Dagblaðið - 07.01.1980, Blaðsíða 1
Ge/r leggur efnahagsmálatillögur fyrir hina tiokkana:
6. ÁRG. — MÁNliDAGUR 7. JANÚAR 1980 — 5. TBU. RITSTJÓRN SÍÐÚMÚLA 12. AUGLÝSINGAR OG AFGREIÐSLA ÞVERHOLTl 11.—AÐALSÍMI 27022.
: “
VISITALAN UR SAMBANDI
T1L FYRSTA SEPTEMBER
— eða frestun 15 vísitölustiga til þess tíma — láglaunafólki bætt með neikvæðum tekjuskatti
— fíokkamir biðja um skýrari tillögur
Sjálfstæðismenn lögðu um helgina
tillögur i efnahagsmálum fyrir hina
flokkana. Höfundur þeirra mun
aðallega vera Jónas H. Haralz
bankastjóri. Tveir „valkostir” eru
þar gefnir. Annars vegar að vísitalan
verði tekin úr sambandi fram til I.
september og verðbótum á laun
I.frestað” til þess tima. Hinn kostur-
inn sem sjálfstæðismenn gefa er sá,
að 15 visitöiustigum i verðbótum
verði frestaðtil 1. september.
Þetta þýddi að verðbótahækkun
kæmi ekki á kaupið 1. marz og 1.
júni.
Bæta á hinum tekjulægstu þennan
missi verðbóta með „neikvæðum
tekjuskatti”, það er að segja bótum
úr rikissjóði til þeirra sem hafa tekjur
innan ákveðinna marka. Mönnum
reiknast til, að þetta gæti kostað
rikissjóð allt að 30 milljarða króna á
árinu. Sjálfstæðismenn hafa enn ekki
lagt fram itarlegar tillögur um
hvemig þessa fjár skuli aflað.
Þjóðhagsstofnun reiknar nú þessar
hugmyndir sjálfstæðismanna Ul að
finna, hvað þær þýði i verðbólgu og
skerðingu kaupmáttar. Tillögurnar
eru enn ekki vel útfærðar en búizt er
við að þær verði settar fram skýrar í
dag. Fulltrúar hinna flokkanna báðu
sjálfstæðismenn um skýrari tillögur
en visuðu þvi sem fram kom ekki al-
fariðábug. -HH
Lögreglumenn
meiddust í átökum
Unglingar stöðvuðu umferð um Ölfusárbrú um tíma
Fjórir lögreglumenn meiddust, þar
af einn illa á auga, er unglingar á
Selfossi gerðu aðsúg að lögreglunni i
nótt. Unglingarnir höfðu safnazt
saman við Ölfusárbrú um kl. eitt eftir
miðnætti, að ioknum hljómleikum í
iþróttahöllinni og hugðust loka brúnni
með alls kyns drasli.
Þeim tókst að stöðva umferð um
brúna um tíma. Er lögreglan kom á
staðinn tíl að greiða fyrir umferðinni
rifu krakkamir upp klakastykki og
hentu að henni. Stóð skæðadrifan á
lögreglumennina langa hrið með þeim
afleiðingum að fjórir meidust.
Til að hindra umferðina náðu ungling-
arnir i kerrur hjá kaupfélaginu og
mótatimbur úr nýbyggingu Selfossbíós.
Er haugurinn var kominn á brúar-
sporðinn var bensini heUt yfir og átti að
77/ að hindra að hægt yrði að kveikja i kestinum settist húsvörður kaup-
fólagsins i miðja hrúguna og bauð krökkunum síðan að kveikja i sér efþau
þyrðu. Með þessu móti tókst honum að forða tveim kerrum frá kaupfólaginu
frá eyðHeggmgu.
kveikja i. Húsvörður kaupfélagsins
hindraði íkveikjuna með þvi að setjast í
olíublauta hrúguna. Síðan bauð hann
krökkunum að kveikja í sé ef þau
þyrðu.
Eftir að búið var að ryðja hindrun-
inni i burt einu sinni fór iögreglan á
brott með nokkra ólátaseggi. Krakk-
arnir hófust þegar handa við að hlaða
nýjan haug. Eftir að lögreglan var farin
var hins vegar allur spenningur búinn
og leystist samkundan brátt upp.
Að sögn Jóns Guðmundssonar yfir-
lögregluþjóns á Selfossi er það fastur
liður á þrettándanum að unglingar taki
upp á þvi að hindra umferð um Ölfus-
árbrú. Hann kvað aðgerðimar í gær-
kvöld hafa verið með versta móti.
-ÁT-
Þrettándaólæti á Selfossi í nótt
Harðar deilur
íVerkamanna-
sambandinu
„Kjaramálaráðstefna Verka-
mannasambandsins samþykkti að á
öll laun fyrir neðan og að kr. 300 þús.
skyldu greiðast sömu visitölubætur
og á 300 þúsund króna laun,” sagði
Guðmundur J. Guðmundsson, for-
maður Verkamánnasambandsins i
viðtali við DB. Hann kvað umræður
hafa verið harðar á köflum en mál-
efnalegar. Hefðu menn ekki skipzt i
afstöðu sinni til málefna eftir
hörðum flokkspólitískum linum.
Fram hefði komið uppsöfnuð
óánægja til margra ára, sem engan
veginn væri bundin flokkasjónarmið-
um.
Tillaga Var borin upp um að fella
niður tvo lægstu taxtana en kaup-
hækkanir yrðu stiglækkandi í áföng-
um. Þá var lagt til að áherzla yrði
lögð á ýmsar félagslegar úrbætur. Sú
tillaga var felld, einkum vegna þess
að hún þótti ekki nægilega skýrt
mörkuö til framkvæmda.
Til viðbótar samþykktinni um
sömu krónutöluhækkun á laun upp
að 300 þúsundum var samþykkt að
prósentuhækkun yrði á laun milli 3
og 400 þúsund, en sú krónutölu-
hækkun kæmi ofan á laun sem væru
yfir 400 þúsundum.
Áherzla var lögð á að fulltrúar sem
yrðu einnig á kjaramálaráðstefnu
ASÍ hvikuðu ekki frá þessum sam-
þykktum þar.
„Það hefur verið okkar stefna, og
er enn, að hlutfallslegar verðbætur
komi á öll laun. Þessi ályktun Verka-
mannasambandsins er i algerri and-
stöðu við þau sjónarmið,” sagði Þor-
steinn Pálsson, forstjóri Vinnuveit-
endasambands íslands i viðtali við
DB. „Þessi samþykkt bendir ef til vill
fyrst og fremst til þess að ASÍ sé
klofið i sinni stefnumörkun i launa-
málum,” sagði Þorsteinn. -BS
Stórsigur Indiru
Gandhi
— sjá erl. fréttír
bls. 8-9
HÆTTIR JÓHANN INGI SEM LANDSUDSEINVALDUR?
— sjá íþróttír bls. 15-18