Frjáls verslun - 01.01.1963, Blaðsíða 31

IN MEMORIAM
EINAR ASMUNDSSON
hæstaréttarlögmaður og íyrrv. ritstjóri
Einar Ásmundsson hæstaréttarlögmaður lézt í
Iíeilsuverndarstöð Reykjavíkur 20. janúar sl. Hann
var rúmlega fimmtugur að aldri, en fyrir löngu
þjóðkunnur sem blaðamaður, lögfræðingur og nú
nýverið gaf hann út sína fyrstu ljóðabók, sem
vakti mikla athygli. Einar var fyrsti ritstjóri Frjálsr-
ar verzlunar.
Einar er fæddur 10. apríl 1912 á Hálsi í Fnjóska-
dal, þar sem faðir hans, séra Ásmundur Gíslason,
var prestur og prófastur og bjó með konu sinni,
Önnu Pétursdóttur. Einar settist í Menntaskólann
á Akureyri ungur og brautskráðist þaðan stúdent
1931. Hann innritaðist um haustið í lögfræðideild
Háskóla íslands og lauk embættisprófi vorið 1935.
Segja má, að hann hafi hafið málflutningsstörf
og blaðamennsku samtímis, því að árið eftir lög-
fræðiprófið vann hann á Akureyri sem málfærslu-
maður og ritstjóri blaðsins íslendings. Haustið 1936
fluttist hann lil Reykjavíkur og var þar búsettur
til æviloka. Frá október 1936 til apríl 1938 starf-
aði hann sem blaðamaður við dagblaðið Vísi. Hann
varð héraðsdómslögmaður 7. marz 1939 og hæsta-
réttarlögmaður 20. des 1941. í rúm tuttugu ár rak
hann málflutningsskrifstofu í Reykjavík, fyrst í
félagi við Eggert Claessen hæstaréttarlögmann. Þeg-
ar Frjáls verzlun var stofnuð 1939, gerðist Einar
fyrsti ritstjóri hennar og gegndi því starfi til árs-
loka 1943. Ekki lagði liann þó blaðamennskuna á
hilluna við svo búið. Hann varð einn af ritstjórum
Morgunblaðsins 1. november 1956 og var í því
starfi til 1. ágúst 1959.
Lengi vissu það ekki aðrir en skólabræður Einars
og vinir, að hann fékkst við að yrkja og gerði það
vel, þótt ekki vildi hann hafa það í hámæli. Loks
lét hann þó til leiðast fyrir þrábeiðni vina sinna
að búa kvæði sín til prentunar, og varð úr því
kvæðabókin „Fjúkandi lauf“, sem Almenna bóka-
félagið gaf út 1961. Sama ár kom á forlagi ísafold-
arprentsmiðju ferðabók eftir Einar, „Frá Græn-
landi til Rómaborgar“. Fáum árum áður kom út
eftir Einar bók um Þýzkaland, Austurríki og Sviss
í ritsafninu Lönd og lýðir, sem Menningarsjóður
gefur út. Af einstökum greinum Einars má nefna
eina í Blaðamannabókinni 1948 og fjallar um Þjóð-
ólf á fyrstu árunum. Einar átti mörg hugðarefni
utan sinnar sérgreinar, var fjölhæfur og víðlesinn
í sögu, stjórnmálum og bókmenntum, lét sér einkar
annt um íslenzka tungu. Margir hefðu viljað, að
hann hefði látið fleiri Ijóð af hendi rakna, og mun
fleiri mun hann raunar hafa átt í fórum sínum en
prentuð hafa verið, því kunnugir segja, að hann
hafi ort allt síðan á skólaárum sínum.
Kona Einars er Sigurbjörg Einarsdóttir, sem lifir
hann og þrjú börn þeirra, sonur þeirra Ásmundur
blaðamaður við Vísi og tvær dætur.

frjalsverzlun
31