Vísbending

						VISBENDING

Yfirlit yfir fjármögnun

£m

Kaupverð

Kostnaöur

Endurfjármögnun skulda

Rekstrarfjármögnun

Skuldir samtai:

Fjármögnun frá Barclays

Brúarlán frá KB banka

Eigin bréf

497,3

22,7

124,1

50,0

694,1

500,0

75,0

119,1

sérfræðingar fengnir til þess að framkvæma áreiðanleikakannanir

á ýmsum hliðum fyrirtækisins. Hlutur ráðgjafa er mikilvægur í

þessu ferli og það koma margir að þessu ef vel á að vera. „Þetta

er heilmikill pakki, reyndar margra milljarða pakki. Þetta er dýrt

dæmi." Kostnaður vegna yfirtökunnar var upp á 22,7 milljónir

punda (2,6 milljarða króna).

Bræðrunum létti talsvert þegar Barclay's samþykkti að lána

um 500 milljónir punda (58,3 milljarða króna), eða 72% af 694

milljóna punda fjármögnunarþörf. Bakkavör bauð 655 penní á

hlut, eða 7,7 sinnum EBITDA ársins 2004, auk arðgreiðslu sem

nam 7 penníum á hlut. Verðið sem greitt var fyrir hlutabréfin í

Geest var þvr'497,3 milljónir punda en að meðtöldum skuldum var

heildarkaupverðið 579,6 milljónir punda (67,2 milljarðar króna).

Brúarlán frá KB-banka og eigin bréf voru notuð til að fjármagna

það sem á vantaði (sjá töflu). Þetta voru skuldsett kaup.

Eins og Sigurjón Þ. Árnason benti á í viðtali við Vísbendingu

eru skuldsett kaup þekkt form fjármögnunar í Bretlandi en þau

snúast annaðhvort um að sé hægt að fá lán út á eignir sem hægt

er að selja út úr fyrirtækinu eða sterkt sjóðstreymi (sjá viðtalið

„Bankamennimir" hér í blaðinu). Ágúst sagði: „Við vissum vel

hvað við ætluðum að gera við fyrirtækið ef við myndum kaupa

það, hvaða tækifæri lægju í því. Eitt stærsta tækifærið sem við

sáum í félaginu var að nýta eignirnar betur en gert var. Við

höfðum séð þarna nokkrar verksmiðjur sem voru vannýttar og

það hafði verið offjárfest í þeim. Þannig voru allar verksmiðjurnar

mjög fullkomnar og nóg pláss í þeim. Við sáum fyrir okkur að

45 milljóna punda fjárfestingu í vélum og tækjum væri hægt

að minnka um helming á næstum árum og nota mismuninn til

að greiða niður skuldir. Það var búið að ákveða að byggja nýja

verksmiðju en við hættum við það og nýtum í staðinn betur það sem

við höfum. Margt í þessu hjálpaði okkur í útreikningum okkar."

Það voru slíkar hugmyndir um breyttar áherslur á fjármálahlið

fyrirtækisins sem fengu virtan banka eins og Barclay's til að

taka þátt í verkefninu. Vaxtakjör lánanna hjá Barclay's eru 150

punktar ofan á LIBOR, „sem teljast verður mjög gott", eins og

sagði í umfjöllun greiningardeildar Landsbankans. Á hinn bóginn

sýnir það hversu mikið peningaflæði er í umferð í heiminum en

það hefur gert það að verkum að bankar og fjármögnunaraðilar fá

tiltölulega litla ávöxtun fyrir þá áhættu sem þeir taka.

Enginn vafi er á því að það er áhættusamt að taka yfir fyrirtæki

með skuldsettum kaupum þegar lánahlutfall samningsins fer

yfir 80% af fjármögnuninni. Ef menn hafa getuna, kjarkinn og

framtíðarsýnina til þess að skapa meira verðmæti en fyrri eigendur

og skýra áætlun til þess að leysa reikningsdæmið getur þetta verið

ágóðasamt verkefni, eins og kaupin á KFF hafa sýnt. Hreiðar

Már Sigurðsson, forstjóri KB-banka, kom með athygliverða sýn

á slíkar yfirtökur í viðtali við Vísbendingu, hann sagði: „Okkar

reynsla er sú að þegar við höfum tekið yfir góð fyrirtæki þá hafa

þau yfirieitt verið betri en við héldum. Þegar við erum að taka

yfir slæm fyrirtæki þá hafa þau verið verri. Það hefur verið okkar

reynsla. Þegar fyrirtæki eru að skila hagnaði þá er oft sem hlutirnir

eru í miklu betra standi en í fyrstu virðist."

Ekki er ósennilegt að þetta hafi verið ráð sem KB-banki gaf

bræðrunum í Bakkavör. KB-banki var aðalráðgjafinn og fékk að

borga fyrir veisluna þegar samningurinn var í höfn. Eins og Ágúst

sagði: „Við vorum með lokapartíá sveitarhóteli fyrir utan London

þar sem við buðum ráðgjöfum og Geest-stjórnendum til mikillar

veislu. Þegar við semjum við Kaupþing þá endar það alltaf með

því að þeir borga partíið." Eftir öll þau fjárútlát sem fylgir því

að gera risayfirtöku af þessu tagi er ekki ólíklegt að bræðurnir í

Bakkavör hafi verið fegnir því að geta skálað á reikning einhvers

annars.

Þetta eru viðskipti!

Samkeppnisyfirvöld í Bretlandi samþykktu yfirtöku Bakkavarar

á Geest í lok apríl og Bakkavör fékk „lyklavöldin" þann 13. maí

2005.1 kjölfarið var fyrirtækið afskráð úr kauphöllinni í London.

„Díllinn" var í höfn en vinnan kannski rétt að hefjast fyrir

bræðurna í Bakkavör sem þurfa að reyna að móta fyrirtækið eftir

þeirri framtíðarsýn sem þeir hafa. Það eru ekki alltaf auðveldar eða

vinsælarákvarðanirsem þarf að taka íþvíferlien nýlegatilkynnti

fyrirtækið að hundrað manns á skrifstofu fyrirtækisins í Bretlandi

yrði sagt upp. Samþætting og ný markmið leiða alltaf til þess að

einhver fórnarlömb verða í því ferli. Það er eðli viðskiptanna.

En bræðurnir í Bakkavör eru ekki eins og hákarlarnir á níunda

áratuginum. „Við nálgumst þetta sem iðnrekendur en ekki sem

spákaupmenn þannig að fyrir okkur var þetta bara gott tækifæri.

Þetta tækifæri var fólgið í því að kaupa félagið og ná meira en

áður út úr þessum rekstri fyrir framtíðina frekar en við gerðum

okkur vonir um að geta selt bréfin með einhverjum hagnaði. Við

höfðum engar áhyggjur af því." Markmiðið er að byggja upp

reksturinn og viðskiptaveldi Bakkavarar enn frekar. Á meðan

það gengur upp eru bræðumir í uppáhaldi bæði hjá fjárfestum og

öðrum hagsmunaaðilum. „Við höfðum alltaf verið með harðfylgna

vaxtarstefnu gagnvart markaðinum," segir Ágúst og það er ekkert

sem bendir til þess að Geest sé endastöðin á því vaxtarferli.

Það er sennilegt að þeir sem stofnuðu þau fyrirtæki sem nú

tilheyra Bakkavör hoifi forviða á það sem hefur gerst á þessu ári,

rétt eins og stofnendur RJR og Nabisco á sínum tíma. Þeir hafa

sennilega spurt sig um hvemig hægt sé að fjármagna yfirtöku með

þessum hætti og hvort það sé fýsilegt fyrir framtíð fyrirtækjanna að

eiginfjárhlutfall hinnar nýju samstæðu sé einungis um 13%. Þeir

myndu hins vegar sjá að þessi kaup snerust um verksmiðjurnar og

reksturinn, að byggja hann upp en ekki að brjóta hann niður. Þeir

myndu skilja að þessi „gauragangur" snerist um viðskipti.

-46-