Fregnir

						Haustferð Félags bókasafnsfræðinga

Þann 23. september sl. héldu 15 bókasafnsfræðingar af stað með

lítilli rútu á vit skemmtunar og fræðslu í Mosfellsbæ. Þegar

þangað kom tóku á móti okkur þær Helga Jónsdóttir og Marta H.

Richter. Ekki fengum við að stíga út úr rútunni fyrir framan hið

nýja Héraðsbókasafn Kjósarsýslu og var brunað strax af stað aftur.

Helga tók að sér leiðsögn í ferðinni enda borin og barnfædd í

Mosfellssveit. Jós hún nú af nægtarbrunni speki og skemmtunar

yfír okkur ferðalangana og virtust allir taka mjög vel við eftir

viðbrögðum að dæma.

Skal leiðsögumennsku Helgu ekki lýst hér í fleiri orðum og fyrr en

varði hafði rútan stöðvast á bílastæðinu við Tröllafoss í Mosfells-

dal. Fáir höfðu augum litið þá ótrúlegu fegurð er við augum blasti.

Lítillega hrímuð jörð og smalamenn á hestum í leit að fé. Að

lokinni hressilegri göngu upp að Tröllafossi var haldið til hádegis-

verðar á sveitakrána Áslák í Mosfellsbæ. Þegar allur matur var á

þrotum buðu Marta og Helga gestum að líta á handunnar vörur

leirkerasmiðsins á staðnum - sem var mjög ánægjulegt fyrir

fegurðarskynið.

Á bókasafnið nýja komum við hressar og kátar eftir gönguferðir og

góðan mat. Ekki var síður vel tekið á móti gestum á heimavelli

Helgu og Mörtu. Þær leiddu okkur um safnið, buðu létta

hressingu og útskýrðu og sögðu frá ýmsu eins og hönnun

tölvustanda, innréttingum, tölvukerfinu, brjóstmynd af Halldóri

Laxness og sýndu okkur skondnar setningar og grínmyndir á

kaffistofu starfsmanna. Eins og vera ber vegna mikils áhuga gesta

og góðrar gestrisni gestgjafa var dvalist heldur lengur en ætlað var,

en að loks hélt hver til síns heima glaður í bragði.

Fregnir 3-4/95    25