Alþýðublaðið - 27.09.1989, Blaðsíða 1
MPYÐBBUUD)
Miövikudagur 27. september 1989
Ríkisendurskoöun:
Yfirskoðunarmenn
gera athugasemd
vegna áfengiskaupa
STOFNAÐ
1919
144. tbl. 70. árg.
Ríkisendurskoðun barst í
gær bréf frá yfirskoðunar-
mönnum ríkisreiknings
1988 þar sem þess er farið
á leit við stofnunina að
hún kanni kaup fjármála-
ráðuneytisins á 106 áfeng-
isflöskum frá 6. maí 1988,
sem Jón Baldvin Hanni-
balsson, þáverandi fjár-
málaráðherra, er talinn
hafa staðið fyrir. Ástæða
erindisins er sú að yfir-
skoðunarmenn ríkis-
reiknings telja grun ieika
á að áfengið, sem keypt var
á kostnaðarverði, hafi ver-
ið notað til einkanota, þ.e.
veisluhalda í tilefni af fer-
tugsafmæli Ingóifs Mar-
geirssonar, ritsjóra Al-
þýðublaðsins. Samkvæmt
skilningi yfirskoðunar-
manna ríkisreiknings er
ráðuneytum óheimilt að
kaupa áfengi á kostnaðar-
verði, fyrir aðra aðila en
þá sem eru Stjórnarráði Is-
lands viðkomandi.
Um er að ræða 100 flöskur
af freyðivíni, tvær flöskur af
gini og tvær flöskur af wiskey
og var áfengið flutt að heimili
Ingólfs Margeirssonar. Yfir-
skoðunarmenn ríkisreikn-
inga fara þess á leit við Ríkis-
endurskoðun að séð verði til
þess að áfengi þetta verði
greitt á fullu útsöluverði og
jafnframt verði athugað
hvort um fleiri sambærileg
tilvik geti verið að ræða.
Jón Baldvin Hannibalsson,
utanríkisráðherra sendi í gær
ríkisendurskoðanda, Hall-
dóri V. Sigurðssyni bréf sem
dreift hefur verið til fjölmiðla.
Þar kemur fram að Jón Bald-
vin hafi þann 7. maí 1988
haldið „kokkteilboð" til heið-
urs Ingólfi Margeirssyni í fé-
lagsheimili Sjálfstæðisflokks-
ins á Seltjarnarnesi og sjálfur
verið veislustjóri. Astæður
þess að áfengið var flutt að
heimili Ingólfs, segir utanrík-
isráðherra hafa verið „prakt-
ískar", þ.e. að ÁTVR afgreiði
ekki pantanir yfir helgi og því
hafi áfengið verið flutt á
heimili ritsjórans og geymt
þar yfir nótt. Auk þess er bent
á að heiðursgesturinn hafi að
öðru leyti séð um undirbún-
ing boðsins og borið allan
kostnað af því, þ.e. leigu á sal,
veitingar og fleira. Þá segir í
bréfi Jóns Baldvins: „Spurn-
ingin um misnotkun hlýtur
að byggjast á mati á því, hvort
ráðherra hafi verið óheimilt
að halda umrædda veislu.
Svarið við þeirri spurningu
ræðst væntanlega af viður-
kenndum reglum og hefðum.
Þannig hafi t.d. ráðherrar
haldið samstarfsfólki sínu,
t.d. starfsfólki ráðuneyta og
samstarfsmönnum í þing-
flokkum, hóf af ýmsum tilefn-
um. Þannig er t.d. ástæða til
að spyrja, hvort ráðherrar
megi því aðeins halda sam-
starfsmönnum sínum boð, að
þeir starfi í ráðuneytum, séu
embættismenn en ekki t.d.
pólitískir samstarfsmenn." í
bréfinu kemur fram að rit-
stjóri Alþýðublaðsins er með-
limur þingflokks Alþýðu-
flokksins með fullum og
óskoruðum réttindum.
Yfirskoðunarmenn ríkis-
reiknings 1988 eru þeir Geir
H. Haarde, Lárus Finnboga-
son og Sveinn G. Hálfdánar-
Sjálfstœöisflokkurinn:
Djúpstæður ágrein-
ingur um stefnumótun
Sjálfstæðisflokkurinn er
klofinn í afstöðunni til
stjórnunar fiskveiða og þá
ekki síst til þess hvort
selja eigi veiðiheimildir
eða ekki. Formaður
flokksins er á móti slíkum
„auðlindaskatti** en vara-
formaðurinn meðmæltur.
Þetta kom berlega fram á
fundi sjávarútvegsnefndar
flokksins sl. laugardag sem
Morgunblaðið greinir ítar-
lega frá. Fundarmenn vildu
ýmist halda í kvótakerfið og
selja veiðiheimildir eða
leggja kerfið af og taka upp
skrapdagakerfið í staðinn.
Þorsteinn Pálsson formað-
ur flokksins sagði að auð-
lindaskattur, uppboð á veiði-
leyfum og skattur á aflaverð-
mæti væru hugmyndir sem
allar leiddu til aukinna ríkis-
afskipta, sem flokkurinn hlyti
að berjast gegn.
Friðrik Sophusson varafor-
maður flokksins, sem hingað
tii hefur verið talinn einhver
hatrammasti andstæðingur
„báknsins" er á öðru máli.
Hann efaðist á fundinum um
réttmæti þess að afhenda
þeim sem nú stunda fiskveið-
ar veiðiheimildirnar án þess
að þeir sem ættu aflann —
þjóðin — fengju greiðslu fyrir.
Ekki væri um auðlindaskatt
að ræða því þjóðin væri þar
með að selja einstaklingun-
um verðmæti.
Fjölmargar aðrar ræður
voru fluttar, þar sem skoðanir
voru mjög skiptar. Var sjávar-
útvegsnefnd flokksins falið
að samræma sjónarmið
þannig að stefna yrði fyrir
hendi fyrir landsfund í októb-
er.
Ovœnt heimsókn Frakklandsforseta til íslands:
Mitterand kemur 17da október
Tilgangur komunnar aö rœöa málefni EB og EFTA
Francois Mitterand for
seti Frakklands kemur
óvænta heimsókn til Is
lands þann 17. október nk
Steingrímur Hermanns
son tilkynnti þetta á blaða
mannafundi sem hann
efndi til síðdegis í gær.
Mitterand kemur hingað
til að ræða við íslenska
ráðamenn um málefni EB
og EFTA. Að sögn Stein-
gríms ber þessa heimsókn
brátt að og hún er ekki eig-
inieg opinber heimsókn
heldur fyrst og fremst
vinnufundur.
Ákvörðun um þennan fund
var tekin um síðustu helgi og
ljóst er að því er Steingrímur
Hermannsson greindi frá, að
Jón Baldvin Hannibalsson,
utanríkisráðherra, mun þurfa
að breyta áætlunum sínum til
að eiga kost á að ræða við
Frakklandsforseta og föru-
neyti hans. Þennan sama
dag, 17. október, á utanríkis-
ráðherra að vera í föruneyti
Vigdisar Finnbogadóttur í
opinberri heimsókn í Sviss
sem hefst þann dag.
Steingrímur Hermannsson
greindi frá því að slíkar
skyndiheimsóknir væru al-
gengar hjá Mitterand. Hann
mun aðeins dveljast á land-
inu hluta úr degi, kemur
hingað með einkaþotu að
morgni dags, ræðir við
þriggja manna nefnd ís-
lenskra stjórnvalda, þar á
meðal forsætisráðherra og
utanríkisráðherra, þiggur há-
degisverð og heldur af landi
brott síðar sama dag.
Viðfangsefni fundarins
verður sem fyrr segir málefni
EFTA og EB en eins og kunn-
ugt er þá veita íslendingar nú
forstöðu samninganefnd
EFTA. Að sögn Steingríms
Hermannssonar bar þessa
fundarboðun brátt að og
hann sagði ennfremur að
ekkert óvænt hefði komið
upp í viðræðunum milli EFTA
og EB sem gæfi sérstakt til-
efni til þessa fundar. Líklegt
er að utanríkisráðherra
Frakklands verði með Mitter-
and í för en um frekara föru-
neyti hans er ekki vitað nema
hvað það verður ekki marg-
mennt. Fundurinn verður að
öllum líkindum haldinn í Ráð-
herrabústaðnum við Tjarnar-
götu.
Aö ósk ritstjóra DV:
250.000 króna boð
á kostnað ríkisins
I svari Jóns Baldvins
Hannibalssonar utanríkisráð-
herra til Ríkisendurskoðunar
vegna áfengiskaupamálsins
sem greint er frá hér á síð-
unni kemur meðal annars
fram að ráðherra hafi að ósk
ritstjóra Dagblaðsins sam-
þykkt að halda í ágúst síðast-
liðnum boð fyrir erlenda rit-
stjóra og hafi boð þetta kost-
að ríkissjóð tæplega 250 þús-
und krónur.
Nánar tiltekið segir ráð-
herra að þann 29. ágúst sl.
hafi hann orðið „við beiðni
ritstjóra Dagblaðsins þess
efnis að halda boð fyrir u.þ.b.
40 erlenda ritstjóra og ávarpa
samkvæmið. Þegar sest var
að borðum reyndust ritstjór-
arnir vera 70 bg kostnaður
við boðið skv. reikningi kr.
249.063.00."
EFTA og EB dragi
úr ójafnvægi
I ræðu Jóns Baldvins
Hannibalssonar, utanríkis-
ráðherra og formanns EFTA-
ráðsins á fundi ráðgjafarþings
Evrópuráðsins í Strasbourg
sl. laugardag, kom m.a. fram
að eitt af markmiðum bæði
EFTA og EB hlyti að verða að
draga úr ójöfnuði milli þjóða.
Samfara þessu lýsti Jón yfir
ánægju með fyrstu EB-EFTA
ráðstefnuna sem haldin verð-
ur um félagsmál í Osló í byrj-
un nóvember á næsta ári, að
frumkvæði EFTA
Hið sunnlenska haust hefur rækilega minnt á sig að undanförnu, rigningin og rokið hafa lam-
ið og barið utan íbúa þessa svæðis og oft á tíðum hefur varla mátt á milli sjá hvort hefur bet-
ur, veðrið eða manneskjan. Þessar tvær hnátur létu þó veðurhaminn iitt á sig fá þegar Ijós-
myndari Alþýðublaðsins rakst á þær í gær. A-mynd/E.ÓI.