bréf til: Lesendasíoa DV,
Skaftahlíö 24, 105 Reykjavík
Lesendur eru hvattir til að senda mynd
af sér til birtingar meö bréfunum á
sama póstfang.
					
Fela smįmyndir
Blašsķša 1
Blašsķša 1
Blašsķša 2
Blašsķša 2
Blašsķša 3
Blašsķša 3
Blašsķša 4
Blašsķša 4
Blašsķša 5
Blašsķša 5
Blašsķša 6
Blašsķša 6
Blašsķša 7
Blašsķša 7
Blašsķša 8
Blašsķša 8
Blašsķša 9
Blašsķša 9
Blašsķša 10
Blašsķša 10
Blašsķša 11
Blašsķša 11
Blašsķša 12
Blašsķša 12
Blašsķša 13
Blašsķša 13
Blašsķša 14
Blašsķša 14
Blašsķša 15
Blašsķša 15
Blašsķša 16
Blašsķša 16
Blašsķša 17
Blašsķša 17
Blašsķša 18
Blašsķša 18
Blašsķša 19
Blašsķša 19
20-21
20-21
Blašsķša 38
Blašsķša 38
Blašsķša 39
Blašsķša 39
Blašsķša 40
Blašsķša 40
Blašsķša 41
Blašsķša 41
Blašsķša 42
Blašsķša 42
Blašsķša 43
Blašsķša 43
Blašsķša 44
Blašsķša 44
Blašsķša 45
Blašsķša 45
Blašsķša 46
Blašsķša 46
Blašsķša 47
Blašsķša 47
Blašsķša 48
Blašsķša 48
Blašsķša 49
Blašsķša 49
Blašsķša 50
Blašsķša 50
Blašsķša 51
Blašsķša 51
Blašsķša 52
Blašsķša 52
Blašsķša 53
Blašsķša 53
Blašsķša 54
Blašsķša 54
Blašsķša 55
Blašsķša 55
Blašsķša 56
Blašsķša 56