STJORNMAL SUNDRUNG SJALFSTÆÐISFLOKKSINS Ekki er allt sem sýnist ípólitík. Btjórnmálaskýrendur hafa að undanförnu velt fyrir sér sterkri stöðu Sjálfstæðisflokksins á landsvísu, á sama tíma og hann er sem hrófatildur eitt í sveitarstjórnum víðsvegar um land. Niðurstaða þessara skýrenda er einlægt sú að flokkurinn eigi hina sterku stöðu sína einum manni að þakka, Davíð Oddssyni. Ég get fallist á þessa skýringu að hluta, en meginástæðan er þó sú að kjósendamarkaðurinn bíður eftir sameiningu vinstri fiokka og samtaka þannig að til verði raunverulegur valkostur við Sjálfstæðisflokkinn — að stærð og stefnu nægilega sterkur til að eiga fullkostar við allsráðanda flokk í þjóðfélaginu. En í þriðja lagi er mikilsvert að hafa í huga að Sjálfstæðisflokkurinn er ekki jafn heilsteyptur og mikilúðlegur og þetta skoðanakann- anafylgi á landsvísu virðist í fljótu bragði gefa til kynna. Um veikleikann að baki hins styrka yfirborðs vitna raunir Sjálfstæðisflokksins í aðdraganda sveitarstjórnarkosninganna um land allt — á sama tíma og vinstri menn ná nær hvarvetna saman í sveitarstíórnum. Við skulum fara í hrað- og hringferð um land- ið: 1) I Mosfellsbæ hefur öllum frambjóðend- um D-listans frá því í síðustu kosningum nán- ast verið sópað í burtu. 2) Á Isafirði klofnaði meirihluti Sjálfstæðismanna og ekki lát á þeirri klofningshistoríu. 3) Deilur meðal Sjálf- stæðismanna í Bolungarvík. 4) I því gamla íhaldsvígi Ólafsfirði hefur flokkurinn verið tvíklofinn um langa hríð og nú eru mestar lík- ur á því að D-listinn verði ekki boðinn fram þar í vor. 5) Á Akureyri: Oddvita flokksins til margra ára sparkað niður í 4.sæti og fenginn pólitískur farandverktaki úr öðru plássi til að leiða D-listann. 6) I Hveragerði ganga klögu- málin á víxl, klofningur í félaginu og harðvít- ugar deilur árum saman, a.m.k. tvö framboð flokksins verða þar í vor. 7) I Garðinum er klofningur og óánægja og þar verða tveir list- ar Sjálfstæðismanna boðnir fram í vor í stað eins sem fór með öll völd á liðnu kjörtímabili. 8) Hafnarfjörður: Sjálfstæðisflokkurinn í tvennu lagi, hvor sínum megin meirihluta bæjarstjórnar, tvö framboð flokksins í vor. 9) Á Seltjarnarnesi þar sem Jón Hákon Magn- ússon hefur verið leiðandi sjálfstæðismaður í bæjarfélaginu var honum sparkað niður eftir öllum lista, að mati margra stuðningsmanna hans með hálfgerðu samsæri. 10) Alvarleg- astar eru þó deilurnar í Reykjavík, þar sem ekki rikir eining um leiðtoga listans og aðrir borgarfulltrúar hafa gert tilkall til for- ystu. Auk þess virðast margir frambjóðenda ekki njóta trausts flokksins. Þannig hafði kjörnefnd flokksins gert tillögur um að færa frambjóðendur niður um sætí; þeim Guðlaugi Þór Þórðar- syni, Kjartani Magnússyni, Helgu Jóhannsdóttur, Grafarvogs- manninum Snorra Hjaltasyni átti öllum að hnika til og var gert í sumum tilvikum. D-listaframboðið í Reykjavík er holgrafið af vantrú og innri óánægju. Þetta hefur leitt til örvæntingar sem er öllum framboðum hættuleg. Þetta voru sveitastjórnarmálin. Kíkjum aðeins á fiokkinn á landsvísu og sjálfsmynd hans um þessar mundir: Það er verið að búa til nýja söguskoðun frá valdakjarnanum. Hin nýja söguskoðun kom glöggt fram í afmælisdikti Hannesar Hólmsteins Gissurarsonar í Mogganum fyrir nokkru. Allir vita að Hannes Hólmsteinn er hirðsagnfræðingur foringjans og í mærðarrullu sinni lýstí hann því hvernig Davíð Oddsson væri arftaki frelsisbarátt- unnar í Sjálfstæðisflokknum. Það hefur vakið mikla athygli hvernig hann form- gerði þessa nýju söguskoðun. Svo var að skilja að Hannes sálugi Hafstein hefði fært okkur óvita búandkörlum frelsið, að hon- um gengnum hafi dofnað á frelsiskyndlin- um þartíl Davíð Oddsson tók við honum. Síðan skín frelsisljósið skært. Tæpt var á því að nokkrir fleiri hefðu komið við frels- issögu og nöfn formannanna Jóns Þorláks- sonar, Ólafs Thors og Bjarna Benedikts- sonar nefnd í því sambandi, þeir stóðu í „vörn" og gerðu „tilraunir" í frelsisskyni. Það var hins vegar þögnin um hina sem vakti mesta athygli; þeir sem nú eiga að gleymast í sögu flokksins þ.e. Jóhann Haf- stein, Þorsteinn Pálsson og Geir Hall- grímsson. Þetta hefur vakið mikla reiði innan flokksins. Og framsetningin þykir mörgum til marks um hvar á stalli Davíð Oddsson stendur, stærri og meiri en allir í námunda við hann, - og gömlu velgerðar- mennirnir eru gleymdir. Davíðs Oddssonar-klíkan telur sig ekki þurfa á stuðningi eins eða neins, - og alls ekki hinna gömlu vina Geirs Hallgrímsson (les) Morgunblaðsins. Ætli einhverjir Morgun- blaðshanar þurfi nú ekki að reisa kambinn, góðan daginn? 33 SJALFSTÆÐISFLOKKUfM „Stjórnmálaskýrendur hafa að undanförnu velt fyrir sér sterkri stöðu Sjálfstæðisflokksins á landsvísu, á sama tíma og hann er sem hrófatildur eitt í sveitarstjórnum víðsvegar um lantl." 32
Beinir tenglar
