Dagblaðið - 02.04.1979, Side 18
18
DAGBLAÐIÐ. MÁNUDAGUR 2. APRÍL 1979.
Iþróttir
Iþróttir
Iþróttir
Iþróttir
Dwight Stones leysir frá skjóðunni:
Hlaut 70 milljónir fyrir
keppni sem áhugamaður!
„Það er algengt — næstum því
venja — að beztu áhugamennirnir í
frjáisum íþróttum fái peninga-
greiðslur fyrir þátttöku í mótum. Á
sex ára ferli mínum sem cinn af beztu
hástökkvurum heims vann ég mér inn
200 þúsund dollara — um 70
milljónir islenzkra króna — í keppni
á frjálsiþróttamótum áhugamanna,”
sagði bandariski hástökkvarinn
Dwight Stones nýlega i viðtali í
íþróttablaðinu bandariska — Sports
Illustrated Magazine.
Stokes, sem er 25 ára, var settur í
keppnisbann í fyrra af frjálsíþrótta-
sambandi Bandarikjanna fyrir
greiðslur, sem hann hafði fengi fyrir
að taka þátt í sjónvarps-mynda-
flokknum „Superstars”. Stones fékk
33.400 dollara fyrir sinn þátt í sjón-
varpsflokknum og setti peningana
inn á reikning fyrirtækis fjölskyldu
sinnar. Reglumar segja hins vegar,
að Iþróttamenn verði að skila slíkum
peningagreiðslum til félaga sinna.
1 viðtalinu í Sports Illustrated sagði
Dwight Stones að hástökksferli
sínum væri lokið. ,,Ég mun aldrei
stökkva framar — ég veit það — en
það er venjan að íþróttafólk fái
peninga fyrir þátttöku í íþróttum
áhugamanna. Það á sér mest stað í
frjálsum íþróttum — þar er það
auðveldast, en sundfólk og fimleika-
fólk er einnig á sama báti. Fleiri
íþróttagreinar má nefna. Frjáls-
íþróttafólk er nú í svipaðri aðstöðu
og tennisleikarar fyrir rúmum áratug
— eða áður en peningarnir fóru að
streyma til þeirra. Frjálsíþrótta-
mennirnir fá peningagreiðslur,,undir
borðið”, sagði Dwight Stones enn-
fremur.
Hann sagðist fljótlega á keppnis-
ferli sínum hafa komizt að þeirri
niðurstöðu að þaö væri ekkert at-
hugavert við að taka við peninga-
greiðslum fyrir þátttöku á mótum.
„Ef flestir aðrir unnu sér inn
peninga, þá ætlaði ég mér ekki að
æfa og keppa og fá fólk til þess að
mæta á mót án þess að fá peninga
fyrir það. Það var allt og sumt,”
sagði Stones.
Þá skýrði Stones frá þvi hvernig
hann hefði hagnazt á því að fara frá
heimili sínu i Kalifomíu og keppa í
austurfylkjum Bandaríkjanna. Ef
hann tók þátt í tveimur rnótum um
helgi fékk hann greiðslur frá móts-
stjómum beggja, greiðslur fyrir flug-
ferð á 1. farrými að verðmæti um
1100 dollara. Síðan hefði hann keypt
ódýran farseðil upp á um það bil 350
dollara, tekið sér ódýrt herbergi á
leigu eða dvalið hjá vinum, og farið
með lest eða áætlunarbil milli borg-
anna, þar sem mótin áttu að vera.
Árangurinn. Hagnaður á bilinu frá
750 til lOOOdollarar.
„Þannig var það á fyrstu árunum
— og ég hagnaðist aðeins á fargjöld-
unum, en fékk lítið fyrir að koma
fram á mótunumi En eftir því sem ég
varð betri, urðu boðin fleiri og mér
voru boðnir peningar,” sagði
Stones.
Hann bætti heimsmetið í hástökki
ellefu sinnum á ferli sínum — bæði
innan- og utanhúss — og hann
keppti einnig víða á mótum í Evrópu.
„Ég keppti aldrei á mótum í
Evrópu án þess að fá peninga-
greiðslur,” sagði Stones en mestur
hagnaður hans þar var þó í sambandi
við fargjöldin — þar keypti hann
einn farseðil, sem hann komst á milli
allra borganna, en fékk svo sér-
greiðslur fyrir fargjöid frá hverjum
mótshaldara.
Þessar myndir voru teknar af Stones,
þegar hann átti í brasi við franska
Kanadamenn á Ólympiuleikunum í
Montreal 1976.
Laugdælir Islandsmeistarar
— Strákarnir úr íþróttakennaraskólanum sigruðu Stúdenta og urðu því meistarar
Laugdælir urðu íslandsmeistarar i
blaki á Laugarvatni á laugardag. Sigr-
uðu Stúdenta 3—0 og hrepptu
meistaratign i fyrsta sinn. Laugdælir —
en flestir ieikmenn liðsins eru nemend-
ur úr íþróttakennaraskólanum, mættu
harðri mótspyrnu Stúdenta i byrjun en
enduðu í lokin sem sigurvegarar,
öruggir sigurvegarar og fagnaðarlætin í
litla iþróttahúsinu að Laugarvatni voru
gífurleg.
Það var mikil stemmning á Laugar-
Svefnherbergishúsgögn — Mesta úrvalið
INGVAR 06 6YLFI
GRENSÁSVEGI 3108 REYKJAVÍK, SÍMI: 81144 OG 33530.
Sérverzlun með rúm
Minolta vasaljósmyndavébr
FILMUR 0(3 VELAR S.F.
Skólavörðustfg 41 — Sfml 20235
vatni og litla íþróttahúsið þéttsetið —
svo, að við sjálft lá, að hangið væri í
köðlum. Fyrsta hrinan var gífurlega
hörð og jöfn. Hávörn Laugdæla var
mjög Sterk, svo að skellir Stúdenta,
sem lengst af hafa verið sterkustu vopn
þeirra, komust lítið í gegn. Laugdælir
sigruðu 15—13. Stúdentar fengu óska-
byrjun í annarri hrinunni, komust í 6—
2 en hingað og ekki lengra sögðu
íþróttakennaraefnin — nú tökum við
yfir og Laugdælir sigruðu örugglega,
15—8. Sama tala varð uppi á teningn-
um í þriðju hrinunni. öruggur sigur
Laugdæla, 15—8. Meistaratign í höfn
— Laugdælir hrifsuðu titilinn frá
Stúdentum, handhöfunum.
Eins og áður sagði er lið Laugdæla
að stofni til úr íþróttakennaraskólan-
um. Þjálfari og fyrirliði er Leifur
Harðarson en ásamt honum léku
leikinn við Stúdenta, Atli Eðvaldsson,
Lárentsínus Ágústsson, Hreinn
Þorkelsson, Haraldur Geir Hlöðvers-
son og Samúel Öm Erlingsson — allt
nemendurí íþróttakennaraskólanum.
Þróttarar áttu að leika á Akureyri
við Eyfirðinga en vegna verkfalls flug-
manna komust þeir ekki norður. En sú
viðureign skiptir nú engu — Laugdælir
hafa þegar tryggt sér meistaratignina.
Staðan í 1. deild í blaki er nú:
,Laugdælir 16 13 3 40—19 26
Þróttur 15 11 4 37—19 22
ÍS 16 11 5 38—22 22
UMSE 15 3 12 18—39 6
Mimir 16 1 15 13—47 2
Meistarar
Vals sterkir
á Akranesi
— Sigruðu IA 3-1 í meistarakeppni KSÍ
íslandsmeistarar Vals sigruðu bikar-
meistara ÍA 3—1 á Skipaskaga á
laugardag, i meistarakeppni KSÍ 3—1.
Tveir boltar fóru út I sjó og hafa ekki
sést síðan á’ Akranesi. Slikt var rokið,
þokkalegt veður þó i upphafi leiks en
fljótlega i fyrrí hálfleík, rétt eins og
hendi væri veifað gerði spænurok.
Aðstæður allar settu mjög svip sinn á
leikinn, þófkenndur og lítt skemmti-
legur á að horfa. Valsmenn sýndu þó
það sem sýnt var og verðskulduðu
sigur.
Skagamenn léku undan vindi í fyrri
hálfleik en komust lítt áleiðis gegn vörn
Vals. í síðari hálfleik var það hlutverk
Valsmanna að leika undan vindinum —
og öll mörkin komu i síðari hálfleik.
Þeir Guðmundur Þorbjömsson, Hálf-
dán örlygsson og Grímur Sæmund-
sen skoruðu fyrir Val en Sigþór Ómars-
son svaraði fyrir í A.
K.B.