Árbók Landsbókasafns Íslands - Nýr flokkur - 01.01.1992, Blaðsíða 6

6
SKRÁ UM DOKTORSRITGERÐIR ÍSLENDINGA
blaðsíðutal tilgreint, þess getið, hvort myndir, töflur eða línurit
fínnist þar, greint frá ritröð, þar sem þannig háttar til, og stærð
brotsins nefnd. Þótt ritgerð sé skráð óprentuð, er ekki þar með
sagt, að hún geti ekki verið aðgengileg í einhverju formi. Auðvitað
er, að viðkomandi háskóli hefur undir höndum eitt eða fleiri
eintök hennar, og eins hefur Landsbókasafn gert sér sérstakt far
um að safna öllum doktorsritgerðum, hvort heldur þær hafa verið
prentaðar eða ekki. Þá má einnig geta þess, að flestar doktorsrit-
gerðir varðar við bandaríska háskóla má fá í ljósriti frá University
Microfilms International (UMI), flestar doktorsritgerðir varðar
við brezka háskóla má fá í ljósriti frá British Theses Service
(BRITS) eða British Library Document Supply Centre (BLDS),
flestar doktorsritgerðir varðar við kanadíska háskóla má fá á
físjum frá National Library of Canada (NLC), og er svo jafnvel
víðar.
I þessari skrá er að finna upplýsingar um 228 doktora. í
aðalskrá eru 211 taldir upp, 160 karlar (76%) og 51 kona (24%).
Mönnum kann aðjaykja hlutur kvenna rýr, en þá er að hugga sig
við fyrri tölur: I Skrá ... 1981-1985 var hlutfallið 148:18
(89%: 11%) körlum í vil, og í Skrá ... 1666-1980 var hlutfallið
386:22 (95%:5%), með sömu formerkjum.
Doktorsnafnbætur eru fengnar úr 102 háskólum í 12 löndum
og er skipting eftir löndum sem hér segir: Frá Bandaríkjunum 84,
Svíþjóð 51, Englandi 16, Noregi 11, Danmörku 11, Þýzkalandi 11,
íslandi 10, Skotlandi 6, Kanada 6, Frakklandi 3, Hollandi 1 og
Filippseyjum 1. I Viðauka við eldri skrár ... er skýrt frá 17
doktorum, 11 körlum og 6 konum. Eftir löndum eru 7 frá
Englandi, Skotlandi 3, Bandaríkjunum 2, Noregi 1, Danmörku 1,
N-Irlandi 1, Þýzkalandi 1 og Ráðstjórnarríkjunum 1.
Athygli vekur hve doktorum frá Bandaríkjunum hefur farið
fjölgandi, en þau hafa endurheimt forystusætið úr höndum Svía
frá síðustu skrá. Einnig er athyglisvert hve hlutur Englands hefur
rýrnað (á móti 31 í síðustu skrá, 49 ískránni þar á undan, í Viðauka
... 7). Þá má einnig taka fram að hlutur Þýzkalands og Skotlands er
óbreyttur frá fyrri skrá, sem er veruleg breyting frá elztu skrám. Á
sama tíma vex hlutur Danmerkur, en þó ekki svo að minni á hin
fornu tengsl.
Að lokum skal þeim mörgu þakkað, sem fúslega hafa gefíð
greinargóð svör við fyrirspurnum og jafnframt veitt fróðlegar
upplýsingar um starfsbræður sína. Þökk sé þeim, sem hafa sent
Landsbókasafni doktorsritgerðir sínar að gjöf.