LAUGARDAGUR I. FEBRÚAR 2003 Mí' &tCf O t~t> lCJ Cf DV „Prinsessan mín, Theódóra, varð sex ára í október og litla dúllan, Arnór Blær, verður fjögurra ára í febrúar - við eigum sama afmælisdag, ég fékk hann í afmælis- gjöf. Og það var æðisleg afmælisgjöf," segir Kolbrún Björnsdóttir, annar umsjónarmanna Djúpu laugarinn- ar á Skjá einum. DV-myndir Sigurður Jökull Grunan felld Flestir þátttakendur í Djúpu lauginni eru milli tví- tugs og þrítugs. Hefur viðhorf fólks til sambanda breyst fyrst svo margir elta ástina í beinni útsend- ingu? Hefur þráin eftir ást og samböndum breyst? „Ég held að fólk sé sjálfstæðara í dag en áður og finnist það ekki endilega þurfa að eiga „betri helm- ing". Fólki líður betur einu núna en fyrir nokkrum árum. Fæstir af þeim sem koma í þáttinn okkar eru í leit að ást. Auðvitað er það frábært ef fólk finnur ást- ina í þættinum en hann gengur fyrst og fremst út á það að kynnast nýju fólki. Það eru fáir ástsjúkir í hópi þátttakenda." Er þetta kannski bara ný leið til að bjóða fólki upp í dans? „Já. Og þetta gerir mikið fyrir fólk. Mánuðum eftir að fólk kemur fram í þáttunum og jafnvel árum er það enn stöðvað á skemmtistöðum og spurt hvort það hafi ekki verið í Djúpu lauginni. Þetta er því góð kynning á einstaklingum. Fólk setur alltaf upp grímu á skemmtistöðum. Það þorir ekki að tala við hvern sem er. Þótt maður sjái strák eða stelpu við barinn þá veit maður ekkert hvernig manneskja viðkomandi er því fólk er iðulega búið að villa á sér heimildir varðandi útlit og karakter. Þegar fólk hefur verið í Djúpu laug- inni, og þetta á sérstaklega við um þá sem svara spurningunum, eru komnar fram mikilvægar upplýs- ingar um það: við vitum hvernig það brosir og hlær, um áhugamálin og þess háttar. Þegar þetta fólk kemur inn á skemmtistaðina kemur fólk til þess og ræðir við það því mörgum finnst þeir þekkja það. Gríman hefur verið felld og þá er grundvöllur fyrir samræðum. Það er ömurlegt hvað íslenskir skemmtistaðir eru mikill óraunveruleiki. Þar eru flestir að leika ein- hvern annan og mjög fáir eru þeir sjálfir. Þess vegna held ég að það sé mjög óraunhæft að ætla að finna makann sinn á djamminu!" Gott að kúra á kvöldin Áttu þér einhver áhugamál fyrir utan vinnuna? „Börnin mín. Ég er mikið á heimilinu þegar ég get. Ég bý ekki á bleiku skýi: ég þvæ þvott, þríf klósett, elda mat, skipti á rúmunum og vaska upp. Og nýlega er ég byrjuð í hestamennskunni. Ég hef lengi ætlað að flnna mér hreyfingu. Ég er enn frekar léleg á línu- skautunum en lofa sjálfri mér því á hverju vori að verða rosalega góð. Og ég lofa því aftur í vor. En ann- ars er ég mjög heimakær og fer fátt. Mér þykir ofboðs- lega gott að kúra á kvöldin með kærastanum." Áttu hest? „Nei, ég fer með vinkonu minni á bak. Hún lánar mér hest, hnakk og galla. Reiðfótin eru á óskalistanum fyrir afmælið mitt." Og hesturinn líka? „Já, hestur og hnakkur. Svona litlar gjafir!" Þú þyrftir að fermast aftur. „Já, ég þyrfti þess. Annars á ég þrítugsafmæli á næsta ári sem gæti verið góð afsökun fyrir dýrari gjöf." Alltaf einhver sem þekkir mig Heldurðu að Djúpa laugin verði ævistarfið? „Nei, ég'lít frekar á Djúpu laugina sem tilbreytingu eða byrjun á einhverju öðru." Hvernig er að vera þekkt á íslandi? „Það er mjög skrýtið. Ég hef lesið viðtöl við þekkt fólk á íslandi sem segist ekki taka eftir því að á það sé horft í búðum. Mér finnst það fyndið! Þetta fólk hlýt- ur annaðhvort að vera blint og heyrnarlaust eða þá að það skammast sín fyrir að viðurkenna það. Mér finnst frábært þegar fólk kemur til mín og spyr mig út í þátt- inn. Ég er samt ekki að segja að ég sé neitt merkilegri en Gunna við hliðina á mér, langt frá því." En það er fylgst með þér? „Já, það er næstum sama hvert ég fer, það er alltaf einhver sem þekkir mig. Það er líka óhjákvæmilegt þar sem þátturinn hefur svo gífurlegt áhorf. En það er allt í lagi. Maður verður bara að hafa húmor fyrir sjálfum sér; það má ekki taka sjálfan sig of alvarlega. Þá færi maður fljótt yfir um." -sm
Beinir tenglar
