Alþýðublaðið - 09.11.1976, Blaðsíða 8

8 FRÉTTIR
Þriðjudagur 9. nóvember 1976 iIumÍía1"
Þriðiudaaur 9. nóvember 1976
FRÉTTIR 9
Heilbrigðiseftirlitið bannar sölu
á ákveðinni tegund
skordýraeiturs
Um nokkurt skeið hefur
verið á markaði hér á landi
skordýraeitur i sérstökum
umbúðum er ber vöruheitið
„Vapöna Casette”. Er hér
um að ræða hylki úr ljósu
plasti með f jórum strimlum
er hafa að geyma hið virka
efni. Vara þessi hefur verið
á boðstólum í mörgum
bensinafgreiðslustöðvum og
nokkrum verzlunum viðs-
vegar á landinu. Hylki þessi
hafa verið seld án samþykk-
is heilbrigðisyfirvalda.
Heilbrigðiseftirlit rikisins
hefur nú ákveðið að krefjast
innköllunar vöru þessarar
úr verzlunum. Þar eð efni
það sem um er að ræða gæti
verið hættulegt fólki, er öll-
um þeim er hafa slik hylki
undir höndum ráðlagt að
hætta þegar notkun þeirra
og fjarlægja úr hibýlum
sinum.
Kennarafundur í Digranesskóla:
RÍKISVALDIÐ HEFUR
SVIPT BARNAKENNARA
VEIGAMIKLUM MANN-
RETTINDUM
Kennarafundur i Digranesskóla i
Kópavogi 8. nóv. 1976, lýsir yfir þvi aö
lög landsins beri að virða svo lengi
sem þau brjóta ekki i bága við almenn
og viðurkennd mannréttindi i þjóð-
félaginu.
Hins vegar ályktar fundurinn að
rikisvaldiö hafi ýmist með valdboði
eða ósveigjanlegri afstöðu i kjara-
samningum svipt barnakennara á
grunnskólastigi svo veigamiklum
mannréttindum að ekki verði lengur
viö unað og verði stéttin að áskilja sér
allan rétt til að heimta þau mannrétt-
indi úr höndum skammsýnna yfir-
valda.
Fundurinn krefst þess að allir
kennarar á grunnskólastigi hafi ein og
sömu launakjör og sömu vinnuskyldu
og ennfremur að hið eldra
kennarapróf hafi sama vægi og prdf
frá Kennaraháskólanum.
Fundurinn viöurkennir ekki að til
séu neinar þær forsendur er réttlæti
það að barnakennarar á grunnskóla-
stigi eigi hvort tveggja I senn að búa
við lægri laun og mun meira vinnuálag
en kennarar í 7 til 9 bekk grunnskól-
ans.
Fundurinn leggur að siöustu áherzlu
á að hér er þó ekki einungis um kjara-
mál kennara að tefla heldur er hér á
ferðinni miklu stærra og alvarlegra
mál fyrirallt þjóðfélagið sem bezt sést
á þvi að allt að helmingur starfandi
kennara úti á landsbyggðinni skuli
vera réttindalaus og án allrar
kennaramenntunar með þeim af-
leiðingum að námsárangri barna fer
þar stöðugt hrakandi.
Að lokum skorar fundurinn á stjórn
S.t.B. að láta nú ekki lengur sitja við
oröinn hlut heldur hefja nú þegar virka
baráttu fyrir þessum mannréttinda-
málum barnakennara og grunnskóla-
æskunnar i landinu.
FJÖLGAR A ATVINNU-
LEYSISSKRA
Þann 31. október s.l. voru 304 á at-
vinnuleysisskrá um land allt, en at-
vinnuleysisdagar voru samtals 4.492 i
október. 1 kaupstöðum voru 192 á at-
vinnuleysisskrá i kauptúnum með 1000
ibúa voru þeir 4, en i öðrum kauptún-
um 108.
Atvinnuleysingjum hefur fjölgað
nokkuð siðan i lok september þá var
heildartalan 4.242. Mest hefur fjölgun-
in orðiö i liðnum önnur kauptún.
—ARH
G0NGIN I 0DDSSKARÐI
0PNUÐ NÆSTA HAUST?
Framkvæmdir við göngin í
Oddsskarði hafa gengið mjög
vel, að sögn Jóns Birgis Jóns-
sonar hjá Vegagerð ríkisins,
og er nú óðum að styttast í, að
hægt verði að opna þau fyrir
umferð.
í vor sem leið hófst jarð-
vinnsla við gangamunnann
Norðf jarðarmegin, en að
henni lokinni, var haf izt handa
við að steypa að opinu og er því
nú lokið. Hef ur nú verið gengið
frá munnunum báðum megin
að mestu leyti.
Næsta vor verður svo vænt-
anlega unnið að því, að steypa
styrkingar á nokkrum stöðum í
göngunum og eins verða settar
hurðir fyrir munnana beggja
megin, og er þeirra hlutverk
að halda hita í göngunum og
fyrirbyggja um leið hrun-
hættu. Auk þess verður komið
fyrir öryggisneti innan í göng-
unum í sama tilgangi.
,,Við vonumst til að næg
fjárveiting fáist fyrir næsta
sumar, svo að hægt verði að
Ijúka verkinu þá og opná göng-
in fyrir umferð næsta haust,
sagði Jón Birgir Jónsson. Við
erum bjartsýnir um, að af því
verði, þar sem allir hljóta að
vera á einu máli um gagnsemi
ganganna og þá samgöngubót,
sem verður með tilkomu
þeirra." — Jss
Hitaveitu
Suðurnesja
hieypt á
á
laugardag:
Gunnar Thoroddsen
opnar fyrir heita
vatnið til Grindavíkur
V ____________________
GRINDVÍKINGAR V0RU FYRSTIR
Á laugardaginn varð
margra ára draumur
Suðurnesjamanna loks
að veruleika. Hitaveitu
fyrir fyrri hluta Grinda-
vikurbæjar var hleypt á.
t»að var Gunnar
Thoroddsen orkumála-
ráðherra sem skrúfaði
frá hitaveitunni við mik-
inn fögnuð viðstadds
fjölmennis, sem keppti
við gufugný og hávaða i
fagnaðarlátum sínum.
1 hófi sem haldið var i félags-
heimilinu Festi i Grindavik eftir
opnunarathöfnina héldu þeir Ing-
ólfur Aðalsteinsson fram-
kvæmdastjóri Hitaveitu Suður-
nesja, Jóhann Einvarðsson
stjórnarformaður, Gunnar
Thoroddsen, Matthias Á.
Matthiesen fjármálaráðherra og
Eirikur Alexandersson bæjar-
stjóri Grindavikur ræður og lýstu
þessari langþráðu hitaveitu. Kom
fram i máli þeirra að sparnaður
vegna þessarar hitaveitu er
reiknaður um 1.660 milljónir
króna á timabilinu 1976-1981,' en
þá er áætlaö að framkvæmdum
verði að fuilu lokið. Auk þessa er
reiknað með sparnaði upp á einn
milljarð meö hitaveitusölu til
Keflavikurflugvallar.
Fyrst borað 1945
Fyrsta tilraun Grindvikinga til
að fá hitaveitu var gerö á árunum
1945—46, þegar borað var i til-
raunaskyni i hliöum Þorbjörns,
en sú borun bar ekki árangur.
Bæði var að staöurinn var ef til
vill ekki sá heppilegasti og i ann-
an stað urðu tækniörðugleikar til
þess að ekki var hægt að bora
nægilega djúpt.
Boranir á Svartsengi hafa hins
vegar gefið mjög góða raun og
taldi Jóhann Einvarðsson að hér
væri um orkuauöugasta svæði
landsins að ræöa. Fyrsta holan
var látin blása 19. desember 1973,
og lýsti Eirikur Alexandersson
þvi svo fyrir gestum á laugardag-
inn aö Hitaveita Suöurnesja hefði
hafizt á haröahlaupum úti i
hrauni þennan dag, og hefði
margur byrjaö ferð sina hægar.
Astæðan fyrir hlaupunum var sú,
að þessi fyrsta borhola tók að
ryðja úr sér möl og grjóti, en við
það brast hugrekki viöstaddra
stórmenna og þau hlupu sem fæt-
ur toguðu út i hraunið á flótta
undan uppspýtingi borholunnar.
Auk þess gjaldeyrissparnaðar
fyrir þjóðarbúið sem hitaveita
þessi leiðir af sér vegna minnk-
andi oliukaupa, kemur svo sú hliö
sem snýr beint að pyngju húseig-
enda. Að sögn Eriks Alexanders-
sonar verður verð á hitaveitunni
til húseigenda um 65% af verði
oliu. Þetta er nokkuö hátt hlutfall,
en reiknað er með að verðið fari
lækkandi eftir þvi sem timar liða
og hitaveitan kemst i fleiri hús.
Eignaraðild að Hitaveitu Suð-
urnesja eiga rikissjóður og
sveitarfelögin á Suðurnesjum
Rikissjóður á 40%, en 60% skipt-
ast á eftirfarandi hátt:
Keflavik 31,04%, Njarðvik
8,70%, Grindavik 8,11%, Miðnes-
hreppur 5,55%, Gerðahreppur
3,76% , Vatnsleysustrandarhrepp-
ur 2,13% og Hafnarhreppur
0,71%, en allt er óráðið um lagn-
ingu hitaveitunnar i siðasttalda
hreppinn. — hm.
Armenskir menningardagar á íslandi
A Kjarvalsstööum hefur verið
komið upp sýningu fimmtán flos-
mynda og annars vefnaðar eftir
armensk börn 13—14 ára. Vænt-
anleg er viðbót við þessa sýningu
eftir u.þ.b. viku, og verða þar
sýndir ýmiss konar listmunir
gamlir og nýir frá Armeniu.
Stefnt er að þvi að hafa kynn-
ingu sem þessa árlega og munu
löndin væntanlega verða tekin
fyrir eitt á ári.
Sýning á verkum
Undanfarna daga hefur
staöið yfir í Reykjavík og
Vestmannaeyjum kynning
á Armeníu. Af því tilefni
kom hingað til lands
þriggja manna sendinefnd
sovézkra mikilmenna# er
hafði hér viðdvöl í u.þ.b.
vikutíma.
Sendinefnd þessa skipa,
aðstoðarmenningarmálaráð-
herra Armeniu, Marat Harasjan,
Roman Karlovitsj Ovanesjan
skáld, stjórnarformaður i
armenska vináttufélaginu sem
beitir sér fyrir vináttu og menn-
ingartengslum við ibúa annarra
landa, og ritari og starfsmaður
félagsins Sovétrikin-lsland i
Moskvu, Valentin Aleksandor-
vitsj Gerasimof. Sendinefndin
kemur i boði MIR og kemur auk
hennar hópur 17 ferðamanna,
þ.á m. 8 listamenn sem haldið
hafa skemmtanir hér á landi
siðustu viku.
A fundi meö blaðamönnum i
gærdag, kom fram að armenska
sendinefndin hefur hitt forseta
Islands og menntamálaráðherra,
auk þess sem hún hefur heimsótt
Vestmannaeyjabyggð. Sagðist
Frá vinstri: Ovanesjan, skáld, Ivar H. Jónsson, stjórnarformaður MtR, Harasjan, aðstoðarmennta-
málaráðherra Armeniu, og Gerazinon, ritari félagsins Sovétrlkin-tsland.
Sýning á verkum armensku
barnanna verður opin út nóvem-
bermánuö i kaffistofu Kjarvals-
staða.
—AB
Eitt verkanna á sýningu á verk-
um armenskra barna, sem haidin
er á Kjarvalsstöðum.
armenskra barna
aðstoðarmenningarmálaráö-
herra Armeniu hafa mætt mikilli
vinsemd og hlýhug tslendinga.
— Viö vonum að þessir menn-
ingardagar skilji eftir sig góðar
minningar og þeir verði gagnlegir
þeim sem áhuga hafa á menn-
ingartengslum landanna, sagði
Harasjan aðstoðarráðherra.
Bjarki Elíasson, yfirlögregluþjónn:
Ekki allt of hressir yfir ástandinu
,,íslenzka lögreglan
hefur aldrei- þurft að
gripa til skotvopna i
viðureign við afbrota-
menn’1, sagði Bjarki
Eliasson, yfirlögreglu-
þjónn, i viðtali vð
Alþýðublaðið i gær.
Nú um helgina þurfti
lögreglan að hafa
hendur i hári tveggja
byssumanna, sem
brotizt höfðu inn i
verzlunina Sportval.
Þar stálu þeir byssum,
sem þeir siðan -otuðu
óspart á hlaupum sin-
um undan lögreglunni.
Höfum ekki enn beitt
skotvopnum gegn fólki
Bjarki Eliasson sagði, að i
viðskiptum lögreglunnar viö
vppnaða menn gilti fyrst og
fremst það sjónarmið að af-
vopna og það án þess aö beita
vopnum.
„Þaö sem við höfum af vopn-
um og tækjum erfyrstog fremst
hugsaö með það fyrir augum að
verjast. Þessi tæki eru fyrst og
fremst táragas, stálhjálmar,
skotvesti og skotskildir. En auk
Bjarki Elfasson, yfirlögreglu-
þjónn
þess hefur lögreglan i sinum
fórum haglabyssur, skamm-
byssur og riffla. Þessi siðast-
nefndu vopn hafa hingað til ekki
verið notuö gegn fólki, en ef þörf
krefur getur yfirlögregluþjónn
gefið fyrirskipun um aö þeim sé
beitt,” sagði Bjarki Eliasson.
I viðtalinu við yfirlögreglu-
þjón kom fram, aö i lögreglubil-
unum eru skotskildir. Táragas
og önnur vopn eða tæki eru ekki
i lögreglubilunum og sagðist
Bjarki ekki telja ástæðu til að
gera neina breytingu á þvi.
Þégar lögreglan væri kölluð
út á stað, þar sem vopnaður
maður væri fyrir, væri ávallt
byrjað á þvi að kanna ástandið
áður en táragas óg annar bún-
aður væri fluttur á staðinn.
Afbrotin hafa aukizt
Bjarki sagði að augljóst væri
aö afbrot hefðu aukizt hér á
landi á siðustu árum. Þó taldi
hann ekki að timabært væri að
gera neinar meiriháttar breyt-
ingar á starfsháttum lögregl-
unnar. Hann sagði að ýmislegt
hefði verið gert til að bæta að-
stööu lögreglumanna og auka
öryggi þeirra. Hitt hlytu menn
að gera sér ljóst að lögreglu-
starfið væri áhættustarf, það
færi ekki á milli mála.
Allmargir lögreglumenn hafa
hlotið varanleg meiðsl við störf
og tveir hafa tapað lifi. Bjarki
sagði að lögreglumenn hefðu
ákveðna áhættutryggingu og ef
þeir yrðu fyrir likamlegu tjóni
eöa hlytu örkuml þyrftu þeir að
fara i skaðabótamál við rikið á
sama hátt og aörir. Hinsvegar
stæði embætti lögreglustjóra á
bakvið þá þegar þannig stæði á.
Þa var Bjarki spurður um það
hvort lögreglubilarnir, sem þeir
hefðu væru viðunandi. Sagðist
hann telja að svo væri. Hins
vegar væri þvi ekki að leyna, að
þessir bilar entust mun skemur
en bilar við önnur störf og þyrfti
þvi örari endurnýjun. Hann
sagðist ekki telja, að ástæða
væri til að fá kraftmeiri bila
fyrir lögregluna, enda væri
mikil Iiættá sem þvi fylgdi, að
aka með mjög miklum hraöa
um ibúðahverfi til þess að hafa
hendur i hári afbrotamanna.
Sibrotamenn, aðalvið-
fangsefni lögreglunnar
Að lokum var Bjarki Eliasson
spurður að þvi, hvernig það
mætti vera, að lögreglan væri
sifellt að eltast viö sömu menn-
ina, sibrotamenn, sem teknir
hefðu verið hvað eftir annað og
væru umhverfi sinu hættulegir.
,,Nú skaltu tala við dóms-
málaráðherra. Þetta er mál,
sem við höfum ekkert með að
gera, þvi eins og þú veizt þá er
alger aðskilnaður á milli dóms-
valds og framkvæmdavaldsins.
Þar af leiðandi er það ekki i
okkar verkahring að ræða um
þessa hlið málsins,” sagði
Bjarki Eliasson, og bætti svo
við: ,,Að sjálfsögðu erum við
ekki alltof hressir yfir þessu
ástandi.” —BJ
Stærsti ullarvöru-
samningur
hefur verið
í siðustu viku voru undirritaðir
samningar milli iðnaðardeildar
Sambands islenzkra samvinnu-
félaga, rikisfyrirtækisins V/O
„Raznoexport” i Moskvu og sam-
vinnufyrirtækisins V/O „Sojus-
koopvneshtorg”. Hljóða samn-
ingarnir upp á sölu á islenzkum
ullarvörum á árinu 1977 að verð-
sem gerður
mæti um 840 milljónir króna, og
mun þetta stærsti ullarvöru-
samningur sem geröur hefur ver-
ið til þessa.
Þá voru lögð fram drög aö öðr-
um viðskiptasamningi, við
sovézka samvinnufyrirtækið um
sölu á ullarvörum og mokkakáp-
um. Hljóðar sá samningur upp á
380 milljónir þannig að samanlagt
eru samningarnir að verðmæti
1.220 millj. kr. GEK
Sókn mótmælir frum-
varpi um vinnulöggjöf
A fjölmennum fundi i Starfs-
stúlknafélaginu Sókn 3. nóv. s.l.
voru samþykkt mótmæli gegn
frumvarpi um stéttarfélög og
vinnudeilur, sem nú liggur fyrir
alþingi. Var skorað á rikisstjórn-
ina að draga það til baka og
semja nýtt frumvarp i samráði
viö verkalýðshreyfinguna. Þá var
mikið rætt um lág laun verkafólks
og samþykkt að skora á stjórn
félagsins að boða til almenns
fundar láglaunafólks og bjóða
Verkamannasambandinu og öör-
um láglaunafélögum þátttöku.
Ráðgert er að fundurinn verði i
Hreyfilshúsinu við Grensásveg,
sunnudaginn 14. þ.m. kl. 2 e.h. Þá
var rætt um könnun, sem nú fer
fram á vegum félagsins á lifi og
störfum Sóknarkvenna. Nám-
skeið fyrir Sóknarkonur eru nú
byrjuð og er áhugi félagskvenna
mikill. Þá kom fram mikill áhugi
á starfi Heilsuræktarinnar i
Glæsibæ og er i athugun aö
félagskonur komist i gigtarlækn-
ingar þar. Jafnréttisráð hefur nú
til meðferðar mál nokkurra
Sóknarkvenna sem vinna á
Kleppsspitala og Kópavogshæli
fyrir lægri launum en karlar viö
sambærileg störf.
DAGUR FRÍMERKISINS
I dag er Dagur frimerkisins hér
á landi. Hefur hann verið haldinn
siðan áriö 1960. Eins og alltaf
áður frá árinu 1961, hefur verið
gerður sérstimpill af þessu tilefni
af hálfu póst- og simamála-
stjórnarinnar. Geta menn fengið
sérstimpilinn notaðan á allar
póstsendingar sinar þennan dag.
Hafa stimplar þessir oft verið
mjög failegir.
Félag frimerkjasafnara i
Reykjavik hefur beitt sér fyrir
þessum degi og hverju sinni látiö
útbúa sérstök umslög til aö
minnast dagsins. Eins og áður
fást þau keypt i frimerkjaverzl-
unum borgarinnar.
Þá hafa nokkrir félagar i F.F.
sett margs konar frimerkjaefni i
sýningarramma, sem komið hef-
ur verið upp i ýmsum verzlunar-
gluggum við fjölfarnar götur og
eins i nokkrum pósthúsum
borgarinnar. A þann hátt geta
vegfarendur kynnt sér litillega
starfsemi frimerkjasafnara og
um leið, hvernig safna má
frimerkjum og búa um söfn
þeirra.
Að þessu sinni og i tilefni dagsins
hefur stjórn F.F. tekið upp þá
skemmtilegu nýbreytni að gefa
félagsmönnum sinum og öðrum
frimerkjasöfnurum kost á að
hittast i Gyllta salnum á Hótel
Borg i kvöld kl. 20.30 og rabba þar
saman um frimerki yfir kaffi-
bolla. Er það von stjórnarinnar,
aö félagsmenn kunni að meta
þessa nýbreytni og fjölmenni á
kaffikvöldið.
Fjallgöngumaðurinn
enn meðvitundarlaus
Alþýðublaðinu hefur
borizt fréttatilkynning
frá Landssambandi
Hjálparsveita skáta, þar
sem greint er frá að-
draganda slyssins við
Gigjökul i Þórsmörk.
24 skátar úr Reykjavík, Kópa-
vogi og Vestmannaeyjum voru á
æfingu á svokölluðum Gigjökli,
sem er skriðjökull fyrir ofan
jökullónið á leið til Þórsmerkur.
Fjórir Vestmannaeyinganna
voru komnir all ofarlega i
skriðjökulinn, sem er mjög
hættulegur og erfiður yfirferðar,
þegar tveimur skrikaði fótur og
runnu þeir þá allir á stað. Þar
sem slysið átti sér stað voru að-
stæður tiltölulega góðar og ekki
virtist sérlega mikil hætta á
ferðum. Félagarnir fjórir voru
eins og vera ber allir bundnir
saman i liflinu, og runnu þvi allir
saman með feykihraða niður af-
liðandi brekku og komu engum
vörnum við, þrátt fyrir góðan út-
búnað, mannbrodda og isaxir.
Skipti þaö engum togum, að þeir
féllu fram af sex til átta metra
háum isvegg.
Aðrir hjálparsveitarmenn sem
þarn’a voru nærri komu strax til
hjálpar og var hlúð að hinum
slösuðu þar til þyrla kom og flutti
þá undir læknishendur.
Vestmannaeyingar þeir sem
slösuðust eru með beztu og reynd
ustu fjallgöngumönnum landsins
og hafa þeir tekið þátt i mörgum
erfiðum hjálparsveitarleið-
öngrum svo sem klifið á Mont
Black, Matterhorn og Kili-
manjaró i Afríku. Þeir eru einnig
einu mennirnir sem klifið hafa
tindinn Þumal i Vatnajökli.
Búnaður mannanna var eins og
bezt var á kosið, og höfðu þeir
m.a. allir sérsmiðaða fjallgöngu-
öryggishjálma á höfði, sem taldir
eru hafa bjargað miklu.
Þrir hinna slösuðu voru lagðir
inn á sjúkrahús á laugardag, eins
og komið hefur fram i fréttum.
Tveir f engu að fara heim á sunnu-
dag, en siðdegis i gær var liðan
þess þriðja alveg óbreytt. Mun
hann ekki enn úr allri lifshættu og
liggur meðvitundarlaus á gjör-
gæzludeild Borgarspitalans. -AB