Vísbending

						VISBENDING

GUÐMUNDUR GUNNARSSON

- Verkalýðsforingi og hugsjónamaður

Hvað eru peningar?

Peningar verða oft að kjarna lífsins og gera okkur að þrælum. Jesús

varaði okkur við og sagði að það væri auðveldara troða úlfalda í gegnum

auga stoppunálaren fyrirauðugan mann að komast til himnaríkis.

Hvernig er best að eyða peningum?

Peningar eru til lítils ef ekki er til staðar þekking til þess að nýta þá.

Göng í gegnum fjöll eru til lítils ef ekki er tæknileg þekking handan

fjallsins til þess að nýta tækifærin.

Hver er munurinn á að eiga ofgnótl og ekkert afpeningum?

Þegar sjóðliðsforingi nokkur sem var nýkominn frá Loocho-eyju

sagði Napóleon að á eyjunni væru engin vopn spurði Napóleon furðu

lostinn: „Hvernig í ósköpunum fara þeir að því að berjast?" Svarið

var: „Þeir berjast aldrei, þeir eiga nefnilega enga peninga."

Hvernig er hœgt að lýsa „peningahyggjunni" álslandi ídag?

Ég fékk bréf um daginn frá „þínu eina hjartans mótframlagi".

Þarna birtist veruleiki lágmenningarinnar blindaður af fégræðginni.

Peningar eru ekki ígildi tilfinninga. Minn auður er ástin og hún er

verðmætari en þær innstæður sem bankinn býður.

Mýtur utn peninga

1.  Þegar hann hafði eignast hanann ásældist hann alikálfinn. Þetta

er sú mýta sem ætíð fylgir auðmönnum. Ágirnd getur aldrei leitt til

annars en eilífrar fátæktar.

2. Sú mýta sem eigendur fjármagnsins hafa skapað um að þeir hafi

forgang að þeim arði sem hin vinnandi hönd skapar er orsök þess

ófriðar sem ætíð ríkir á vinnumarkaði.

3. Það er í sjálfu sér afskaplega praktískt að eiga peninga en þeim

fylgir sú mýta að græði einn tapi annar. Velgengni eins leiðir ekki

sjálfkrafa til þess að annar verði undir.

Páll ágeir Asgeirsson

- Fjölmiðlamaður og ferðagarpur

Hvað eru peningar?

Peningar eru hugarástand. Það sést best á því að það er sælt að vera

fátækur en ríkur maður á aldrei nóg af peningum. Ríkur maður er eins

og grönn kona. Hún er aldrei nógu grönn og hann er aldrei nógu ríkur.

Hvernig er best að eyða peningum?

í minningar. Minningar verða til í skemmtilegum félagsskap á

ferðalögum og við upplifun af ýmsu tagi. Sá sem hefur hitt koalabjörn

eða sofíð í snjóhúsi á hvorki snjóhúsið né bjöminn en hann gleymir

því sennilega aldrei. Þannig er margt af því skemmtilega við að eyða

peningum eins og góður brandari. Hann varir aðeins örskamma stund

og er ekki áþreifanlegur.

Hver er munurinn á að eiga ofgnótt og ekkert afpeningum?

Sá sem á ekki peninga þarf meira ímyndunarafl til að skemmta sér.

Það er ekkert frumlegt við að vera ríkur. Hvaða auli sem er getur ausið

peningum í allan fjandann en það þarf hæfileika til að vera blankur.

Hvernig erhœgtað lýsa „peningahyggjunni" áíslandi ídag?

Hún birtist í virðingu fyrir peningum og tilbeiðslu á þeim sem eiga þá.

Hún sést í sannfæringu um að allir geti orðið ríkir og að það sé nánast

réttur þeirra. Mikil virðing fyrir öllum rökum viðskiptalegs eðlis og að

telja þau rétthærri öðrum rökum.

Mýtur um peninga

1. Peningar eru ekki allt. Þetta segja aðeins þeir sem eiga peninga. Þeir

sem vilja eignast meiri peninga trúa þessu ekki og þess vegna er þetta

þjóðsaga.

2. Það er allt til sölu ef verðið er rétt. Þetta er alrangt. Það eiga allir

einhverja hluti eða hlut sem er ekki falur fyrir nokkurt verð.

3. Peningar eru völd.

Mörg dæmi úr íslensku samfélagi undanfarinna ára sýna að peningar

vega vissulega þungt en ættartengsl geta líka verið völd. Vinátta og

staða í pólitísku samfélagi geta enn fremur verið völd.

-22-