Frjáls verslun - 01.01.1992, Blaðsíða 13

stofnuðu eignarhaldsfélag án þess að
nafn BCCI kæmi þar nokkurs staðar
nærri. Þeir fengu greiddar fyrir við-
vikið, allt að 47 milljónum dala.
Fulltrúi sjömenninganna, og sá
sem sannfærði bandaríska Seðlaban-
kann um að BCCI kæmi hvergi nærri
þessum kaupum, var Clark CKfford,
lögmaður í Washington. Clifford er
enginn venjulegur lögmaður. Hann er
nú á níræðisaldri og hefur verið náinn
ráðgjafi bandarískra forseta allt frá
Harry Truman til Jimmy Carters.
Hann var m.a. varnarmálaráðherra í
forsetatíð Lyndon Johnsons og er
eins konar guðfaðir Demókrata-
flokksins, vel virtur og ekki blettur á
heiðri hans fram að þessu. Hann hafði
m.a. tekið að sér að verja Bert Lance
í málaferlunum sem urðu til þess að
Lance sagði af sér í ríkisstjórn Car-
ters.
Clifford tókst að sannfæra Seðla-
bankann um að BCCI ætti engan hlut
að kaupunum á First American. Þetta
er nú eitt af því sem gamli maðurinn
þarf að svara fyrir enda virðist sem
BCCI hafi haft veruleg áhrif á rekstur
bankans og mannaráðningar upp frá
þessu. Clifford segir að BCCI hafi
platað sig og samstarfsmann sinn,
Robert Altman en Clifford og Altman
voru yfirmenn bankans þar til í ágúst á
þessu ári að þeir sögðu af sér.
Clifford og Altman eru ekki ýkja
sannfærandi þegar þeir neita vitn-
eskju um eignarhald BCCI á First
American Bank. Þeir sóttu m.a. ár-
lega fundi þar sem máttarstólpar
BCCI í Bandríkjunum hittust til að fá
yfirlit um umsvif sín í bandarískum
fjármálum. A árunum 1986-87 fengu
þeir félagar 18 milljóna dala lán frá
BCCI til kaupa á hlutabréfum í First
American. Hlutabréfm voru á óvenju-
lega lágu verði á þessum tíma en ári
seinna seldu Clifford og Altman hluta
bréfanna fyrir 12 milljónir dala.
Hreinn hagnaður af sölunni var tæpar
tíu milljónir dala.
Millifærslur á borð við þessar voru
reyndar önnur sérgrein BCCI. Árið
1985, þegar greiðsluþrot blasti við
bankanum, lánaði BCCI hluthöfum
sínum fé til kaupa á hlutabréfum í
bankanum á uppsprengdu verði. Með
þessu móti tókst að láta líta svo út að
nýtt fé kæmi inn í bankann en í reynd
var um að ræða tilfærslu á innlánsfé.
Innan BCCI starfaði einnig sérstök
deild sem hafði það verkefni eitt að
falsa skjöl um innlegg og lán sem
aldrei voru til. Þess eru dæmi að allt
að 750 reikningar voru notaðir til að
fela tap á lánum til eins fyrirtækis;
Gulf Group, sem var skipafélagsveldi
með aðsetur í Pakistan. Tap vegna
útlána til skipafélagsins var orðið svo
mikið að bankinn sjálfur hefði orðið
gjaldþrota ef upp hefði komist.
En víkjum sögunni aftur til Georg-
íu.
BCCIKAUPIR BANKA AF SJÁLFUM SÉR
Gaith Pharagon, sá sem var að
nafninu til eigandi National Bank of
Georgia, komst í fjárhagskröggur um
miðjan síðasta áratug. Hann átti fyrir-
tæki í sementsframleiðslu og öðru í
Saudi Arabíu sem gengu illa og hann
var kominn í vanskil með stór lán frá
mörgum lánardrottnum. BCCI sá
fram á að lánardrottnarnir myndu
ganga að bankanum til að fá skuldir
sínar greiddar. Það hefði í raun orðið
tap BCCI og við svo búið mátti ekki
standa.
First American Bank of Washing-
ton, sem BCCI átti með leynd og í
trássi við lög, bauðst til að kaupa Na-
tional Bank of Georgia fyrir tæpar
230 milljónir dala, ríflega tífalt meira
en Pharaon hafði borgað Bert Lance
fyrir bankann. National Bank of
Georgia var illa staddur banki og hafði
ekki skilað hagnaði lengi, svo að til-
boðið vakti undrun meðal banka-
manna í Georgíu.
Að auki þurfti að breyta fylkislög-
um Georgíu svo að kaupin gætu farið
fram. Til að greiða fyrir lagabreyting-
unni réð BCCI sér „lobbýista“ fyrir
ríflega milljón dala til að hafa áhrif á
fylkisþingmenn. Hann beitti beinum
og óbeinum þrýstingi, sporslum og
veisluhöldum og lagabreytingin rann í
gegn um fylkisþingið nánast viðstöðu-
laust.
TOLLGÆSLAN REKSTÁMÚRA
Bankaviðskiptin, sem lýst er hér
að framan, blilma þegar litið er á
dekkri hliðina á rekstri BCCI, þeirri
sem laut að eiturlyfjasölu, vopnavið-
skiptum og hryðjuverkastarfsemi.
Bandarísk stjómvöld vissu af þessari
starfsemi og létu hana afskiptalausa,
eins og kom í ljós þegar þáverandi
tollgæslustjóri Bandaríkjanna komst
óvænt að því að BCCI stæði fyrir
47