Lesbók Morgunblaðsins - 27.10.1940, Blaðsíða 1

Lesbók Morgunblaðsins - 27.10.1940, Blaðsíða 1
JMoí’awnblaSsáns 43. tölublaC. Sunnudaginn 27. október 1940. XV. árgangur. Prestaæfir Sighvats Borgfirðings mest lesna rit Landsbókasafnsins Eftir Finn Sigmundssson magister Prestaæfir Sighvats Gr. Borgfirðings í bókahillu í Landsbókasafninu. Nokkur undanfarin ár hefir enginn starfsdagur í Lands- bókasafninu liðið svo, að ekki væri beðið um Prestaæfir Sig- hvats Grímssonar Borgfirðings. Það mundi einhver hafa brosað hjerna á árunum, þegar Skúli Thoroddsen var að reyna að sargu út úr þinginu 200 króna styrk handa Sighvati gamla í Höfða, til þess að hann gæti veitt sjer þá ánægju að hverfa frá búhokri sínu nokkrar vikur til fræðiiðk- ana hjer í söfnunum, ef því hefði þá verið spáð, að Prestaæfir hans yrðu 30—40 árum síðar mest lesna rit Landsbókasafnsins. En þetta er nú samt komið á daginn, og mjer finst vel mega vekja á því athygli. ef vera kynni, að einhver góður Vestfirðingur eða annar kunnug- ur maður yrði þá fremur til þess að minnast í ræðu eða riti þessa einstaka eljumanns á 100 ára af- mæli hans, sem nú er á næstu grösum. — Eins og kunnugt er eignaðist Landsbókasafnið öll handrit Sighvats að honum látu- um og eru þau þögult vitni um geysilega elju og fræðiáhuga fá- tæks bóndamanns við óblíð æfi- kjör, og hefir Sighvatur, eins og raunar margir fleiri fræðimenn úr alþýðustjett, hlotið of litla viður- kenningu fyrir mikið starf og ó- drepandi þrautseigju við söfnun og uppskrift margs konar fróð- s Sighvatur Grímsson Borgfirðingur leiks, þó að ýmislegt fánýtt hafi flotið með eins og jafnan vill verða. En um Prestaæfir hans a. m. k. er það að segja, að þar er saman dreginn geysimikill per- sónusögulegur fróðleikur, sem handhægt er að hafa á einum stað og mörgum kemur að gagni, sem þess háttar grúski sinng. ★ Sighvatur Grímsson Borgfirð- ingur var fæddur í Nýjabæ á Skipaskaga í Borgarfjarðarsýslu 20. desember 1840. Voru foreldrar hans Grímur Einarsson og Guðrún Sighvatsdóttir, þurrabúðarhjón á Akranesi. Ólst Sighvatur upp við

x

Lesbók Morgunblaðsins

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Lesbók Morgunblaðsins
https://timarit.is/publication/288

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.