Tķmarit.is
Leita | Titlar | Greinar | Um vefinn | Algengar spurningar |
skrį inn | Íslenska | Føroyskt | Kalaallisut | Dansk | English |

Morgunblašiš

og  
S M Þ M F F L
. . . . . 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 . . . . . .
PDF  | JPG  | TXT  |
Skoša ķ nżjum glugga:
PDF  | JPG  | TXT  |



Ašlaga hęš


Vafrinn žinn styšur ekki PDF skjöl
Smelltu hér til aš skoša blašsķšuna sem JPG
Morgunblašiš

						LISTIR
32 FIMMTUDAGUR 14. MARS 2002 MORGUNBLAÐIÐ
HÓPUR tónlistarmanna og hug-
sjónafólks blæs til tónleika í Lang-
holtskirkju í kvöld til styrktar Götu-
smiðjunni, meðferðarheimilis fyrir
ungt fólk sem á við fíkniefnavanda að
stríða.
Tónleikarnir hefjast kl. 20 og
verður þar boðið upp á fjölbreyttan
tónlistarflutning kóra, einsöngvara
og kvartetta. Meðal þeirra sem fram
koma eru þeir Bergþór Pálsson og
Ólafur Kjartan Sigurðarson sem
flytja hina sívinsælu Glúntasöngva
við undirleik Jónasar Ingimundar-
sonar, Gospelsystur Reykjavíkur
sem munu flytja úrval gospelsöngva
og Karlakór Reykjavíkur syngur
valin lög. Þá koma fram Kammerkór
Hafnarfjarðar og Kammerkór Nýja
tónlistarskólans sem skipaðir eru
ungum og upprennandi einsöngvur-
um. Milli atriða munu fulltrúar Götu-
smiðjunnar kynna starfsemina með
stuttum erindum og lýkur tónleikun-
um á samsöngi kóranna fjögurra
undir stjórn Margrétar Pálmadóttur
og Sigurðar Bragasonar. Þá mun
Ólafur Ragnar Grímsson, forseti Ís-
lands, sækja tónleikana.
Á þriðja hundrað 
manns gefur vinnu sína
Marsibil Sæmundsdóttir og eigin-
maður hennar Mummi eru stofnend-
ur Götusmiðjunnar, meðferðarheim-
ilis fyrir unglinga í fíkniefnavanda.
Heimilið rekur starfsemi sína að Ár-
völlum á Kjalarnesi og býður upp á
sérhæfða meðferð fyrir unglinga á
aldrinum 15 til 20 ára. Þar er lögð
áhersla á að einstaklingurinn beri
ábyrgð á sjálfum sér og er meðferðin
m.a. byggð upp af meðferðarfund-
um, einstaklingsviðtölum, fyrirlestr-
um, verkefnavinnu, 12 spora fund-
um, tómstundum og útivist. Að
starfseminni koma sálfræðingar,
ráðgjafar og annað starfsfólk sem
leggur lóð á vogarskálar starfsem-
innar, sem fallið hefur í góðan jarð-
veg hjá unglingunum sjálfum. 
Marsibil segir styrktartónleikana
hafa orðið að veruleika vegna óeig-
ingjarns starfs Péturs Guðmunds-
sonar, Þorsteins Þorsteinssonar og
fleiri góðra manna, sem boðið hafi
fram krafta sína við skipulagningu
tónlistarveislunnar til styrktar Götu-
smiðjunni. Sjálfir hafa þeir reynslu
af kórastarfi og skipulagningu tón-
leika af þessu tagi og vildu með þeim
hætti leggja starfseminni lið. ?Þeir
hafa skipulagt mjög líflega og
skemmtilega tónleikadagskrá, þar
sem flutt verður allt frá hefðbund-
inni karlakórtónlist til gospelsöngva.
Aðalhugmyndin er sú að fólk geti
komið og átt skemmtilegt kvöld,
jafnframt því sem Götusmiðjan nýt-
ur góðs af,? segir Marsibil. 
Allur ágóði af tónleikunum mun
renna óskiptur til Götusmiðjunnar
en allir sem fram koma gefa vinnu
sína, alls á þriðja hundrað manns.
Þegar Marsibil er spurð um þýðingu
söfnunarfjár fyrir starfsemi Götu-
smiðjunnar, segir hún framlög og
stuðning velviljaðs fólks í raun ráða
úrslitum þegar kemur að því að láta
enda ná saman í rekstrinum. ?Götu-
smiðjan er með þjónustusamning við
Barnaverndarstofu um 12 rými, sem
brúar um 70% af rekstrarkostnaði
heimilisins. Við rekum árlega á
bilinu 4 til 6 rúm til viðbótar fyrir
ungt fólk á aldrinum 18 til 20 ára og
er oftast langur biðlisti eftir þeim
plássum. Það er því ákveðið bil sem
við þurfum að brúa árlega, og hefur
það oftast gengið á einn eða annan
hátt með hjálp góðhjartaðs fólks.
Allur stuðningur kemur því í góðar
þarfir,? segir Marsibil að lokum. 
Tónleikarnir í Langholtskirkju
hefjast sem fyrr segir í kvöld kl. 20
og er aðgangseyrir 1.500 krónur. Í
tengslum við tónleikana hefur verið
opnaður reikningur í Íslandsbanka,
þar sem hægt er að leggja inn fram-
lög til starfsemi Götusmiðjunnar.
Reikningsnúmerið er 0515-14-
606868 í aðalbanka Íslandsbanka. 
Lóð á vogar-
skálarnar
Morgunblaðið/Sverrir
Á þriðja hundrað manns mun gefa vinnu sína á tónleikum til styrktar
Götusmiðjunni í Langholtskirkju í kvöld. Hér er verið að æfa samsöng
sem fluttur verður í lok dagskrárinnar. Tónleikarnir hefjast kl. 20.
Meðferðarheimilið Götusmiðjan að Árvöll-
um á Kjalarnesi hefur unnið ötult starf 
við að aðstoða unglinga í fíkniefnavanda
með starfsemi sinni undanfarin fjögur ár. 
Í kvöld verða haldnir fjölbreyttir tónleikar
til styrktar starfseminni. 
Aftur í form, 10 vikna endurhæfing
fyrir nýbakaðar mæður, er eftir Sally
Lewis í þýðingu Maríu Hrannar Gunn-
arsdóttur.
Bókin er ætluð
konum sem vilja
komast í gott
form eftir með-
göngu og fæð-
ingu. Í bókinni er
að finna fjölmörg
ráð er lúta að
þessu ásamt
skipulagðri 10
vikna endurhæfingaráætlun sem sett
er saman af sérfræðingi og miðast
við að konan nái sínum fyrri andlega
og líkamlega styrk sem allra fyrst. Í
bókinni eru leiðbeiningar um mat-
aræði, með helstu áherslu á næring-
arþörf nýbakaðra mæðra, fjallað er
um slökunartækni, heimadekur og
grasalækningar og farið yfir helstu
vandamál sem upp geta komið við
þessar aðstæður.
Útgefandi er Salka. Bókin er 127
bls, prentuð í Kína. Verð: 3.280 kr.
Lífsstíll
UNDARLEGIR atburðir fara að
gerast hjá millistéttarfjölskyldu í
París, á 9. afmælisdegi einkasonarins
Camille (Nils Hugon). Stráksi fer að
halda því fram að mamma hans (Isa-
belle Huppert), sé ekki hans raun-
verulega móðir og fer að kalla hana
skírnarnafni sínu, Ariane. Camille
segir að hans rétta móðir búi í öðrum
borgarhluta, þangað vilji hann fara,
þar sé hans pláss í veröldinni. Mæðg-
inin hafa fljótlega uppá hinni ?móð-
urinni?, Isabellu (Jeanne Balibar),
sem lætur einsog hún eigi Camille og
fær sömu viðbrögð hjá drengnum.
Isabella missti son sinn af slysförum
fyrir nokkuru og segir Ariane að Ca-
mille sé sonur sinn endurfæddur.
Leikstjórinn og handritshöfundur-
inn, Raoul Ruiz, meðhöndlar þetta fá-
ránlega efni á viðeigandi hátt; svo
virðist sem mannskapurinn upp til
hópa sé meira eða minna kexruglað-
ur. Ekki aðeins ?mæðurnar? tvær,
heldur og ekki síður sálfræðingurinn
(Charles Berling), bróðir Ariane. Að
ekki sé minnst á drengstaulann Cam-
ille. Myndin fær að lokum e.k. botn í
söguna, sem má sætta sig við. Í hon-
um felast þó ekki þeir litlu töfrar sem
gera Dulið sakleysi áhorfanlega,
heldur á óvenjulega, hálfgeðveikis-
legi óraunveruleikablær sem umlyk-
ur myndina. Ekki síður í þokkafull-
um leik hinnar mögnuðu Huppert og
Balibar er einnig athyglisverð leik-
kona.
Leikstjóri Raoul Ruiz. Aðalleikendur: Isa-
belle Huppert, Jeanne Balibar, Charles
Berling, Nils Hugon. Sýningartími 100
mín. Frakkland 2001.
COMÉDIE DE L?INNOCENCE (DULIÐ SAK-
LEYSI) L50130L50130
1
?2
Sæbjörn Valdimarsson
ÞRÍR eiginmenn vinkvenna (þeir
virðast þekkjast takmarkað), koma
að tómum kofunum er þeir sameinast
í húsi sem þeir hafa tekið á leigu í
Bretaníu ásamt konum sínum í sum-
arfríinu. Þær hafa dvalist þar ásamt
börnunum undanfarnar vikur en er
karlarnir mæta eru konurnar horfn-
ar á braut. Aðeins barnahópurinn eft-
ir og hundtík þeirra barnlausu. Eig-
inmennirnir, Max (Berry), Vincent
(Berling) og Raoul (Darroussin)),
verða að vonum æfir yfir þessari
óforskömmuðu framkomu, enda
kemur í ljós að allir eru þeir vanhæfir
til að taka að sér óvænt móðurhlut-
verkið. Hvernig á að kaupa í matinn,
svæfa börnin, setja í þvottavélina...? 
Það er aðeins brot af þeim hvers-
dagslegu vandamálum sem þeir opna
augu sín fyrir og gera sér jafnframt
grein fyrir ýmsum öðrum annmörk-
um sínum sem húsbændur og heim-
ilisfeður. Max hefur verið veikur á
svellinu; Raoul bráður og vill ekkert
með börn hafa og Vincent ósköp lítill
bógur, gjörsamlega háður konu sinni.
Þrír gjörólíkir einstaklingar sem til
þessa hafa talið sig lifa í fullkomnu
hjónabandi þar sem ekkert vantar
upp á fullkomnunina. Í raun er svo
allt í steik þegar hin raunverulegu
höfuð fjölskyldnanna taka sig saman,
hverfa á braut, langleið á sjálfum-
gleði manna sinna. Vandamál þess-
ara sjálfbirgingslegu karla eru al-
þjóðleg, a.m.k. hjá þeirra kynslóð.
Vonandi standa börnin okkar sig bet-
ur.
Aðferðafræðin er þó ekki til eft-
irbreytni og það kemur berlega í ljós
að fyrr en varir hafa þeir allir ánægju
af sínum nýju hlutverkum. Opnast
heimur nýrra gleðigjafa sem er nán-
ari umgengni við börnin og hvern
annan. Kynslóð eiginmannanna
þriggja er vafalaust gjörspillt af of-
dekri mæðra sinna og sannast hér hið
forkveðna: Það er erfitt að kenna
gömlum hundi að sitja.
Helgarfrí er vel leikin og að mörgu
leyti umhugsunarverð mynd. Hún
opnar svo sem ekki augu karla fyrir
neinum nýjum staðreyndum, heldur
minnir menn á skyldur sínar og al-
mennan trassaskap. Sem gaman-
mynd er hún þynnri í roðinu.
Og blind-
ir fá sýn... 
KVIKMYNDIR 
Regnboginn: Frönsk kvikmynda-
vika
Leikstjóri Patrick Allessandrin. Handrits-
höfundur: Lisa Allessandrin. Kvikmynda-
tökustjóri: Damien Morisot. Aðalleik-
endur: Richard Berry, Charles Berling,
Jean-Pierre Darroussin, Mélanie Thierry,
Selma El Moussi, Manin Gourin. Sýning-
artími 92 mín. Frakkland. Europa Dist.
2001.
15 AOUT (HELGARFRÍ) L50130L50130
1
?2
Sæbjörn Valdimarsson
ÉG verð að segja að það var með
mikilli tilhlökkun sem ég fór á kvik-
myndina Le Placard eða Skápinn.
Frakkar geta nefnilega gert helv...
skemmtilegar grínmyndir, og höf-
undur þessarar Francis Veber, á
nokkrar þeirra bestu undanfarinna
ára. Ekki nóg með það heldur hefur
hann fengið með sér rjómann af
franska karlkyns leikaraliðinu, og þá
stóra dramakónga einsog Daniel Au-
teuil og Gérard Depardieu, og svo
sjálfan Jean Rochefort og grínarann
góða Thierry Lhermitte.
Og sagan er ekki svo vitlaus. Bók-
haldara nokkrum hefur verið sagt
upp eftir 20 ára vel unnin störf hjá
sama fyrirtækinu. Nýi nágranninn
hans er hins vegar með lausn á mál-
inu. Bókhaldinn þykist vera hommi,
og þá þora þeir ekki að reka hann án
þess að fá á sig neikvæðan stimpil.
Það er óhætt að segja að líf bókhald-
arans breytist á svipstundu.
Líkt og í mynd Vebers Le Dîner
des Cons sem sýnd hefur verið hér á
landi, auk þess sem leikritið var sýnt
í Borgarleikhúsinu, liggur á bakvið
grínið ádeila á fólk sem virkilega
heldur að það sé betra en aðrir. Yf-
irleitt eru líka þeir sem mest láta fyr-
ir sér fara, mestu smásálirnar og
þeir huglausustu þegar á reynir. Það
er gott og vel. 
Hins vegar er þessi mynd ekki al-
veg að virka. Hún er bara ekki sér-
lega fyndin... eiginlega ekkert fynd-
in, og auk þess standa þessir annars
frábæru leikarar sig ekki mjög vel.
Þótt að bókhaldarinn eigi að vera
mjög leiðinlegur, þá verður hann að
ná samúð okkar með sínum vinalega
þurrleika, en það tekst Auteuil ekki
að ná fram. Og Depardieu og Lher-
mitte sem hafa hreinlega brillerað í
myndum eftir Veber, eru bara ekki
sannfærandi í sínum hlutverkum. Þá
veit ég ekki hvað er mikið eftir. Það
er einsog þessu rjómaliði hafi alltaf
tekist það vel upp að það hafi bara
kastað til höndunum við þessa mynd.
Það er synd, því ég hlakkaði svo mik-
ið til.
Leikstjórn og handrit: Francis Veber.
Kvikmyndataka: Luciano Tovoli. Aðal-
hlutverk: Daniel Auteuil, Gérard Dep-
ardieu, Thierry Lhermitte, Jean Roche-
fort, Michel Aumont og Michèle Laroque.
84 mín. Frakkland. 2001. 
LE PLACARD/SKÁPURINN L50130L50130
Hildur Loftsdóttir
LEIKFÉLAG Hornafjarðar hélt
upp á 40 ára afmæli sitt sl. þriðju-
dagskvöld með því að frumsýna í
Mánagarði leikritið Gísl eftir
Brendan Behan í þýðingu Jónasar
Árnasonar.
Leikstjóri er Þröstur Guðbjarts-
son, tónlistarstjóri Jóhann Morávek
og ljósahönnuður Þorsteinn Sig-
urbergsson. Leikritið gerist á
vændishúsi á Norður-Írlandi og
segir frá því þegar breskum her-
manni er haldið þar í gíslingu. Íbú-
ar hússins eru æði skrautlegir og
sýningin fjörug og fyndin á köflum
en undirtónninn í verkinu er graf-
alvarlegur. Fjölmargir söngvar eru
í sýningunni og leikur þriggja
manna hljómsveit undir. 
Tuttugu leikarar taka þátt í sýn-
ingunni. Í lok sýningarinnar færði
Albert Eymundsson bæjarstjóri
Hornafjarðar Leikfélaginu eina
milljón króna í afmælisgjöf. 
Leikfélag Hornafjarðar var
stofnað 12. mars 1962. 
Næstu sýningar eru í kvöld og
sunnudagskvöld, 21., 22. og 24.
mars og hefjast allar kl. 20.30.
Morgunblaðið/Ljósey
Sigurður Kr. Sigurðarson í hlutverki mönsjörs og Þrúðmar Kári Ragn-
arsson sem leikur breska hermanninn Leslie Williams.
Gísl á afmæl-
issýningu
Hornafirði. Morgunblaðið.
Söngurinn er eftir
Guillevic í þýðingu
Þórs Stefánssonar.
Bókin heitir á frum-
málinu Le Chant,
poéme. Hún er gefin
út með styrk frá Þýð-
ingarsjóði. Árið
1997 kom út ljóða-
bók Guillevic Skáld-
skaparmál.
Útgefandi er Valdimar Tómasson.
Ljóð
Voyages and Exploration in the
North Atlantic from the Middle Ages
to the XVIIth Century hefur að geyma
greinasafn eftir sagnfræðinga frá
þeim löndum sem liggja að Norður-
Atlantshafi. Ritgerðirnar fjalla um
landaleit á Norður-Atlantshafi, leið-
angra Hollendinga í Norður-Íshafi og
Norðmanna á Svalbarða auk breskra
leiðangra í leit að norð-vesturleiðinni
á 16. öld.
Helgi Þorláksson skrifar um frum-
herja í siglingum á Norður-Atlantshafi
og telur að þeir hafi jafnan verið líkrar
manngerðar, sem hann lýsir, og að af-
rek þeirra hafi verið komin undir per-
sónulegu frumkvæði fremur en af-
skiptum yfirvalda; kanadíski
fræðimaðurinn Peter Pope leiður get-
um að því að sú siglingaleið sem Cab-
ot-feðgarnir völdu til að sigla til Ný-
fundnalands 1497 tengist ekki ferð
Kólumbusar, en hafi átt rætur að
rekja til hugsanlegrar þekkingar
þeirra á Vínlandssögnum og
tengslum við kaupmenn í Bristol sem
ráku verslun við Íslendinga. Loks má
nefna að norsk-ameríska fræðikonan
Kirsten Seaver kemur með nýja til-
gátu um örlög norrænu nýlendunnar á
Grænlandi á 15. öld.
Útgefandi er Sagnfræðistofnun í
samvinnu við Háskólaútgáfuna. Rit-
stjóri Anna Agnarsdóttir. Bókin er 148
bls., prentuð í Odda. Mynd á kápu er
eftir Kristin Gunnarsson. Verð: 2.490
kr.
Sagnfræði 

					
Fela smįmyndir
Blašsķša 1
Blašsķša 1
Blašsķša 2
Blašsķša 2
Blašsķša 3
Blašsķša 3
Blašsķša 4
Blašsķša 4
Blašsķša 5
Blašsķša 5
Blašsķša 6
Blašsķša 6
Blašsķša 7
Blašsķša 7
Blašsķša 8
Blašsķša 8
Blašsķša 9
Blašsķša 9
Blašsķša 10
Blašsķša 10
Blašsķša 11
Blašsķša 11
Blašsķša 12
Blašsķša 12
Blašsķša 13
Blašsķša 13
Blašsķša 14
Blašsķša 14
Blašsķša 15
Blašsķša 15
Blašsķša 16
Blašsķša 16
Blašsķša 17
Blašsķša 17
Blašsķša 18
Blašsķša 18
Blašsķša 19
Blašsķša 19
Blašsķša 20
Blašsķša 20
Blašsķša 21
Blašsķša 21
Blašsķša 22
Blašsķša 22
Blašsķša 23
Blašsķša 23
Blašsķša 24
Blašsķša 24
Blašsķša 25
Blašsķša 25
Blašsķša 26
Blašsķša 26
Blašsķša 27
Blašsķša 27
Blašsķša 28
Blašsķša 28
Blašsķša 29
Blašsķša 29
Blašsķša 30
Blašsķša 30
Blašsķša 31
Blašsķša 31
Blašsķša 32
Blašsķša 32
Blašsķša 33
Blašsķša 33
Blašsķša 34
Blašsķša 34
Blašsķša 35
Blašsķša 35
Blašsķša 36
Blašsķša 36
Blašsķša 37
Blašsķša 37
Blašsķša 38
Blašsķša 38
Blašsķša 39
Blašsķša 39
Blašsķša 40
Blašsķša 40
Blašsķša 41
Blašsķša 41
Blašsķša 42
Blašsķša 42
Blašsķša 43
Blašsķša 43
Blašsķša 44
Blašsķša 44
Blašsķša 45
Blašsķša 45
Blašsķša 46
Blašsķša 46
Blašsķša 47
Blašsķša 47
Blašsķša 48
Blašsķša 48
Blašsķša 49
Blašsķša 49
Blašsķša 50
Blašsķša 50
Blašsķša 51
Blašsķša 51
Blašsķša 52
Blašsķša 52
Blašsķša 53
Blašsķša 53
Blašsķša 54
Blašsķša 54
Blašsķša 55
Blašsķša 55
Blašsķša 56
Blašsķša 56
Blašsķša 57
Blašsķša 57
Blašsķša 58
Blašsķša 58
Blašsķša 59
Blašsķša 59
Blašsķša 60
Blašsķša 60
Blašsķša 61
Blašsķša 61
Blašsķša 62
Blašsķša 62
Blašsķša 63
Blašsķša 63
Blašsķša 64
Blašsķša 64
Blašsķša 65
Blašsķša 65
Blašsķša 66
Blašsķša 66
Blašsķša 67
Blašsķša 67
Blašsķša 68
Blašsķša 68