VÍSBENDING FRAKKLAND: Ekkert lát á hagvexti ERLEND Hagvöxtur verður í kringum 4% á þessu ári ef að líkum lætur og er það svipaður árangur og í fyrra en þá reyndist hagvöxtur vera 3,8%. Verð- bólga verður væntanlega 3,6% á þessu ári og hefur heldur hægl á verðbóigunni á seinni hluta ársins. (Á síðustu 12 mán. hefur verðbólga í Frakklandi, V.Þýskalandi, Belgíu og Sviss verið injög svipuð, eða í kringum 3,5%). Helsta áhyggjuefhi Frakka um þessar mundir er hallinn á viðskiptum við útlönd, en hann verður væntanlega í kringum 21 milljarð franskra franka í lok ársin.s ($3,4 milljarðar). Þetta er svipaður halli á viðskiptajöfnuði og í fyrra, en hins vegar hefur vöru- skiplahallinn aukist og þjónustuvið- skiptin hafa batnað. Þar skiptir mestu máli að lekjur af ferðamönnum hafa aukist verulega og það tengja menn 200 ára afmæli frönsku byltingarinnar. BRETLAND: Helmingur tryggingafélaga stofnsetja útibú í öðrum löndum Evrópu Nýleg könnun á meðal breskra tryggingafélaga sýnir að um helmingur þeirra hefur þegar eða áformar að setja á fót útibú í öðrum löndum Evrópu til að færa sér í nyt sameiginlegan markað EB-ríkjanna. A milli 30 og 40% fyrirtækjanna höfðu eða ætluðu að opna útibú á Spáni, ítalíu og Frakklandi, en þessi lönd ásamt V.Þýskaktndi þóttu vera ákjósanlegust í þessu sambandi. Bresku trygginga- fyrirtækin sögðu mestu samkeppnis- hættuna stafa frá V.Þýskalandi og Frakklandi. DANMORK: Tveir af stærstu bönkunum sameinast Den Danske Bank og Copenhagen Handelsbank hafa ákveðið að sameinast. Akvörðunin virðist hafa komið nokkuð á óvart þótt lengi hafi legið í loftinu að eitthvað slíkt myndi gerast. Það er varla nokkur vafi á því að það er þróunin í EB-löndunum sem er hvatinn að þessari sameiningu, en með sameiningunni eru Danir betur búnir undir samkeppni við erlenda banka. Það var ekki síst aukinn áhugi erlendra banka á því að ná til sín FRETTABROT viðskiptum við stærstu dönsku fyrir- tækin sem leiddi til sameiningarinnar. Erlendum bönkum er frjálst að starfa í Danmörku en hingað til hafa þeir ekki haft áhuga á að yfirtaka danska banka, væntanlega vegna lágrar arðsemi. Með sameiningunni er álitið að bönkunum takist að minnka rekstrar- kostnað verulega eða jafnvel um nokkur hundruð milljónir danskra króna árlega. Sérstaklega með því að minnka stjórnunarkostnað og með því að samræma starfsemina erlendis. Starfsmannafjöldi bankanna, sem nú er 12.000, manns mun minnka um 10% á næstu tveim til þrem árum. Af bönkun- um tveimur stendur Den Danske Bank mun betur að vígi, en Handelsbanken hefur orðið að afskrifa stórar upp- hæðir útistandandi lána á undanförnum misserum. Nýi bankinn á að heita Danske Bank og verður næst stærsti banki á Norðurlöndunum og sá 30. stærsti í Evrópu ef miðað er við eignir, sem eru 300 milljarðar danskra króna. V ÞYSKALAND: Reynt að meta efnahagsleg áhrif af innílutningi vinnuafls Mikill straumur A.Þjóðverja til V.Þýskalands hefur heilmikla þýðingu fyrir v.þýskt efnahagslíf. Þess sér nú þegar merki á hlutabréfamörkuðum en verð hefur hækkað þar vegna væntinga um meiri framleiðslu og neyslu. Hins vegar hefur verð á skuldabréfum lækkað vegna væntinga um meiri verðbólgu og hærri vexti. Að mati hagfræðinga mun hag- vöxtur verða 0,25% meiri á næsta ári en áður áætlað vegna innflutningsins á um 600.000 manns frá A.Evrópu. Þannig má telja sæmilega tryggt að hagvöxtur verði ekki undir 3% á næsta ári sem er ekki bagalegl í ljósi þess að reiknað er með 4% hagvexti á þessu ári. Sumir spá jafnvel meiri hagvexti eins og Samtök sparisjóða sem spá 4% hagvexti á næsta ári. Hins vegar má jafnframt búast við að innflutningurinn auki á kostnað ríkisins vegna t.d. húsnæðismála. SVIÞJOÐ: Horfur á litlum hagvexti næstu árin Ríkisstjórnin hefur nýlega birt efnahagsspá, sem gerir ráð fyrir að dragi úr hagvexti á næstu tveim árum. Hagvöxtur í ár er áætlaður 2% en 1,3% á næsta ári og 1,5% á árinu 1991. Verðbólga er áætluð 6,5% á þessu ári en verður skv. spánni 8% á næsta ári og því þarnæsta. Verðbóiguaukningin mun eiga rætur sínar að rekja til þess að virðisauka- skattur leggst á fleiri vörur og þjónustu á næstu tveimur árum um leið og tekjuskattur lækkar. Verðlagshækkun af völdum færri undanþága frá vsk verður 2,5% á næsta ári og önnur 2,5% á árinu 1991. Launahækkanir upp á 9% á þessu ári og væntanlega 7% á því næsta eiga eftir að draga enn frekar úr samkeppnishæfni sænsks atvinnulífs og viðskiptajöfnuðurinn á eftir versna á næstu tveim árum. Stjórnin gerir sér vonir um að fyrirhugaðar skattabreytingar á næstu árum eigi eftir að stuðla að meira vinnuframlagi og meiri sparnaði, en óvíst er hvort áhrifin verði komin fram innan tveggja ára. BANDARIKIN: Eilítið sterkari dollar vegna atburðanna í Þýskalandi Gengi dollars hefur styrkst eilítið á síðustu dögum vegna óvissunar sem nú ríkir í V.Þýskalandi. Óvissan felst m.a. í því að ekki er vitað hvaða áhrif straumur Austur Þjóðverja inn í V.Þýskaland hefur á afkomu ríkissjóðs. Að mati fróðra manna þýðir þetta að dollar eigi eftir að kosta í kringum 1,90 þýsk mörk til skemmri tíma litið. Til lengri tíma litið er hins vegar búist við að markið muni jafnvel styrkjast vegna þess efnahagslega ávinnings sem í vændum er í kjölfar innflutnings A.Þjóðverja í landið. Ritstj.ogábm.: FinnurGeirsson. Útg.: Kaupþing hf., Kringlunni 5, 103 Reykjavík. Sími 689080. Prentun: Gutenberg, ríkisprentsmiðja. Öll réttindi áskilin. Rit þetta má ekki afrita með neinum hætti svo sem með Ijósritun eða á annan hátt að hluta eða í heild sinni án leyfis útgefanda.
Beinir tenglar
