Dagblaðið - 03.06.1981, Blaðsíða 17
PAGBLAÐIÐ. MIDVIKUDAGUR 3. JÚNÍ 1981.
17
33 1/3 sn . . . 33 1/3 sn . . . 33 1/3 sn . . . 33 1/3 sn . . . 33 1/3 sn . . .
Ymsir fíytjendur—Flugnr:
Margar flugur í einu
og sama högginu!
Gillan — FutureSchock:
VINNUR HÆGT OG BITANDIÁ
Flestum er meinilla við flugur og
skordýr af öðru tagi. Hver kannast
ekki við feitar og pattaralegar húsflug-
ur sem fara langt með að gera heilbrigt
fólk sturlað á einni kvöldstund sveim-
andi fyrir framan sjónvarpið einmitt
þegar uppáhaldsframhaldsþátturinn er
i kassanum. Fyrir skömmu sendu
Steinar hf. frá sér Flugur og er það
samsafnsplata f óvenjulegri kantinum.
Bara umslagið eitt sér með risastórri
maðkaflugu framan á nægir kannski til
að hroll setji að hörðustu fluguhötur-
unum en innihaldið er hins vegar öllu
meira aðlaðandi en i venjulegum pödd-
um. Á Flugum eru 11 lög með 10 flytj-
endum og flest lögin falla vel inn í
heildarmyndina sem platan skapar.
Tvö laganna finnast mér þó varla
eigá heima á þessari plötu en það er
Skammastu þin svo með Ladda og
Allur á iði sem Ólafur Haukur Simon-
arson syngur. Ég verð að segja að ég
met Ólaf miklu meira sem skáld en
söngvara.
Það er einmitt Laddi sem á fyrsta lag
plötunnar en á eftir honum kemur
hljómsveitin Celcius með nokkuð
gamla upptöku á laginu Love your
mother. Það er upptaka sem ekki hefur
áður heyrzt á plasti. Utangarðsmenn
koma næstir með nýja útgáfu á Rækju-
reggae — textinn er breyttur. Fallinn
með Tívoli fylgir á eftir og Mezzoforte
lokar fyrri hliðinni með iaginu Stjörnu-
hrap — dæmigert lag fyrir Mezzoforte.
Það er svo Start sem byrjar slðari
hliðina með hinu frekar misheppnaða
lagi sínu Stina fina. Sönn ást (úr Óðali
feðranna) fylgir á eftir og þá kemur My
home town (í Reykjavíkurborg) með
Þú og ég. Utangarðsmenn mæta svo
aftur hressari en fyrr með The big sleep
og þá kemur Ólafur Haukur með sitt
lag, Allur á iði, og Jakob Magnússon
og félagar hoppa með Barry (Bob along
Barry) og læsa síðari hliðinni.
Samsafnsplötur vilja alltaf verða
misheppnaðar að einhverju leyti enda
er lagavalið á þær erfltt. Að þessu sinni
hefur tekizt bærilega upp þó svo laga,-
valið sé jafnvel enn erflðara en venja er
til. Hér er bæði um safn- og safnara-
plötu að ræða því þarna eru annars
vegar lag og svo útgáfa á lagi sem ekki
hafa komið fram áður.
Fyrir minn smekk finnast mér rokk-
lögin eðlilega bezt af þessu samkrulli en
framlag Jakobs, Mezzoforte og slðast
en ekki sfzt söngur Björgvins Halldórs-
sonar f laginu Sönn ást gera þessa plötu
að eigulegum grip.
Eftir sex ára baráttu, eftir að Ian
Gillan sagði skilið við Deep Purple,
tókst loks aö öðlast hluta af gamalli
frægð er fyrsta plata hljómsveitarinnar
Gillan leit dagsins ljós seint á síöasta
ári. Með útgáfu annarrar breiðskífu,
Future Schock, hefur Gillan náð að
festa sig i sessi á bárujárnsrokksmark-
aðnum.
Þessi nýja plata er um margt nokkuð
ólik þeirri fyrri sem getið er að framan.
Ekkert laganna er verulega grípandi við
fyrstu hlustun og það er ekki fyrr en
plötunni hefur verið rennt undir nálina
nokkrum sinnum að lögin taka að
vinna á. Það er reyndar alltaf góðs viti
því auðgripin lög verða fyrr leiðinleg en
önnur. Yfirbragðið á Future Schock
finnst mér vera „villtara” og á köflum
ekki eins sannfærandi. „Purple-flling-
urinn” er nú geysilega áberandi en var
það ekki á fyrri plötunni. Það er e.t.v.
sumum fagnaðarefni en mér finnst það
ekkerttil aðfagna.
Ekki svo að skilja að Purple hafi
ekki staðið fyrir sínu hér „i den”
heldur hitt að tími er kominn fyrir
þessa drengi, sem voru i Purple, að rífa
sig úr þeim viðjum og skapa sér sjálf-
stæðari stefnu. Það hefur tekizt einna
bezt hjá Gillan en Whitesnake, og þó
einkum Rainbow, hafa verið limd í
gömlu rásina.
Það sem gefur Gillan það yfirbragð
sem gerir hljómsveitina að skemmti-
legri er m.a. stórbrotinn gftarleikur
Bernie Tormé. Tilþrif hans eru iðulega
slik aö aðrir meðlimir Gillan falla i
skuggann. Söngur Iar. Cillan sjálfs er
skemmtilegur en þó aldrei eins og í lag-
inu No laughing in heaven. Þar fer
hann á kostum í ýmsum raddútgáfum.
Aðrir meðlimir standa vel fyrir sínu og
sterkur trommuleikur Mike Under-
wood kemur vel út. Framlag þeirra
John McCoy á bassanum og Colin
Towns á hljómborðum er ekki eins
áberandi. Þó fara sögur af stórbrotn-
um tilþrifum Towns á tónleikum.
Future Schock er plata sem vinnur
hægt og rólega á — að þvi leytinu til
mjög óvenjuleg bárujámsrokkskifa.
Erfitt er að gera upp á milli einstakra
laga og verður það ekki gert hér. Lögin
eru flest hver geysilega hröð og rokkuð
og ekki ólík að styrkleika. -SSv.
ÁhöfnináHalastjömunni—Ens ogskot
Fiskað á gömlu
miðunum
Ahófnin á Halaatjömunni - EINS OG SKOT
Útg«f«ndi: Geimstalnn (GS—116)
Útaatnlngar. Þórir Baldureson, G. Rúnar Júlfus-
eon, Gylfl Æglason.
Upptökumann: Slgurður BJÓIa, Tony Cook
Hljóðrituu: Hljóðriti, í marz/aprfl 1981
Áhöfnin á Halastjörnunni varð afla-
hæst islenzkra poppflokka á síðasta
ári. Með öðrum orðum: plata áhafnar-
innar, Meira salt, varð sú söluhæsta
hér á landi í fyrra. Það er því ekki að
undra þó að hópurinn rói á miðin á ný.
Ég heyrði reyndar aldrei metsöluplöt-
una nema lag og lag í útvarpi. Eftir
þeim lögum að dæma er sótt á sömu
mið og fyrr.
Á plötunni Eins og skot eru tólf lög.
Eitt þeirra hefur komið út áður. Það er
lagið Jibbý jei sem rokkhljómsveitin
Svanfríður gaf út á tveggja laga plötu
hérna um árið. Önnur lög eru dæmi-
gerð fyrir Gylfa Ægisson; einföld, létt
og gripandi. Textarnir fjalla eins og
vera ber flestir um sjóinn og hetjur
hafsins sem fær’ okkur fisk sem við hel-
vitis landkrabbarnir étum ylvolgan á
disk, svo að vitnaö sé lauslega í kunn-
an formála á einni af plötum Þursa-
flokksins.
Eitthvað sýnist mér hafa fjölgað í
Ahöfninni á Halastjörnunni siðan
síðast. Páll Hjálmtýsson er mættur til
leiks og sömuleiðis Hermann Gunnars-
son íþrótta . . . þið vitið. Þeir voru
báðir með á Söngævintýris-plötunni
sem Geimsteinn gaf út fyrir síðustu jól.
Söngvaralið Halastjörnunnar er
mjög fjölmennt. Hermann og Páll sem
áður er getið syngja hvor sitt lagið. Þá
er Ari Jónsson á sínum stað, sömuleiðis
Viðar Jónsson, María Helena og María
Baldursdóttir og Rúnar Júllusson.
Söngurinn er ósköp áþekkur og á
Meira salt nema hvað mér heyrist að
María Helena hafi tekið talsverðum
framförum frá því I fyrra.
Sjálfsagt á platan Eins og skot eftir
að seljast vel I sumar. Tónlist á borð
við þá sem Áhöfnin á Halastjörnunni
býður upp á er það sem iandinn vill
hlusta á hvort sem gagnrýnendum og
öðrum sérvitringum líkar bétur eða
verr. Nú, og ef einhverjum verða lög
Áhafnarinnar ofraun, þá er rétt að
benda þeim sama á að landflótti er í
fullum gangi. Það er bara alls ekki vist
að dægurtónlistin annars staðar sé hót-
inu skárri en hér. Hlustiö bara á
Svensktoppen i sænska útvarpinu.
-ÁT-
PatBenatar—Crimes ofPassion:
HRESSILEG ROKK-
SÖNGKONA Á FERÐ
Söngkonan Pat Benatar á áreiðan-
lega eftir að láta mikið að sér kveða i
framtíðinni. Til þessa hefur hún sent
frá sér tvær LP-plötur sem báðar hafa
fengið prýðisgóðar viðtökur, aðallega i
Bandarlkjunum. Engin ástæða er til
annars en að ætla að velgengni hennar
eigi eftir að halda áfram.
Platan Crimes Of Passion, sem hér
er fjallað um, er ein þeirra sem Steinar
hf. gefa út hér á landi. Hún er þvi
nokkru ódýrari en aðrar erlendar plöt-
ur. Það ætti að örva kaupendur til að
verða sér úti um eintak. önnur stað-
reynd spillir ekki. Hún er sú að hljóm-
urinn á Islenzku útgáfunni er betri en á
þeirri bandarísku. Ekkert suð er á ís-
lenzku framleiðslunni en nóg á erlendu
plötunni sem ég hafði til samanburðar.
Nóg um framleiðsluna. Tónlistin á
Crimes Of Passion er aö mestu leyti
rokk og það af hressilegri tegundinni.
Pat Benatar er prýðileg söngkona og
stendur sig öllu betur í hressum lögum
og hröðum en þeim rólegu. Sem dæmi
um vel heppnuð lög á Crimes Of Pass-
ion eru Prisoner Of Love, Hit Me With
Your Best Shot og Treat Me Right.
Hljómsveitin sem leikur undir hjá Pat
Benatar er ágæt. Söngnum er leyft að
njóta sín til fullnustu enda er Crimes
Of Passion sólóplata en ekki skrifuð
á söngkonu og hljómsveit.
Fyrri platan sem gefin var út með Pat
Benatar nefndist In The Heat Of The
Night. Hún var sömuleiðis mjög
áheyrileg og jafnvel betri en sú nýja.
Vonandi verður ekki langt í að sú
þriðja komi út enda er meira en hálft
ár liðið síðan Crimes Of Passion kom á
markaðinn í Bandaríkjunum.
-ÁT-
33 1/3 sn . . . 33 1/3 sn . . . 33 1/3 sn . . . 33 1/3 sn . . . 33 1/3 sn . . .