PALL BJARNASON BRÉF JÓNS SIGURÐSSONAR FORSETA Hér fer á eftir skrá yfir bréf Jóns Sigurðssonar, sem varðveitt eru í Landsbókasafni og Þjóðskjalasafni. Skráin er tvíþætt. Annars vegar eru bréf frá Jóni, hins vegar til hans. Bréfritarar/viðtakendur eru skráðir í stafrófsröð, einnig er tekinn fram fjöldi bréfa, á hvoru safninu þau eru og ritunartími þeirra. I spjaldskrá sendibréfa í Handritadeild Landsbókasafns er að finna nánari upplýsingar um bréfin, svo sem dagsetningar og safnnúmer. Bréfasafnið er mikið að vöxtum. Samkvæmt skránni teljast bréf frá Jóni rúmlega 830, en þar af eru nokkur fjölrituð dreifibréf, eftirrit og bréfadrög, sem ekki eru sund- urgreind. Viðtakendur bréfanna eru nálægt 140. Bréfin til Jóns eru hins vegar mun fleiri, eða yfir 6000 frá um 870 bréfriturum. 011 bréfin eru frá árunum 1834 til 1879, þegar Jón var búsettur í Kaupmannahöfn. Augljóst er, að einungis lítill hluti bréfa, sem Jón hefur skrifað, hefur varðveitzt. Hafa ber þó í huga, að bréf Jóns eru til á fleiri stöðum en þeim, sem hér um ræðir, og ekki er örvænt um, að enn kunni að leynast einhver bréf hans í einkaeign. Ef til vill má fara nærri um bréfaskriftir Jóns með því að taka mið af þeim bréfafjölda, sem honum barst, enda er líklegt, að hann hafi fáum bréfum látið ósvarað. Þannig mætti gera ráð fyrir, að Jón hafi skrifað um sex þúsund bréf á 44 -45 árum, en það eru að meðaltali um 140 bréf á ári. Við athugun á bréfum Jóns fer ekki hjá að veki undrun og aðdáun, hve þau eru ávallt vönduð að framsetningu og frágangi. Þar er sjaldan flýtisbrag að sjá, og gildir þar einu, þótt um uppkast sé að ræða. Skrift Jóns tók að vísu dálitlum breytingum á því 44 ára skeiði, sem bréfin spanna, en ætíð var hún þó fíngerð og snyrtileg.
Beinir tenglar