Morgunblaðið - 28.03.2002, Blaðsíða 29

LISTIR
MORGUNBLAÐIÐ FIMMTUDAGUR 28. MARS 2002 29
Heimsferðir kynna nú glæsilega ferð til
þessarar heillandi borgar við Dóná. Hér
getur þú kynnst stórkostlegum menningarverðmætum, rölt um
kastalahverfið í Buda, eða heimsótt spennandi veitingastaði, verslanir
eða spa í Pest, og kynnst töfrum borgarinnar með fararstjórum
Heimsferða. Beint flug þann 5. maí.
Kynntu þér einnig úrval sérferða Heimsferða fyrir árið 2002, þar sem
þú getur valið um spennandi nýjar ferðir með reyndum fararstjórum
Heimsferða. Þeir kynna þér nýja sýn á land og þjóð og tækifæri til að
upplifa menningu og fegurð heillandi áfangastaða með nýjum hætti á
nýju ári. Hvort sem þú vilt stutta helgarferð til að njóta
náttúrufegurðar Gardavatns, sitja á útitónleikum í Arenunni í Verona,
fara í menningarreisu um hjarta Evrópu eða ganga um Austurrísku
alpana, þá bjóðum við hér spennandi valkosti á nýju ári.
Skógarhlíð 18, sími 595 1000. www.heimsferdir.is
Budapest 1. maí og 5. maí
Miðevrópuævintýri 12. maí
Verona 30. maí - 13. júní - 12. sept.
Lago di Garda 23. maí - 6. júní - 19. sept.
Prag 3. júní - 30. júlí - 20. ágúst
Parma 1. ágúst
Sumar í Týról 20. júní
Gönguferð í ít. Ölpunum 11. júlí
Róm - Sardinía 22. ágúst
Fáðu bæklinginn
sendan
Aðeins 29 sæti laus
* Verð m.v. 2 í herbergi, Tulip Hotel, með sköttum.
Beint flug til
Budapest
Vikuferð til
Budapest
5. maí
frá kr. 58.150*
Vilt þú kafa dýpra í eðli þitt
sem leikari og styrkja
tæknikunnáttuna?
Telur þú að list leikarans sé hjarta
leikhússins og gefi því líf?
Þorir þú að taka áskoruninni um
krefjandi eins árs nám í Finnlandi
ásamt öðrum nemendum frá
Norðurlöndunum, haust 2002
og vor 2003 - undir handleiðslu
framúrskarandi kennara og
leikstjóra?
Ef þú ert með BA-próf úr
leiklistarskóla eða sambærilegt,
þá getur þú sótt um Norræna
meistaragráðuárið (Nordiska
magisteråret) við sænskudeild
Leiklistarháskólans í Helsinki.
Umsóknarfrestur er til
3. apríl 2002.
Inntökupróf í Stokkhólmi
26.-27. maí og í Ósló 28. maí.
Nánari upplýsingar:
www.teak.fi/norma eða
í síma +358 9 4313 6272.
Framsækið og krefjandi
leiklistarnám í Helsinki
HINIR árlegu páskatónleikar Mús-
ík í Mývatnssveit verða nú haldnir í
fimmta sinn í Reykjahlíðarkirkju
föstudaginn langa kl. 21. Að þessu
sinni koma fram fiðluleikararnir
Laufey Sigurðardóttir og Sig-
urlaug Eðvaldsdóttir, Þórunn Ósk
Marinósdóttir, víóla, Örnólfur
Kristjánsson, selló, Páll Eyjólfsson,
gítar, Daníel Þorsteinsson píanó,
orgel og Ólafur Kjartan Sigurð-
arson söngur.
Flutt verða m.a. verk eftir Viv-
aldi, Bach og Händel. Á laugardeg-
inum fyrir páska verða kammer-
tónleikar í Skjólbrekku kl. 14. Þar
verða flutt verk eftir Dvorak og
Boccherini ásamt þekktum söng-
lögum og aríum.
Aðgöngumiðasala er við inn-
ganginn.
Morgunblaðið/Kristinn
Örnólfur Kristjánsson, Sigurlaug Eðvaldsdóttir, Laufey Sigurðardóttir, Þórunn Ósk Marinósdóttir, Páll Eyj-
ólfsson og Ólafur Kjartan Sigurðarson. Auk þeirra leikur Daníel Þorsteinsson á tónleikunum.
Músík í Mývatnssveit í fimmta sinn
FORSAGA sýningar Stúdentaleik-
hússins að þessu sinni er harla óvenju-
leg. Haldin var leikritasamkeppni, en
að lokum tókst dómnefnd ekki að kom-
ast að niðurstöðu um einn sigurveg-
ara, heldur stóðu tvö handrit eftir.
Höfundar þeirra voru fengnir til að
vinna með leikhópnum og útkoman er
Upprisa holdsins, sýning byggð á
tveimur handritum sem gefa af sér
hið þriðja.
Eins og nærri má geta er Upprisan
æði brotakennd sýning. Rauði þráð-
urinn, eina sýnilega fléttan, er þjóð-
sagnakennd saga af tveimur prests-
dætrum og tilraunum annarrar
þeirra til að fleka vinnumanninn, en
forverar hans hafa farist á voveifleg-
an hátt hver af öðrum. Innanum og
saman við getur síðan að líta revíu-
kennd atriði úr stjórnmála- og hug-
myndasögu Vesturlanda á síðustu
öld. Þar ægir öllu saman; Þórbergur
Þórðarson fer á fjörurnar við Guð,
Fidel Castro verður forseti Íslands að
undirlagi Sjálfstæðisflokksins, helför
gyðinga verður að grótesku gríni.
Þriðji vinkillinn er síðan sögumaður
eða kannski öllu heldur málpípa sem
heldur þrumandi ræður um ástand
heimsins, stríð gegn hryðjuverkum,
alþjóðavæðingu, spillingu og annað
böl sem er ofarlega í huga margra nú
um stundir.
Það er vandasamt að setja saman
sýningu af þessu tagi. Hægt er að fara
þá leið að láta atriðin kallast á, láta
eitt atriði leiða af öðru, tengjast eða
mynda andstæður og spennu. Einnig
má ganga alla leið í hina áttina og
gera hvert atriði að örverki með upp-
hafi, miðju og endi, merkingarbærum
bút í sjálfum sér. Að vissu leyti fellur
Upprisa holdsins milli þessara
tveggja stóla. Engan greinanlegan
þráð er að finna ef undan er skilin
þjóðsagan, sem er snertipunktalaus
við önnur atriði, og fæst atriðin ná að
verða sterk í sjálfum sér.
Það er síðan aðdáunarvert hvað
hópurinn skilar þessu brotakennda
verki af miklum sannfæringarkrafti.
Sýningin nær að vera fáguð og gróf í
senn og engir dauðir punktar í leik-
rænni útfærslu efnisins. Sigurður Ey-
berg skilar því ágætu verki, þótt hann
hefði reyndar að ósekju mátt hnippa í
nokkra þá óskýrmæltustu. Leiklega
er hún sterk, eins og við var að búast
og nokkur atriði verða eftirminnileg:
samskipti tannlæknis og Goth-stelpu,
valdarán Che Guevara í glugganum
og eftirmálar þess, hin vergjarna
Bergþóra á höttunum eftir sauða-
manninum dularfulla.
Yfirgengilega ósmekklegt nasis-
tagrínið þótti undirrituðum dálítið
sniðugt, en gat einhvern veginn ekki
alveg bægt burtu hugsuninni: „má
þetta?“ Predikun málpípunnar var
síðan pirrandi, eins og predikun í leik-
húsi alltaf er, ekki síst þegar vel er
messað og skörulega eins og hér er
raunin.
Stúdentaleikhúsið er öflugt leikhús
þessi misserin og hefur á að skipa
hæfileikaríkri áhöfn sem tekur starf-
semina bersýnilega alvarlega. Með
Upprisu holdsins gera þau djarfa til-
raun sem, eins og títt er með tilraunir,
heppnast ekki fullkomlega. Sú
reynsla fer í sarpinn hjá Stúdenta-
leikhúsinu og það er hreint engin
tímasóun að mæta í Stúdentakjallar-
ann og deila henni með þeim.
Tveggja penna tal
LEIKLIST
Stúdentaleikhúsið
Höfundar: Aðalsteinn Smárason og Hild-
ur Þórðardóttir. Leikstjóri Sigurður Ey-
berg Jóhannesson. Stúdentakjallaranum
23. mars. 2002.
UPPRISA HOLDSINS
Þorgeir Tryggvason
KAMMERKÓRINN Vox gaudiae
heldur tónleika í Hjallakirkju í
Kópavogi á morgun kl. 17 og eru
þetta aðrir tónleikar kórsins, en
hann var stofnaður haustið 2001.
Tónleikarnir bera yfirskriftina Sjö
orð Krists á krossinum og eru helg-
aðir hugleiðingunni um pínu og
dauða Jesú Krists. Kórinn flytur
mótettuna Ave verum corpus eftir
enska endurreisnartónskáldið Will-
iam Byrd og Ad Dominum cum trib-
ularer eða Davíðssálm 120 eftir
sænska organistann og tónskáldið
Otto Olsson sem uppi var á 20. öld.
Tvö stærri verk eru einnig á dag-
skránni. Það fyrra er Miserere mei
Deus eftir ítalska endurreisnartón-
skáldið Gregorie Allegri. Textinn er
sóttur í 51. Davíðssálm. Verkið er
samið fyrir níu radda kór án undir-
leiks. Kórnum er skipt í tvo kóra sem
syngjast á en á milli versanna er allt-
af eitt vers sem sungið er á hefð-
bundinn gregorískan hátt, í lokin
syngja báðir kórarnir saman.
Síðasta verkið á efnisskránni er
einskonar lítil oratoría eftir þýska
barokktónskáldið Heinrich Shütz,
Sjö orð Krists á
krossinum, og
sem fjallar um
síðustu stundir í
lífi Jesú Krists,
þ.e. frá því að
hann er negldur á
krossinn og þar
til hann deyr.
Verkið er þannig
byggt upp að
fyrst er fimm-
radda kórkafli sem byggður er á
upphafi sálms sem eignaður er Jo-
hannesi Böschenstain.
Flytjendur auk Vox gaudiae eru
einsöngvararnir Hrafnhildur
Björnsdóttir, sópran, Stefanie Otto,
alt, Guðlaugur Viktorsson, tenór, og
Gunnar Jónsson, bassi, sem syngja
hlutverk guðspjallamannsins og
ræningjanna og Benedikt Ingólfs-
son, bassi, sem syngur hlutverk Jesú
Krists. Orgelleikari er Sigrún M.
Þórsteinsdóttir organisti í Breið-
holtskirkju og söngstjóri er Jón
Ólafur Sigurðsson, organisti Hjalla-
kirkju.
Aðgöngumiðar við innganginn.
Pína Krists í tónum
Benedikt
Ingólfsson
HLJÓMSVEIT og Stúlknakór Tón-
listarskóla Ísafjarðar halda tónleika
í Ísafjarðarkirkju á föstudaginn
langa kl. 18. Yfirskrift tónleikanna er
Kyrrðarhljómur og eru þeir helgaðir
trúarlegum verkum. M.a. verða
fluttir þættir úr Stabat mater eftir
Pergolesi, Adagio eftir Albinoni og
Adagio fyrir strengi Samuel Barber,
Aría á G-streng eftir Bach og þáttur
úr Matteusarpassíu Bachs. Stjórn-
andi hljómsveitarinnar er Janusz
Frach en Mariola Kowalczyk stjórn-
ar Stúlknakórnum.
Kyrrðar-
hljómur í Ísa-
fjarðarkirkju
Í GALLERI Tablå í Bergen stendur
nú yfir sýning á verkum sex félaga
úr Meistara Jakob galleríi. Á sýning-
unni eru verk eftir Elísabetu Har-
aldsdóttur, Guðnýju Hafsteinsdótt-
ur, Kristínu Sigfríði Garðarsdóttur,
Sigríði Ágústsdóttur Auði Vésteins-
dóttur og Þorbjörgu Þórðardóttur.
Sýningin stendur fram yfir páska.
Sýna í Noregi
♦ ♦ ♦